Cümhuriyyətinin tərkibinə qatılmaq istəyirlər. Memorandumda İrəvan quberniyası (bura
Naxçıvan, Şərur-Dərələyəz, Sürməli qəzaları,
Yeni Bayazid, Eçmiədzin, İrəvan və
Aleksandropol qəzalarının bir hissəsi daxil edilmişdi) Azərbaycanın keçmiş inzibati-ərazi
bölgüsü kimi təqdim edilmişdi.
1
Digər tərəfdən, 1914-1918-ci illərdə Qars vilayətində ermənilərin törətdikləri qırqınların
ən qaynar bölgəsindən olan Aqbaba nahiyəsinin əksər və Şörəyel nahiyəsinin bir hissəsi 1921-ci
1
Cəmil Həsənov. Azərbaycan beynalxalq münasibətlər sistemində, 1918-1920-ci illər,
Bakı, 1993, səh. 203-204. 64
il Qars müqaviləsinə əsasən Ermənistan ərazisinə qatılmışdı. Bütün bunlara görə,
indiki
Erəmnistan ərazisində ermənilərin törətdikləri qırğınlardın bəhs edərkən Qars vilayətində
törədilən qırğınlardan bəhs etməmək mümkün deyil.
1914-cü ildə başlanan rus-türk müharibəsində Körpüköy ətrafında rusların
məğlubiyyətindən sonra yerli türklərin 37 illik rus-erməni əsarətindən qurtaracaqlarına ümidləri
artmışdı. Lakin bu sevinc uzun sürmür. Türk tarixçisi Fəxrəddin Kırzıoğlunun yazdığına görə,
ruslar müharibədə dönüş yaradaraq yeni-yeni türk torpaqlarını işğal etməyə başlayırlar. 1914-cü
il yanvarın 5-də Ərdahanı işğal edən Sibir kazak alayı Çıldırdan Göləyədək türk kəndlərində
“türklərin gəlişini alqışladınız” deyə, silahsız əhalini, çoluq-cocuq demədən qətlə başlayırlar.
“1915-ci ilin əvvəlindən etibarən üç ay ruslar Qars vilayətindəki silahsız türk-müsəlman əhalisini
qırıb qurtarmaqla məşğul oldu. Bakıdakı “İslam Cəmiyyəti Xeyriyyəsi”nin “Fəlakət və
hərbzadələrə yardım şöbəsi” çardan rəsmən izn alıb 1915-ci il aprelin əvvəlində yardıma
gəlincəyə qədər, çox vəhşicə yapılan bu rus qırğını davam etdi. Ən azı 40000 türk qətl edildi. Bu
cəmiyyət rəsmi qeydiyyatla 22000 hərbzədə qarslıya 1917-ci ilin sonuna qədər yardımını davam
etdirib onları ölməkdən qurtardı”.
Bakı Müsəlman Xeyriyyə Cəmiyyəti bu köməkliyi etmək üçün üç dəfə Rusiya çarına
müraciət etmiş, lakin hər dəfə rədd cavabı almışdı. Bundan sonra cəmiyyət Əlimərdan bəy
Topçubaşovun başcılığı ilə Tiflisə - Qafqaz canişininin yanına nümayəndə heyəti göndərir.
Onlara “Siz Qafqazlı müsəlmanlar, bizim düşmənlərimizə yardım etmək istəyirsiniz.
Müharibə
zamanı buna icazə verilməz”- cavabı verilir. Bu zaman Əlimərdan bəy Topçubaşov: “Siz iki
dövlət - Osmanlı imperatorluğu ilə Rusiya çarlığı müharibə edirsiniz. Biz, Sizin düşmənlərinizlə
deyil, işğalınız altına aldıqınız vilayətlərdəki pərişan qardaşlarımıza insani və maddi yardım
etmək istəyirik”- deyərək, icazə almaqa nail olur.
1
Kirzioğlu F., Kars tarihi, 1-ci cild, İstanbul, 1953, səh. 554.
Başqa bir mənbədə göstərilir ki, 1916-cı ildə Əlimərdan bəy Topçubaşov,
Ağabala Quliyev və
müsəlman icmasının digər üzvləri Tiflisə gedərək Qafqaz cəbhəsinin komandanı general
Mşlaevski ilə görüşmüş və ondan Qars vilayətindən müsəlmanların erməni qırğınlarından
qorunmasına təminat verməsini və ermənilərin qətlə yetirdiyi tatar (azərbaycanlı) ailələrinə
yardım üçün vəsait yığılmasına icazə verilməsini xahiş etmişdilər.
2
1915-ci ilin martında Bakı Müsəlman Xeyriyyə Cəmiyyəti Qars ətrafındakı hərbzədələrə
yardım üçün Xosrov bəy Sultanovun başçılığı ilə komissiya göndərmişdi. Novruz bayramı
ərəfəsində yola düşən komissiya martın 21-də Gəncəyə gəlmiş, onları Nəsən bəy Ağayev, Xəlil
bəy Xasməmmədov, Ələkbər bəy Rəfibəyov, Xudadat bəy Rəfibəyov qarşılamış və əlavə maddi
yardım göstərmişdilər. Gəncədə Əhməd Cavad da nümayəndə heyətinə qoşularaq Qarsa
getmişdi.
3
Doktor Xosrov bəy Sultanov 1915-ci il aprelin 8-də Ərdahandan “Kaspi” qəzetinə
göndərdiyi məktubunda yazırdı:” Bütün müsəlman yaşayış məntəqələrində bir
nəfər də olsa,
canlı insan tapmaq mümkün deyil. Yalnız iki məntəqəyə 500-600 qadın və uşaq yığılmışdır.
