Annual Report 2009 last version
Yüklə 0,5 Mb. Pdf görüntüsü
|
- Bu səhifədəki naviqasiya:
- Vəzifə 3. Vərəm
11 AzQAC 2009 – cu ildə Norvec Qızıl Xaç Cəmiyyətinin dəstəyi ilə “ Azərbaycanda könüllü, təmənnasız qan donorluğunun inkişafı” adlı proqramını davam etdirmişdir. Ümumdünya səhiyyə təşkilatı tərəfindən tövsiyyə olunan könüllü təmənnasız qanın təhlükəsiz olmasını nəzərə alaraq, respublikada mütəmadi könüllü təmənnasız qan donorlarının cəlb edilməsi layihənin ali məqsədidir. Layihə çərçivəsində 87 nəfər qan donorluğuna aid təlimatlandırılmış könüllü və Klub – 25 – in üzvləri tərəfindən “Sağlam həyat tərzi”, “Sağlam mütəmadi könüllü qan donorluğu” sahəsində maarifləndirmə fəaliyyətini genişləndirməklə, təbliğat tədbirlərini həyata keçirir.
Mart ayının 4 və 5-i Səhiyyə Nazirliyi, Qadın, Uşaq və Ailə problemləri üzrə Dövlət komitəsi, Azərbaycan Hemofeliya Assosasiyası ilə birgə Bakı şəhərində yerləşən bir neçə poliklinikada 8 Mart “Qadınlar günü”nə həsr olunmuş qan vermə aksiyaları təşkil etmişdirlər. Keçirilən aksiyalarda polis idarələri və tədris ocaqlarının tələbələri də fəal iştirak etmişlər. 10 Mart “Azərbaycan Qızıl Aypara günü”nə həsr olunmuş könüllü qan vermə aksiyası mart ayının 7 – də Texniki Universitetdə təşkil olunmuşdur. Həmişəki kimi AzQAC-nin könüllü qan donorları olan AzQAC – ın prezidenti Novruz Aslanov və İsrailin Azərbaycandakı səfiri Artur Lenk tədbirə qoşulub, qan vermişlər. Onlar qan verməklə bir neçə insanın həyatını xilas etmiş olmuşlar. Bu iki tanınmış şəxs bu addımı atmaqla, bir daha könüllü qan donorlarının insan həyatını xilas etmək üçün vəzifənin, milli mənsubiyyətin, dinin və s. kimi məqamların əhəmiyyətli olmamasını bir örnək kimi nümayiş etdirmişlər. Hər il olduğu kimi AzQAC-ti 14 iyun “Ümumidünya Qan Donoru Günü” nü qeyd edir və ölkədə bununla bağlı təşkil olunan tədbirlərdə fəal iştirak etmişdir. Belə tədbirlərdən biri 12 iyun 2009-ci il tarixdə AzQAC-in ofisində gənc könüllü qan donorlar ilə dəyirmi masa ətrafında görüş keçirilmiş, Bakının mərkəzində 14 iyun “Ümumidünya Qan Donoru Günü”-nə həsr olunmuş təbliğat kampaniyası keçirilmişdir. İl ərzində “Klub – 25”- in üzvləri müxtəlif tədris ocaqlarında - Pedaqoji Universitet, 2 saylı tibb məktəbi və digər təşkilatlarda gənclər arasında əyani vəsaitlərin paylanması ilə könüllü təmənnasız mütəmadi qan donorlarını cəlb etmək məqsədi ilə geniş təbliğat tədbirləri keçirmişlər. Təbliğat fəaliyyətləri nəticəsində AzQAC Bakı Telefon Rabitə İstehsal Birliyi, Neft Akademiyası, Xəzər və Texniki Universitetləri və digər rayon və bölgələrdə olan təşkilatlarda qanvermə aksiyaları təşkil olunmuşdur. İl ərzində Qan Bankının verdiyi məlumata əsasən AzQAC – ın xətti ilə 3050 nəfər könüllü olaraq qan vermişdir. İyunun 17 – də “Ambassador” mehmanxanasında “14-İyun Ümumdünya Donor Günü” nə həsr olunmuş tədbir keçirilmişdir. Tədbirdə AzQAC – ın əməkdaşları, Beynəlxalq Qızıl Xaç Komitəsinin, Talassemiya, Hemofiliya və Qan Donorları Assosiasiyalar, Neft Akademiyası, Xəzər, Pedaqoji və Texniki Universitetləri, “Azərsun - Holdinq”, və digər təşkilatların nümayəndələri iştirak etmişlər. Bu tədbirdə AzQAC tərəfindən il ərzində təşkil olunan qan vermə aksiyalarında fəal iştirak edən təşkilatlara suvenirlər və təşəkkürnamələr təqdim olunmuşdur. İl ərzində 2253 nəfər könüllü təmənnasız qan donorluğu, Sağlam həyat tərzi mövzuları haqqında maarifləndirilmişdir.
