145
Yusifin Təbriz yaxınlığındakı döyüşdə əski müttəfiqi Sultan Əhməd Cəlairini
məğlub etməsi və ona hakimiyyətin yeni sülaləyə keçməsini qanuniləşdirən
sənədlərə qol çəkdirməsi Qaraqoyunlu dövlətinin siyasi tarix səhnəsinə çıxış
məqamı idi. Yarandığı məqamda Qaraqoyunlu dövlətinin tərkibinə Azərbaycanın
Kür çayından cənubdakı ərazisi, Şərqi Anadolu vilayətləri və Ərəb İraqı daxil
olmuşdur. Lakin Qaraqoyunlu hökmdarları (Qara Yusif, İsgəndər, Cahanşah)
böyük dövləti siyasi sabitlik, əmin-amanlıq şəraitində idarə edə bilmədilər: Əmir
Teymurun varisi Şahrux dəfələrlə Azərbaycana genişmiqyaslı hərbi yürüşlər etdi.
Qaraqoyunlu sarayının daxilində baş verən çəkişmələrə müdaxilə etdi, “atasına
məxsus olmuş əraziləri” öz nəzarəti altına almağa cəhdlər göstərdi. Başlıca
diqqətini saraydaxili çəkişmələrə, Teymuri sultanı Şahruxun əməllərinə yönəltməli
olmuş Qara Yusif (1410-1420), İsgəndər (1422-1436) və Cahanşah (1438-1467)
sənətkarlığın, ticarətin, mədəniyyətin inkişafına lazımi səviyyədə nəzər yetirmək
imkanından məhrum olmuşdular.
Qaraqoyunlu hökmdarı Cahanşah siyasi rəqibi Əbu Səid Teymuri üzərinə
1458-ci ildə müzəffər hərbi yürüş edə bildi. “Qaraqoyunlu padşahı Məşhədi və
Nişapuru keçərək Teymurilərin paytaxtı olan Herat şəhərinə daxil oldu. 1458-ci il
iyunun 28-də Cahanşah Teymuri … taxtında əyləşdi. Xarici dövlətlərin elçiləri
Herata gəlib onu salamlayır, ənam və hədiyyələrini təqdim edirdilər. Lakin həmin
ildə Cahanşah Heratı tərk etməli oldu”.
4
Yeni Teymuri Sultanı Əbu Səidlə
Cahanşah arasında hücum etməmək haqqında müqavilə bağlandı. Cahanşahın
başlıca rəqibi üzərindəki hərbi və mənəvi qələbəsi Qaraqoyunlu dövlətinin
tənəzzülü və süqutu ərəfəsinə təsadüf etmişdi. XV əsrin 60-cı illərinin ortalarında
Ərəb İraqı, Əcəm İraqı, Fars, Kirman vilayətləri və Cənubi Azərbaycan ərazisi bu
dövlətin tərkibində olmuşdur. Daxili siyasi çəkişmələr Qaraqoyunlu dövlətinin
süqutu prosesini sürətləndirdi. 1467-ci ilin sonlarında bu dövlət süquta uğradı və
Azərbaycanın ictimai-iqtisadi, siyasi potensialı əsasında yeni - Ağqoyunlu dövləti
meydana çıxdı.
XV əsrin əvvəllərində Azərbaycanın şimal və cənub torpaqlarının vahid
dövlət hüdudlarında yenidən birləşdirilməsi üçün əlverişli şərait yaranmışdı. Bu
tarixi məqamda həmin vəzifəni yerinə yetirmək qüdrəti yalnız Şirvanşahlar
dövlətində var idi. Mühüm bir cəhəti qeyd etmək lazımdır ki, həmin dövrdə (XV
yüzillikdə) ölkənin iqtisadi və mədəni inkişaf məsələləri ilə lazımi səviyyədə
məşğul olmaq imkanları Şirvan hökmdarlarının ixtiyarında olmuşdur. Sabit iqtisadi
inkişaf imkanlarından bəhrələnən, dövlət ərazisində ticarətin, sənətkarlığın,
şəhərlərin, mədəniyyətin yüksəlişini təmin edə bilmiş Şirvanşahlar (xüsusilə I
İbrahim) Azərbaycanın Cənub ərazisini də öz hakimiyyətinə tabe etmək xəyalına
düşdülər.
5
Aramsız müharibələrdən, feodal çəkişmələrindən usanmış Cənubi
Azərbaycan sənətkarları, tacirləri, inkişaf arzusunda olan kütlələr siyasi sabitlik
həsrətində idilər və Şeyx İbrahimə bu sabitliyin təminatçısı kimi yanaşırdılar.
