4
kəskin itirib. Beləliklə də ölkənin pul və məzənnə siyasətinə cavabdeh olan qurum komunikasiya
imkanları hesabına maliyyə bazarlarına təsir gücünü itirib.
Lakin, proses bununla tamamlanmayıb. Baxmayaraq ki, 21 dekabr 2015-ci il tarixli bəyanat
ilə Mərkəzi Bank Azərbaycanda məzənnə rejiminin dəyişdirilməsinə-tənzimlənən uzən məzənnə
rejiminə keçib, il ərzində adminstrativ müdaxilələr ən sərt formada davam etdirilib. Ucuz neft
dövrünün üzünmüddətli olması hökumətin manetar, fiskal və məzənnə siyasətinə sarsıdıcı təsirini
daha da dərinləşdirib. Qeyd edək ki, ötən ilin dekabr ayının ilk günlərindən başlaraq valyuta
bazarlarında növbəti gərginlik müşahidə edilir. Valyuta əlçatanlığı kifayət qədər məhdudlaşdığı
üçün manat son 3 ay ərzində rəsmi olaraq 10.7%, reallıqda isə 18% dəyər itirib [bax: qrafik 1].
Həmin dövr ərzində illeqal valyuta bazarlarına qarşı mübarizə tədbirlərinin sərtləşdirilməsi
fonunda faktiki olaraq valyutaya çıxış imkanı yox səviyyəsinə düşüb və paralel olaraq bu bazarda
məzənnə daha da yüksəlib, marja kəskin artıb.
Qrafik 1: ABŞ dolları/ Manat
Mənbə: Azərbaycan Respublikasının Mərkəzi Bankı, 2017
Qrafik 1-dən göründüyü kimi, “manat” 2016-cı ilin 4 ayı ərzində möhkəmlənmə, 8 ayı
ərzində isə dəyərsizləşmə dinamikası nümayiş etdirib. Beləliklə valyuta bazarlarında 5 mühüm
dönüş anı olub. Məzənnə dinamikasında müşahidə edilən trend davamlılığı, bir çox hallarda
valyuta bazarı iştirakçılarının böyük əksəriyyətinin birtərəfli mövqe - “alış” və ya “satış”
seçməsinə səbəb olub. Nəticədə il ərzində məzənnə dinamikasında psixoloji faktorların təsiri daha
çox hiss edilib.
Qeyd edək ki, may ayının sonlarından etibarən “manat”ın məzənnəsində müşahidə edilən
zəifləmə sentyabr ayının əvvəllərində daha da sürətlənib. Nəticədə Mərkəzi Bank tərəfindən
keçirilən valyuta hərraclarında mövcud tələb artaraq təklifdən 12-14 dəfə cox oldu. Eyni zamanda
banklar tərəfindən valyuta alışında mübadilə qiymətlərinin hərrac qiymətlərindən daha artıq
0,784
1,05
1,55
1,645
1,49
1,64
1,597
1,704
1,770
1,786
0
0,2
0,4
0,6
0,8
1
1,2
1,4
1,6
1,8
2
31 yanvar
2015
26 fevral
2015
21 dekabr
2015
11 mart
2016
26 may
2016
9 sentyab
2016
18 oktyabr
2016
16 noyabr
2016
30 dekabr
2016
13 yanvar
2017
26.05.2016 – AZN/USD
məzənnəsi minimum
səviyyəsini test etdi
5
müəyyənləşdirilməsi, valyuta satışına tətbiq edilən məhdudiyyət və daha sonra isə valyuta satışının
dayandırılması illeqal valyuta bazarının canlanmasına və faktiki olaraq 1 ABŞ dollarının 1.85-1.95
manata təklif edilməsinə səbəb oldu. Qeyd edək ki, 2016-cı il ərzində “manat” artıq ikinci dəfə idi
ki, bu səviyyəni test edirdi ( 1-ci dəfə 2016-cı ilin yanvar ayında müşahidə edilib).
Sentyabr ayının 8-də isə təşkil olunan valyuta hərracına Neft Fondu (200 milyon ABŞ
dolları ) və Mərkəzi Bank (100 milyon ABŞ dolları) birlikdə 300 milyon ABŞ dolları vəsait çıxardı
ki, nəticədə valyuta bazarlarında müşahidə edilən gərginlik qısamüddətli dövr üçün olsa da sona
çatdı. İlk sərt müdaxilədən 6 gün sonra təşkil olunan hərracda Neft Fondu tərəfindən təklif edilən
150 milyon ABŞ dollarından 78 milyonu satıldı ki, bu da valyuta bazarlarında psixoloji faktorların
ciddi təsirə malik olmasına dəlalət edir. Qeyd etmək lazımdır ki, məhz bu faktor növbəti iki valyuta
hərracında da özünü göstərərək faktiki tələbin azalmasına səbəb oldu. Beləki, sentyabr ayının 20-
də keçirilən hərraclarda banklar tərəfindən 72.4 milyon ABŞ dolları, 22 sentyabrda isə 61.4 milyon
ABŞ dolları valyuta alışı həyata keçirilib. Valyutaya tələbin kəskin azalmasında yuxarıda qeyd
edilən faktor (məzənnə dainamikasının qısamüddətli dövr üçün asan proqnozlaşdırıla biləmsi)
mühüm rol oynadı. Paralel olaraq yaranmış situasiya valyuta bazarlarının rəsmi mövqeyə həsas
münasibətini təzahürü kimi qiymətləndirilə bilər.
Onuda qeyd etmək lazımdır ki, manatın yenidən möhkəmləndirilməsi və Mərkəzi Bank
tərəfindən təşkil edilən manatla depozitlərin cəlbi hərraclarında faiz dərəcəsinin 12-15% arasında
müəyyənləşdrilməsi bu istiqamətdə tələbatın kəskin yüksəlməsinə səbəb olub. Nəticədə Mərkəzi
bank ilk dəfə 15 sentyabr 2016-cı il tarixində elan etdiyi məbləğ həcmində 50 milyon manatlıq
depozit cəlbini reallaşdıra bilib. Bu isə “manat”ın dövriyyədən kənarlaşdırılması yolu ilə valyuta
tələbinin məhdudlaşdırması üçün əlavə imkanlar yaradıb.
Sentyabr müdaxiləsi həmçinin maliyyə bazarlarının daralma səviyyəsini də aydın şəkildə
göstərdi. Beləki, sentyabr ayında Dövlət Neft Fondu valyuta bazarlarında 631.1 milyon ABŞ
dolları, Mərkəzi Bank isə 100 milyon ABŞ dolları satış edib ki, bu da ümumilikdə 731.1 milyon
ABŞ dolları olmaqla avqust ayı ilə müqayisədə cəmi 286.7 milyon manat artıq olub. Başqa sözlə
iyun-avqust ayların ərzində yaranan tələb-təklif fərqi sentyabr ayında 286.7 milyon ABŞ dolları
ilə kompensasiya edilib ki, bu da əslində 2015-və 2016-cı ilin ilk rübü ilə müqayisədə valyuta
bazarlarının həcminin ciddi kiçilməsi deməkdir. Səbəb isə ötən dövr ərzində dollarlaşma
səviyyəsinin maksimum sürətlə baş verməsi və Mərkəzi Bankın sərt pul kredit siyasətidir.
“Manat”ın məzənnəsində müşahidə edilən güclənmə trendi oktyabr ayının ikinci yarısınadək
davam edir.