12
Azərbaycan Qızıl Aypara Cəmiyyəti Bakı və regionlarda vərəmin yayılmasının qarşısını almaq məqsədilə səhiyyə maarifi işini təşkil edir. Bu təbliğat tədbirlərinə əhali arasında orta və ali məktəblərdə vərəmə dair videofilmlərin nümayişi ilə seminarların keçirilməsi sorğuların aparılması, dəyirmi masaların təşkili kimi fəaliyyətlər daxildir. 2009 – cu ildə AzQAC – ın Beynəlxalq Qızıl Xaç Komitəsinin dəstəyi ilə azadlığa buraxılan vərəmli məhkumların vərəmə qarşı zavallılığını azaltmaq və eyni zamanda onların vərəm xəstəliyindən sağalmasına nail olmaq məqsədilə “Azadlığa buraxılan vərəmli məhkumların davamlı müalicəsinə nəzarət” adlı pilot layihəsini davam etdirmişdir. Proqram çərçivəsində Beynəlxalq Qızıl Xaç Komitəsi tərəfindən təlimatlandırılmış AzQAC – ın tibb bacıları Bakının Yasamal, Binəqədi, Əzizbəyov rayonlarında yaşayan azadlığa buraxılan məhkumlar vərəm xəstəliyinə qarşı davamlı DOTS müalicəsinə nəzarət olunmuşdur. Tibb bacıları yerli vərəm dispanserlərində qeydiyyata düşməyən xəstələrin tapılmasında yardımçı olub ayrılan dərmanları əldə edib xəstələrə çatdırıb, dərmanların qəbuluna nəzarət edib, xəstə və onun ailə üzvləri ilə səhiyyə maarifi işini təşkil edirdilər. Azərbaycan Respublikası Səhiyyə Nazirliyi tərəfindən aparılan Milli Vərəm Proqramının, Ağ Ciyər xəstələri İnstitutunun mütəxəssisləri ilə birgə əməkdaşlıq sahəsində mütəmadi görüşlərdə tibb bacılarının fəaliyyətində meydana çıxan problemlər müzakirə olunub aradan qaldırılmasına dair addımlar müəyyən edilirdi. 2009 – cu il ərzində 20 nəfər xəstə əhatə olunmuşdur ki, onlardan 14 nəfər DOTS müəalicəsini bitirmişdir. Digər xəstələr isə müalicəni davam etdirirlər. Hər il olduğu kimi AzQAC ölkədə aparılan 24 Mart – “Ümimidünya vərəmlə mübarizə Günü” – nə həsr edilmiş tədbirlərdə fəal iştirak edir. Bu il Bakıda Ümimdünya Səhiyyə Təşkilatının Azərbaycandakı Nümayəndəliyi tərəfindən dəyirmi masa təşkil olunmuşdur. Tədbirlə Ümumdünya Səhiyyə Təşkilatının Beynəlxalq Vərəm üzrə mütəxəssisi və ölkədə vərəmin müalicəsi profilaktikası və bu sayədə aparılan təşkilati məsələlərlə bağlı fəaliyyət göstərən hökumət və qeyri hökumət təşkilatlarının nümayəndələri iştirak etmişlər. Dəyirmi masanın məqsədi bir başa vərəmə aidiyyatı olan təşkilatların bu sahədə olan problemlərə diqqətini cəlb etmək və onların aradan qaldırılmasına dair fəaliyyətləri genişləndirmək, bununla belə Azərbaycanda vərəm xəstəliyinin qarşısının alınmasından ibarətdir. Fevralın 23 də “HİV/AİDS, Vərəm və Malyariya ilə mübarizə Qlobal Fond”-u Azərbaycanda vərəm xəstəliyinə aid olan məsələlərlə bağlı dəyirəvi masa keçirmişdir. Həmin görüşdə Vərəmlə mübarizədə gələcək əməkdaşlıq srtategiyasının istiqaməti seçilmişdir. İl ərzində Vərəmin yayılmasına qarşı səhiyyə maarifi tədbirləri (təlim, icmalarda görüşlər və s.) təşkil olunmuşdur. Belə tədbirlərdən biri “SOS – uşaq kəndləri Azərbaycan Assosiasiyasında” keçirilən Vərəmin profilaktikası” adlı təlimi qeyd etmək olar. AzQAC-in könüllü sağlamlıq işçiləri tərəfindən
Yüklə 0,5 Mb. Dostları ilə paylaş:
|