387
yenidən canlanan o yorğun, bezgin amma nikbin ümidlər. San-
ki heç puç olmamış kimiydilər. Heç vaxt məyus olmamış, heç
pərt olmamışdılar. Özlərini heç vaxt pərt olmamış kimi apa-
rırdılar. “Hər şey yaxşı olacaq” deyə qışqırırdılar. “Gələcək!
Və hər günün gətirdiyi yeniliklər! Qarşına çıxacaq şanslar!
Hər gün belə olmayacaq. Bir gün hər şey düzələcək. Bir gün
təkrar o isti okean sularında üzüb sümüklərini qızdıracaqsan.
Bir gün sən də bizim kimi heç məyusluq yaşamamışcasına
diri hiss edəcəksən özünü. Birgün həsrətində olduğun hər şeyə
qovuşacaqsan. Sadəcə bizə vaxt ver” deyə qışqırırdılar. “Bir
gün çox xoşbəxt olacaqsan. Sinən cırılırmışcasına xoşbəxt hiss
edəcəyin o günü yaşamaq üçün indi tək edəbiləcəyin şey çıxıb
çölə o günü gözləməyindir. Onu axtarma. Vaxtı gələndə o səni
tapacaq. Qodot gələcək. Sənin yox sandığın Qodot gələcək!
Çölə çıx və günəşin istiliyini dərində hiss et. Bugün hava ayrı
bir gözəldir.”
Bütün gücüylə çəkir qılıncını qanlı ordu və Orcus yıxılır.
Səslər yüksəlir, Ölümsüz Orcus yıxılır! Ölümsüz Orcus yıxı-
lır! Ölüm tanrısı, yıxılır!
Orcusu yıxıb saniyənin onda biri qədər əvvəl başladılmış
evtanaziya aparatının nazik şlanqından damara doğru sürətlə
axan zəhər çayını dayandırmaq üçün şığıyır bütün ordu. Bütün
baxışları bir nöqtəyə zillənmiş Mavinin sağ əli havaya qalxır
sürətli bir sinir zərbəsinin ardından. Sol qoluna sancılmış iy-
nəyə bağlı olan şlanqı tutub sürətlə çıxarır qolundan zəhər çayı
damarına girməyə macal tapmamış.
Sürətlə ayağa tullanır Mavi və qapıya atır bütün bədənini.
Açıb qapının ağzında bir anlıq dayanıb dərin nəfəs alır. Qorxu
dolu gözlərlə geriyə yanlardan sıxılaraq daralmaqda olan ota-
ğa baxır və özünü bir an əvvəl ordan çölə tullamaq istəyir.
Mavi pələng yaşlı bir kişiyə çevrilir və yox olurdu.
Divarlar içə doğru sıxılırdı. Gözəl üzlü qızın səsi quyunun
dibindən gəlircəsinə uzaqlaşırdı. Çöldəki küləyin uğultusu onu
çağırırdı. Həyat onu çağırırdı. Bayquşlar belə getmişdi. Yerini
qaranquşlar almışdı. Onu çağırırdılar.
388
Mavi yavaş, bərk və qərarsız addımlarla ikinci koridorun
sonundakı qırmızı hərfli “Çıxış” yazısına doğru addımlayır.
Sanki həyat onu arxadan qovaraq çölə çıxarır. Ayaqlarını geri
atmaq istəsə də getmir və sadəcə irəli, çıxış qapısına gedirdi
bədəni. Kabus kimi. Bir an əvvəl qapını açıp günəşi və istili-
yini üzündə hiss etmək istəyir. Yaşadığını hiss etmək istəyir.
Qorxaq kral! Qorxaq kral!
Arasıkəsilməz məğlubiyyətlərinə birini daha əlavə edirdi
kral, ölümə qovuşmadan.
Yaşama sevinci bir daha qalib gəlirdi bütün vaxtı keçmiş
intihar cəhdlərindəki kimi.
