AZƏRBAYCAN DÖVLƏT NEFT VƏ SƏNAYE UNİVERSİTETİ
www.aak.gov.az
www.edu.gov.az
www.asoi.edu.az
DOKTORANT VƏ DİSSERTANTLAR
ÜÇÜN YADDAŞ KITABÇASI
BAKI – 2016
DOKTORANTURA TƏHSİLİ ALMAQ İSTƏYƏNLƏRİN NƏZƏRİNƏ
Doktorantura hazırlığı ali təhsilin üçüncü səviyyəsidir və Azərbaycan
Respublikasının Nazirlər Kabineti tərəfindən təsdiq edilmiş doktorantura
ixtisaslarının (proqramlarının) təsnifatına uyğun müvafiq ixtisaslar üzrə geniş
profilli alim və mütəxəssis hazırlığının həyata keçirilməsini təmin edir.
Doktoranturada təhsil fəlsəfə doktoru və elmlər doktoru proqramları üzrə həyata
keçirilir.
Fəlsəfə doktoru proqramı üzrə doktoranturada əyani təhsil müddəti 3 il, qiyabi 4 il,
dissertantlıq yolu ilə 4 ildir.
Elmlər doktoru proqramı üzrə doktoranturada əyani təhsil müddəti 4 il, qiyabi 5 il,
dissertantlıq yolu ilə 5 ildir.
FƏLSƏFƏ DOKTORU PROQRAMI ÜZRƏ DOKTORANTURAYA
QƏBUL
Doktoranturaya qəbul üçün aşağıdakı sənədlər təqdim edilir:
• ərizə (rektorun adına);
• kadrların şəxsi-qeydiyyat vərəqi;
• tərcümeyi-hal;
• 2 ədəd fotoşəkil (3x4 sm ölçüdə);
• iş yerindən xasiyyətnamə;
• iş stajı olanlar üçün əmək kitabçasından çıxarış;
• çap olunmuş elmi işlərin siyahısı və ya seçilmiş ixtisas üzrə referat;
• ali təhsil müəssisəsini bitirmək haqqında diplomun müvafiq qaydada təsdiq
edilmiş surəti (xarici ölkələrdə təhsil almış Azərbaycan Respublikasının
vətəndaşları üçün təhsil haqqında sənədlərin tanınması haqqında şəhadətnamə);
• şəxsiyyəti təsdiq edən sənədin surəti.
Doktoranturaya qəbul ali təhsil müəssisələri tərəfindən müəyyən edilən
müddətlərdə hər il keçirilir.
Doktoranturaya qəbul olmaq istəyən şəxslərin ixtisas uyğunluğu qəbul
komissiyası tərəfindən müəyyən edilir.
Doktoranturaya qəbul olmaq istəyən şəxslə nəzərdə tutulan elmi rəhbər
müsahibə keçirir və rəhbərliyi həyata keçirmək barədə razılıq və ya imtina
qərarını yazılı surətdə qəbul komissiyasına təqdim edir. İmtina olunduğu
halda digər elmi rəhbər təklif edilir.
Qəbul komissiyası nəzərdə tutulan rəhbərin rəyi və təqdim edilən digər
sənədlər əsasında imtahanlara buraxılmaq haqqında qərar qəbul edir və bu
barədə bir həftədən gec olmayaraq iddiaçıya bildiriş göndərir.
Bildiriş doktoranturanın fəaliyyət göstərdiyi ali təhsil müəssisəsi və elmi
təşkilat rəhbərləri tərəfindən imzalanır və bu bildiriş iş yerindən məzuniyyət
almaq hüququ verir.
İMTAHANLAR
Doktoranturaya qəbul olmaq istəyənlər aşağıdakı fənlər üzrə qəbul imtahanları
verirlər:
• İxtisas fənni;
• Xarici dili (rus dili istisna olmaqla, seçim sərbəstdir);
• Fəlsəfə (magistratura səviyyəsi üçün qüvvədə olan tədris proqramları həcmində).
İxtisas fənnindən qəbul imtahanını doktoranturanın fəaliyyət göstərdiyi ali təhsil
müəssisəsinin Rektoru tərəfindən yaradılan komissiya həyata keçirir. Komissiyanın
tərkibində müvafiq ixtisas üzrə ən azı iki elmlər doktoru və ya professor olmalıdır.
