7
“Ey Adəm oğulları! Şeytan sizi fitnəyə düşürməsin.
Necə ki, əcdadınızın ayıb yerlərini özlərinə göstərmək
üçün libaslarını soyunduraraq cənnətdən qovdurdu.
Şübhəsiz ki, şeytan və qəbiləsi onları görə bilməyəcəyiniz
yerdən sizi görür. Həqiqətən, Biz iman gətirməyənləri
şeytanların ovliyası etdik” (əl-Əraf, 27).
İBRƏT Rəvayət edirlər ki, bir gün Şeytan eşşək taci-
ri qiyafəsində üç yüklü eşşəyi ilə birgə bazara gedərkən
Hz.İsa (əleyhissalam) onu tanıyıb hara getdiyini soruşur.
Şeytan tanındığını görərək bazarda işi olduğunu deyir və
aralarında belə bir söhbət keçir.
– Neyləyəcəksən bazarda?
– Bu eşşəkləri yükləri ilə bərabər satacağam.
– Eşşəkləri yükləriylə kim alar? Eşşəyi ayrı, yükü ayrı
satmaq daha uyğun deyilmi?
– Xeyr, eşşəklərimin yükləri də özləri kimi qiymətlidir.
Eşşəyi alan yükünü də almaq istər.
– Ey şeytan, sən bu eşşəklərə nə yüklədin ki, ikisini
birdən satcağını düşünürsən?
– Birinci eşşəyə həsəd, ikinciyə təkəbbür, üçüncüyə zülm
yüklənib.
– Kim alar sənin həsəd, kibr, zülm yüklənmiş eşşəklərini?
– Qulaq as, müştərilərimi sənə bildirim: Birinci eşşəyi və
yükünü alimlərə, azacıq elmi olanlara satacağam. Çünki
ən çox həsəd edən onlardır. İkinci eşşəyi və yükünü cahil
zənginlərə satacağam. Malı çox, elmi az olanlar təkəbbürlü
olurlar. Üçüncü eşşəyin müştəriləri isə hakimiyyət
sahibləridi. Onlar zülmsüz dura bilməzlər. Bu eşşək də on-
larındır.
Hz.İsa (əleyhissalam) bunları eşidəndə əllərini açıb Rəb binə
niyazda bulunur: “Ey Rəbbim! Bu eşşək tacirinə müş təri ol-
maq istəyənləri Özün qoru, həsəd, kibr, zülm eşşək lərinə
möhtac eləmə!”
8
Ey insan, içindəki qibtəmidi, həsədmidi?
Qəlb adı verdiyin can, qibləmidi, cəsədmidi?
Doymayan, doysa dəxi doyurmayan acdır paxıl
O qarın adlı vücud mədəmidi, məbədmidi?
Şeytanın çaldığına oynamayan çoxmu bu gün
Məluna züy tutanlar mütrübmüdü, mürtədmidi?
Müsibət vasitə və məqsədin səhv düşməsidir
Dünyan, Adəm balası, vasitəmi, məqsədmidi?
Ey qul, namərdə uyub nankora qulluq eləmə
Nəfsindən qeyri biri nankormudu, namərdmidi?
Həsəd mömini şeytanın dostu etmək gücündə olan bir
şərdir. Həsəd edilən kimsə Allaha sığınmaqla bu şərdən
qurtula bilsə də, həsəd edən haqqında bunu demək çətindir.
Çünki Allah Rəsulu (salləllahu əleyhi və səlləm) buyurdu:
“Aman, həsəddən uzaq olun! Çünki atəş odunu yandırıb
kül etdiyi kimi, həsəd də həsənatları yeyib yox edər.”
Həsənatlar, sahibini Cənnətə götürən xeyir əməllərdir.
Bunlar olmayanda insan onu cəhənnəmə götürən şər
əməlləriylə baş-başa qalır. Bu var ki, həsədin bir qəlbdə
mövcudluğu bir çox yaxşılıqları məhv etdiyi kimi, onun
yoxluğu da bir çox pisliklərin üstündən xətt çəkir.
HƏDİS Ənəs ibn Malik (radiyallahu ənh) rəvayət etmiş-
dir: “Bir gün Rəsulullahın (salləllahu əleyhi və səlləm) hüzu-
runda oturmuşdum. Buyurdu ki: “Bu anda Cənnətlik bir
kimsə içəri girir.”
Ənsardan ayaqqabıları sol əlində asılmış, saqqalından
su damcılayan biri gəldi. Yeni dəstəmaz almışdı. Ertəsi
gün yenə eyni şəxs içəri girdi. Rəsulullah (salləllahu əleyhi
və səlləm) yenə belə buyurdu. Üç gün bu hal təkrarlandı.