İçində bir dilemma,
Bir savaş var.
Ölməyi istəyən sənsən,
Yaşamağı istəyən genlərin.
Silah gücünə yaşayırsan sanki, ya da gen gücünə.
Qapını açıb çölə çıxdı. Heç sönməyəcəkmiş kimi parlayan
günəşin nikbinliyini üzündə hiss etdi. Gözləri qamaşdı və ruhu
pərvazlandı. Ciyərləri açılıb bu xoşbəxtliyi qeyd etmək üçün
daha çox oksigen şərabına ehtiyac olduğunu qışqırdılar və də-
rin bir xoşbəxtlik nəfəsi alındı.
Təhlükə, geridə qalmışdı.
Endorfin müjdəçisi adrenalinlər sardı bütün bədəni və rəqs
etdi vücudundakı hər bir hüceyrə.
Yorğun və itkin olaraq cəhənnəmin çıxış qapısında daya-
nırdı. Bitkin gözlərlə çölə baxırdı. Həyata bir daha uduzurdu
içində inanılmaz bir yaşama istəyi ilə. Hara gedib nədən baş-
layacağını bilmirdi. Ancaq sanki 40 illik yuxudan oyanmış və
bütün fani dadlar üçün darıxmışdı. Bu dəqiqə ən çox istədiyi
şey bir içki idi. Düşünməmək, əylənmək və sanki yenidən do-
ğuluşunu qeyd etmək istəyirdi.
Bütün varlığıyla yaşamaq istəyirdi indi. Bədənindəki hər
hüceyrə sanki yenidən başlamaq üçün can atırdılar. Gözü par-
layırdı. Günəşli bir Kolorado sabahı. Yaşamaq üçün çox gözəl
bir gün idi.
389
Laranı xatırladı. Bütün bu sevincinə baxmayaraq ürəyinin
bir kamerası onun üçün yas tutmuşdu. Xatırladıqca ulğumun-
da bir düyüm nəfəsini boğurdu.
Pilləkənlərdən səndələyərək aşağı enib daşdan hörülmüş kə-
narlığa söykəndi. İçindəki sevinc qışqırıqları qulağını batırırdı.
Bir səs eşidirmiş kimi oldu və içindəki səs küydən qulağını
ayırıb başını qaldırdı. Dünən gecə gördükləri həmin kor qoca-
nı gördü. Orda durub ona baxır və rişxəndlə gülürdü. Bədənini
dəhşətli bir qorxu bürüdü və birdən hansısa hiss ona dedi ki bu
kişi qocalıqdakı Mavinin özüdür. Kişi ona yazıq-yazıq baxır
və anlaşılmaz dildə bir şeylər mızıldanırdı. Nə dediyini anla-
maq üçün daha diqqətli dinləməyə çalışdı:
“ti.. ti mus.. timid-us.. timidus. Qorxaq beyin! Qorxaq be-
yin!” – və indi yadına düşürdü, gecə yuxuda yazarının otağın-
da gördüyü söz bu idi, timidus.
Mızıldanmağa davam edirdi kişi:
“Həyat ən zülmət qaranlıqda belə şirindir”
“Hər dəfə təkrar cəhd edəcək və müvəffəqiyyətsiz olacaq-
san”
“Qorxaq. Timid us.”
Ondan bir qədər aralıdakı kor kişiyə yaxınlaşıb kim oldu-
ğunu soruşmaq istəyirdi. Alacağı cavab onu qorxuda bilərdi.
Buna hazır deyildi ancaq hazır kimi davranırdı. Əlində aldığı
siqaret paketi yerə düşdü, əyilib götürdükdən sonra kişi yox
olmuşdu. Biraz irəli gedib binanın ətrafını saran ağacların
içinə baxdı. Heç kimi görmədi.
Laranın səsini eşidirmiş kimi olub arxasına döndü. Heçkəs
yox idi.
