250-yə yaxın müsəlman
kəndlərini yerlə yeksan etmiş, on minlərlə dinc əhalini qətlə yetirmiş
və sağ qalanları qaçqın düşməyə məcbur etmşidilər,
1918-1919-cu illərdə Qarabağın dağlıq hissəsində 150-dən artıq, Zəngəzur qəzasında 115
kənd bütövlüklə dağıdılmış, əhalisinin xeyli hissəsi erməni silahlı qüvvələri tərəfindən
vəhşicəsinə öldürülmüşdü.
Erməni vəhşiliyi İrzvak quberniyasında və Şərqi Anadoluda misli görünməmiş
həddə çatdırılmışdır. Təkcə 1918-ci ildə İrəvan quberniyasında 211, Qars vilayətində isə 82
kənd dağıdılmış, əhalisi soyqırımına məruz qalmışdır. 1916-cı ildə İrəvan quberniyasında
373582 nəfər yaşadığı halda, 1920-ci noyabrında cəmisi 12 min nəfər Azərbaycanlı
qalmışdı.
Ümumiyyətlə, təkcə 1905-1920-ci illərdə indiki Ermənistan ərazisindən 1000-ə yaxın
Azərbaycanlı kəndləri dağıdılmış, əhalisi soyqırıma məruz qalmışdır.
1920-ci ildən sonra Ermənistanda Azərbaycan türklərinə qarşı deportasiya siyasəti
“dostluq” və “beynəlmiləlçilik” pərdəsi altında davam etdirilmişdir. 1930-1937-ci illərdə
Ermənistanın Türkiyə və İranla sərhəd boyunda yaşayan 50 minə yaxı azərbaycanlı repressiyaya
məruz qalaraq həbs edilmiş Qazaxıstan və Sibir çöllərinə sürgün edilmişlər.
1947-ci il dekabrın 23-də SSRİ Nazirlə Sovetinin “Ermənistan SSR-də kolxozçu və digər
Azərbaycanlı əhalinin Azərbaycan SSR-in Kür-Araz ovalığına köçürülməsi haqqında” qərarına
əsasən 1948 - 1953-cü illərdə Azərbaycanlılar yaşayan ən münbit ərazilərdən, xüsusən də İrəvan
və onun ətraf rayonlarından 150 minə yaxın əhali deportasiyaya məruz qalaraq Azərbaycanın
aran rayonlarına, köçürülmüşdür. Köçürülən əhalinin təqribən yarısı iqlim şəraitinə
uyğunlaşmayaraq tələf olmuşdur.
1988-ci ildə keçmiş SSRİ rəhbərliyinin Azərbaycana qarşı qərəzli
mövqeyindən istifadə
edən Ermənistan Respublikası Dağlıq Qarabağ Muxtar Vilayətini anneksiya etməyə cəhd
göstərməklə yanaşı Ermənistan SSR Ali Soveti sessiyasının məxfi göstərişinə əsasən, 1988-ci il
noyabrın 22-dən 28-dək müddət ərzində Azərbaycanlılar yaşayan 22 rayonda 170 sırf və 94
qarışıq (ermənilərlə) yaşayış məskənləri boşaldılmış, nəticədə 200 mindən artıq azərbaycanlı 18
min müsəlman kürd, min nəfər rusdilli əhali Azərbaycana qovulmuşdur. Həmin vaxt 216
azərbaycanlı vəhşicəsinə qətlə yetirilmiş, minlərlə qadın, uşaq və qoca bədən xəsarəti almış, on
minlərlə ailənin əmlakı qarət olunmuşdur.
Rəsmi Ermənistan Azərbaycanlılara qarşı soyqırım həyata keçirərək onları tarixi-etnik
torpaqlarından təmizlədikdən sonra mənəvi soyqırım-türk mənşəli toponimləri erməniləşdirmək
aksiyasını həyata keçirmişdir. 1990-cı ildən etibarən son vaxtlara qədər mövcud olan 250-yə
yaxın türk mənşəli toponimin hamısı dəyişdirilmiş və yaxud bu yaşayış məntəqələri
ölü kəndə
çevrilərək yaşayış məntəqələrinin siyahısından silinmişdir. Lakin Ermənistan parlamentinin 9
aprel 1991-ci il tarixli fərmanı istisna olmaqla (həmin fərmanla 90-dan artıq toponimimiz
dəyişdirilmişdir) qalan toponimlərin nə vaxt və necə dəyişdirildiyi, yaxud hansı fərmanla yaşayış
məntəqələrinin siyahısından çıxarıldığı haqqında məlumat yoxdur. Müvafiq orqanların yardımı
ilə yerdə qalan toponimlərin də aqibətini dəqiqləşdirmək mümkündür. Bununla, son iki əsrdə
indiki Ermənistan ərazisində Azərbaycanlılara qarşı törədilən fiziki soyqırımdan başlayaraq,
mənəvi soyqırımla başa çatan bir faciənin xronikasını tamamlamaq, onu dünya ictimaiyyətinin
nəzərinə küll halında çatdırmaq, əsl soyqırımına kimin məruz qaldığı əyani
sübut etmək
mümkündür.
