21
Fəaliyyət planına uygun olaraq regionlarda fəaliyyət göstərən yayım könüllüləri
tərəfindən ətraf rayonlara səfər edilmişdir. Səfərin məqsədi rayonlarda və
kəndlərdə
yaşayan
insanlara
BQX/QAH-ın
tarixi
və komponentləri,
fəaliyyətləri, fundamental prinsipləri, BHH-nin əsasları haqqında məlumat
verməkdən ibarət olmuşdur. Həmçinin, səfər zamanı insanlara 2009-cu ilin
Hərəkat üçün əlamətdar il olması, yəni BQX/QAH-nın 150, BQX/QACF-nın 90,
Cenevrə Konvensiyalarının qəbul edilməsinin 60, AzQAC-ın 89-cu il dönümü
barəsində də informasiya verilmişdir. Səfər zamanı 420 nəfər maariflənmişdir.
8 may 2001-ci il tarixdə qəbul edilmiş “Qızıl Xaç və Qızıl Aypara
emblemlərindən istifadə və onların müdafiəsi haqqında” № 128-II Q saylı
Azərbaycan Respublikasının Qanununa və buna müvafiq olaraq 1949-cu il 12
avqust tarixli Cenevrə Konvensiyaları və onlara əlavə edilmiş müvafiq
protokollara uygun olaraq Qızıl Xaç və Qızıl Aypara emblemlərindən düzgün
istifadə və onların müdafiəsi ilə bağlı kampaniyalar keçirilmişdir. “Dental
House” özəl klinikası qanunsuz olaraq öz reklam lövhəsində və nəqliyyat
vasitələrində “Qızıl Xaç” emblemindən qanunsuz istifadə etmişdir. Qızıl Xaç və
Qızıl Aypara emblemlərindən istifadə və onların müdafiəsi haqqında mövcud
qanunvericiliyə uyğun olaraq məhkəmə qaydasında klinika tərəfindən “Qızıl
Xaç” emblemindən sui-istifadənin qarşısı alınmışdır.
KİV-də BQX/QAH-ın tərkib hissələrinin adlarında “Qızıl” sözünün
“Qırmızı” kimi işlədilməsinin qarşısının alınması məqsədilə, Azərbaycan
Respublikasının müvafiq Qanununa uyğun olaraq “Qırmızı Xaç və Qırmızı
Aypara” sözləri “Qızıl Xaç və Qızıl Aypara” sözləri ilə əvəz edilməsi barədə
informasiya agentliklərinə məlumat xarakterli məktublar ünvanlanmışdır.
“8 may Beynəlxalq Qızıl Xaç və Qızıl Aypara Hərəkatının yaranması”
günü ilə əlaqədar Pirşağı qəsəbəsi 10 saylı internatdakı 60 nəfər rəsmə meyilli
uşağa və Bakı şəhəri 82 və 132 saylı orta məktəbdə inşa müsabiqəsində iştirak
edən 58 məktəbliyə BQX/QAH-nın tarixi, tərkib hissələri və onun fəaliyyətləri,
həmçinin AzQAC haqqında ətraflı məlumat verilmişdir. 10 mart AzQAC günü
ilə əlaqədar Texniki Universitetdə təşkil edilən Qan vermə aksiyasında 320 ədəd
əyani vəsait paylanmışdır.
Mütəmadi olaraq hər ay yeni qeydiyyatdan keçmiş Cəmiyyətin könüllülərinə və
üzvlərinə, yeni işçilərə BQX/QAH onun tərkib hissələri və fundamental
prinsipləri və BHH-nin əsaları haqqında təlimlər keçirilmişdir. Təlim
nəticəsində 34 nəfər maariflənmişdir. Həmçinin AzQAC-da istehsalat təcrübəsi
keçən Dövlət Slavyan Universitetinin 20, Qərb Universitetinin 6 tələbəsinə təlim
keçirilmişdir.
Ətraflı Məlumatların Toplanması proqramı ilə haqqında baza məlumatlar
təqdimata daxil edilərək həm regionlarda, həm də Bakı şəhərində yayım işləri
həyata keçirilmişdir. Yayım sektorunun işçiləri ƏMT proqramı ilə bağlı
keçirilən gorüşlərdə iştirak etmişlər.
22
Təsisçisi AzQAC olan “Yeni Təfəkkür” qəzetində Cəmiyyətin həyata keçirdiyi
tədbirlər və fəaliyyətlər barədə 75 məqalə nəşr edilmişdir. Qəzetin Azərbaycanın
müxtəlif regionlarından 500 abunəçisi vardır.
Nəaliyyət
•
2009-cu il ərzində Regionlarda fəaliyyət göstərən 14 yayım könüllüsü
BQX/QAH və BHH-nin əsasları, AzQAC-ın humanitar fəaliyyəti haqqında son
məlumatlar əldə etmiş, yayım siyasəti və onun icra mexanizmi, həmçinin, yayım
könüllülərinin yenilənmiş təlimat kitabı və onun istifadə qaydaları ilə tanış
olmuşdur.
•
BQX/QAH onun tərkib hissələri və fundamental prinsipləri və BHH-nin əsaları
haqqında maariflənənlərin sayı cəmi 1153 nəfər təşkil etmişdir. (Təlimlər
zamanı Bakı şəhəri üzrə 130 nəfər, regionlar üzrə 449 nəfər, kampaniya, tədbir
üzrə 583 nəfər.)
•
1 özəl tibbi klinikada “Qızıl Xaç” emblemindən sui-istifadənin qarşısı
alınmışdır.
•
“Yeni Təfəkkür” qəzetinin 500 abunəçisi AzQAC-ın tədbir və fəaliyyətləri
ilə bağlı 75 məqalə ilə tanış olmuşlar.
BEYNƏLXALQ ƏLAQƏLƏR
Azərbaycan Qızıl Aypara Cəmiyyəti 2009-cu ildə də beynəlxalq əlaqələri inkişaf
etdirməklə bir çox nailiyyətlər əldə etmişdir. Ötən il ərzində cəmiyyətin
əməkdaşları çoxsaylı beynəlxalq görüşlərdə, seminarlarda və konfranslarda iştirak
edərək cəmiyyəti və Azərbaycan Respublikasını yüksək səviyyədə təmsil
etmişlər.
2009-cu il iyun ayının 30-da Özbəkistan Qızıl Aypara Cəmiyyəti haqqında
müvafiq Qanunun qəbul edilməsi ilə əlaqədar konfrans keçirilmişdir. Özbəkistan
Qızıl Aypara Cəmiyyəti və Beynəlxalq Qızıl Xaç və Qızıl Aypara Cəmiyyətləri
Federasiyasının dəvəti ilə Azərbaycan Qızıl Aypara Cəmiyyətinin prezidenti,
Milli Məclisin deputatı cənab Novruz Aslanov və cəmiyyətin İcraçı Katibi Bəylər
Talıbov Özbəkistanın paytaxtı Daşkənd şəhərinə rəsmi səfər etmişlər. Konfransda
qətnamə qəbul edilərək işçi təşəbbüs qrupu yaradılmış AzQAC haqqında qəbul
edilmiş Qanunun tətbiqi ilə bağlı təcrübəni bölüşdüyünə görə Özbəkistan Qızıl
Aypara Cəmiyyəti tərəfindən şəxsən AzQAC-ın prezidentinə xüsusi minnətdarlıq
bildirilmişdir.