Bir siqaret yandırıb qıcıqlanmış əsəbləri sakitləştirdi. Cəh-
hənnəmin ya da bəlkə də cənnətin qapısından geri dönmüşdü.
Yaşamaq üçün səbirsizlənirdi. Eyni girdabın içinə girib, eyni
iztirabları təkrar və təkrar çəkmək üçün səbirsizlənirdi. Günəş
üçün səbirsizlənirdi. Özünü dünyaya meydan oxumağa hazır
hiss edirdi. İçində pərvazlanan bişeylər var idi. Dünyaya mey-
dan oxumağa hazır hiss edirdi özünü.
390
Dibi görmüşdü.
Dibə vurmuşdu.
Həyat sanki başdan bəri kimin qalib gələcəyini bilirmiş ki-
miydi və indi ikrah hissiylə ona gülürdü. Hara gedib nədən
başlayacağını bilmirdi. Ancaq sevincliydi. Qorxmuşdu. Təh-
lükə qət edilmişdi və bədəni onu mükafatlandırırdı. Hər hü-
ceyrəsində bayram var idi. İçində olduğu vəziyyəti rasional
olaraq dərk edə bilmirdi şübhəsiz. Dərk etsə tərəddüdsüz ge-
riyə, o otağa qayıdardı ancaq ordaca durur, ağacları və bulud-
ları izləyir, bioloji xoşbəxtliyinin dadını çıxarırdı. Neçə dəfə
belə olmuşdu və neçə dəfə belə olacaqdı?
Lara haqlıydı. Əgər ölməyə cəsarətin çatmırsa ən azından
yaşamağa cəhd etməliydin. Yoxsa iki cənnət arasında bir yer-
lərdə sürünəcəkdin. Bu qədər sadəmiydi yaşamağın formula-
sı? Deyildi. Həyatdakı əsl boşluq əslində ölümün sahib olduğu
o yoxluq ya heçlik deyildi. Əsl boşluq varlıq və yoxluq arasın-
dakı o boşluq idi. Hansı ki orda nə yaşaya nə ölə bilirsən. O
boşluq ki sağa ya sola, ölümə ya yaşama addım atacaq taqətin
yoxdur.
“İnsan ölümü lap axıra kimi ləngitmək, uzaqlaşdırmaq
istəyir. O həmişə həyata can atacaq və iki yol ayrıcında - fə-
lakətlə mövcudsuzluq arasında qaldıqda həmişə fəlakəti seçə-
cək” sözlərini xatırladı Faulknerin. O da həmin o öz fəlakətlə
mövcudsuzluğunun arasındakı uçurumunda dayanmışdı indi.
Fəlakəti seçir və o fəlakətin içində özünə mərhəmət axtarırdı.
Öz acgöz xoşbəxtlik axtarışının qurbanı olurdu yenidən. Bir
sonrakı intihar girişiminə qədər yaşama haqqı qazanmışdı. O
vaxta qədərsə indi tək etmək istədiyi şey yaşamaq və bütün o
fani dadları yenidən dadmaq idi. İndi başa düşürdü ki o intiharı
yox, ölümü sevir. Xəbərsiz gələcək ölümün mübtəlası idi, öz
əlləriylə özünü öldürməyin yox.