Onların içərisində cəmisi 6 kişi vardır ki, onlarda da əldən düşmüş qocalardır.”
Nümayəndə heyətinin üzvü İsmayıl Nazaralı xatirələrində yazır ki, Azərbaycan Xeyriyyə
Cəmiyyəti rus işğalındakı Şərqi Anadolu vilayətlərinə göndərdiyi heyət vasitəsilə 12000 yetim
uşaq topladı, milyonlar dəyərində ərzaq və geyim gəndərdi. Rus
1
Məmməd Sadıq Aran. “Qardaş köməyi” məqaləsi;1951; Bax: “Ədəbiyyət və incəsənət” qəzeti,
2 oktyabr 1990-cı il.
2
Azərbaycan Respublikası MDSPİHA, f.276, s.8, iş 463, v.23; Bax: Bəxtiyar Nəcəfov, Лицо
врага (История Армянского национализма в Закафказье в конце ХIХ начале XX v.),
Bakı, 1993, səh. 354-355.
3
Əli Saləddin. “Azərbaycan şerinin Əhməd Cavad dövrü” məqaləsi. “Həyat” qəzeti, 12 may
1992-ci il.
zabitlərinin və erməni komitəçilərinin türklərə təhdid və təcavüz edən bir çox yüksək rus və
erməni zabitləri azəri advokatlar tərəfindən məhkəməyə verildi və cəzalandırıldı.
Bununla da
türk xalqına qarşı edilən özbaşınalıq hərəkətlərinə son qoyuldu.
1
Bakı əhalisini, Azərbaycan türklərini Anadoludakı qardaşlarına yardıma çağırmaq işində
Bakı Müsəlman Xeyriyyə Cəmiyyətinin nəşr etdiyi “Qardaş köməyi” məcmuəsinin çox bvyük
rolu olmuşdur. 1916-cı il fevralın 16-da rusların əlinə keçmiş Ərzurum şəhərinin əhalisinə də bu
cəmiyyət tərəfindən yardım edilmişdi. 1917-ci ilin iyun ayında general-mayor Xan Talışınski və
Elyasov Xeyriyyə Cəmiyyəti tərəfindən Ərzuruma göndərilmişlər və buradakı qaçqınlara un,
ərzaq, pal-paltar paylanmışdı.
2
İndiki Ermənistan ərazisindən və ona bitişik Şərqi Anadolunun rus-erməni işğalı altında
olan ərazilərindən canını salamat qurtarıb qaça bilən kimsəsiz uşaq və qadınların bir qismi
Azərbaycana pənah gətirmişdilər. Tiflisdəki Müsəlman Xeyriyyə Cəmiyyəti qaçqın yetimlərin
cüzi bir hissəsini yetimxanada himayəyə götürmüşdü. Qaçqınların əksəriyyəti isə Bakıya üz
tuturdu.
Sonralar Cənubi-Qərbi Qafqaz Respublikasının xarici işlər naziri
olan Fəxrəddin Ərdoğan
1917-ci ilin əvvəlində Rusiyadan sürgündən qayıdarkən Bakıda gördükləri haqda yazmışdır: “
İlk iş olaraq Bakı Xeyriyyə Cəmiyyətinə getdik, orada olanlarla tanış olduq. Burada istiqlal
eşqiylə cəmiyyətlər qurulmuş, durmadan çalışırlar. Düşdüyümüz İsmailiyyə binasında Musa
Nağıyevin 50 yataqlı qonaqxanası vardı... Bu binanı Nağıyev Xeyriyyə Cəmiyyətinə
baqışlamışdı bundan başqa 200 yataqlı bir də yetimxanası vardı. Burada cəbhədə toplanan
kimsəsiz cocuqlar gətirilərək saxlanırdı. Bakı yetimxanalarını da gəzdim, 1000-ə qədər Ərzurum
1
Məmməd Sadıq Aran, göstərilən məqaləsi.
2
Yavuz Aslan, “Doğu Anadoluya Azərbaycanın yardımı”
məqaləsi, “Millət” qəzeti,
23 may 1992-ci il.
cəbhəsindən gətirilən cocuq və qadın burada saxlanırdı.”
1
F.Ərdoğanın verdiyi məlumata görə rus qoşunları Qarsdan geri çəkildiyi zaman Bakı
Müsəlman Xeyriyyə Cəmiyyətinin, Qarsdakı nümayəndələr Rza bəy Qaraşarov və Yusif Kənan
bəy əhalini erməni qırqınlarından qurtarmaq üçün silah tədarük etmişdilər. Rza bəy Qaraşarov
Qarsda “Yeni Xurşud” adlı qəzet çıxararaq, xalqı savadlandırmağa çalışırmış.
2
Rusiyada 1917-ci il fevral inqilabından sonra çar üsul-idarəsi yıxılmış, müvəqqəti
hökumət qurulmuşdu. Martın 9-da müvəqqəti hökumətin qərarı ilə Qafqaz Canişinliyi
buraxılmış, fövqəladə Zaqafqaziya Komitəsi yaradılmışdı. Noyabrın 11-də Zaqafqaziyada
fəaliyyət göstərən siyasi təşkilatların Tiflisdə yıqıncaqı keçirilmiş və Zaqafqaziya Komissarlığı
yaradılmışdı. Həmin ayda M.Ə.Rəsulzadənin rəhbərliyi ilə Azərbaycan fraksiyası təsis
edilmişdi.
1917-ci il oktyabrın 25-də (köhnə stillə) Rusiyada bolşeviklər hakimiyyətə gəlir.
Çevrilişin ikinci günü Sovetlərin Ümumrusiya qurultayı sülh haqqında dekret qəbul edir.