Nəzərdə tutulan rəhbərlər komissiyanın üzvü ola bilərlər.
Bərabər ballar toplandığı halda, müsabiqədə ixtisas fənnindən daha yüksək
qiymət alan və çap edilmiş elmi əsərləri olan şəxslərə üstünlük verilir.
DISSERTASIYA MÖVZULARI VƏ ELMI RƏHBƏRLƏR
HAQQINDA
Ali təhsil müəssisələri və elmi təşkilatların elmi şuraları doktorantların
dissertasiya mövzularını və elmi rəhbərlərini onların qəbul komissiyaları tərəfindən
doktoranturaya qəbul olunmaları haqqında qərar qəbul etdikləri gündən 1 aydan
gec olmamaq şərtilə təsdiq edir.
Doktoranturaya qəbul haqqında qərarın (əmrin) surəti doktoranturaya
istehsalatdan ayrılmaqla qəbul olunmuş şəxs ilə işəgötürən arasında olan
əmək müqaviləsinə xitam vermək üçün əsasdır.
Doktoranturaya istehsalatdan ayrılmaqla qəbul olunan şəxslərin əmək
kitabçası doktoranturaya qəbul olunduğu müəssisəyə və ya elmi təşkilata
təqdim edilir.
Müxtəlif ixtisasları əhatə edən mövzular üzrə elmi tədqiqatlar apararkən
doktoranta iki elmi rəhbər, yaxud rəhbər və məsləhətçi təyin oluna bilər.
Onlardan biri fəlsəfə doktoru (elmlər namizədi) ola bilər.
Bir elmi rəhbərə təhkim olunan doktorantların sayı 5 nəfərdən artıq
olmamaq şərtilə, ali təhsil müəssisəsi və elmi təşkilatların elmi şuraları
tərəfindən müəyyən olunur və rəsmiləşdirilir.
Doktoranturada təhsil müddətində doktorant ali təhsil müəssisəsinin elmi
şurası tərəfindən təsdiq edilmiş fərdi iş planı əsasında fəaliyyət göstərir.
DOKTORANTIN TƏHSIL MÜDDƏTINDƏ VƏZİFƏLƏRİ
• Peşə biliklərinə dərindən yiyələnməli;
• Müstəqil elmi tədqiqat işi aparmaq vərdişləri əldə etməli;
• Elmi tədqiqatlar aparmaq metodologiyasını mənimsəməli;
• Fərdi iş planını tam yerinə yetirməli;
• İxtisas fənnindən (həmçinin ixtisas uyğunluğu nəzərə alınmaqla digər fəndən),
informatikadan və xarici dildən doktorluq imtahanlarını verməli;
• Elmi tədqiqatlarının nəticələrini əks etdirən məqalələr dərc etdirməli;
• Elmi tədqiqatlarının nəticələrini aprobasiya etdirməli;
• Elmi tədqiqat işini bitirməlidir.
ELMLƏR DOKTORU PROQRAMI ÜZRƏ
Elmlər doktoru proqramı üzrə doktoranturaya seçdikləri sahədə elmi və ya
elmi-pedaqoji nailiyyəti olan, fundamental tədqiqatları yüksək səviyyədə
aparmağa qadir və “Fəlsəfə doktoru” (elmlər namizədi) elmi (alimlik)
dərəcəsi olan Azərbaycan Respublikasının vətəndaşları qəbul edilirlər.
Doktoranturaya qəbul üçün aşağıdakı sənədlər təqdim edilir:
• ərizə (doktoranturanın fəaliyyət göstərdiyi müəssisənin və yaxud təşkilatın
rəhbərinin adına);
• kadrların şəxsi-qeydiyyat vərəqi;
• tərcümeyi-hal;
• 2 ədəd fotoşəkil (3x4 sm ölçüdə);
• iş yerindən xasiyyətnamə;
• əmək kitabçasından çıxarış;
• çap olunmuş elmi işlərin siyahısı;
• “Fəlsəfə doktoru” və ya “Elmlər namizədi” elmi (alimlik) dərəcəsi
diplomunun müvafiq qaydada təsdiq edilmiş surəti;
• ali təhsil müəssisəsini bitirmək haqqında diplomun müvafiq qaydada
təsdiq edilmiş surəti (xarici ölkələrdə təhsil almış Azərbaycan
Respublikasının vətəndaşları üçün təhsil haqqında sənədlərinin tanınması
haqqında şəhadətnamə);
• şəxsiyyəti təsdiq edən sənədin surəti.