Özündən üzr istədi. Özünə yaşatmış olduğu bütün bu zil-
lətlər üçün üzr istədi. Biz deyə düşündü, insanlar, özümüzdən
başqa hamıdan üzr istəmək barədə düşünməyə həmişə kifayət
qədər vaxt sərf edirik. Ancaq heç vaxt papağımızı qabağımıza
391
qoyub özümüz barədə, özümüzdən üzr istəmək barədə lazı-
mi qədər düşünmürük. Sanki onsuz da lazım deyilmiş kimi,
sanki “onsuz da özümüzünküdür inciməz” deyirik. Ən çox in-
ciyənsə məhz elə odur – özümüz. İncinməsindən ən çox zərər
çəkdiyimiz insan da odur – özümüz. İçimizdəki şəxslərə sanki
yoxmuşlar kimi davranmağı seçirik. Onlara heç vaxt şans ver-
mirik. İçimizdə əsas bir “mən” var, içimizdəki izdihamın için-
dən seçdiyimiz ən ağır basan mənimiz. Onu seçdikdən sonra
içimizdə sayı hər keçən gün artan o kimsələr ki var, optimisti,
pessimisti, nihilisti, qəddarı ya nəzakətlisi, sağlamlıq tərəfdarı,
yaşama tərəfdarı, xoşbəxtlik tərəfdarı kimi onlarca ya yüzlər-
cə kiçik mənlərimizin dediklərinin hamısını qulaq ardı edirik.
Onlara heç vaxt əsas “mən” olma şansı vermirik. Onlar sanki
içimizə girmiş evsiz insanlar kimidir. Küçədə gördüyümüz bir
evsizə acıyırıq, ancaq içimizdə sözünü heç eşitmədiyimiz o ev-
sizlərə ya bədənsizlərə heç vaxt acımırıq. O mən ki gəlib sənin
bədənində gizlənib, demək ki aranızda ortaq olan birşyelər var
və demək ki onun qayğısına qalmalısan. Bəlkə də əsl ya da ən
yaxşı mənimiz onların arasında gizlənib. Onlara növbəylə mən
olma şansı verməli və bir müddətlik bədənin və beynin idarə-
sini onların iqtidarına buraxmalıyıq. Əks halda, yerinə yetiril-
məyən diləkləri onları bədbəxt edir və içimizdə olduqları üçün
onların neqativ enerjisi bizi vuraraq bizi də bədbəxt edir. Bü-
tün hamısından üzr istədi. Və səsi ən yüksəkdən eşidilən – isti
günəş şüaları altında okean sularına qərq olmaq istəyən - bir
qrupa onları ən qısa müddətdə isti okeana apararaq diləklərinə
çatdıracağına dair söz verdi.
Özünü daha güclü hiss edirdi. İndiyə qədər özünü ölüm
düşüncəsinin pafosunda boğmuşdu. İndiysə istədiyi tək şey,
həyatın pafosuna tutulmaq idi. Sanki ani epifaniyayla aydın-
lanmışdı. İndiyə qədər təsadüflərin onu tapmamasını bəhanə
edərək özünə bəraət qazandırmışdı. Əgər xoşbəxtlik təsadüflə-
rin kəsişmə nöqtəsidirsə və təsadüflər onu tapmırdısa, getməli
və o təsadüfləri bir-bir, bezmədən, yenidən yaratmalıydı. Sanki
ölüm qorxusu deyilən şey yox olmuşdu canından və istənilən
392
riski almağa hazır idi yaşamaq üçün. Bir dəniz sahilinə gedib
günəşin qızdırdığı isti qumların üstündə ayaqyalın ağrı hiss et-
məyəcəyi ana qədər qaçmaq istəyirdi. Okeanın o biri tayına
sahillə qaçaraq getməyə hazır idi sanki.
Sonra təkrar okeanın o biri tayını xatırladı. Bu lənət ölkə-
dən çıxacağı təqdirdə geri dönə bilməyəcəyini xatırladı. Təkrar
kefi pozuldu. Eyni problemlər heç tərpənmədən öz yerlərini
qoruyurdular. Bir həll yolu tapmalıydı. Ya getməli ya qalmalı.
Ya keçmişinin onu şirin xatirələrlə narahat etməsinə əngəl ol-
maq üçün keçmişinə qayıtmalı, ya da buranı tərk edərək özünə
təkrar başqa bir keçmiş yaratmamaq üçün əvvəlki keçmişini
unudacaq dərəcədə xoşbəxt olmalıydı bu torpaqlarda. Ya da
ağrıya alışmalı və onu aşmalıydı.
