keçirilib. Nəticədə ümumi məqalələrin sayının artması ilə yanaşı elmi əsaslandırılmış etibarlı
məqalələrin sayı 129462-yə qədər artıb, Azərbaycandilli vikipediya 58-ci pillədən 51-ci pilləyə
yüksəlib. 20 Yanvar şəhidləri, AMEA Tarix İnstitutunun fəxri doktorları, Naxçıvanın görkəmli
şəxsləri, müəssisələri, məhəllələri, küçələri, Azərbaycan jurnalları, qəzetləri, xanəndələri, diaspor
nümayəndələri, jurnalistləri, kəşfiyyatçıları, Azərbaycanın xaricdə yaşayan professorları, xüsusi
tarixi günləri, “Mövzulu ay” layihəsi ətrafinda 4746 yeni məqalə yaradılıb, Vikipediyada
mövcud olan 1000 məqalə isə redaktə edərək genişləndirilib.Xarici dil vikipediyasında AMEA-
nın 15 təsisçisi, Milli Qəhrəmanlarımız, görkəmli ədiblər haqqında 70 məqalə yaradılıb. Xarici
dil Vikipediyasından 9 Viki qayda tərcümə edilərək azərbaycanca Vikipediyanın qaydalarına
əlavə edilib. Təlimlərin keçirilməsi üçün elektron dərslik tərtib olunub, Youtube paylaşım
sistemində video dərslər hazırlanaraq yerləşdirilib. Facebook sosial şəbəkəsində isə təlim
iştirakçılarına dəstək məqsədi ilə “Qorqud Viki Klub” qrupu yaradılıb. Azərbaycan Kanadada
keçirilən beynəlxalq Vikimaniya tədbirində MEK əməkdaşı tərəfindən təmsil olunub.
Mühüm nəticə 6: Azərbaycan kitabxanalarında mühafizə olunan və 2016-cı ildə MEK-də
aşkarlanıb rəqəmsallaşdırılmış 17 ən qədim kitabın 6-sına MEK oxucusu tərəfindən
annotasiya hazırlandı və kitabxana istifadəçilərinə təqdim olundu (Strateji hədəf 5:
İnformasiya təhlükəsizliyinin təmin olunması və informasiyanın paylaşılması).
İNSAN RESURSLARI
MEK-də 193 əməkdaş çalışır. 2016-cı il ilə müqayisədə kadr axınının müəyyən dərəcədə qarşısı
alınmışdır. Belə ki 2016-cı il ilə müqayisədə hesabat dövrü ərzində yeni işə keçmiş əməkdaşların
sayı 2 dəfə azalmışdır və 40-dan 20-yə enmiş, işə qəbul edilmiş şəxslərin sayı 21-ə çatmışdır. 44
əməkdaşın əməyinin ödənilməsi dərəcəsi və nəticə olaraq aylıq əmək ödənişi 2160 AZN
azalmasıdır. Buna səbəb – MEK-in strukturuna AMEA RH tərəfindən qəbul edilən
dəyişikliklərdir. Bu fakt da öz növbəsində kadr axınına gətirib çıxaracaq.
ƏMƏKDAŞLARIN SOSİAL MÜDAFIƏSİ
Əməkdaşların sosial müdafiəsi əsasən MEK İctimai Səhiyyə bölməsi və hüquqşünas tərəfindən
həyata keçirilib. Azərbaycan Respublikasının Prezidenti cənab İlham Əliyevin 23 dekabr 2015-ci
il tarixli Sərəncamı ilə təsdiq edilmiş və Əsas fəaliyyətlər istiqamətində AMEA-nın da icraçı
qismində göstərildiyi “Azərbaycan Respublikasında qeyri-infeksion xəstəliklərlə mübarizəyə
dair 2015-2020-ci illər üçün Strategiya”da ictimai səhiyyənin gücləndirilməsi və maliyyə
vəsaitinin ayrılması məsələləri vurğulanır. Bölmə tərəfindən MEK və AMEA əməkdaşların
laborator və aparat müayinəsi ödənişsiz şərtlərlə cəlb edilmiş, ilkin və təxirəsalınmaz tibbi
yardım göstərilmişdir. Bu isə əməkdaşların sosial müdafiəsinə ən aşağı hesablamalarla üç ildə
50.000 AZN vəsaiti nəzərdə tutur. İctimai səhiyyə bölməsinin nəzarəti altında RGM tərəfindən
kitab saxlanclarında gəmiricilər və göbələk xəstəliklərinin profilaktikası məqsədilə,
yeməkxanada, sanitar qovşaqlarda və bütün MEK qapılarının əl ilə kontaktda olan hissələrində
ayda 2 dəfə sanitar – gigiyenik təmizlik və dezinfeksiya işi həyata keçirilir. MEK əməkdaşlarına
peşə və mövsüm xəstəliklərinin profilaktikası həyata keçirilir. AMEA əməkdaşlarına statistika
üzrə rast gəlinən xəstəliklərin profilaktikası aparılır. Hesabat ilində 300 nəfərə ilkin tibbi yardım,
158 nəfərə ağ ciyərin rentgen müayinəsi, 468 nəfərə endokrinoloji laborator və konsultativ
müayinə, 87 nəfər – qan müayinəsi və anonim sorğu keçirilmişdir.
