55
Xəzər dənizində su heyvanları və balıqların bəzən kütləvi
surətdə məhv olmasını mütəxəssislər dəniz dibində qaz-
hidratların dağılması ilə əlaqələndirirlər. Belə ki, son illər kilkə
balıqlarının məhvində texnogen amil aşkarlanmamış onların
qəlsəmələrində və əzələlərində qazabənzər maddələr aşkar
edilmişdir.
Dənizdə mühəndis-texniki işlərin təhlükəsiz aparılması
qəza hallarının qarşısının alınması üçün Xəzər dənizinin dib
çöküntülərinin daha ətraflı öyrənilməsi çox vacibdir. Bu hal
Xəzər dənizində o cümlədən Azərbaycan sektorunda qaz-
hidratların planlı şəkildə öyrənilməsi zərurətini yaradır.
ŞAMAXI-QOBUSTAN ÇÖKƏKLİYİNDƏ
TEMPERATURUN PAYLANMASINDA PALÇIQ
VULKANİZMİNİN ROLU
Tələbə: Elmi rəhbər:
Mejdunov Sadiq Vahid oğlu dos. G.C.Nəsibova
III kurs, qrup 103.5
Şamaxı-Qobustan sinklinoriumu palçıq vulkanlarının
geniş inkişaf etdiyi çökəkliklərdən biridir. Böyük Qafqazın
cənub-şərq batımının cənub-qərb yamacında yerləşən Şamaxı
Qobustan çökəkliyi mürəkkəb struktur-tektonik quruluşa malik
olması ilə səciyyələnir. Çökəklik geomorfoloji, tektonik,
litoloji-stratiqrafik xüsusiyyətlərinə və həmçinin neftqazlılığına
görə Şamaxı, Şimali Qobustan, Mərkəzi Qobustan, Cənub-
Qərbi Qobustan, Cənub-şərqi Qobustan və Ələt tektonik
zonalarına ayrılır. Şimal zonada Astraxanka, Kürdəmiç,
Nabur, Qaracüzlü və s. palçıq vulkanlarının ayrı-ayrı kiçik
konusları müşahidə edilir ki, bunlar da morfoloji cəhətdən
cənuba doğru böyüyürlər. Mərkəzi zonada Şıxzəyirli, Şıxıqaya,
Qırqışlak və s. palçıq vulkanlarının konusları qeyd edilir ki,
bunlar da morfoloji cəhətdən cənuba doğru böyüyürlər. Cənub
56
zonada Toraqay, Kənizədağ, Dəvəlidağ, Ütəlgi, Çapılmış və s.
bu kimi, yüksəkliyi 150-250 m arasında dəyişən palçıq
vulkanları
vardır.
Cənubi
Qobustanın
cənub-qərb
yarımzonasında Nardaranaxtarma, Zəgirdağ, Ayazaxtarma,
Çeyildağ, bu zonanın cənub sərhəddi boyu uzanan Ələt
tektonik zonasında Daşmərdan, Solaxay, Ayrantökən,
Qoturdağ, Qırdağ palçıq vulkanları var. Qeyd etmək lazımdır
ki , baxmayaraq ki, şimal tektonik zona sıxılma gərginliklərinin
intensiv olduğu məkanda yerləşir, burada inkişaf edən palçıq
vulkanlarının konusları ölçülərinə görə nisbətən kiçikdir.
Mərkəzi tektonik zonada inkişaf etmiş palçıq vulkanlarının
konuslarının morfologiyası və ölçüləri şimal zonadakı palçıq
vulkanlarına nisbətən böyuk, cənub zonada yerləşən palçıq
vulkanlarının konuslarının morfoloji quruluşu və ölçüləri isə
daha böyükdür, baxmayaraq ki bu zona sıxılma gərginliklərinin
intensiv olduğu ərazidən nisbətən uzaqda yerləşir. Beləliklə,
Şamaxı-Qobustan çökəkliyinin palçıq vulkanları şimaldan
cənuba doğru morfoloji cəhətdən dəyişirlər və böyüyürlər. Bu
hal palçıq vulkanlarının əmələ gəlməsi üçün əsas amillərdən
olan çökmə qatın litofasial tərkibinin və süxurların sərtlik
dərəcəsinin həmin istiqamətdə dəyişməsi ilə də əlaqədardır.
Yəni bu istiqamətdə kəsilişin gillilik faizinin 48%-dən
(Mezozoyda) 71%-ə (MQ-da) arması iri konuslu palçıq
vulkanlarının əmələ gəlməsində əsas rol oynamışdır.
Litoloji amil və uyğun olaraq neftli-qazlı çöküntülərin
kəsilişinin müxtəlif istilik fiziki xüsusiyyətləri yerin istilik
xarakteristikasını əks etdirir. Kəsilişin çox gilli lay dəstələri
temperaturun nisbətən kəskin artması ilə xarakterizə olunur.
Cənub Qobustan istiqamətdə temperaturun armasının başqa bir
səbəbi də kəsilişin gilliliyinin çox olmasıdır.
Palçıq vulkanları Yer təkinin geotermik şəraitinə təsir edən
əsas amillərdən biridir. Azərbaycan neft-qaz yataqlarının
geotermik tədqiqinə həsr olunmuş bir çox əsərlərdə palçıq
vulkanlarının Yer təkinin geotermik şəraitinə olan təsiri qeyd
57
edilmişdir. Öyrənilmiş yataqların tədqiqi göstərir ki, geotermik
pillələrin anomal yüksək temperatur zonası bir qayda olaraq
palçıq vulkanları ilə mürəkkəbləşmiş sahələrə uyğun gəlir.
Palçıq vulkanlarının fəaliyyəti uyğun istilik anomaliyalı
sahələrə səbəb olur. Şamaxı-Qobustan çökəkliyində müxtəlif
dərinlik intervalları üçün qurulmuş geotermik xəritələrdən
görünür ki, temperatur qiymətləri şimal zonadan cənub, yəni
daha böyük konuslu palçıq vulkanlarının olduğu zonaya
doğru artır. Temperaturun artması qazın tərkibində metanın
miqdarının armasına tamamilə uyğundur. Belə ki, neft
yataqları neftqaz və kondensat yaxud qaz yatağı ilə əvəz
olunur.
UZUN MÜDDƏT İŞLƏNİLMƏDƏ OLAN
PİRALLAHI YATAĞININ
GEOLOJİ-MƏDƏN SƏCİYYƏSİ
Magistr:
Elmi rəhbər:
Şabanova Şəlalə İlqar qızı dos. L.Ə.Abdullayeva
II kurs, qrup A1116
Pirallahı yatağı Bakı şəhərinin mərkəzindən 60 km
məsafədə yerləşir. Yatağın bir qismi Pirallahı adasına düşür, bir
qismi isə Xəzər dənizinin nisbətən dayaz (15-m qədər)
hissəsində yerləşir.
Stratiqrafik cəhətdən yatağın geoloji quruluşunda ümumi
qalınlığı 1500 m. çatan orta miosen-müasir xəzər yaşlı
çöküntülər iştirak edir. Şimal-Şimali qərb istiqamətdə uzanan
braxiantiklinalın şimal qırışığı tektonik qırılmalarla 3 bloka
bölünmüşdür.
İşlənilmənin səmərəli başa çatdırılması və quyuların
istismar müddətini uzatmaq məqsədilə onların vaxtından əvvəl
sıradan çıxmasına təsir edən amillərin kəmiyyət və keyfiyyət
baxımından tədqiq edilməsi mühüm əhəmiyyət kəsb edir.