Təbrizdə Teymuri hakimləri olan Ömərə, Miranşaha və onun oğlu Əbubəkrə qarşı
146
üsyanın qalxması, məğlub olmaq təhlükəsi qarşısında qalmış üsyançıların
müraciəti Şirvanşah I İbrahimin Azərbaycanın Cənub torpaqlarına hərbi müdaxiləsi
üçün əlverişli şərait yaratdı. 1406-cı ilin mayında Şirvan qoşunları müqavimətə rast
gəlmədən Təbrizə daxil oldular. Azərbaycan torpaqları yenidən vahid hakimiyyət
altında birləşdirildi, lakin Sultan Əhməd Cəlairinin və Qara Yusif Qaraqoyunlunun
birləşmiş qoşunlarının Təbriz üzərinə hücumu Şirvanşahı Araz çayının şimalına
qayıtmağa vadar etdi. 1406-cı ilin iyulunda Şirvan qoşunları Təbrizi tərk etdilər.
Cənubi Azərbaycan ərazisinin Şirvanşahlar dövlətinə birləşdirilməsi yolunda ilk
cəhd uğursuzluqla nəticələndi. 1410-cu ilin avqustunda I İbrahim Sultan Əhməd
Cəlairi ilə Qara Yusif Qaraqoyunlu arasında baş vermiş münaqişədən istifadə
edərək bu arzusunu gerçəkləşdirmək üçün növbəti cəhd göstərdi. Lakin Qara
Yusifin əski mütəffiqini hərbi məğlubiyyətə düçar etməsi və Cənubi Azərbaycanda
öz dövlətini qurması Şirvanşahın arzusunu puça çıxardı. Yaranmış şəraitdə
Şirvanşah artıq öz dövlətinin siyasi müstəqilliyini, varlığını qorumaq xəyalı ilə
yaşamağa başladı. 1412-ci ilin noyabr-dekabr aylarında Şirvan və Qaraqoyunlu
qoşunları qoşunları arasında Kür çayı sahilində baş vermiş böyük döyüşdə Şirvan
qoşunu ağır məğlubiyyətə uğradı. I İbrahim, onun oğulları, qardaşları, əmirləri,
məşhur sərkərdələri və gürcü çarı II Konstantin əsir düşdülər.
6
Gürcü çarı və 300
gürcü döyüşçüsü edam olundular. Şirvanşah isə 1413-cü ilin yazında həbsxanadan
azad edildi və o, Şirvana qayıtdı. Şirvanşahın azad olunmasında Qara Yusifin tələb
etdiyi böyük ödənci ödəmiş Təbriz tacirlərinin və sənətkarlarının həlledici rolu
vardı. Şirvanşah özünün Qara Yusifin vassalı olduğunu etiraf etmişdi. Mənəvi
cəhətdən əzilmiş I İbrahim 1417-ci ildə dünyasını dəyişdi. Şeyx İbrahimin
hakimiyyəti dövründə Şirvanın bir çox yaşayış məntəqələrində müdafiə qurğuları,
məscidlər, karvansaralar, ovdanlar inşa olunmuşdu. “Görünür ki, Bakıda
Şirvanşahlar sarayının tikintisinə Şeyx İbrahimin hakimiyyəti zamanında
başlanılmışdı”.
7
Şeyx İbrahimin hakimiyyəti dövrü şəhər mədəniyyətinin,
incəsənətin, poeziyanın intibahı ilə əlamətdardır. XV əsrin əvvəllərindən
Şirvanşahlar dövlətinin müstəqilliyi və çiçəklənməsi dövrü başlandı. Bu yüksəliş
prosesi təqribən 100 il davam etdi.
Şirvanşah I Xəlilullah (1417-1465) dövrün hərbi-siyasi münaqişələrində
fəal iştirak etməyə can atmır, ənənəvi xarici siyasət xəttinə sadiq qalaraq
problemlərin diplomatik üsullarla həll olunmasına çalışırdı.
Şirvanın siyasi müstəqilliyini təmin edə bilmiş I Xəlilullah ölkədə mövcud
olan yaşayış məntəqələrinin (xüsusilə Bakı şəhərinin) abadlaşdırılmasına başçılıq
etmiş, Şirvanşahlar saray kompleksinə daxil olan bir sıra memarlıq obyektlərini
tikdirmişdi.
8
Ölkədə ticarətin inkişafı qayğısına qalan Şirvanşah bir çox
karvansaralar və körpülər inşa etdirmişdi. Onun hakimiyyəti Şirvanşahlar
dövlətinin və ölkədə şəhər həyatının çiçəklənməsi dövrü idi. Şirvanşah Fərrux
Yəsar (1465-1500) da ölkənin iqtisadi, mədəni, siyasi yüksəlişini təmin edən daxili
siyasət yeridirdi. Azərbaycanın Cənub qismində iddialı siyasi xadimlərin
Dostları ilə paylaş: |