Həzz ardınca qaçdığı müddətcə heç vaxt məmnun olmaya-
caq və daha artığını istəyəcəkdi. Həyat narkotik kimidir və hər
xoşbəxtlik özündən sonra daha artıq dozada xoşbəxtlik istəyir
yoxsa məmnun olmur fərd. Məmnun olmurdu çünki Nietzsc-
he haqlıydı. Kierkegaard haqlıydı, Budda haqlıydı, Watts haq-
lıydı. Çünki Amerikan distopiyasının, dünyanı ovucuna almış
distopiyanın, Huxleyin əvvəldən gördüyü o distopiyanın altın-
da əzilir və hər keçən gün onun bir parçasına çevrilirdi. Həzzin
aludəçisi və məmnuniyyətsizliyin qorxağı olmuşdu.
Nietzscheni və yuxusunu xatırladı. Hər şeyə inad yaşama
sözü verdi özünə. Ağrılara tab gətirməyi öyrənəcək və bunu
çox sadə yolla edəcəkdi: hər gün yaşayaraq. Zira yaşadığı və
ölmədiyi hər gün onu daha da güclü edəcəkdi.
Məsələn indi başa düşürdü yaşlıların xatirələrə və ağrıla-
ra necə dözdüyünü ya həyatın ağırlığını necə qaldırdıqlarını.
Çünki heç kim birdən birə qoca olmur. Hamı yavaş-yavaş,
dəqiqələrlə, saatlarla, aylar və illərlə yaşlanırdı. İnsan, həyatda
olduğu hər dəqiqə ağrılarla baş etməyi öyrənir və yaşlandıqca
güclənirdi.
Ən güclü fəlsəfə o idi ki, insanı aldatmadan həyatda sax-
lamağı bacarırdı. Beyni transformasiya edə bilir və dəyişə
bilirdi. Beyini passiv nihilizimdən aktiv nihilizmə keçirə bi-
393
lirdi. Həyatın bütün mənasızlığını başa düşən beyini həyatda
salxaya bilirdi. Ən güclü fəlsəfə bu idi. Bu bəlkə Nietzschenin
fəlsəfəsiydi bəlkə Petersonun ya bir başqasının. Yaşayacaq və
o fəlsəfəni kəşf edəcəkdi. Ya da öz fəlsəfəsini yaradacaqdı və
gücləndirəcəkdi.
Qalacaq və Qodot’u gözləyəcəkdi. Bəlkə də məsələ xoş-
bəxtliyin gəlib çıxması deyil onu gözləmək idi? Bəlkə də insa-
na güc verən yaşam arzusu ümidlərinin nə vaxtsa real olacağını
gözləməsidir? Ümidləri öldürməkmi yaxşıdır yoxsa ümidlərlə
yaşamaqmı? Təcrübəsizliyi, püxtələşməmiş və yetişməmiş
beyni doğru suallara səhv cavablar verirdi. Doğru cavablarını
yaradacaqdı.
Ya da Qodotu gözləməyəcəkdi. Heç kimi gözləməyəcəkdi.
Həyatının taleyi sənin əlindədir. Heç kimin vecinə deyil sənin
taleyin. Nə dövlətin nə başqalarının. Öz taleyini öz əlinə alıb
düzəltməyə çalışmalısan. Oturub qız kimi ağlamaq lazım de-
yil. Yaşamaq istəyirsənsə, özünü ələ almalısan.
Madam ki həyatı bu qədər sevirdisə, ölməyəcəkdi. Qala-
caq və savaşacaqdı. Həyatının mənası, varlığın bu qədər ağır-
lığına baxmayaraq həyatda qalmağı bacara bilmək olacaqdı.