Ali təhsil müəssisəsinin, elmi təşkilatın elmi şurası “Elmlər doktoru” elmi
dərəcəsinə iddiaçı haqqında müvafiq şöbə, bölmə, kafedra və ya
laboratoriyanın təqdimatı əsasında doktoranturaya qəbul, dissertasiyanın
mövzusu, fərdi iş planı və elmi məsləhətçisi (məsləhətçilər) haqqında qərar
qəbul edir. Həmin qərar ali təhsil müəssisələrinin və elmi təşkilatların
fəaliyyətini tənzimləyən nizamnaməyə (əsasnaməyə) uyğun olaraq
rəsmiləşdirilir.
Elmi məsləhətçiyə qanunvericiliklə müəyyən edilmiş qaydada əməkhaqqı
ödənilir.
Zəruri hallarda doktorantlar aparıcı elmi mərkəzlərə (o cümlədən, xaricdə
yerləşən) ezam oluna bilərlər. Ezamiyyət xərcləri qanunvericiliklə müəyyən
edilmiş qaydada ödənilir.
Doktorantlar hər il ali təhsil müəssisəsi və elmi təşkilatın elmi şurasına fərdi
iş planının yerinə yetirilməsi haqqında hesabat verir və həmin hesabat
əsasında onun doktoranturada təhsilini davam etdirməsi barədə qərar qəbul
olunur.
Doktorant təhsil müddəti ərzində dissertasiya işini başa çatdırmalı,
aprobasiyasını keçirməli və müəyyən olunmuş qaydada onu müdafiəyə
təqdim etməlidir.
Dövlət hesabına əyani təhsil alan doktorantlara qanunvericiliklə müəyyən
olunmuş məbləğdə təqaüd ödənilir və hər il məzuniyyət verilir.
DİSSERTANTLIQ YOLU İLƏ FƏLSƏFƏ DOKTORU VƏ ELMLƏR
DOKTORU HAZIRLIĞI
Dissertantlıq yolu ilə yüksək ixtisaslı elmi və elmi-pedaqoji kadrların
hazırlanması ali təhsil müəssisələrində, elmi və digər təşkilatlarda çalışan
mütəxəssislərin istehsalatdan ayrılmamaqla elmi dərəcənin alınması üçün
təhkim olunmaqla dissertasiya işinin yerinə yetirilməsini təmin edir.
Dissertantlıq yolu ilə “Fəlsəfə doktoru” elmi dərəcəsi almaq hüququna ali
təhsilli (ali təhsil pilləsinin magistratura səviyyəsini bitirən, yaxud təhsili
ona bərabər tutulan), müvafiq tədqiqat sahəsində müəyyən müvəffəqiyyətləri
olan ali təhsil müəssisələrinin, elmi və digər təşkilatların elmi və elmi-
pedaqoji kadrları malikdirlər.
«Elmlər doktoru» elmi dərəcəsinin dissertantlıq yolu ilə alınması üçün
«Fəlsəfə doktoru» (elmlər namizədi) elmi dərəcəsinin olması əsas şərtdir.
Dissertantlıq yolu ilə təhsil müddətini başa vuran şəxslər eyni ixtisas üzrə
təkrar dissertant olmaq hüququna malik deyillər.
Doktoranturada tam təhsil müddətini başa vurmuş şəxslər eyni ixtisas üzrə
dissertantlıq yolu ilə təhsil almaq hüququna malik deyillər.
Dissertant kimi təhkim olunmaq istəyən şəxslər, bir qayda olaraq, elmi və
elmi-pedaqoji iş stajına malik olmalıdırlar.
