20
C e y h u n H a c ı b ə y l i n i n a r x i v i n d ə n
Odlar yurdu, № 14 iyul 1989.
1917-ci il fevral inqilabından sonra Zaqafqaziyanı idarə etmək üçün mart
ayının 9-da V.A.Xarlamovun (kadet) sədrliyi altında xüsusi komitə yaradılmışdır.
Komitəyə A.İ. Çxenkeli (menşevik), knyaz Abaşidze (sosial - federalist),
M.Y.Cəfərov (bitərəf) və M.İ. Panacanov (kadet) daxil idilər. Bundan sonra 1917 –
ci ilin noyabrın 18 –də diyarı idarə etmək üçün Y.P. Gegeçkorinin (menşevik)
sədrliyi ilə 11 nəfərdən ibarət Zaqafqaziya komissarlığı (Zaqafkom) adı altında
müvəqqəti hökumət yaradıldı. Azərbaycandan Ələkbər Xasməmmədov (müsavat),
Məmməd Yusif Cəfərov və Xudadat bət Məlikaslanov (hər ikisi bitərəf)
Zaqafkomun üzvləri oldular. 1918 –ci ilin fevralın 10 –daZaqafqaziya seymi
yaradıldı və bu seym 19180-ci il aprelin 22 –də (yeni stillə) müstəqil, demokratik,
federativ respublikanın yaradılmasını elan etdi. Mayın 26-da Zaqafqaziya seyminin
sonuncu iclası zamanı menşevik Sereteli seymin buraxıldığını bildirdi.
Mayın 26-da Gürcüstan, mayın 28-də Azərbaycan və Ermənistan öz
müstəqilliyinin elan etdi. Bir gün əvvəl isə keçmiş seymin müsəlman fraksiyasının
iclası tərkibində Məmməd Əmin Rəsulzadə və Fətəli xan Xoyski olmaqla Milli
Şuranın Rəyasət heyətini seçdi. Milli şura Azərbaycanın müstəqil dövlət elan
olunması haqqında qərar qəbul etdi. (qərarın lehinə 24 nəfər səs verdi, 2 nəfər
bitərəf qaldı).
1918-ci il mayın 28-də Tiflis şəhərində Azərbaycan Milli Şurası
sədrinin müavini Həsənbəy Ağayev, katib Mustafa Mahmudov, Fətəli xan Xoyski,
Xəlilbəy Xasməmmədov, Nəsibbəy Yusifbəyli, Mir Hidayət Seyidov, Nəriman bəy
Nərimanbəyov, Heybətqulu Məmmədbəyov, Mehdibəy Hacınski, Əli Əsgər bəy
Mahmudbəyov, Aslan bəy Qardaşov, Sultan Məcid Qənizadə, Əkbərağa
Şeyxulislamov, Mehdi bəy Hacıbababəyov, Məmməd Yusif Cəfərov, Xudadatbət
Məlikaslanov, Rəhimbəy Vəkilov, Həmid bəy Şahtaxtinski. Firudin bəy Köçərli,
Cəmobəy Hacinski, Şəfi bəy Rüstəmbəyov, Xosrovpaşa bəy Sultanov, Cəfər
Axundov, Məhəmməd Məhərrəmov, Cavad Məlik – Yeqanov və Hacı Molla
Axundzadənin iştirakı ilə Azərbaycanın müstəqilliyi haqqında aşağıdakı aktı elan
etdi:
Böyük Rusiya inqilabının gedişində Rusiyada rus qoşunlarının
Zaqafqaziyanı tərk etməsinə gətirib çıxaran və dövlət orqanizminin ayrı –ayrı
21
hissələrini dağıdan siyasi quruluş meydana gəldi. Öz gücləri hesabına Zaqafqaziya
xalqları Zaqafqaziya demokratik respublikasını yaratdılar. Fəqət, siyasi hadisələrin
sonrakı gedişatında gürcü xalqı Zaqafqaziya Federasiyasının tərkibindən çıxıb
müstəqil Gürcüstan Demokratik Respublikası yaratmaq qərarına gəldi.
Rusiya
və
Osmanlı imperiyası arasında yaranan müharibənin
dayandırılması ilə əlaqədar olaraq Azərbaycanın indiki siyasi vəziyyəti, həmçinin
ölkədə yaranmış hədsiz anarxiya Zaqafqaziyanın cənub və şərq qismini təşkil edən
Azərbaycana və Azərbaycan xalqlarını düşdükləri daxili və xarici vəziyyətdən
çıxarmaq naminə öz dövlətini yaratmağı hökm edir. Yuxarıda sadalananların
əsasında xalq səsverməsi yolu ilə seçilən Azərbaycan Müsəlman Milli Şurası bu
gündən bütün xalqa bəyan edir:
1. Azərbaycan tam hüquqlu və müstəqil dövlətdir. O,
Zaqafqaziyanın cənub və şərq hissələrindən ibarətdir. Ali hakimiyyət Azərbaycan
xalqına məxsusdur.
2. Müstəqil Azərbaycanın siyasi quruluş forması demokratik
cümhuriyyətdir.
3. Azərbaycan Demokratik Cümhuriyyəti beynəlxalq birliyin
bütün üzvlərilə, xüsusən həmsərhəd xalqlar və dövlətlərlə dostluq əlaqələri
yaradacaq.
4. ADC öz sərhədləri daxilində millətindən, dinindən, ictimai
vəziyyəti və cinsindən asılı olmayaraq, bütün vətəndaşlarına tam vətəndaşlıq və
siyasi hüquqlar verir.
5. ADC onun ərazisində yaşayan bütün xalqların sərbəst
inkişafına şərait yaradacaq.
6. Məclisi – müəssisanın çağırılmasına qədər Azərbaycanda ali
hakimiyyət xalqın səsvermə yolu ilə seçdiyi Milli Şura və Milli Şuranın qarşısında
cavabdeh olan Müvəqqəti hökümət sayılır. Həmin gün mayın 28-də aşağıdakı
tərkibdə Müvəqqəti hökumət təşkil olunmuşdur. F. Xoyski – Nazirlər Şurasının
sədri və daxili işlər naziri, Xosrovpaşa bəy Sultanov – hərbi nazir, Məmməd Həsən
Hacınski – xarici işlər naziri, Nəsibbəy Yusifbəyli – maliyyə və sənaye naziri,
Xəlilbəy Xasməmmədov - ədliyyə naziri, Məmməd Yusif Cəfərov – ticarət və
sənaye naziri, Əkbər ağa Şeyxülislamov – nəqliyyat, poçr və teleqraf naziri,
Cəmobəy Hacınski – dövlət nəzarəti.
Müvəqqəti hökumətin başçısı F.Xoyski radioteleqrafla tarixdə ilk dəfə
olaraq müstəqil Azərbaycan Cümhuriyyətinin yaranmasının xarici dövlətlərin
başçılarına bildirdi.