25
münasibəti bərpa edəcək və hətta əvvəlkindən də gözəl münasibət
olacaq. Allah-Taala həvari Yəhyaya bunu vəhydə göstərdi: “Mən
yeni bir göy və yeni bir yer gördüm. Çünki əvvəlki yerlə əvvəlki
göy keçib getmişdi, dəniz də artıq yox idi. Mən müqəddəs
şəhərin — yeni Yerusəlimin göydən, Allahın yanından endiyini
gördüm. Şəhər öz bəyi üçün bəzədilmiş gəlin kimi hazırlanmışdı.
Taxtdan belə deyən uca bir səs eşitdim: «Budur, Allahın məskəni
insanların arasındadır. Allah onlarla birgə məskən salacaq; onlar
Onun xalqı olacaq, Allah Özü onların Allahı olaraq aralarında
yaşayacaq... »”
[72]
Siz Allahla ünsiyyətə vaxtınızı sərf edirsinizmi? Onunla yaxın
münasibət qurmağı çox arzu edirsiniz? Səhər tezdən durub
Müqəddəs Kitabla tənha bir yerə gedib Allahın üzünü axtarırsınızmı?
Pul-paradan, vəzifədən, dost-tanışdan, kef-əyləncədən artıq Allaha
yaxın olmağı arzu edirsinizmi? Buna nail olmaq sizə çox baha başa
gələcək! Şübhəsiz, bu yolda siz yalandan əl çəkməli, pulunuzu
qurban verməli olacaqsınız. Az yuxu yatmalı, qürurunuzu qırmalı
olacaqsınız. Televiziyaya az vaxtınız qalacaq, boş-bekar vaxt
keçirməkdən, oyun və əyləncələrdən imtina etməli olacaqsınız.
Özünüzü yoxlayın: bunları qurban verməyə hazırsınızmı? Bunun
əvəzində bütün dünyanı yaradan uca Şəxslə yaxın münasibəti əldə
edəcəksiniz. Buna inanırsınızmı? Əgər siz buna hələ əmin deyilsinizsə,
sizdə heç nə alınmayacaq! Siz tamamilə əmin olmalısınız ki, Allah
var və Onu axtaranlara mükafat verir. Əgər buna inanırsınızsa,
Onun üzünü axtaracaqsınız və gec və ya tez Onun səsini eşitməyə
və Onunla birlikdə “yeriməyə” başlayacaqsınız. Allahla yaxınlığın
sevincini “xoşbəxt”, “bəxtiyar” kimi sözlər belə, ifadə edə bilməz.
Həvari Peter saf ürəklə iman edərək Allaha yaxın olmaq barədə
belə yazmışdır: “siz Onu (İsa Məsihi) indi də görmürsünüz,
lakin Ona iman edib təsvirolunmaz və izzətli sevinclə hədsiz
sevinirsiniz”
[73]
. Özünüz seçin: bu dünyanı axtaracaqsınızmı, yoxsa
[72]
Vəhy 21:1–3
[73]
1-ci Peter 1:8
26
Allahı? “Allaha istehza edilməz”
[74]
. Onu axtarsanız, O mütləq sizə
yaxınlaşacaq və mükafat verəcəkdir!
Növbəti iman dərsimizi Nuhdan götürə bilərik. “Nuh hələ gözə
görünməyən şeylər barəsində edilən xəbərdarlığa iman vasitəsilə
ciddi yanaşaraq öz ev əhlinin xilası üçün gəmi tikdi. O, iman
vasitəsilə dünyanı məhkum etdi və imana görə olan salehliyi
irs olaraq aldı”
[75]
. Alimlərin dediyinə görə Nuh heç vaxt yağış
görməmişdi. Tufandan əvvəl dünyada yağış yağmamışdı. Yaradılış
kitabının 6-cı fəslində Allahın Nuha gəmi tikməyi əmr etdiyini
oxuyuruq
[76]
. Allah Nuha gəmi üçün konkret ölçülər vermişdi ki,
eramızın on doqquzuncu əsrinə qədər bu ölçülərdə gəmilər heç
qayırılmamışdı. Nuhun gəmisi bir istisna idi. Bu gün mütəxəssislərin
dediyinə görə, Allahın Nuha verdiyi ölçülər yük daşıyan gəmilər
üçün ən münasib imiş. Nuhun bundan xəbəri yox idi — o Allaha
inandı!