Dissertantlıq yolu ilə təhsil almaq üçün aşağıdakı sənədlər təqdim edilir:
• ərizə (dissertantura təhsilini həyata keçirən müəssisənin və yaxud
təşkilatın rəhbərinin adına);
• kadrların şəxsi-qeydiyyat vərəqi;
• tərcümeyi-hal;
• 2 ədəd fotoşəkil (3x4 sm ölçüdə);
• iş yerindən xasiyyətnamə;
• əmək kitabçasından çıxarış;
• çap olunmuş elmi işlərin siyahısı və ya seçilmiş ixtisas üzrə referat (fəlsəfə
doktoru hazırlığı üzrə);
• ali təhsil müəssisəsini bitirmək haqqında diplomun müvafiq qaydada
təsdiq edilmiş surəti
(xarici ölkələrdə təhsil almış Azərbaycan Respublikasının vətəndaşları üçün
təhsil
haqqında sənədlərinin tanınması haqqında şəhadətnamə);
• «Elmlər doktoru» elmi dərəcəsi iddiaçısı üçün fəlsəfə doktoru (elmlər
namizədi) diplomunun müvafiq qaydada təsdiq edilmiş surəti;
• çap olunmuş elmi əsərlərin siyahısı (elmlər doktoru hazırlığı üzrə);
• şəxsiyyəti təsdiq edən sənədin surəti.
Ali təhsil müəssisəsinin və elmi təşkilatın elmi şurası müvafiq şöbə, bölmə,
kafedra və ya laboratoriyanın təqdimatı əsasında iddiaçının dissertant
təhkim olunması, onun dissertasiya mövzusu, fərdi iş planı və elmi rəhbəri
(məsləhətçisi) haqqında qərar qəbul edir. Rektorun razılığı əsasında ali təhsil
müəssisəsi və ya elmi təşkilatın rəhbəri iddiaçının təhkim olunması haqqında
əmr verir.
«Fəlsəfə doktoru» və «Elmlər doktoru» elmi dərəcəsi üzrə doktoranturada
təhsil alan şəxslərin hüquq və vəzifələri dissertantlıq yoluilə təhsilalan
şəxslərə (doktorantlara) də şamiledilir.
«Fəlsəfə doktoru» elmi dərəcəsi üzrə dissertantlıq yolu ilə təhsil alan şəxslər
müəyyən olunmuş qaydada ixtisas fənnindən, fəlsəfə, informatika və xarici
dildən, həmçinin ixtisas uyğunluğu nəzərə alınmaqla, digər fəndən də
doktorluq imtahanları verirlər.
Dissertantlıq yolu ilə təhsilalan hər bir şəxsin elmi rəhbərlərinə və
məsləhətçilərinə qanunvericiliklə müəyyənedilmiş qaydada əmək haqqı
ödənilir.
Dissertasiya işini tamamlamaq məqsədi ilə fəlsəfə doktoru və elmlər doktoru
proqramları üzrə dissertant təhkim olunmuş şəxslərə Elmi Şuranın qərarına
əsasən iş yerindən qanunvericilikdə müəyyən edilmiş müddətə yaradıcılıq
məzuniyyəti verilir.
DOKTORANTLARIN VƏ DISSERTANTLARIN ATTESTASIYASI
Doktorantlar və dissertantlar ildə bir dəfədən az olmamaq şərtilə, ali təhsil
müəssisələri və elmi təşkilatlar tərəfindən təsdiq olunmuş attestasiya haqqında
əsasnamələrə uyğun olaraq, attestasiyadan keçməlidirlər. Attestasiyanın keçirilmə
müddəti ali təhsil müəssisəsi və elmi təşkilatların rəhbərləri tərəfindən müəyyən
edilir. Doktorantın növbəti tədris ilində təhsilini davam etdirməsi attestasiyanın
nəticəsinə əsasən müəyyən edilir.
Ali təhsil müəssisələrinin elmi şuralarında doktorantların elmi
rəhbərlərinin vaxtaşırı hesabatları dinlənilir.
Doktoranturada fərdi iş planını yerinə yetirən və elmi-tədqiqat işini bitirən
şəxslər “Fəlsəfə doktoru” elmi dərəcəsi almaq üçün dissertasiya işinin
müdafiəsinə buraxılırlar.
Doktoranturada təhsil doktorantın (dissertantın) fərdi iş planı əsasında
həyata keçirilir. Bu planın nümunəsi Doktorantura şöbəsi tərəfindən verilir
və üç aydan gec olmayan müddət ərzində doktorant (dissertant) və onun
elmi rəhbəri tərəfindən bütöv təhsil müddəti üçün tərtib edilir və lazımi
imzalar təmin edilərək Doktorantura şöbəsinə verilir.
Doktorant və dissertantların attestasiyası ildə bir dəfə dekabr ayında kafedra
və fakültənin Elmi Şurası tərəfindən keçirilir.