9
Abdullah ibn Əmr (radiyallahu ənh) o kimsənin əməlinin nə
olduğunu öyrənmək istədi. Yanına gedib: “Atamla savaş-
dım, üç gecə sizdə gecələmək istəyirəm” dedi.
Ənsar razı oldu. Abdullah ibn Əmr üç gecə onun əməlinə
diqqət yetirdi. Yatarkən Allah Təalanı zikr etməkdən başqa
bir şey görmədi. Sonra o şəxsə: “Mən atamla savaşmadım.
Lakin Rəsulullahdan belə-belə eşidib əməlini öyrənmək
istədim” dedi. O da: “Mənim etdiyim, bax, bu gördüyün-
dür” söylədi.
Abdullah deyir ki, mən gedərkən arxamca səslənib:
“Bir şey də var. Əsla heç kimə heç bir şey üçün paxıllıq
etmədim” dedi.
Abdullah: “Deməli, sənin dərəcən bu əməlindən dolayı-
dır” dedi.
Sanma bal arısının sancdığı neştərdi həsəd
Şeytanın sapladığı bir haça şeşpərdi həsəd.
Mənbəyi bu mərəzin mülkə-mala məhəbbətdi
Qardaşa qardaşı qatil eləyən şərdi həsəd.
Ordu tək bətnimizdə üz-üzədir şərlə xeyir
Haqqın hər əsgərinə qarşı bir ləşkərdi həsəd.
Paxıl nadan ölüb nakam dirilən biçarədi
Küfrə qahmar, imana, İslama qənşərdi həsəd.
Cənnət, ey qul, iblisə uymayanın qismətidi
Qulu qismətsiz edən şeytani şakərdi həsəd.
Həsəd elə bir mərəzdi ki, ilk insanda, ilk valideyndə üzə
çıxmasa da, ilk övladda, ilk qardaşda özünü biruzə verdi
və böyük bir faciə ilə nəticələnərək bəşər tarixində qardaş
qətllərinin əsasını qoydu.
10
İBRƏT Rəvayətə görə Hz.Adəm (əleyhissalam) ilk oğul-
ları Qabillə Habilin yetkinlik yaşına çatdığını görüb ailə
həyatı qurmalarını istədi. Lakin Habilin nişanlısı daha
gözəl olduğundan Qabil həsəd edərək onunla evlənmək
fikrinə düşdü. Atası onu bu fikirdən daşındırmağa çalış-
sa da mümkün olmadı. Məsələni yoluna qoymaq üçün
Hz.Adəm (əleyhissalam) hər iki oğluna ilahi dərgaha qur-
banlıq gətirmələrini şərt kəsdi. Şərtə görə kimin qurbanı
qəbul edilsəydi, qızlardan daha gözəli ona qismət olacaqdı.
Hadisənin bundan sonrası Quranda belə təsvir edilir:
“(Ya Rəsulum!) Onlara Adəmin iki oğlunun əhvalatını
olduğu kimi söylə. Onlar qurban gətirdikləri zaman birinin
(Habilin) qurbanı qəbul edilmiş, digərinin (Qabilin) qurba-
nı isə qəbul olunmamışdı. (Qabil) demişdi: “Səni mütləq
öldürəcəyəm!” (Habil) belə cavab vermişdi: “Allah yalnız
müttəqilərdən qəbul edər! Sən məni öldürmək üçün mənə
əl qaldırsan da, mən səni öldürmək üçün sənə əl qaldıran
deyiləm. Mən Aləmlərin Rəbbi olan Allahdan qorxuram.
Mən istəyirəm ki, sən mənim də günahımı öz günahın-
la birlikdə üzərinə götürəsən və beləliklə də, Cəhənnəm
sakinlərindən olasan. Zalimlərin cəzası budur.”
Nəfsi onu (Qabili) qardaş qətlinə sövq etdi, onu (Ha-
bili) öldürdü və bununla da ziyana uğrayanlardan oldu”
(əl-Maidə, 27-30).
Həsədin doğurduğu acı nəticələri Hz.Yaqubun (əlehissalam)
oğullarının da timsalında görməkdəyik. Onlar qardaşları
Yusifin məqamına paxıllıq edərək əvvəlcə onu quyuya at-
mış, sonra isə dəyərsiz bir kölə kimi satmışdılar. Bu qissələrə
Qurani-Kərimdə geniş yer verilməsi həsəd mərəzinin
müdhiş miqyasını təsəvvür etmək baxımından olduqca
ibrətamizdir. Çünki Habili öldürən də, Yusifi quyuya atan-
lar da qardaş olmaqdan əlavə Peyğəmbər övladları idilər.
Əgər Peyğəmbər tərbiyəsi görmüş övladların həsədlə bağlı
durumu budursa, gör, digərlərinin halı necədir?
Dostları ilə paylaş: |