32
Specific — maxsus
Sizning maqsadingiz maxsus yo‘nalishga ega bo‘lishi kerak. Aynan o‘zingizga tegishli,
yo‘nalishli maqsad bo‘lishi shart. Maqsadingiz orqali qanday natijaga erishmoqchiligingiz va
u nimagalini aniqlab oling. Deylik, siz tennis bo‘yicha jahon chempioni bo‘lmoqchisiz.
O‘zingizga “Nima uchun jahon chempioni bo‘lmoqchiman?” degan savolni bering. Agar bu
ishni shunchaki qilmoqchi bo‘lsangiz, boshqa — hayotingizga foydali bo‘lgan
biror
maqsadni tanlang.
Measurable — o‘lchovli
Maqsadingiz aniq o‘lchovlarga ega bo‘lishi kerak. Aniq ma’lumotlarsiz,
haqiqiy
maqsad yo‘q, shunchaki noaniq yo‘nalish bor bo‘ladi xolos. Sizda “pul topmoqchiman”,
“ozmoqchiman” kabi maqsadlar bo‘lishi mumkin. Shu misollar
kabi maqsadingiz noaniq
bo‘lsa, bu sizning ongingiz psixologiyasiga maqsadlaringizni bekor qilish imkonini beradi.
Siz unchalik aniq bo‘lmagan ishni qilishdan osongina qochish uchun his-tuyg‘ularga berilib
ketasiz. Maqsadlaringiz “men bir yildan keyin oyiga ming dollar pul topmoqchiman”, “men
uch oy ichida 10 kilogramm vaznimni yo‘qotmoqchiman” kabi bo‘lsin.
Maqsadingizga
qachon erishishingizni yozib oling. Aniq sana belgilang. Qanday daraja sizni maqsadingizga
erishganingizni qiyoslab berishini ham aniqlab oling.
Achievable — erishsa bo‘ladigan
Maqsadlaringizni hozirgi holatingizdan kelib chiqqan holda qo‘ying. Misol uchun, hozir
siz oyiga 100 $ pul topayotgan bo‘lsangiz, uch oydan keyin 10 000 $ topishni maqsad qilib
qo‘ymang. Iloji boricha real maqsadlar bo‘lsin. Maqsadingizning
amalga oshishiga oid
mavjud resurslaringiz, bilim va tajribangiz, vaqtingiz, mablag‘ingiz, imkoniyatlaringiz bor
yoki yo‘qligini aniqlab oling. Shunga qarab maqsadingizga miqdor belgilang.
Dostları ilə paylaş: 
