8
Yazardan
Tarix yazılmalıdır. Həm də, gələcək nəsillər bir
zamanlar nələrin necə olduğunu öyrənə bilsinlər
deyə, olduğu kimi yazılmalıdır.
Bir millətin 20 yanvar kimi şərəf tarixi də yazılma-
lıdır. İlk növbədə, bu tarixi yaradanların, yaşayanla-
rın onu yazması vacibdir. Həmin o qara gecənin iş-
tirakçısı, şahidi olan on minlərlə insanın bu olayları
qələmə alması lazımdır ki, onillər, yüzillər sonra heç
kim gerçəkləri saxta şəkildə təqdim edə bilməsin.
Mən də o olayların iştirakçısı, şahidiyəm. 22 yaşlı
dəliqanlı çağlarımdı. Azərbaycan Sovetlər İttifaqının
tərkibində olsa da, artıq müstəqillik yelləri getdikcə
daha gur əsməyə başlamışdı. Günlərimiz küçələrdə,
meydanlarda, universitet dəhlizlərində keçirdi. Ha-
mımız yavaş-yavaş o müqəddəs günü yaxınlaşdırma-
ğa çalışırdıq. Kimimiz hər şeyi dərk edərək, kimimiz
də sadəcə proseslərdən kənarda qala bilmədiyimiz
üçün meydanlardaydıq.
9
Bizi bu yolda məhrumiyyətlərin, qanların gözlə-
diyini də getdikcə daha dərindən fərq etməyə başla-
mışdıq.
Nəsə bir şey olacağını mümkün sayırdıq. Həbslər,
döyülmələr, hətta ayrı-ayrı fəalların, öndə gedənlərin
terror edilməsi də ağlımıza gəlirdi. Yalnız tək bir
şeydən başqa: doğma saydığımız ordunun Bakını,
ardından da Azərbaycanın başqa şəhərlərini işğal
altına alıb, milləti qanına qəltan edəcəyini, çox gü-
man, heç kim təsəvvürünə belə gətirmirdi. Ola bil-
sin, kimlərsə bunu görürdü, gözləyirdi, lakin geniş
kütlənin belə bir təsbitinin yoxluğuna şəxsən özüm
şahid idim o günlərdə...
Biz bilirdik ki, ordu şəhərə soxulub fövqəladə
vəziyyət elan edə bilər; yəni bunu mümkün sayır-
dıq və ona da hazır idik. Lakin heç bir xəbərdarlıq
etmədən, gecənin bir aləmində rus əsgərlərinin
əliyalın insanların üzərinə tanklarla, avtomat silah-
larla hücuma keçəcəyini düşünmək belə istəmirdik.
Çünki bu davranış nəinki dinc dövrün, hətta savaş
dövrünün qanunlarına belə uyğun gəlmirdi.
Rus əsgərləri və onların başbilənləri o gecə bütün
dünyaya göstərdilər ki, nə barış, nə də savaş qanun-
ları onlar üçün dəyər kəsb etmir. Onlar üçün yalnız
10
güc nümayişi önəmli idi. Hədəf seçdiklərinin əliyalın
olmasının, uşaq, qadın, qoca olmasının onlar üçün
heç bir fərqi yox idi. Əsas olan, heç nəyə baxmadan
hər kəsi əzə biləcəklərini göstərmək idi ki, bunu da
bacardılar...
Bununla belə, bir məsələdə yanılmışdılar. Onlar
əmin idilər ki, bu yolla Azərbaycan xalqının iradəsini,
mübarizə əzmini birdəfəlik qırmaqla başqalarına
da dərs vermiş olacaqlar. Alınmadı! Bacarmadılar!
Azərbaycan xalqı o gecə öz qanıyla tarixin daha bir
şərəfli səhifəsini yazdı və bütün dünyaya göstərdi ki,
əliyalın olsa belə, can bir qəlbdə birləşə, ən qəddar
düşmənin qarşısında şirin canını sipər edə bilər!
Biz o gecə bunu göstərdik, bacardıq və aradan
keçən illər ərzində sübut etdik ki, heç bir təxribata
yol vermədən haqlı iş uğrunda mübarizə aparmışıq.