Monoetnik Ermənistan dövləti yaratmağa nail olan Ermənistan rəhbərləri onu dəstəkləyən
dövlətlərin hərbi-sənaye potensialından qidalanaraq əhalisinin 30 faizini Azərbaycanlılar təşkil
edən Dağlıq Qarabağ Muxtar Vilayətini, habelə, 7 ətraf rayonu (Laçın, Kəlbəcər, Qubadlı,
Zəngilan, Cəbrayıl, Ağdam və Füzuli rayonlarını)
işğal edib xarabazara çevirmiş, əhalini
soyqırımına məruz qoymuşlar.
Ermənistan silahlı qüvvələri Azərbaycanın 12 rayonunun (ərazisinin 20 faizi, yaxud 5/1
hissəsini, 700 yaşayış məntəqəsini işğal etmiş, 20 minə yaxın Azərbaycan vətəndaşını öldürmüş,
4 minə yaxın əhalini girov götürmüşlər ki, onların da əksəriyyəti uşaqlar, qadınlar və qocalar
təşkil edirlər, 1992-ci il fevralın 26-da törədilən Xocalı soyqırımı dünya
tarixində analoqu
olmayan vəhşiliyin nümunəsidir. Bir milyona yaxın Azərbaycanlı öz ölkəsində qaçqın
düşmüşdür,
İşğal edilmiş ərazilərdə 4 minə yaxın sənaye və kənd təsərrüfatı obyekti, ümumi sahəsi 6
milyon kv. metr olan 180 mindən artıq mənzil və şəxsi ev, minə yaxın təlim tərbiyə müəssisəsi, 3
minə yaxın mədəni-maarif ocağı, 700-dən artıq tibb müəssisəsi erməni vandalları tərəfindən
dağıdılmışdır.
Beləliklə, təkcə XX yüzillikdə bir milyona yaxın Azərbaycanlı ermənilər tərəfindən
vəhşicəsinə öldürülmüş, 1,5 milyondan artıq soydaşlarımız indiki Ermənistan ərazisindən
deportasiya edilmişdir. 1918-ci ildə imzalanan Batum müqaviləsinə əsasən cəmisi 9 min kv. km.
ərazisi olan Ermənistan 1988-ci ildə onu 30 min kv.km.-ə çatdırmış, hazırda
isə işğal etdiyi
ərazilərlə birlikdə azı 45 min kv.km. əzəli Azərbaycan torpaqlarını öz nəzarəti altına almışdır.
Kitabda tədqiq edilən tarixi faktlar, arxiv sənədləri, statistik məlumatlar belə nəticəyə
gəlməyə əsas verir ki, indiki Ermənistan ərazisində və Azərbaycanın
işğal edilmiş ərazilərində
erməni silahlı birləşmələrinin azərbaycanlılara qarşı törətdikləri kütləvi qırğınlar və cəza
aksiyaları BMT Baş Məclisinin 9 dekabr 1948-ci il tarixli Konvesiyasına görə soyqırım hesab
edilməlidir.
X1X-XX əsrlərdə ermənilərin xalqımıza qarşı törətdikləri soyqırım və kütləvi repressiya
aksiyalarına hüquqi-siyasi qiymət vermək məqsədilə prezident H.Əliyev 26 mart 1998-ci ildə
“Azərbaycanlıların soyqırımı haqqında” fərman imzalamış və bütün soyqırım faciələrini yad
etmək məqsədilə 31 mart Azərbaycanlıların soyqırım günü elan edilmişdir.
Bütün bu faktlar dünya ictimaiyyətinin nəzərinə çatdırılmalı, Azərbaycan xalqına qarşı soyqırımı
törədənlərin cinayət məsuliyyətinə cəlb edilməsi üçün beynalxalq təşkilatlar qarşısında məsələ
qaldırılmalıdır.