20
- Sən darıxma. Lap elə günü sabah, səhər 11-də səni gözləyirəm. Gəl, söhbətimizə
davam edək.
Ürəyim təskinlik tapdı. Ustada təşəkkürümü bildirdim.
Sonrakı görüşümüz ertəsi gün oldu. Saat 11-də Nazim Hikmət geyimli-kecimli idi.
Əkbər Nazimdən danışanda bir dəfə demişdi ki, o, həmişə səhər yuxudan duran kimi
üzünü qırxır, səhər yeməyindən sonra qəzetlərə baxır, yazı masasının arxasına keçir və
qələmə sarılır.
Nazim Hikmət məni görən kimi dedi:
- Hə, qoçaq, keç, otur, qəzetlərə bax, mən süd alıb gəlirəm.
Yadımdadır, lap balaca uşaq kimi Nazimə yalvardım:
- Olar mən də gedim Sizinlə?
Gülə-gülə dedi:
- Evdə tək qalmaqdan qorxursan?
Hər ikimiz güldük. Daha bir söz demədi. Razılaşdı. Əslində onunla süd almağa
getməyim, bu görüşün hər anından, hər dəqiqəsindən istifadə etməklə bağlı idi. Nə
qədər Nazimlə çox söhbət etsəydim, bir o qədər istəyimə çatacaqdım.
Liftin qarşısına çıxdıq. Dar pillələr yuxarı və aşağı gedirdi. Liftə mindik. Dörd
nəfərlik olsa da, iki nəfər güclə sığırdı bu liftə. Sonralar mən Nazimin "Bizim
avludanmı (həyətdən) qalxacaq cənazəm..." şeirini oxuyanda şairin yaşadığı evin dar
pillələrini, balaca liftini xatırlayacaqdım. Və şairin "Necə endirəcəksiz məni üçüncü
qatdan?" sualını təkrarlayıb dar pillələri, "tabutun sığa bilməyəcəyi lift"i yadıma
salacaqdım.
Bu, Nazim Hikmətlə ilk görüşlərim idi. Sonra bu görüşlərin sayı artdı. Hər dəfə də
istər Moskvada, istər Bakıda onun çıxışlarını lentə alırdım. İndi həmin müsahibələr
Azərbaycan radiosunun “Qızıl fondu”nda saxlanılır. Televiziya və radio verilişlərində
həmin çıxışlardan tez-tez istifadə edirlər.
1963-cü ilin əvvəllərində artıq mənim dissertasiya işim hazır idi. Nazim Hikmət
demişdi: “Sənin müdafiəndə mütləq iştirak edəcəyəm.” Sevincimin həddi-hüdudu yox
idi. Xəyalən namizədlik dissertasiyamı müdafiə edirdim, Nazim Hikməti də
Universitetdə , Rəyasət heyətində görürdüm. Çıxış edəcəkmi? – düşünürdüm – söz alsa,
21
nə deyəcəkdir? Xəyalımda yaratdığım o anlar ömrümün-günümün mənası idi. Atalarda
bir söz var, deyir: “Sən saydığını say, gör fələk nə sayır.”
1963-cü il iyun ayının 3-də Nazim Hikmət dünyasını dəyişdi. Yadımdadır, uşaq
kimi ağladım. Atam, anam, həyat yoldaşım mənə təəccüblə baxırdılar. Amma burada
təəccüblü heç nə yox idi. Mən üç il müddətində tanıdığım, yaxın olduğum, nəfəsi ilə
qızındığım əziz bir adamımı itirmişdim. Mən Türk dünyasının böyük oğlu Nazim
Hikməti itirmişdim.
Düz dörd il əlim işdən soyudu, yalnız 1967-ci ildə Nazim Hikmətə həsr olunmuş
namizədlik dissertasiyamı müdafiə etdim. Müdafiəmdə Nazim Hikmətin müəllimi
hesab edilən Zəkəriyyə Sərtəl də iştirak etdi. O vaxt o, həyat yoldaşı Səbihə xanımla
Bakıda yaşayırdı. Səbihə xanım tez bir zamanda dünyasını dəyişdi, mətbuat üçün onun
haqqındakı nekroloqu da mən yazdım.
Sonra Cümhuriyyət dövrü türk dramaturgiyasına həsr olunmuş doktorluq
dissertasiyamı müdafiə etdim, əsərimin bir hissəsi də Nazim Hikmət haqqında idi. Şair
haqqında yazdığım kitablarımdan biri “100 yaşlı Nazim Hikmət” adlanır. Burada
Nazim haqqında bildiklərimi, Nazimin Azərbaycanla bağlı qırılmaz tellərini əks
etdirməyə çalışmışam. Mən bu kitab haqqında uzun-uzadı danışmaq istəmirəm. Ancaq
bir şeyi qeyd etmək istəyirəm ki, Nazimin ölümündən sonra keçən dövr ərzində çox
sular axıb, çox hadisələr olub. Türkiyədən yazıçılar, şairlər, sənət adamları Azərbaycana
gəlib, gedib. Nazimin həyat yoldaşı Münəvvər oğlu Mehmetlə və birinci ərindən olan
qızı ilə bərabər Bakıda olub. Bacısı Samiyə xanım Bakını ziyarət edib. Bütün bu gəliş-
gedişlərdə, görüşlərimizdə sözümüz-söhbətimiz, təbii ki, Nazim Hikmət olub.