Lütfən, bu kiçik kitabımı da o günlərin olaylarını
tarixə yazmaq üçün qələmə sarılma cəhdi sayın.
İllər keçdikcə insan yaddaşı korşalır, bir çox
ger çəklər unudulur, olayların xatırlanması çətin-
ləşir. Ona görə də düşündüm ki, nə qədər yadda-
şım yerindədir, olanları qələmə alım. Qoy bu da mə-
nim o gecəylə bağlı bir şahid ifadəm olsun. Zaman
mühakiməsində ittihamçımızsa qoca Tarixdir yalnız!..
11
Kitabda siyasi xadimlərdən, o dövrün hakimiyyət
yetkililərindən heç kimlə bağlı fikirlərə yer vermirəm.
Çünki yazar olaraq şəxsən mənim onlarla təmasım
olmamışdı o günlərdə. Təkcə eşitdiklərim, oxuduq-
larım var ki, onları da bir çox yazarlarımız məndən
öncə dəfələrlə qələmə alıb. Yalnız o vaxtlar Moskva-
da yaşayan Heydər Əliyevin 21 yanvar 1990-cı ildəki
cəsur davranışına yer verməyi məqsədəuyğun say-
dım bu kitabda. Çünki onun o davranışı həqiqətən
də bir tarixi olay olmaqla, millətin ən çətin günündə
böyük mənəvi dəstək idi. Ona bizim çox ehtiyacımız
vardı həmin günlərdə, çox...
Kitabda keçən adların hamısı gerçəkdir. Onların
hər biri o günlərin canlı qəhrəmanı sayıla bilər. Kimi-
si az, kimisi də çox çalışmışdı həmin günlərdə.
Azər obrazı da gerçəkdir və bu, mənim özüməm.
İndi də fəalam. Amma aradan 26 il keçib və bu
sətirləri yazanda o zamankı kimi çılğın, dəli-dolu
deyiləm. Sadəcə olaylara daha soyuqqanlı yana-
şa bilirəm. Həyat təcrübəsi də öz sözünü deyir,
əlbəttə. Bu günümüzdən o günlərə baxanda bir daha
əmin oluram ki, biz haqlıydıq. Günahımız yox idi.
Azərbaycan xalqı dinc mübarizə aparırdı. Sadəcə
Sovet-rus imperiyası öz mahiyyətinə uyğun davran-
mışdı o günlərdə də.
12
Bir zamanlar şahidi olduqlarımı məhz ona görə
qələmə alıram ki, kimin kim olduğu, mübarizəmizin
mahiyyəti doğru anlaşılsın.
Bu bir kitabdır: Bədii kitab. Əslində, memuar da
demək olar. Ancaq yenə də çalışdım ki, bir az dadlı-
duzlu olması üçün bədii üslubda qələmə alım. Ona
görə də roman janrında təqdim edirəm. Hərçənd, ro-
man olmadığını da iddia etmək mümkündür.
Kitabda ara-sıra doğma kəndimə - Dədəliyə yer
verməyim sadəcə əsərin qəhrəmanının - Azərin ha-
radan gəldiyini, kim olduğunu, hansı mühitdə böyü-
düyünü göstərmək məqsədi daşıyır. Bunu, tam ol-
masa da, onu yetişdirən yurd haqqında bilgi vermə
cəhdi kimi qəbul edin.
Oxuyacaq hər kəsə öncədən təşəkkür edirəm.
Yəqin ki, dəyərli oxucularımızın qeydləri, iradları da
olacaq. Onları da dinləməyə, müzakirə etməyə hazı-
ram və buna çox şad olaram.
Son olaraq, yaddaşımı yeniləməyə yardımçı ol-
muş tələbə dostum Kamilə, o günlərdə Xudatda baş
verənləri mənə xırdalıqlarınadək danışmış dostlarım
Ramazan Əliyev və İzzət Biyabaniyə, kitabı çapdan
öncə oxuyub öz dəyərli tövsiyələrini vermiş, onun
Dostları ilə paylaş: |