10
TRASECA-nın məqsədi qeyd olunmuş dövlətlərin iqtisadi və siyasi müstəqilliyini
dəstəkləmək, onların alternativ nəqliyyat yolları vasitəsilə Avropa və dünya
bazarlarına çıxış imkanlarını artırmaq və iştirakçı ölkələrin öz aralarında gələcək
regional əməkdaşlığının stimullaşdırılmasıdır. Bununla yanaşı layihədən iştirakçı
dövlətlərə investorlar və beynəlxalq maliyyə təşkilatlarının cəlb edilməsi üçün
istifadə etmək də əsas hədəflərdəndir. Layihə çərçivəsində gələcəkdə TRASECA
nəqliyyat
dəhlizinin
Trans-Avropa
şəbəkələri
ilə
inteqrasiyasısının
optimallaşdırılması da nəzərdə tutulub.
Şəkil 1. TRACECA layihəsi
Bu regional inteqrasiya layihəsi yalnız yeni Avrasiya nəqliyyat dəhlizinin
yaradılmasını nəzərdə tutmur, həmçinin dünyanın ən böyük qitəsində iqtisadi
qarşılıqlı əlaqənin möhkəmləndirilməsi hədəfini daşıyır.
TRASECA layihəsi digər mövcud marşrutlardan daha cəlbedicidir. Təkcə
bunu qeyd etmək kifayətdir ki, Yokohamadan (Yaponiya) əsas iri Qərbi Avropa
limanlarınadək (Rotterdam, Hamburq, Antverpen və s.) olan əsas transokean
marşrutu üzrə məsafə TRASECA marşrutuyla müqayisədə 2 dəfə uzundur. Bu
layihənin inkişafı, marşrutun keçdiyi ölkələrdə tranzitin inkişafı, sözsüz ki,
gələcəkdə istehsalın artmasına və bu regionlarda əhalinin məşğulluq səviyyəsinin
artmasına da səbəb olacaq. Hansı tipli iqtisadi və ya siyasi dəyişiklər olsa da
TRASECA dəhlizinin öz nəqliyyat şəbəkəsi ilə mövcudluğu əlverişli investisiya
11
mühiti yaradaraq, həm regional, həm də transregional inteqrasiya proseslərinə
müsbət təsir edən uzunmüddətli stabilləşdirici faktor olaraq qalacaq.
21-ci əsrdə telekommunikasiya və informasiya proseslərinin sürətli
inkişafıyla eyni zamanda ümumdünya internet şəbəkəsi üzərindən gedən elektron
ticarətin də inkişafını nəzərə alaraq, qeyd etmək lazımdır ki, bu kontekstdə
nəqliyyatın rolu daha da artır. Elektron satışların satışındasa əsas məsələ sifariş
olunmuş məhsul və yüklərinin çatdırılması sürətidir.Bununla yanaşı, çoxlu sayda
faktorları da analiz etmək lazımdır: yükərin çatdırılmasının sürət və təhlükəsizliyi,
qətt edilməli olan məsafə, nəqliyyat növü. Bununla bağlı nəqliyyat xidmətləri
bazarında birinci plana tranzitlik aspekti çıxır ki, yeni, daha qısa marşrutlar,
rəqabətədavamlı tariflər, tranzit daşınmanın uyğun xidmət səviyyəsi və s. – tranzit
daşınmalarında hamıya məlum olan “kommersiya üçbucağı” (Vaxt – Xidmət –
Tarif). Eyni zamanda, dəniz nəqliyyatı transokean marşrutlarında öz pozisiyalarını
qoruyub saxlayacaq.
Geniş nəqliyyat şəbəkəsi olan istənilən nəqliyyat dəhlizinin yaradılması və
inkişafı yalnız ayrı-arılıqda dəhlizin keçdiyi ölkələrin yük daşınmalarının
artacağını nəzərdə tutmur. Çünki beynəlxalq nəqliyyat dəhlizinin tranzit
yükdaşınmasının hərəkəti və paylanması transregional və çoxfaktorlu koordinat
sistemində təşkil olunur və fəaliyyət göstərir.