Attestasiyanın keçirilməsində məqsəd doktorant və dissertantın fərdi iş
planında cari il üçün nəzərdə tutulmuş fəaliyyətinin dəyərləndirilməsidir.
Attestasiyanın keçirilməsi üçün doktorant (dissertant) Doktorantura
şöbəsindən Fərdi iş planını götürür, attestasiya olunan il üçün yerinə
yetirdiyi işlər haqqında lazımi qeydləri aparır və kafedraya təqdim edir. İllik
təhsil haqqını ödəməyən doktorant və dissertantlar attestasiyaya buraxılmır.
Bu haqqda kafedralar doktorantura şöbəsi tərəfindən məlumatlandırılır.
Doktorant (dissertant) elmi rəhbərinin də iştirak etdiyi kafedra iclasında cari
il ərzində yerinə yetirdiyi işlər haqqında hesabat verir və fərdi iş planında
nəzərdə tutulan işlərin nəticələrini təqdim edir. Doktorant (dissertant) eyni
zamanda sonrakı il üçün iş planı haqqında məlumat verir.
Elmi rəhbər isə hesabat müddəti ərzində doktorantın (dissertantın)
fəaliyyətinə qiymət verməlidir.
Attestasiya keçirildikdən sonra fərdi iş planı imzalanır və kafedranın
müzakirə protokolundan çıxarışla birlikdə Doktorantura şöbəsinə təqdim
edilir.
Kafedra və fakültə tərəfindən attestasiya aşağıdakı kimi qəbul edilir:
Attestasiya olunsun (nəzərdə tutulan işlər tam həcmdə yerinə yetirilib və
növbəti ildə təhsilini davam etdirməsi tövsiyə olunur).
Şərti olaraq attestasiya olunsun (nəzərdə tutulan işlərin müəyyən hissəsi
yerinə yetirilib və kafedra tərəfindən müəyyən edilmiş müddət ərzində tam
həcmdə yerinə yetirilməsi tələb edilir).
Attestasiya olunmasın (üzürlü olmayan səbəbdən nəzərdə tutulan işlər
yerinə yetirilməmişdir).
Doktorantın (dissertantın) fərdi iş planının yerinə yetrilməsinə kafedra,
fakültə və doktorantura şöbəsi tərəfindən müntəzəm olaraq nəzarət edilir.
Attestasiyanın keçirilmə qrafiki kafedra rəhbərliyi və dekan ilə
razılaşdırılaraq doktorantura şöbəsi tərəfindən hazırlanır və doktorant və
dissertantlara qabaqcadan bildirilir.
DOKTORANTLARIN MÜKAFATLANDIRILMASI VƏ ELMİ-
PEDAQOJİ İŞLƏRƏ CƏLB OLUNMASI
Dövlət hesabına əyani təhsil alan doktorantlara qanunvericiliklə müəyyən
olunmuş məbləğdə təqaüd ödənilir və hər il məzuniyyət verilir. Fərdi iş
planını müvəffəqiyyətlə yerinə yetirən doktorantlara müxtəlif adlı təqaüdlər
və ya ali təhsil müəssisələrinin və elmi təşkilatların daxili imkanları hesabına
əlavə ödənişlər təyin oluna bilər. Əyani təhsil alan doktorantlar elmi
rəhbərin razılığı ilə təhsil aldıqları ali təhsil müəssisəsində 0,5 ştat vahidi ilə
müvafiq elmi və ya elmi-pedaqoji işlərə cəlb oluna bilərlər.
FƏLSƏFƏ DOKTORU ELMİ DƏRƏCƏSİ ALMAQ ÜÇÜN TƏQDİM
EDİLMİŞ DİSSERTASİYA İŞLƏRİNƏ QOYULAN TƏLƏBLƏR
Fəlsəfə doktoru elmi dərəcəsi almaq üçün təqdim edilmiş dissertasiya
iddiaçının müstəqil elmi işi olaraq aşağıdakı tələblərdən birinə cavab
verməlidir:
Dissertasiyada müvafiq elm sahəsi üçün böyük əhəmiyyət kəsb edən hər
hansı məsələnin yeni həlli təklif olunur;
Böyük tətbiqi əhəmiyyəti olan iqtisadi, texniki və texnoloji işləmələrin
təkmilləşdirilmiş elmi şərhi verilir.