Pozitiv psixologiyasını inkişaf etdirməliydi. Xoşbəxliyi axtar-
mamalıydı çünki xoşbəxtlik keçici bir illuziyaydı. Qalıcı olan
tragediyaydı və iztirablara qarşı immunitet yaradaraq onlara
dözməyi bacarmalıydı, əgər yaşamaq istəyirdisə. Özünə “axı
niyə?” sualını verməyəcəkdi bir daha. Bu pafosun içində boğ-
mayacaqdı özünü. Niyə qalıb mübarizə aparmalıyam? Çünki
ölməyə cəsarətin çatmır, çünki həyatı çox sevirsən və madam
ki elədir, Laranın dediyi kimi, “əgər ölməyə cəsarətin çatmırsa
onda yaşamağı bacarmalısan”.
Kamyu’ya duyduğu o xoşagəlməz hissi başa düşdürdü
indi. Çünki eyni təbiətli idilər, o da onun qədər riyakar və xud-
bin idi. Yoxluğun necə tək və müqəddəs əbədi nemət olduğunu
dərk etməyinə baxmayaraq həyatı seçirdi, çünki onu sevirdi
və belə deyirdi Kamyu: “Ölüm qarşısında dəhşətimin kökün-
də həyata qısqanc sevgim durur. Mən yoxluğumdan sonra ya-
394
şayanları və onların həyatında mövcud olan gülləri, qadınları
qısqanıram. Mən paxılam çünki həyatı çox sevirəm. Cəhən-
nəm olsun əbədiyyət!”
O uzaq diyarlardakı ən dərin və xoş hisslərin yaşandığı
mistik adadan gələn bir qaranquş onun qulağına bir şeylər pı-
çıldayıb geri uçdu. Hansı rəng olduğuna qərar verə bilmədiyi
bilinməz bir kölgə ona yaxınlaşdı və itirməməsi gərəkdiyini
bərk-bərk tapşıraraq ona görünməz bir açar verdi. Buludlar ona
bir daha ağlamamaq sözü verdilər və gülərüz günəş onu sa-
lamladı. Uzaqlardan eşidilən qəmli bir musiqi onun melanxo-
liyasına müşaiyət etdi. Yaşıl cəngəlliyin içindən Poseidondan
məktub gətirmirmiş kimi davranan və uzun yoldan gəldiyi
məlum olan at belində bir cəngavər ona yaxınlaşıb bir mək-
tub verdi və Mavi məktubu oxuyub dəhşətə qapıldı. Bir anlıq
var olduğundan əmin ola bilmədi və özünü yalandan varmış
kimi aparmağa çalışdısa da müvəffəqiyyətsiz oldu. Arxasından
indiyə qədər heç vaxt dəniz görməmiş olmasından gileylənən
bir göyərçinin səsi duyuldu və geri dönüb ona təskinlik ver-
mək istəyərkən Mavi kampın yoxa çıxıb yerinə sadəcə hündür
ağaclar və alçaq otların olduğu bir dəlixana həyəti görürmüş
kimi oldu. Bir anlıq özünü sadəcə Fredin yazdığı romanın bir
qəhrəmanı kimi sandısa da, Fred onu bunun doğru olmadığı-
na inandırdı. Dağın ətəyindəki gölün dalğası kədərləndi və bir
leysan başladı Mavinin sinəsində heç vaxt bitməyəcəkmişcə-
sinə.
Yaşamaq, hələ ki əziyyətinə dəyirdi, deyə düşündü və bir
sonrakı uğursuz intihar təşəbbüsünə qədər özünə yaşama sözü
verib bədənini ən yaxındakı isti okean sularına qərq edərək
azadlığı iliklərində hiss etməyə yollandı.
Səssizliyin Gurultusu / 7
Evtanaziya Kampları / 17
Lara / 30
Saudade / 40
Evsiz və İşsiz / 57
Riçard / 75
Yorğun Ümidlər / 99
Gerçəyin Hallüsinasiyaları / 129
Müqəddəs Günah / 156
Ağrılar və Həzzlər / 175
Fred / 212
Buludların Üstündə / 248
Dialektik Monoloq / 285
Ölüm / 332
Dostları ilə paylaş: |