22
İmanları üçün müsbət şəhadət alanlar
“İman ümid edilənlərə etibar etmək, görünməyən şeylərə əmin
olmaqdır. Əcdadlarımız imanları üçün müsbət şəhadət aldılar.
İman vasitəsilə dərk edirik ki, kainat Allahın kəlamı ilə yarandı,
beləcə də görünən şeylər görünməyənlərdən törəndi.” (İbranilərə
Məktub 11:1–3)
Gəlin indi Habil, Xanok, Nuh, İbrahim, Sara, Yusif, Musa və
Raxav kimi Allahın iman qəhrəmanlarından iman yolunda yaşamağı
öyrənək. Onlar müsbət şəhadət aldılar. Allah onları müsbət
qiymətləndirdi. Onlar Allaha etibar etdilər, hələ görmədikləri şeylərə
əmin oldular. Misal üçün, “Yusif də ölərkən İsrail övladlarının
Misirdən çıxacaqları haqqında iman vasitəsilə söz söyləyərək öz
sümükləri barəsində əmr verdi”
[61]
. Bu əhvalatdan bir az ətraflı
bəhs edək.
Tövratda yazılıb ki, Rəbb İbrahimə görünüb bu sözləri dedi:
“Yəqin bil ki, nəslin yad ölkədə qərib olacaq, orada olan millətə
qulluq edəcək və dörd yüz il zülm ediləcək. Ancaq onların qulluq
edəcəkləri xalqı cəzalandıracağam. Bundan sonra onlar böyük
əmlakla oradan çıxacaqlar... Sənin dördüncü nəslin buraya
qayıdacaq...”
[62]
İbrahimin nəticəsi Yusif yad ölkədə qərib olub bu
sözlərin doğruluğunu gördü. O Allahın dediyi kimi edəcəyinə əmin
idi və ona görə “qardaşlarına dedi: “Mən ölürəm, amma Allah
mütləq sizə nəzər salacaq. O sizi bu ölkədən İbrahimə, İshaqa
və Yaquba and içdiyi torpağa aparacaq.” Sonra Yusif İsrailin
övladlarını and içdirib dedi: “Allah mütləq sizə nəzər salacaq.
Gedən zaman mənim sümüklərimi də buradan çıxarın.””
[63]
Yusif ümid edilən gələcəyə etibar etdi,
görünməyən şeylərə əmin
oldu. O öləndən sonra əsrlər keçmişdi və bir gün Yusifin iman etdiyi
[61]
İbranilərə 11:22
[62]
Yaradılış 15:13–16
[63]
Yaradılış 50:24–25
23
görünməyən şey gerçəkləşdi — İsrail övladları Misir torpağından
çıxdılar! “Musa Yusifin sümüklərini özü ilə apardı, çünki Yusif
İsrail övladlarına “Allah mütləq sizə nəzər salacaq. Gedən
zaman özünüzlə sümüklərimi də buradan çıxarın” deyərək and
içdirmişdi”
[64]
.
“İman vasitəsilə Habil Allaha Qabildən daha yaxşı bir qurban
təqdim etdi. Bunun vasitəsilə saleh olduğu təsdiq olundu,
çünki Allah onun təqdimləri barədə şəhadət etdi. Habil ölmüş
olduğu halda iman vasitəsilə hələ də danışır”
[65]
. Biz ancaq iman
vasitəsilə Allahı razı salan qurbanı verə bilərik. Allah hələ qədim
zamanlarda yaşayan ilk insanlara açmışdı ki, Onun istədiyi qurban
quzudur. Qabil Allahın istəyinə əhəmiyyət vermədi və “torpağın
bəhrəsindən Rəbb Allaha təqdim gətirdi”
[66]
. Allaha belə qurban
lazım deyildir. Habil isə “sürüsündə ilk doğulan heyvanlardan bir
neçəsini və onların piyini təqdim etdi”
[67]
. Heç təəccüblü deyildir
ki, “Rəbb Habili və onun təqdimini qəbul etdi, ancaq Qabili və
onun təqdimini qəbul etmədi”. Qabil qəzəbləndi və qardaşı Habili
öldürdü. Lakin Habil ölmüş olmasına baxmayaraq “iman vasitəsilə
hələ də”
[68]
danışırdı.