Nuh “gözə görünməyən şeylər barəsində edilən xəbərdarlığa
iman vasitəsilə ciddi yanaşaraq” hərəkət etdi. İsa Məsih “
Nuhun
günləri necə idisə, Bəşər Oğlunun zühuru da elə olacaq”
[77]
dedi. “Daşqın gəlib hamısını aparana qədər bixəbər idilər. Bəşər
Oğlunun zühuru da belə olacaq”
[78]
. Nuhun dövründə Nuhdan
və onun evindəkilərdən başqa heç kim gözə görünməyən şeylərə
inanmadı. Bizim dövrümüzdə də əksər insanlar gözə görünməyən
şeylərdən bixəbərdirlər. Müqəddəs Kitabdakı xəbərdarlıqlara
ciddi yanaşmırlar. Buna görə də İsanın zühuru onları qəfildən
haqlayacaq və onlar imansız hallarında məhv olacaqlar. “Buna
görə siz də hazır olun, çünki Bəşər Oğlu gözləmədiyiniz vaxt
gələcək”
[79]
. Hazır olun! Nuh hazır olmaq üçün illərlə zəhmət
çəkdi və şər dövrdə günaha batmış dünyada özünü təmiz saxladı.
Bütün imanla yaşayanların taleyi eynən belədir. Biz gündən-günə
[74]
Qalatiyalılara 6:7
[75]
İbranilərə 11:7
[76]
Yaradılış 6:15
[77]
Matta 24:37
[78]
Matta 24:39
[79]
Matta 24:44
27
Rəbb İsanın gəlişinə hazır olmaq üçün zəhmət çəkməliyik. Bizim
“gəmimiz” imanlılar cəmiyyətidir, İsa Məsihin Bədənidir. İsa “Mən
cəmiyyətimi… quracağam”
[80]
dedi, və biz iman vasitəsilə bu işdə
iştirak edir, gündən-günə zəhmət çəkirik. Biz də bu gün dəhşətli,
əxlaqsız dünyada yaşayaraq özümüzü təmiz saxlamalıyıq. Müqəddəs
Kitabın xəbərdarlıqlarına ciddi yanaşırsınızmı? Gündən-günə İsa
Məsihin gəlişini gözləyə-gözləyə Onun yolunda fədakarcasına
zəhmət çəkirsinizmi? Yoxsa hər şeyi unudub dünyəvi işlərlə məşğul
olursunuz? İsa Məsihin bu sözlərini əzbərləyin, onların üzərində
düşünün: “Özünüzə fikir verin! Qoy ürəkləriniz eyş-işrət və
sərxoşluqla, bu həyatın qayğıları ilə yüklənməsin. Qoy qiyamət
günü bir tələ kimi üzərinizə qəflətən gəlməsin. Çünki o gün yer
üzündə yaşayanların hamısının üstünə gələcək. Ona görə də baş
verəcək bütün bu fəlakətlərdən qaçıb Bəşər Oğlunun önünə dura
bilmək üçün hər an dua edərək ayıq olun”
[81]
.
“İbrahim çağırılanda iman vasitəsilə itaətkar olub irs alacağı
torpağa getdi. O hara getdiyini bilməyərək yola çıxdı. İman
vasitəsilə vəd edilmiş ölkədə bir qərib kimi məskunlaşdı. O, eyni
vədin həmvarisləri olan İshaq və Yaqubla birlikdə çadırlarda
yaşadı. Çünki İbrahim memarı və banisi Allah olan bünövrəli
şəhəri gözləyirdi”
[82]
. Allah İbrahimi vətənini tərk edib hara
getdiyini bilməyərək yola çıxmağa, qərib kimi çadırlarda yaşamağa
çağırmışdı. İbrahim Allahın Padşahlığını arzu etdiyi üçün bu dünya
ilə maraqlanmırdı. “Beş günlük dünya” deyən insanların əksəriyyəti
həqiqətdə yalnız bu dünyanı düşünür, özlərinə burada “şərait
yaratmaq” üçün çalışır. İmanla yaşayan məsihçilər isə bilirlər ki,
bu dünya Allahın bizim üçün hazırladığı əbədi ev ilə müqayisə
edilməz! Buna görə də, əziz dostum, İbrahim kimi iman macərasına
çıxmağa hazır olun! Allahın sizin üçün gözəl planı var. Bəlkə siz
heç vaxt vətəninizi tərk etməli olmazsınız, amma imanla Allaha
yaxınlaşsanız, öz vətəninizdə, xalqınızın arasında belə yad və qərib
kimi yaşayarsınız.
[80]
Matta 16:18
[81]
Luka 21:34–36
[82]
İbranilərə 11:8–10