2
KIRISH
Bu kitobda keltirilgan barcha ma’lumotlar turli treninglar, kitoblar va tadqiqotlar asosida
shakllantirilgan. Agar siz dangasalikni yengish yo‘llarini bilib
olish uchun kitobni xarid
qilgan bo‘lsangiz, sizga undan zarracha foyda bo‘lmaydi. Agar siz kitobni bir kunda o‘qib
tugatishni niyat qilgan bo‘lsangiz, bunda ham sizga kitobning foydasi tegmaydi. Buning
sababi shundaki, avvalo, bilib olishning o‘zi yetarli emas! “Bilim
kuch emas, amalda
qo‘llangan bilim — kuch”. Siz kitobning har bir bobini o‘rtacha ikki-uch kunda vaqt tashlab,
shoshilmasdan o‘qishingiz va har bir aytilgan vazifani bajarib borishingiz kerak bo‘ladi.
Shundagina sizga kitobdan foyda bo‘lishi mumkin. Unutmang, “Rim bir kunda qurilmagan”.
Bu kitob yaratilishida eng katta hissasi teggan inson — ustozim Dovranbek Turdiyevga
minnatdorchilik bidirmoqchiman. Kitobning ko‘p qismi u kishidan olgan bilimlarim va
treninglari asosida to‘plangan.
3
I BOB
Nimadan boshlash kerak?
Barcha
insonlarda orzu-istaklar bor, ammo odamlar o‘z orzularini amalga oshirish
o‘rniga, ijtimoiy tarmoqlarga, kompyuter o‘yinlariga, foydasiz
uchrashuv va boshqa
narsalarga mukkasidan ketishadi. Asosiy ish esa doimgidek dangasalik tufayli qolib
ketaveradi. Siz ham shular qatorida bo‘lmasangiz, katta ehtimol bilan bu kitobni qo‘lingizga
olmagan bo‘lardingiz.
Psixologiyada
“dangasalik”
o‘rniga
“prokrastinatsiya”
iborasi
ishlatiladi.
Prokrastinatsiya — bu topshiriqlarni berilgan muddatdan o‘tkazib yuborish, asosiy ishlarni
keyinga surish harakati. Bu odat, ayniqsa, talabalar orasida juda keng tarqalgan. 2007-yilda
Kalgari universiteti psixologi Pirs Stil (Piers Steel) tomonidan o‘tkazilgan meta-tahlil
1
shuni
ko‘rsatadiki, oliy ta’lim muassasasi o‘quvchilarining 80 foizdan 95 foizgacha qismi topshiriq
va kurs ishlarini bajarishni muntazam ravishda kechiktiradi. Shu sababli biz siz bilan
prokrastinatsiyani yengishga harakat qilamiz.
Prokrastinatsiya kelib chiqishining ko‘plab sabablari bor. Shifokorga ko‘rinish
orqali
davolanadigan sabablariga depressiya, obsessiv-kompulsiv buzilish (OKB), diqqat
yetishmasligi/giperaktivlik buzilishi (DYGB) va boshqalar kiradi.
Shuningdek, xohish,
qiziqish, kayfiyat yo‘qligi, nimadan boshlashni bilmaslik, ish hajmidan qo‘rqish va boshqa
sabablar tufayli ham sizda prokrastinatsiya kuzatiladi.
Demak, siz prokrastinatsiyani yengish uchun bir qoidani mukammal o‘zlashtirib
olishingiz kerak. “Mayda o‘zgarishlar katta o‘zgarishlarga sabab bo‘ladi”. Hayotingizdagi
barcha narsalar mayda o‘zgarishlar oqibatida kelib chiqqan.
“Kapalak effekti — qachondir Avstraliyadagi kapalakning birgina qanot qoqishi tufayli
bir necha yillar o‘tib Amerikada to‘fon hosil bo‘ladi”. Bu shuni anglatadiki, barcha narsalar
bir-biriga chambarchas bog‘liqlikda bo‘lganligi tufayli siz bu mukammal mexanizmdagi
biror mayda elementni o‘zgartirish orqali undan keyingi
katta elementlarning ham
o‘zgarishiga sababchi bo‘lib qolasiz. Hayotingizda bu effekt ta’sirini qo‘llashingiz mumkin.
Ya’ni siz o‘z hayotingizni o‘zgartirmoqchi bo‘lsangiz, eng mayda o‘zgarishlardan
4
boshlashingiz kerak. Biz doim qilayotgan ishlarimizning natijasini tezroq ko‘zimiz bilan
ko‘rishga harakat qilamiz. Shu sababli biror ishni boshlashning o‘zidayoq ko‘proq bajarishga
urinamiz. Masalan, siz chet tilidan lug‘at yodlashni boshlaysiz va bir necha kun davomida
kuniga 150 tadan yangi so‘z yodlaysiz. Undan keyin sizda ishtiyoq so‘nadi, barchasi qiyindek
tuyuladi va ishni tashlab qo‘yasiz. Fitnes bilan shugullanishni boshlaysiz: birinchi bir necha
kunlikda siz qiyin mashqlarni qilasiz va qarabsizki, tanangizdagi og‘riqlar kuchli. So‘ngra
siz barini tashlab qo‘yasiz. Ko‘pincha mayda o‘zgarishlardan boshlagan insonlar ham tashlab
qo‘yishadi. Buning sababi,
yuqorida aytganimizdek, bizning miyamizga o‘rnashib qolgan
natijani tezroq ko‘rish bilan bog‘liq tushunchadir. Mayda o‘zgarishlar bilan boshlangan
ishlar, -15 ℃ li xonadagi muzni eritish uchun xonani sekinlik bilan qizdirishga o‘xshaydi.
Siz xona haroratini 0 ℃ ga ko‘tarishga ketgan vaqtingiz
mobaynida muzda hech qanday
o‘zgarish bo‘lmaydi. 0 ℃ dan keyin muz erishni boshlaganini ko‘rishingiz mumkin.
Hayotingizga kiritadigan kichik o‘zgarishlar mohiyati ham xuddi shunday. Bir qancha
vaqtgacha o‘zgarishlar ko‘zga tashlanmaydi, ammo bir kuni uyg‘onganingizda ko‘p
narsa
o‘zgarganini payqab qolasiz. O‘sha kungacha sabr bilan kichik o‘zgarishlarni amalga
oshirishda davom etish kerak. Bu kitobni xarid qila olgan ekansiz, demak, men beradigan
mayda vazifalarni ham bajara olasiz degan umiddaman.