|
Azərbaycan əDƏBİ DİLİNİn normalari
|
səhifə | 5/20 | tarix | 04.01.2023 | ölçüsü | 146,24 Kb. | | #98168 | növü | Qaydalar |
| NORMALARSintaktik normalar əsas sintaktik vahidlərin − söz birləşməsi və cümlənin düzgün qurulması qaydalardır. Bu normalara sözlərin uzlaşması və sintaktik idarə qaydaları, cümlə üzvlərinin qrammatik formaların köməyi ilə bir-biri ilə əlaqələndirilməsi daxildir.
Sintaktik normalar nitqin ardıcıllıq və rəvanlıq qanunu prinsiplərinə əməl olunmasını tələb edir. Bu, cümlələrdə eyni söz təkrarına və həmçinin sintaktik sıranın pozulmasına yol verilməməsi tələbini qarşıya qoyur. Cümlədə söz sırasının pozulması nitqin ardıcıllıq qanununa məxsus prinsiplərə əməl olunmaması sayəsində baş verir. Yazılı dildə söz sırasının pozulması informasiya üçün əsas olan sözün onun aid olduğu sözdən sonra işlənməməsi ilə əlaqədar baş verir.
Yazılı dildən fərqli olaraq, şifahi dildə ifadələri söyləməzdən qabaq onları düşünüb seçmək imkanı olmur, bu isə danışıq dilində genişlənmiş sadə cümlələrin və mürəkkb cümlələrin işlədilməsinə mane olur. Hətta danışan yazılı və şifahi nitqdə elmi üsluba vərdiş etmiş alim olsa belə.
Bilavasitə şəxsi ünsiyyət şəraitində belə nitq normal və təbiidir. Uzun, xüsusən də mürəkkəb cümlələr danışıq dilində, sadəcə, mümkün deyil, çünki nə danışan, nə də dinləyən onların öhdəsindən gəlmək iqtidarında deyil. Belə ki, insan danışmağı və eşitdiyini anlamağı operativ yaddaşın köməyi ilə edir. Deyilənin əvvəli, davamı və sonu yaddaşda saxlanır. Lakin operativ yaddaşın həcmi kiçikdir. Yazılı nitqdə müəllif cümlənin hər hansı bir hissəsini yazarkən onu görür və yazılanın əsasında davam edə bilir. Hətta nəsə düzgün alınmayıbsa və ya istədiyi kimin alınmayıbsa, onu poza, dəyişdirə bilər. Yaxud da oxucu hər hansı bir cümləni anlayana qədər təkrarən oxuya bilər. Şifahi nitqdə isə bunların heç biri mümkün deyil. Əgər cümlə uzun və ya mürəkkəbdirsə, danışan onun öhdəsindən gələ bilmir, cümlənin əvvəlini unudur. Danışıq dili üçün nisbətən üzun olan cümlə başa düşülmür, təkrarən soruşulur.
Mürəkkəb cümlələr danışıq dilinin normalarını pozur, kitab dili, rəsmi dil onu bir qədər süni dil edir.
Danışıq dilinin norması qısa cümlələrdir. Həmin cümlələr çox vaxt natamamlığina görə qısa olur. Danışıq dili situasiyaya əsaslandığı üçün cümlənin bir çox üzvü nitq aktında gərəksiz, artıq olur, çünki müsahib hər şeyi anlamış olur. Məsələn: İstəyirsən? – Yox. Belə halda tamamlığın mövqeyi doldurulmamış olur, lakin o, sözlə ifadə edilmir, çünki haqqında söhbət gedən əşyanın özü sözsüz də aydın olur. Digər situasiyalarda cümlənin xəbəri iştirak etmir, çünki sözlə fadə edilməyən feil birmənalı şəkildə qəbul edilir. Məs.: Sən hara? – Dərsə. Yaxud təyin təyin olunan söz olmadan işlənə bilir. Məs.: Qırmızını götür.
Danışıq dilində söz sırası da yazılı dildən fərqlənir. Belə ki, danışıq dilində əsas fikirlər cümlənin əvvəlinə gətirilir. Fikir hər hansı bir vacib, əsas məsələdən formalaşdığı üçün məlumat da həmin fikri ifadə edən sözlərdən başlayır.
Danışıq dilində köməkçi nitq hissələrinin də (bağlaycı, ədat) cümlədəki mövqeyi dəyişir. Məsələn: Onun qayıtmasını gözləyə bilmərəm, tələsirəm çünki – Onun qayıtmasını gözləyə bilmərəm, çünki tələsirəm və s.
Bədii ədəbiyyatda bütün bu sintaktik quruluşlardan danışıq dilinin yaradılması üçün geniş şəkildə istifadə olunur.
Dostları ilə paylaş: |
|
|