Rəbb Qabilə dedi ki, “
Qardaşının qanının səsi
torpaqdan Mənə fəryad edir”
[69]
. İnanılmaz! Şəhid edilmiş iman
adamlarının səsi torpaqdan Allaha fəryad edir! Dünyasını dəyişmiş
imanlılar iman vasitəsilə hələ də danışırlar!
Özünüzü yoxlayın: siz Allaha necə qurbanlar verirsiniz? Rəbb
sizin qurbanlarınız barədə müsbət şəhadət verirmi? Siz öləndən
sonra səsinizin eşidilməsini istəyirsinizmi? 2007-ci ildə Türkiyənin
Malatya şəhərində üç imanlı qardaş Məsihə iman etdiyinə görə şəhid
edildi. Onların qanı Türkiyə torpağından Allaha fəryad edir! Onlar
hələ də danışırlar və onların səsi eşidilir. Mən görmədiyim şeylərə
əmin olaraq, Rəbbin bu üç qardaşın dualarını eşitdiyini söyləyirəm.
[64]
Çıxış 13:19
[65]
İbranilərə 11:4
[66]
Yaradılış 4:3
[67]
Yaradılış 4:4
[68]
İbranilərə 11:4
[69]
Yaradılış 4:10
24
Ümid edilənə etibar edərək bəyan edirəm ki, onların qanının səsi
Türkiyədə bir çoxlarını günah qəbrindən dirildəcək və Məsihin izzətli
Padşahlığına gətirəcək. Bir türk imanlı qardaş “Türkiyədə bir milyon
adamın xilas olması üçün canımı qurban verməyə hazıram” dedi.
İman bu deməkdir. Ancaq ümid etmək deyil, Allahın istədiyi hər
şeyi qurban verməyə hazır olmaq deməkdir. Və biz görmədiyimiz
şeylərə əminik. Şəhid olmuş o üç adamın cənnətdə olduğuna əminik.
Özümüz də iman yolu ilə getdiyimiz təqdirdə bir gün onları Allahın
Padşahlığında görəcəyimizə əminik. Beləcə biz iman qəhrəmanları
ilə bir cərgədə oluruq! Rəbbə şükürlər olsun!
“Xanok ölümü görməsin deyə iman vasitəsilə dünyadan
götürüldü. Onu tapa bilmədilər, çünki Allah onu dünyadan
götürmüşdü. Götürülməzdən əvvəl o, şəhadət almışdı ki, Allahı
razı salıb. İman olmadan Allahı razı salmaq qeyri-mümkündür.
Çünki Allaha yaxınlaşan kəs inanmalıdır ki, O var və Onu
axtaranlara mükafat verir”
[70]
. Yaradılış kitabında yazılıb ki,
Xanok “Allaha yaxın idi. Sonra qeyb oldu, çünki Allah onu Öz
yanına götürdü”
[71]
. Xanokun Allaha yaxınlığı ibrani orijinalında
“yerimək, gəzmək, ardınca getmək” mənasına gələn
ךלה (halax)
kəlməsi ilə ifadə olunur. Xanok Allahla yaxın münasibətdə idi. O,
Allahın ardınca gedirdi. O, Allahla ünsiyyətdə olurdu. Bəlkə o,
insanlardan uzaqlaşıb bir tarlaya, meşəyə və ya dağlara gəzməyə
gedərdi və gəzə-gəzə Allaha fəryad edər, Allahla söhbət edər, üzünü
axtarardı. Çox güman ki, o gözə görünməyən Allaha yaxınlaşmaq
üçün saatlarla Onu düşünərdi, səsləyərdi, eşidildiyinə inanardı.
Məhz ümid edilənə etibar etməsi, görünməyən Allahla ünsiyyətdə
olacağına əmin olması sayəsində Xanok buna nail oldu. Allah onun
yanına gəldi və onunla bərabər “yeridi”.
Fiziki bədəndə yaşayan bir insanla gözə görünməyən Yaradanın
bir parkda əl-ələ verib söhbət edə-edə gəzişdiyini təsəvvürünüzə
gətirə bilərsinizmi? Allah insanı yaradanda buna bənzər münasibəti
arzulamışdır. Yaradılışın ilk çağlarında Adəmin günaha batmasından
əvvəl Allah Eden bağında onunla gəzişirdi! Axırda Allah bu
[70]
İbranilərə 11:5–6
[71]
Yaradılış 5:24