ELMLƏR DOKTORU ELMİ DƏRƏCƏSİ ALMAQ ÜÇÜN TƏQDİM
EDİLMİŞ DİSSERTASİYA İŞLƏRİNƏ QOYULAN TƏLƏBLƏR
Elmlər doktoru elmi dərəcəsi almaq üçün təqdim edilmiş elmlər doktoru
dissertasiyası iddiaçının müstəqil elmi işi olaraq aşağıdakı tələblərdən birinə
cavab verməlidir:
İddiaçının apardığı elmi-tədqiqatlar və araşdırmalar mühüm sosial-
mədəni və ya iqtisadi əhəmiyyət kəsb edən yeni və böyük elmi
problemin həllini təmin edir;
Dissertasiya işində müvafiq elmi sahənin perspektiv inkişafı üçün
böyük nailiyyət hesab edilə bilən yeni nəzəri müddəalar işlənib
hazırlanır;
Elmi-texniki tərəqqini sürətləndirməyə əhəmiyyətli töhfə verən, elmi
cəhətdən əsaslandırılmış iqtisadi, texniki və texnoloji işləmələr həll
olunur;
İddiaçı fəlsəfə doktoru dissertasiyasının müdafiəsinə çıxardığı elmi
müddəaları və nəticələri elmlər doktoru dissertasiyasının müdafiəsinə
çıxara bilməz.
DİSSERTASİYALARIN ƏSAS ELMİ NƏTİCƏLƏRİNİN NƏŞRİ
Dissertasiyaların əsas elmi nəticələri onun ilkin ekspertizasına qədər Azərbaycan
Respublikasının elmi nəşrlərində və xarici ölkələrin nüfuzlu (beynəlxalq elmi
ictimaiyyət tərəfindən birmənalı olaraq qəbul olunmuş elmi- praktiki) elmi
nəşrlərində dərc olunmalıdır.
İddiaçıların fəlsəfə doktoru dissertasiyalarının nəticələrinə dair ən azı beş, o
cümlədən xarici ölkələrdə nəşr olunan nüfuzlu jurnallarda bir, elmlər
doktoru dissertasiyalarının nəticələrinə dair isə ən azı iyirmi, o cümlədən
xarici ölkələrdə nəşr olunan nüfuzlu jurnallarda humanitar və ictimai elmlər
üzrə üç, təbiət elmləri üzrə isə altı məqaləsi dərc edilməlidir. Elmlər doktoru
dissertasiyalarının müdafiəsi üçün iddiaçıların ümumiləşdirici işlərinin, humanitar
və ictimai elmlər üzrə isə monoqrafiyanın olması zəruridir.
Dissertasiyanın əsas elmi nəticələrini əks etdirən dərc olunmuş işlərə, əlavə
olaraq ixtiralar haqqında müəlliflik şəhadətnamələri, sənaye nümunələri və
patentlər, ümumrespublika və beynəlxalq konfrans və simpoziumların nəticələri
üzrə dərc olunmuş məruzə və tezislər, elektronelmi nəşrlər də
aiddir.Ümumrespublika konfrans və simpoziumlarının nəticələri üzrə dərc olunmuş
məruzə və tezislərə, habelə elektron nəşrlərə dair tələblər komissiya tərəfindən
müəyyən edilir.
Azərbaycan Respublikasının Prezidenti yanında Ali Attestasiya Komissiyası
Web of Science bazasının (www.thomsonreuters.com) üç sitatgətirmə
sistemindən hər hansı birinə daxil olan jurnalları birmənalı şəkildə nüfuzlu
xarici elmi jurnallar hesab edir:
Science Citation Index Expanded (dəqiq, təbiət və texniki
elmlər üzrə baza);
Social Science Citation Index (sosial elmlər üzrə baza);
Arts and Humanities Citation Index (incəsənət və humanitar
elmlər üzrə baza).