PROBLEMLƏR
!
Təhlükəsizliyin təmin edilməməsi. MEK-də mühafizə olunan sənədlərin fiziki
təhlükəsizlik məsələlərinin qismən rəqəmsallaşdırlma, elektron kataloqun hazırlanması
və rəqəmsal yaddaş bazasında mühafizəsi ilə əldə olunursa da, MEK resurslarının yüksək
təhlükəsizliyinin təmin edilməsi fiziki və elektron təhlükəsizliyin inteqrasiyasının
mümkünsüzlüyü ilə qarşılaşır. Buna səbəb 1. Əməliyyat sistemləri, tətbiqi proqram
təminatları və avadanlıqlardan istifadə üzrə lisenziyalarının olmaması; 2. MEK-də
mühafizə olunan sənədlərin yalnız 12 faizinin RFİD çiplərlə təmin olunması; 3. Elektron
informasiyanın qorunması üçün əlavə avadanlıqların olmamasıdır.
!
Kadr axını. Baxmayaraq ki, 2016-cı il ilə müqayisədə 2017-ci ildə aylıq əmək
ödənişinin aşağı olması səbəbindən yeni işə keçən əməkdaşların sayı 2 dəfə azalmış və
40-dan 20-ə enmişdir, kadr axını ilə bağlı 2018-ci ilə olan proqnoz “pessima” olaraq
qalır. Səbəb – 2017-ci ildə 44 əməkdaşın əməyinin ödənilməsi dərəcəsinin və, müvafiq
olaraq, aylıq əmək ödənişinin 2160 AZN azalmasıdır. Bu, MEK-in strukturuna AMEA
RH tərəfindən təsdiq edilən dəyişikliklərin nəticəsidir. Onsuz da yüksək olmayan aylıq
əmək ödənişi baş vermiş dəyişiklik ilə birlikdə yeni kadr axınına gətirib çıxaracaq.
!
Müasir kitabxana-informasiya sisteminə inteqrasiyanın mümkünsüzlüyü. Büdcə
vəsaitinin azlığı müasir kitabxana-informasiya sisteminə inteqrasiya olunmaq üçün
proqram təminatı, lisenziya və zəruri avadanlıqların alınmasını çətinləşdirir, əksər
hallarda isə mümkünsüz edir.
!
Cari və əsaslı təmir xərclərinin olmaması. Bütün müəssisələrdə olduğu kimi, MEK-in
2014-cü ildə istifadəyə verilmiş 24.080 kv/m sahəli binasının çoxsaylı havalandırma,
elektrik, suaxıtma problemləri büdcədə cari və əsaslı təmir xərcləri ilə tərs mütənasiblik
təşkil edir. Nəticədə kitab fondları, oxu zalları, tədbir məkanları, əməkdaşların iş yerləri
tələb olunan keyfiyyət standartına cavab vermir.
TƏKLİFLƏR
1.
MEK-in strukturuna yenidən baxılsın və Azərbaycan qanunvericlik bazasına və müasir
kitabxana-informasiya işinin dünya standartlarına uyğun şəkildə qurulmasını təmin etmək
üçün qərar verilsin.
2.
MEK-in müasir kitabxana-informasiya sisteminə inteqrasiyası məqsədilə proqram
təminatı və lisenziyalarının, eləcə də zəruri avadanlıqların alınması üçün vəsait ayrılsın.
3.
Mərkəzi Elmi Kitabxananın respublika miqyaslı yeganə elmi kitabxana olmasını,
kitabxananın fəaliyyətinin ictimai əhəmiyyətini və kitabxana-informasiya sistemində
islahatlar aparmasını nəzərə alaraq Azərbaycan Respublikası Mədəniyyət və Turizm
Nazirliyi qarşısında Mərkəzi Elmi Kitabxanaya “Milli” statusun verilməsi üçün vəsatət
qaldırılsın.
4.
Mərkəzi Elmi Kitabxananın binasının təmir-bərpa işlərinə əlavə vəsait ayrılsın.
5.
Üçnövbəli iş rejiminə keçid üçün MEK-ə əlavə ştat açılsın.