TRASECA nəqliyyat dəhlizinin rəqabətədavamlılığını artırmaq üçün yeni
yükdaşımaların cəlb edilməsi məqsədilə nəqliyyat komplekslərinin əhəmiyyətli
modernizasiyası tələb olunacaq. Mərhələli modernləşdirmə və nəqliyyat
infrastrukturunun və onun komplekslərinin inkişafı üçün TRASECA layihəsi
ölkələrinə lazım olan ümumi investisiyanın təxmini həcmi 50 mlrd. dollardan
çoxdur. Müqayisə üçün Çin son illərdə analoji məsələlərin həllinə 30 mlrd.
dollardan çox vəsait xərcləmişdir.
TRASECA ölkələrinin tarixinə nəzər yetirsək görə bilərik ki, yalnız daxili
maliyyə resurslarının və Beynəlxalq Maliyyə İnstitutlarının kreditlərinə hesabına
böyük miqyasda nəqliyyat infrastrukturunun yenilənməsi olduqca çətindir. Özəl
investorların öz investisiya biznes-planlarının reallaşdırılması üçün mühafizəkar
12
və planlaşdırıla bilən şərtlərin yaradılması vacibdir. Bu investisiya mühitinin
cəlbediciliyi səviyyəsinin əsas indikatorlarındandır. Həmçinin, özəl investorların
nəqliyyat infrastrukturunun inkişafı və modernləşdirilməsinə yönləndirilmiş
birləşdirici regional investisiya biznes-planlarında iştirakı gələcəkdə həlledici
əhəmiyyət daşıyacaq.
INOGATE (INterstate Oil and GAs Transportation to Europe) layihəsi 1995-ci
ildə Avropaya neft və qazın dövlətlərarası ixracına Avropa Birliyinin dəstək
mexanizmi kimi reallaşdırılmağa başlanılmışdır. Layihə çərçivəsində Avropa
birliyi yeni müstəqillik əldə etmiş ölkələrə maliyyə dəstəyi göstərmişdir.
Azərbaycan da daxil olmaqla 15 ölkə 1999-cu ilin iyulunda dövlətlərarası Çərçivə
Sazişi imzalanmışdır.
Layihə 2006-cı ilədək TACIS proqramı tərəfindən, 2007-ci ildən isə Avropa
Qonşuluq və Tərəfdaşlıq Aləti (AQTA) tərəfindən maliyyəlləşdirilməkdədir.
Layihənin əsas hədəfləri iştirakçı ölkələrdə şəffaf enerji bazarlarının
yaradılması, həmin bazarların Avropa Birliyinin enerji bazarı ilə inteqrasiyasının
gücləndirilməsi, enerji təchizatının təhlükəsizliyinin artırılması və investisiyaların
cəlb olunmasıdır. Bundan əlavə mövcud infrastrukturun bərpa edilməsi və
müasirləşdirilməsi, ətraf mühit üçün daha zərərsiz və enerji qənaətli sistemlərə
dəyişdirilməsi, bütün iştirakçılar üçün iqtisadi və ətraf mühitin qorunması
baxımından maraq kəsb edən layihələrin maliyyələşdirilməsinin təşviq edilməsi
sahələrində hüquqi və texniki standartların uyğunlaşdırılması da prioritet
mövzulardandır.
Çinin güclü və stabil iqtisadiyyatı hesabına Çin investorları qlobal səviyyədə
aktiv və vacib rol oynayırlar. Çinin fərqli sahələrdə olan böyük potensialı həm
yerləşdiyi region, həm Avrasiya, həm də bütün dünya üçün olduqca vacibdir. Son
illərdə Orta Asiyada möhkəmlənməyə başlayan Çin bu istiqamətdə tarixi İpək
yolunun dirçəldilməsi üzrə mühüm tədbirlər həyata keçirməkdədir. Xüsusilə Si
Tszinpinin 2012-ci ildə rəhbərliyə gəlməsindən sonra bu mövzu yenidən gündəmə
gəldi. 2013-cü ildə Tszinpin yeni “İpək yolu iqtisadi kəməri”-nin yaradılmasıyla