70
...İndi də birlikdə idilər. Yanvarın 19-dan 20-nə
keçən gecə idi. Hələ ayın 20-nə 2 saat var idi.
...İndi 19 yanvar, saat haradasa 22 idi. 2 saat son-
ra Bakıda, ümumiyyətlə Azərbaycanda nələrin ola-
cağını heç kim bilmirdi. Azərlə Nazim də bilmirdi.
Amma nəsə bir qorxu qoxusu vardı. Çünki axşama
doğru dövlət televiziyasının yayımı dayandırılmış-
dı. Sonradan bəlli olmuşdu ki, nəsə partlayış olub.
Rəsmi bilgi verilmədiyi üçün bu “nəsə”nin nə oldu-
ğunu öyrənmək çətin idi. Elektrik təchizatıyla bağ-
lı hansısa qəza olduğu deyilirdi. Ona görə də ölkə
televiziyasız qalmışdı. Qəzetlər yalnız sabah səhər
çıxacaqdı və yalnız onda nə baş verdiyini öyrənmək
olardı. İndi isə gecə idi. Dostlar bir az daha dincəlib
səhərədək növbə çəkməli idilər hələ.
- Gedək, qardaş, gedək. Bir az dincələk, qayıda-
rıq. - Azər cavab verdi.
- Amma yataqxanaya gedək. Bizdə adam çoxdur.
Anam, bacım rayondan gəlib. Bilirsən axı, qardaşım
Məhəmmədin məsələsinə görə.
Azər məsələdən agah idi. Söhbət Nazimin özün dən
böyük qardaşı Məhəmmədin iflic olmasından gedir-
di. Ağzı əyilmiş, dili tutulmuş, əl-ayağı kilidlənmişdi
bir anda. Nə qədər həkimlərə göstər sələr də, fayda-
71
sı yox idi. Div kimi oğlan idi Məhəmməd. O qədər
müalicədən sonra da durumu düzəlmirdi. Başına
gələni heç kim izah edə bilmirdi. Sadəcə yeridiyi
yerdə qıc olub torpağa yıxılmışdı. Bir müddət Ba-
kıda xəstəxanada müalicə edilsə də, dəyişən bir şey
yox idi. Ona görə də anası və böyük bacısı rayondan
gəlmişdi ki, onu da götürüb Katexə qayıtsınlar. Bun-
dan sonrası Tanrıya qalmışdı. Elə həkimlər də belə
demişdi.
Tanrı göstərməsin, Məhəmmədə bir şey olsaydı,
Nazim tək qalacaqdı. Lap böyük qardaşı da bir neçə
il öncə qəfil dünyasını dəyişmişdi. Bir anadan üç qar-
daş idilər. Düzdür, daha bir qardaşları vardı, amma
doğma deyildi. Rəhmətlik atasının birinci arvadın-
dan idi bu qardaşları. Ögey olsa da doğma kimi o da.
Ancaq yenə də doğma qardaş başqa şeydir axı.
Nazimin rəhmətlik qardaşının həyat yoldaşı iki
qız uşağıyla gənc yaşlarında dul qalmışdı. Çətin idi
onlar üçün. Onun anası isə Katexdə Məhəmmədlə
birlikdə qalırdı. İndi Məhəmməd də belə xəstələnib
anaya dərd olmuşdu. Çalışırdılar ki, müalicə etsinlər,
lakin alınmırdı ki, alınmırdı...
Nazimin qaldığı bacısının bir otaqlı mənzili indi
onlar üçün əlverişli yer idi. Nərimanov prospekti ilə
72
Haqverdiyev küçələrinin kəsişməsində, küncdəki
beşmərtəbənin birinci qatında olan mənzil əsl tələbə
evi idi. Həm texnikuma yaxın, həm də hər cür şəraiti
olan bir ev idi bu. İndiki şəraitdə isə üstəlik, “Salyan
kazarmaları”nın lap yaxınlığında olması onlar üçün
əlverişli idi. Azər də bura tez-tez gəlirdi. Onsuz da
boş vaxtları olanda ya Nazimgilin bu evində, ya da
Azərin yataqxanadakı otağında başqa dostlarıyla yı-
ğışıb nərd oynayır, çay içib söhbət edirdilər. Bu dəfə
isə Nazimgilə getmək uyğun deyildi. Ona görə də
yataqxanaya yollandılar.
