20
İnvestisiya layihələrinin səmərəliliyinin qiymətləndirilməsi 2 mərhələdə
aparılır.
Birinci mərhələdə layihənin ümumilikdə səmərəlilik göstəriciləri hesablanır.
Bu mərhələnin məqsədi layihə həllərinin məcmu iqtisadi qiymətləndirməsi və
investorların axtarışı üçün lazımi şəraitin yaradılmasıdır. Yerli layihələr üçün
yalnız onların kommersiya səmərəliliyi qiymətləndirilir və əgər o məqbul olarsa,
qiymətləndirmənin ikinci mərhələsinə keçmək olar. Əgər maliyyələşmənin
mənbəyi
və
şərtləri
artıq
məlumdursa,
kommersiya
səmərəliliyinin
qiymətləndirməsini aparmamaq olar.
İkinci mərhələ, maliyyələşmə sxeminin hazırlanmasından sonra həyata
keçirilir. Bu mərhələdə iştirakçıların sayı dəqiqləşdirilir və onların hər birinin bu
layihədə iştirakının səmərəliliyi və layihənin maliyyə cəhətdən reallaşdırıla bilməsi
müəyyənləşdirilir. Yerli layihələr üçün bu mərhələdə layihədə ayrı-ayrı müəssisə-
iştirakçıların iştirakının səmərəliliyi, Belə səhmdar müəssisələrin səhmlərinə
investisiya yatırımlarının səmərəliliyi müəyyənləşdirilir.
İnvestisiya layihələrinin qiymətləndirilməsi aşağıdakı sırayla həyata
keçirilir:
- İnvestisiya imkanlarının axtarışı (imkanların, investisiya təkliflərinin
müəyyənləşdirilməsi)
- Layihənin ön hazırlığı (ilkin seçim mərhələsi, investisiyaların əsaslandırılması)
- Layihənin yekun hazırlığı (layihələndirmə mərhələsi, texniki-iqtisadi
əsaslandırma)
İnvestisiya imkanlarının axtarışı və layihənin ön hazırlığı mərhələlərində
adətən layihənin ümumi səmərəliliyinin qiymətləndirilməsi ilə kifayətlənirlər.
Bununla yanaşı pul axınlarının hesablanması cari qiymətlər üzrə aparılır.
Layihənin maliyyələşmə sxemi ən ümumi cizgilərdə planlaşdırıla bilər.
21
Layihənin yekun hazırlıq mərhələsində yuxarıda qeyd olunmuş bütün növ
səmərəliliklər qiymətləndirilir. Bu zaman real məlumatlar istifadə olunmalıdır.
Hesablamalar isə cari və proqnozlaşdırılmış qiymətlərlə aparılmalıdır.
Maliyyələşmə sxeminin müəyyənləşdirilməsinin məqsədi – investisiya
layihəsinin maliyyə reallaşdırının təmin edilməsidir. Yəni ki, layihənin pul axını
strukturunu elə təmin etmək lazımdır ki, hər bir hesabat addımında layihənin
davamı üçün kifayət qədər pul olsun.
Maliyyə sxeminin hazırlanması zamanı cəlb olunan vəsaitlərə olan tələb
müəyyənləşdirilir. Lazım olduğu təqdirdə pul axınının müsbət saldo hissəsinin
depozitə və ya uzunmüddətli qiymətli kağızlara yatırılması mümkündür. Belə
yatırımlar əlavə fondlara yatırımlar adlanır. Əlavə fondlara amortizasiyadan və ya
xalis gəlirdən vəsaitlər daxil edilə bilər. Əlavə fondlara vəsaitlərin daxil edilməsi
məxaric hesab olunur. Bu vəsaitlərdən gəlirlər isə investisiya layihəsinin qeyri-
əməliyyat gəlirlərinin hissəsi hesab olunur.
İnvestisiya layihələrinin seçimi zamanı iqtisadi qiymətləndirmə
əsaslandırma və mümkün variantlar arasında seçim prosesində mərkəzi yeri tutur.