Sizə bir faktı deyim. Nazimin ölümündən sonra azərbaycanlı heykəltəraş, vaxtilə
Nazim Hikmət Moskvada yaşadığı illərdə onunla görüşən Münəvvər Rzayevanın
evində hər il yanvar ayının 20-də şairin ad günü qeyd edilirdi. Mən də bu ad günlərində
olmuşam. Zəkəriyyə Sərtəl və Səbihə Sərtəl də Bakıda yaşadıqları illərdə bu ad
günlərində iştirak edirdilər.
Tale belə gətirdi ki, mən 1972-ci ildə Türkiyəyə işləməyə getdim. Üç il
İskəndərunda yaşadım, İstanbulda oldum. Dəfələrlə Ankaranı, İzmiri, Adananı,
Konyanı gəzdim və hər yerdə bir təkzibedilməz həqiqətin şahidi oldum: Türk xalqı
22
Nazimi sevir. Hətta, əvvəllər mənə “Bizdə vətən xaininin kitabı satılmaz” deyən kitabçı
da sonralar mənim üçün İstanbuldan Nazim Hikmətin şeir kitablarını gətirməyə
başlamışdı.
Türkiyəyə gedəndə atamdan soruşdum: “Sənin üçün Türkiyədən nə gətirim?”
Atam “türk fəsi gətir” dedi. Bakıya dönəndə türk fəsini gətirdim, mahud parçadan
tikilmiş tünd qırmızı rəngdəydi. Atam güzgü qabağında özünə baxdı və “sağ ol, oğlum”
dedi. Soruşdum: “Deyəsən türkləri çox istəyirsən, hə?” Belə cavab verdi: “Türklər
olmasaydı, heç sən də olmazdın. 1918-ci ilin mart ayında türklər Bakıya gəlməsəydi,
ermənilər bizi tamam qıracaqdılar.” Yeri gəlmişkən deyim ki, Türkiyə türkcəsinə, türk
ədəbiyyatına, türk tarix və mədəniyyətinə olan dərin məhəbbəti mən ta uşaqlıq
illərindən ailəmizdə hiss etmişdim. Atam və əmim Ziya Paşanın, Əbdülhəq Hamidin,
Recaizadə Mahmud Əkrəmin, Tevfiq Fikrətin, Rza Tevfiqin əsərlərini oxumuşdular,
əzbər bilirdilər. Atam Əbdülhəq Hamidin “Məqbər”ini əzbərdən deyirdi. Səsi indi də
qulaqlarımdadır...
...Nazim Hikmət gəncliyindən son nəfəsinə qədər Azərbaycanla bağlı olmuşdur.
Onun təkcə şeirlərində deyil, müxtəlif məqalə və çıxışlarında da Azərbaycan, onun
sənət xadimləri xüsusi yer tutmuş, şair sənətkarlarımız haqqında həmişə sonsuz
məhəbbətlə söz açmışdır.
Şairin "Neftə doğru", "Bayramoğlu", "Arpa çayının iki yanı", "Bəhri-Xəzər " və s.
bu qəbildən olan şeirlərində Azərbaycana bağlılıq, heyranlıq, məhəbbət hiss olunur.
Məlumdur ki, Nazim Hikmət Vətəninə döndükdən sonra, müxtəlif təzyiqlərə
məruz qalmış, nəhayət, 1938-ci ildə, mütərəqqi fikirlərinə görə həbs edilmişdi. On üç il
həbsxanada yatan, hər bir işgəncəyə dözən, zindanda olanda da yaradıcılığından və
mübarizəsindən ayrı düşməyən, "İnsan mənzərələri" dastanını qələmə alan, "Bir aşk
masalı", "Yusif ilə Züleyxa" pyeslərini yaradan Nazim Hikmət son dəfə Moskvaya
gələrkən onun ən böyük arzularından biri yenidən Bakıya qovuşmaq idi. Bu arzusuna
yalnız 1957-ci ildə çatdı.
Yuxarıda qeyd etdiyimiz kimi, Nazimin təkcə poeziyasında deyil, məqalə və
çıxışlarında da Azərbaycana böyük sevgi vardır. Onun Füzuli, Vaqif, Sabir, Cəlil
Məmmədquluzadə haqqında söylədiyi fikirlər, Azərbaycanın şəhərlərinə səyahətləri
Dostları ilə paylaş: |