Musabəyov parkının altında, 5 saylı çörək za-
voduyla üzbəüzdə yerləşən yataqxana yerinə görə
əla idi. Amma içəridəki şərait heç də eyni dərəcədə
ürəkaçan sayıla bilməzdi. Burada dəhlizlərdən xoş
olmayan qoxu gəlir, bəzən də səs-küylü olduğu üçün
narahat bir yer sayılırdı. Lakin o da bir gerçək idi ki,
nə qədər narahat olsa da, heç bir sakin yataqxana-
dakı halından şikayət etmirdi. Çünki buradakıların
çoxu bir parça çörək dalınca rayonlardan gəlmiş
sadə fəhlələr idi. Hamısı səhər erkəndən işə gedər,
axşam da yorğun-arğın geri qayıdıb istirahət edərdi.
Bunların tək dərdi normal işləmək, normal yemək
və normal yatmaq idi. Siyasətlə işləri olmazdı. Ya-
73
zı-pozu adamı da deyildilər. Yalnız həftə sonları
bəzən kinoya, yaxud da bulvara gedər, bir az gəzib-
dolaşıb yenə də yataqxanadakı balaca otaqlarına
dönərdilər. Bu fəhlələrin çoxu həftə sonları günor-
taya kimi yatmağı xoşlayardılar. Qınamalı da deyil-
di. Tikintidə işləyirdilər. Ağır iş idi. Ona görə, fürsət
düşən kimi dincəlməyə çalışırdılar. Bu baxımdan da
şikayət etməyə nə halları, nə də zamanları olurdu bu
zəhmətkeş insanların.
Elə Azərin də heç bir şikayəti yox idi. Balaca
bir otağı vardı: bir tərəfində tək adamlıq çarpayı,
küncdə kiçik bir masa, ortada da elektrik sobası.
Çay dəmləmək, kartof qızartmaq, dərs hazırlamaq
üçün bu qədər şərait də yetərli idi. Bir də Azərin iri
bir maqnitofonu vardı. Musiqini çox sevər, çox da
dinlərdi.
Bu dəfə də otağa daxil olan kimi birinci işi maq-
nitofonu açmaq oldu. Musiqi səslənməyə başladı,
çaydanı götürüb su dalınca getdi. Az sonra gətirib
sobanın üzərinə qoydu.
...Başları söhbətə qarışdı, çay da qaynadı. Dəmlə-
dilər. Bir az dəm alsın dedilər.
...Dəm aldı. Hərəyə bir stəkan çay süzdü Azər.
Artıq o iki saatlıq zaman da uçub getməkdəydi. 19
74
yanvar gününün son dəqiqələri də tək-tək qapını
arxadan bağlayıb gedirdi.
...Çaylar soyuyub içilməyə hazırdı. İçmək istə-
dilər, amma qismət olmadı. Dışarıdan sanki güllə
səsi gəldi. Musiqi səsi mane olmaq istəsə də, Azərin
qulağı bu səsi ala bildi. Avtomat atəşi idi elə bil. Tək
güllə atılmışdı. Azər saata baxdı. Düz gecə 12 ta-
mamdı. 19 yanvarı 20 yanvara bağlayan gecənin tən
ortası. 19 yanvar bitmişdi. Özü də sakitcə, qan-qa-
dasız... 20 yanvarın ilk saniyələri isə güllə səsini də
bərabərində gətirmişdi.
Azər qulaq kəsildi. Nazimə baxdı, “elə bil güllə
səsi gəldi”, - deyə onu da qulaq kəsilməyə hayla-
dı. Nazim də öz növbəsində, “hə, nəsə mənə də elə
gəldi”, - deyib cavabını təzəcə bitirmişdi ki, dışarıda
bu dəfə ardıcıl avtomat atəşləri başladı.
Hə, deyəsən, deyilən başa gəlmişdi. Bu, sadəcə
təsadüfi atəş səsi deyildi. Əsgərlikdən təzəcə gəlmiş
bir gənc üçün bunu ayırd etmək də çətin deyildi.
- Nazim, başlandı, qaçdıq, qardaş! Getdik, tələs!
- bunu deyib Azər gödəkçəsinə əl atdı. Nazim də öz
gödəkçəsini çarpayının üstündən götürüb çiyninə
keçirdi. Azərdən fərqli olaraq onun gödəkçəsi ağır
dəri materialdan idi. Bu isə Nazimin daha cəld
Dostları ilə paylaş: |