Layihənin bütün əlverişli xüsusiyyətlərinə baxmayaraq, əgər aşağıda qeyd
olunanları təmin etmirsə, heç vaxt reallaşdırılmasına başlanılmayacaq:
- yatırılmış vəsaitlərin məhsul və xidmətlərin satışından gəlirlər hesabına
qaytarılması
- müəssisələr üçün investisiyaların rentabelliyini arzuolunandan aşağı olmamasını
təmin edən gəlirlərin əldə olunması
- müəssislələr üçün məqbul müddət çərçivəsində sərmayələrin qayıtması
İnvestisiya fəaliyyətinin məhz belə nəticələrə çatma reallığının
müəyyənləşdirilməsi istənilən layihəyə vəsait yatırılmasının maliyyə-iqtisadi
qiymətləndirilməsinin əsas vəzifəsidir.
22
Belə qiymətləndirmənin həyata keçirilməsi həmişə çətin tapşırıq olmuşdur, bu isə
bir sıra amillərlə izah olunur:
Birincisi, investisiya xərcləri ya bir dəfə, ya da uzun zaman dövrü ərzində
(bəzən bir neçə ilədək) dəfələrlə həyata keçirilə bilər.
İkincisi, investisiya layihəsindən nəticələrin əldə olunması prosesi də
uzundur (istənilən halda bir ildən çox olur).
Üçüncüsü, uzun əməliyyatların aparılması investisiyaların bütün
aspektlərinin qiymətləndirilməsində qeyri-müəyyənliyin artımına və səhvin olması
riskinə gətirir.
Məhz
bu
amillərin
mövcudluğu
investisiya
layihələrinin
qiymətləndirilməsinin xüsusi üsulların yaradılmasının vacibliyini doğurdu. Bu
üsullar minimal mümkün xəta dərəcəsi ilə kifayət qədər əsaslandırılmış qərarların
qəbuluna imkan yaradır (amma layihənin qiymətləndirilməsi zamanı tamamilə
etibarlı qərar əlbəttə ki, mümkün deyil).
23
II FƏSİL
Azərbaycandakı reallaşdırılan transregional layihələr, onların əsas
xarakteristikaları
2.1. Azərbaycanın region, dünyada yeri və xarici siyasətdəki əsas
istiqamətlər
1991-ci ildə Azərbaycan müstəqillik əldə etdikdən sonra xarici iqtisadi
əlaqələrində öz müstəqil strategiyasını yürütməyə başlamışdır. Bu strategiyanın
əsas hədəfləri bazar iqtisadiyyatına keçid və ölkə iqtisadiyyatının beynəlxalq
iqtisadi münasibətlərə inteqrasiyası olmuşdur.
Müstəqilliyin ilk illərində müharibə vəziyyəti və çətin siyasi şəraitə
baxmayaraq Azərbaycanın sosial-iqtisadi inkişafı və dünya təsərrüfat sisteminə
inteqrasiyası sahəsində əhəmiyyətli uğurlara nail olunub. Beynəlxalq maliyyə-
kredit və iqtisadi qurumlarla əlaqələrin qurulması bu inteqrasiya strategiyasının
əsas istiqamətlərindən olub. Qeyd etmək lazımdır ki, ötən əsrin sonlarında
Azərbaycan demək olar bütün nüfuzlu beynəlxalq təşkilarlara üzv olmuşdur. 1992-
ci ildə Dünya Bankına, Beynəlxalq Valyuta Fonduna, Avropa Yenidənqurma və
İnkişaf Bankına, İslam İnkişaf Bankına, 1999-cu ildə isə Asiya İnkişaf Bankına.
Azərbaycan 1992-ci il martında Beynəlxalq Millətlər Təşkilatının, daha
sonra elə həmin ildə ATƏT, İKT kimi təşkilatların da üzvünə çevrilmiş
Azərbaycan, 2001-ci ildə Avropa Şurasına qəbul olunmuş, Avropa Birliyi və
NATO kimi təşkilatlarlasa geniş əlaqələr yaratmışdır.
Strategiya çərçivəsində Azərbaycan inkişaf etmiş ölkələrin qabaqcıl
texnologiyalarını və maliyyə resurslarını cəlb etməyə çalışmış və onlarla qarşılıqlı
faydalı əməkdaşlıq əlaqələri daim inkişaf etdirilmişdir. Bu münasibətlərin
qurulmasında ölkənin zəngin iqtisadi potensialı və əlverişli geosiyasi mövqeyi
mühüm rol oynayıb.
Dostları ilə paylaş: |