5
buraxılış işində müasir dövrdə ticarətə daxil olan neft emalı məhsullarının
çeşidinin təhlili öz geniş əksini tapmışdır.
Buraxılış işinin praktiki hissəsində ticarətə daxil olan avtomobil
benzinlərinin keyfiyyət göstəriciləri həm orqanoleptik, həm də laboratoriya üsulu
ilə tədqiq edilmişdir.
Buraxılış işinin sonunda aparılan təhlillər və əldə edilən nəticələr
ümumiləşdirilərək mövzu ilə bağlı bir sıra maraqlı təkliflər irəli sürülmüşdür.
6
I. NƏZƏRİ HİSSƏ
1.1. Azərbaycanda neft sənayesinin inkişafının müasir vəziyyəti
Milli istehsalın və bütünlükdə milli iqtisadiyyatın enerji ilə, daha döğrusu
yanacaqla təmin edilməsi günümüzdə bütün ölkələrin iqtisadiyyatı üçün həll
edilməsi zəruri olan əsas problemlərdən biridir.
Azərbaycanda neft sənayesinin inkişafı uzun bir dövrü əhayə edir. Aparılan
tədqiqatlardan aydın olur ki, hələ XVIII əsrin əvvəllərində, yəni 1720-1730-cu
illərdə Abşeronda neftin əllə çıxarılması üsulu müşahidə olunurdu.
Lakin zaman keçdikcə bəşər tarixində yeni inkişaf mərhələsi başladı və digər
məhsullara olan tələbat kimi insanların yanacağa olan tələbatı da xeyli artdı.
Beləliklə yeni neft yataqları kəşf olunur, qurğular qazılır və yeni mədənlər bir-
birinin ardınca işə düşürdü.
Bakı neftinin əldə olunması və emal edilməsi ilə yanaşı onun ixrac edilməsi
sahəsində də yeni naliyyətlər əldə olunmuşdur. Min tonlarla xam neft çıxarılır və
demək olar ki, əldə olunan neftin 85-88%-i daşınıb xarici ölkələrə satılırdı. Belə ki,
ilk dəfə Bakı neft məhsulları 1873-cü ildə İrana, 1881-ci ildə isə Qərbi Avropa
ölkələrinə – Belçikaya, İngiltərəyə, Almaniyaya və s. daha sonra Misirə və Çinə də
ixrac edilirdi.
1889-cu ilə qədər Bakıda neft istehsalında yaranan əsas problemlərdən biri
də neftin nəqli ilə əlaqədar idi. İlk dəfə yalnız 1889-cu ildə neft nəql edən borulu
stansiya inşa edilib. O vaxta qədər neft Azərbaycan daxilində və yaxın qonşu
ölkələr ərazisinə əsasən arabalar vasitəsilə daşınırdı. Neft emalının və ixracının o
illər üçün ən maksimum həddi 1913-cü ildə əldə olunmuşdur. Bakı neftinin böyük
hissəsi Batumi limanından Avropa ölkələrinə ixrac edilirdi. Yuxarıda qeyd
etdiyimiz dövür Azərbaycanın bolşevik çevrilişinə qədərki neft sənayesinin
meydana gəlməsi və bu sahədə olan irəliləyişləri əhatə edir. Həmin dövr ərzində
Azərbaycan Bakı neftinin sayəsində dünyada neftin vətəni kimi tanınmış,
quyuların qazılması, neftin hasili və emal olunması sahəsində təcrübə əldə
etmişdir. Milii inhisarçıların və maarifçilərin sayəsində Azərbaycanlılar dünyanın
7
qabaqcıl elm ocaqlarında eft sahəsində mühəndislik elminə yiyələnmiş və bununla
da Azərbaycanda neft sənayesi ustaları və ilk ziyalı neftçilər nəslinin təməli
qoyulmuşdur.
Azərbaycan neft sənayesinin tarixindən və müasir vəziyyətindən danışarkən
neft emalı sahəsində dünya səviyyəsində öz məhsulları ilə tanınan “Azərneftyağ”
zavodunun yaranma və inkişaf dövrünü qeyd etməmək mümkün deyil.
Kiçik tipli zavodların birləşdirilməsindən yaranan bu zavod (Azərneftyağ) öz
inkişaf tarixinə 1920-ci ildən başlamış və 1980-ci ilə qədər yüksələn xətt üzrə
istehsalı davam etdirmişdir.
Uzun tarixi dövr ərzində Azərbaycan neft sənayesi yanacaq-sürtgü
materialları istehsalı ilə xüsusi ad qazanmışdır. Lakin neft hasilatının uzun illər
(keçmiş SSRİ dövründə) dünya təsərrüfat əlaqələrindən təcrid olunması istehsalın
daxili ehtiyatlarını aşkara çıxardıb istifadə edilməsini məhdudlaşdırmışdır. Həmin
şərait mütərəqqi neft-çıxarma avadanlıqlarının tətbiqinə, xüsusən daha çox tələb
olunan dərinlik nasoslarının yeni nümunələrinin mənimsənilməsinə imkan
vermirdi.
Günümüzdə ölkədə yanacağa olan sənaye və sosial ehtiyacın kəskin artdığı
bir şəraitdə mövcud neft ehtiyatından istifadə imkanlarının araşdırılması ən aktual
məsələ kimi çıxış etməkdədir. İqtisadi və siyasi müstəqillik əldə etməklə öz
sərvətinin sahibi olan Azərbaycan dövləti də bu sahədə mövcud imkanlardan ən
optimal şəkildə istifadə etmək məqsədiylə bir sıra mühüm tədbirlər işləyib həyata
keçirmişdır.
1991-ci ildə Azərbaycan müstəqillik əldə etdikdən sonra ölkədə yeni iqtisadi
sistemə keçid dövrü başlamışdır. Böyük neft ehtiyatlarına malik olan Azərbaycan
neft sənayesi yüksək hasilat ələd etmək üçün respublika hökuməti, o cümlədən
Azərbaycan Dövlət Neft Şirkəti (ARDNŞ) xarici ölkələrin hökumət və neft
şirkətlərinə sərfəli təkliflərlə müraciət etdi. Danışıqlar prosesində xarici neft
şirkətləri Azərbaycan neft sənayesinə, əsasən neft hasilatına investisiya qoyuluşunu
qəbul etmiş və ARDNŞ ilə razılığa gəlmişdirlər. Danışıqlar prosesinin nəticəsi
kimi 1994-cü ilin 20 sentyabrında imzalanan Xəzər dənizində üç böyük neft