Avtomobil təmirinin əsasları.Avtomobillərin təmirinin növləri və
təmir metodları.
Bütün maşınlar,eləcə də avtomobil nəqliyyatının hərəkət tərkibi üçün texniki xidmət və təmirin planlı-xəbərdarlıq sistemi qəbul edilmişdir.Bu sistemdə təmir əvvəlcədən planlaşdırılır və avtomobillərin iş prosesində qəza imtinalarının qarşısını almağa imkan verir.Təmirin planlı xarakteri texniki xidmət işlərinin də plana uyğun aparılmasını tələb edir.
Planlı-xəbərdarlıq sistemin əsas məqsədi aqreqat və avtomobillərin baza və əsas hissələrinin intensiv yeyilərək tam sıradan çıxmasından əvvəl təmirin aparılmasını nəzərdə tutmaqdan ibarətdir.Bu isə baza və əsas hissələrin qalıq resurslarından tam istifadə etməyə və avtomobillərin ömüruzunluğunu xeyli artırmağa imkan verir.
Avtomobilin təmiri onun itirilmiş iş qabiliyyətinin bərpasının istehsal prosesinə deyilir.
Avtomobillərin təmiri bir sıra əlamətlərinə görə səciyyələndirilir.Resursun bərpa dərəcəsindən asılı olaraq,avtomobil və aqreqatların təmirin təmirinin iki növü vardır : cari təmir və əsaslı təmir.
Dostları ilə paylaş: | 