Dərc olunmuş məqalələr elm sahələrinə uyğun olaraq aşağıdakı beynəlxalq
xülasələndirmə və indeksləndirmə sistemlərindən ən azı birinə daxil olmalıdır:
Web of Science, Web of Knowledge, Chemical Abstracts, Current Abstracts,
CAB Abstracts, Computer 2 and Control Abstracts, Physics Abstracts,
BIOSIS/Biological Abstracts, Historical Abstracts, Sociological Abstracts,
Geological Abstracts, Astrophysics, Pub Med, Mathematics, Springer, Agris,
Index Copernicus, AGRICOLA, GEOBASE, EBSCOhost, Mathematical
Reviews, Zentralblatt Math, Index Veterinarius, ABI/Inform, ANBAR,
COREJ, SCOPUS, Business Periodical Index, Philosopher’s Index, Science
Citation Index Expanded, Arts and Humanities Citation Index, Social
Sciences Citation Index, INSPEC, EMBASE, SPIN, Electrical and Electronics
Index, Energy Research Abstracts, Current Physics Index, GeoRef və s.
Qeyd: Ali Attestasiya Komissiyası sədrinin elmi müəssisələrin, ali təhsil
müəssisələrinin və dissertasiya şuralarının rəhbərlərinə ünvanlanan aşağıdakı
məktubda göstərilən nəşrlərə qoyulan tələblər AAK-da sənədlərin qəbulu
prosesində ilk növbədə yoxlanılır. Bu şərtlər ödənilmədikdə sənədlər qəbul edilmir.
Azərbaycan Respublikasında texnika elmləri üzrə dissertasiyaların əsas
nəticələrinin dərc olunması tövsiyə edilən elmi nəşrlərin
siyahısı(http://aak.gov.az/jurnals/jurnals.php)
№ Elmi nəşrlərin adı
Nəşr orqanı və ya təşkilat
1
AMEA-nın Məruzələri
AMEA
2
AMEA-nın xəbərləri. Fizika-texnika və
Riyaziyyat Elmləri Seriyası. İnformatika
və İdarəetmə Problemləri Buraxılışı
(informatika və idarəetmə üzrə)
AMEA
3
Azərbaycan Dövlət Aqrar Universitetinin
Elmi Əsərləri (kənd təsərrüfatının
mexanikləşdirilməsi, elektrikləşdirilməsi
və texniki xidməti sahələri üzrə)
Azərbaycan Dövlət Aqrar Universiteti
4
Nəzəri və Tətbiqi Mexanika
Azərbaycan Respublikası Təhsil
Nazirliyi, Azərbaycan Memarlıq və İnşaat
Universiteti
5
Azərbaycan Memarlıq və İnşaat
Universitetinin Elmi əsərləri
Azərbaycan Memarlıq və İnşaat
Universiteti
6
AMEA Gəncə Regional Elmi Mərkəzin
Xəbərlər Məcmuəsi
AMEA Gəncə Regional Elmi Mərkəz
7
Azərbaycan Ali Texniki Məktəblərinin
Xəbərləri
Azərbaycan Dövlət Neft Akademiyası
8
Azərbaycan Neft Təsərrüfatı
Azərbaycan Respublikası Dövlət Neft
Şirkəti
9
Azərbaycan Milli Aerokosmik
Agentliyinin Xəbərləri
Azərbaycan Milli Aerokosmik Agentliyi
10 Elmi Əsərlər
Azərbaycan Texniki Universiteti
11 Mexanika və Maşınqayırma
Azərbaycan Texniki Universiteti
12 Milli Aviasiya Akademiyasının Elmi
Əsərləri
Milli Aviasiya Akademiyası
13 Milli Aviasiya Akademiyasının Elmi
Məcmuələri
Milli Aviasiya Akademiyası
14 Проблемы энергетики
AMEA Fizika İnstitutu, Energetika
İnstitutu
15 Sumqayıt Dövlət Universiteti. Elmi
Xəbərlər
Sumqayıt Dövlət Universiteti
16 Neft Kimyası və Neft Emalı Prosesləri
AMEA Neft-Kimya Prosesləri İnstitutu
17 Bakı Universitetinin Xəbərləri. Təbiət
Bakı Dövlət Universiteti
Elmləri Seriyası
18 Heydər Əliyev adına Azərbaycan Ali
Hərbi Məktəbi. Elmi Əsərlər Məcmuəsi
Heydər Əliyev adına Azərbaycan Ali
Hərbi Məktəbi
19 Azərbaycan Dövlət Dəniz Akademiyasının
Elmi Əsərləri
Azərbaycan Dövlət Dəniz Akademiyası
20 Экоэнергетика
Международная Экоэнергетическая
Академия
21 Azərbaycan Mühəndislik Akademiyasının
Xəbərləri
"Azərbaycan Mühəndislik Akademiyası”
İctimai Birliyi
22 AMEA-nın Xəbərləri. Elm və İnnovasiya
Seriyası
AMEA
23 İpək Yolu (nəqliyyat üzrə)
Azərbaycan Universiteti
24 Journal of Qafqaz University. Science
(informatika üzrə)
Qafqaz Universiteti
25 Azərbaycan Aqrar Elmi
Azərbaycan Respublikası Kənd
Təsərrüfatı Nazirliyi
26 İnformasiya Cəmiyyəti Problemləri
(informatika, hesablama texnikası,
idarəetmə və informasiya sistemləri üzrə)
AMEA İnformasiya Texnologiyaları
İnstitutu
27 İnformasiya Texnologiyaları Problemləri
(informatika, hesablama texnikası,
idarəetmə və informasiya sistemləri üzrə)
AMEA İnformasiya Texnologiyaları
İnstitutu
28 Elmi Əsərlər
Azərbaycan Respublikası Dövlət Neft
Şirkəti "Neftqazelmitədqiqatlayihə”
İnstitutu
29 Applied and Computational Mathematics
AMEA, Rabitə və İnformasiya
Texnologiyaları Nazirliyi, Bakı Dövlət
Universiteti Tətbiqi Riyaziyyat İnstitutu
30 Elmi Əsərlər (kitabxanaşünaslıq və
biblioqrafiyaşünaslıq; kitabşünaslıq üzrə)
AMEA Mərkəzi Elmi Kitabxanası
DİSSERTASİYALARIN TƏRTİBİ QAYDALARI
Dissertasiyanın strukturu:
• Üz vərəqi;
• Mündəricat;
• İxtisarların siyahısı (dissertasiyada varsa);
• Giriş;
• Əsas hissə (dissertasiyanın məzmunu);
• Nəticə;
• İstifadə edilmiş ədəbiyyat;
• Əlavələr.
Dissertasiya çap olunarkən qeyd olunan ardıcıllıq gözlənilməlidir.
Kompyuterdə dissertasiyaların mətni Times New Roman -14 şriftləri ilə çap
olunmalıdır. Dissertasiyanın mətni boş sahələrin göstərilən ölçüləri
gözlənilməklə çap edilir: sol boş sahə – 30 mm, sağ – 10 mm, yuxarı və
aşağı –20 mm. Elmlər doktoru dissertasiyasının həcmi 200-250 səhifə,
fəlsəfə doktoru dissertasiyasının həcmi 100-150 səhifə (şəkillər, cədvəllər,
qrafiklər, əlavələr və ədəbiyyat siyahısı istisna olmaqla) olmalıdır.
DİSSERTASİYANIN AVTOREFERATI
Avtoreferatda dissertasiyanın əsas ideyaları və nəticələri şərh olunmalı, onun
yenilik dərəcəsi, tədqiqatın nəticələrinin elmi və praktiki əhəmiyyəti, aparılan
tədqiqatlarda müəllifin şəxsi töhfəsi göstərilməlidir.
Elmlər doktoru dissertasiyasının avtoreferatı iki çap vərəqi (32 səhifə), fəlsəfə
doktoru dissertasiyasının avtoreferatı isə bir çap vərəqi (16 səhifə) həcmində
(əsərlərin siyahısı və xülasələr istisna olmaqla), mətni A5 formatda (210x148 mm)
boş sahələrin ölçüləri gözlənilməklə çap edilir: sol, sağ, yuxarı – 15 mm, aşağı boş
sahə – 20 mm; sətirlərarası interval – 1, şriftin çüsü – 11 olmalıdır. Avtoreferatın
çapı zamanı “Dissertasiyaların tərtibi qaydaları”nda nəzərdə tutulmuş şriftlərdən
istifadə olunmalıdır.
İstifadə olunan mənbələr:
1.
www.aak.gov.az
saytı
2.
http://www.cabmin.gov.az/?/az/pressreliz/view/340
Doktoranturaların yaradılması və doktoranturaya qəbul qaydaları
haqqında Azərbaycan Respublikası Nazirlər Kabinetinin 2010-cu il 01
iyul tarixli 129 nömrəli qərarı
3.
www.edu.gov.az
saytı
Dostları ilə paylaş: |