196
məhdudlaşdırmışdı. Avropa şəhərlərindən fərqli olaraq, Azərbaycan şəhərlərində
yeni müdafiə qurğuları tikilərkən köhnə müdafiə xətləri dağıdılmırdı. Azərbaycan
şəhərlərinin bir neçə müdafiə xəttinə malik olması da bu cəhətin nəticəsi idi.
Müsəlman aləmində dini mərkəzlər kimi meydana gəlib inkişaf etmiş şəhərlərin
inkişafı nisbətən uğurlu idi. Belə şəhərlərdən ən səciyyəvisi Ərdəbildir.
“Azərbaycan şəhərlərindən Ərdəbil XIV-XVI əsrlərdə qala divarları ilə əhatə
olunmamışdır. Nəticədə o, feodal Şərqinin, o cümlədən Azərbaycanın bir çox
şəhərlərindən fərqli olaraq geniş ərazidə nisbətən azad planlaşma əsasında inkişaf
etmişdir”.
148
Azərbaycanın orta əsr şəhərləri abadlıq baxımından o dövrdəki
Avropa şəhərlərindən üstün idi. Avropa şəhərlərində su kəməri sistemi yalnız XII-
XIII əsrlərdə yaradılmışdı. Azərbaycan şəhərlərində isə artıq IX-XI əsrlərdə inkişaf
etmiş saxsı su kəməri sistemi fəaliyyət göstərirdi. Ümumiyyətlə, orta əsrlər
Şərqində şəhərlərin siması müvafiq dövrdəki Avropa şəhərlərinin simasından
əhəmiyyətli surətdə fərqlənirdi. Şərq şəhərləri urbanizasiya səviyyəsinə, funksional
zənginliyinə memarlıq həllinə və habelə estetik baxımına görə Avropa
şəhərlərindən üstün idi. Dinin aparıcı ictimai şüur forması olması Azərbaycan
şəhərlərinin memarlıq həllində də öz əksini tapmışdır. Şəhərlərin əksəriyyətində
dini təyinatlı binalar izdihamlı ticarət küçələrində yerləşirdi. “Feodal Şərqinin
ictimai təyinatlı tikililərinin özünəməxsus növü olan karvansaralar
149
Azərbaycanın
daxili və xarici ticarət əlaqələrinin inkişafı tələbatından doğmuş memarlıq
kompleksləri idi. Ticarət kompleksinin ən gözəl nümunələrindən biri Bakıda
yaranmışdı. 6 binadan ibarət olan bu kompleks tipik Şərq memarlıq incisi hesab
edilir.
150
Hamamlar Azərbaycanda ən geniş yayılmış ictimai tikililərdən olub,
yalnız təmizlik funksiyası ilə məhdudlaşmırdı. Bunlar müəyyən yaşayış yerlərinin
(məhəllələrin) toplanış, qarşılıqlı informasiya obyektləri idilər. Saray kompleksləri,
müdafiə qurğuları (qalalar, şəhərətrafı qala divarları və s), körpülər də orta əsr
Azərbaycan şəhərlərinin zəngin memarlıq sisteminə daxil idi.
Azərbaycan milli memarlığının aparıcı istiqamətlərındən biri Şirvan-
Abşeron məktəbi idi. Bu memarlıq məktəbi XVI əsrin əvvəllərinədək
Azərbaycanda aparıcı rol oynamışdır. Bu məktəbin uğurlarının mənbəyi ictimai-
siyasi həyatın
sabitliyində və IX əsrdən etibarən uğurla yüksələn Şirvanşahlar
dövlətinin mövcudluğunda idi.
151
Şirvan-Abşeron memarlıq abidələrinin ən gözəl
nümunələri bu məktəbin başlıca mərkəzlərində - Bakıda, Şamaxıda
152
və
Dərbənddə
153
cəmləşmişdi. Yaxın və Orta şərq regionunun ən nadir
ansambllarından biri olan Şirvanşahlar saray kompleksi (Bakı) Şirvan-Abşeron
memarlıq məktəbinin tipik nümunəsidir. XV əsrin II rübündə yaradılmış bu
kompleks saray, divanxana, Şirvanşahlar türbəsi (1435), ovdan (1436) , hamam
(1438), Şah məscidi (1441), Keyqubad məscidi və Seyid Yəhya Bakuvinin
türbəsindən ibarətdir.
154
XVI əsrin ortalarından etibarən ictimai-siyasi fəallıq
Azərbaycanın cənub vilayətlərinə keçdi və Şirvanşahlar dövlətinin ərazilərinin
197
Səfəvilər dövləti ərazisinə birləşdirilməsi Şirvan-Abşeron memarlığının aparıcı
roluna son qoydu.
Azərbaycanda mövcud olan Marağa, Naxçıvan, Ərdəbil və Təbriz
memarlıq məktəbləri içərisində Təbrizin rolu getdikcə artmağa başladı. Memarlıq
sahəsindəki yüksəlişi (paytaxta çevrilməsi ilə əlaqədar olaraq) XII əsrin II
yarısından başlamış Təbriz Yaxın və Orta Şərqin ən əhəmiyyətli şəhərlərindən idi.
Müsəlman Şərqində özünün qədim tarixi, nəfis sənətkarlığı, qüdrətli memarlığı,
zəngin mədəniyyəti, böyük ticarəti və intensiv şəhər həyatına görə Təbrizlə
müqayisə oluna biləcək çox az şəhər tapıla bilər. XIV-XVII əsrlərdə şəhərdə yüz
minlərlə əhali yaşayırdı. Azərbaycan memarları Təbrizdə 20 min otaqdan ibarət
olan “Dövlətxana” kompleksi tikmişdilər.
155
Təbriz memarlıq məktəbinə mənsub
olan ustalar Yaxın və Orta Şərq regionunun bir çox ölkələrində də müxtəlif
təyinatlı memarlıq abidələri tikirdilər. XVI əsrdə Azərbaycan memarlığının inkişafı
prosesində bir sıra yeni cəhətlər meydana gəldi. Başlıca cəhət Azərbaycanın cənub
vilayətlərində tikinti işlərinin daha intensiv olması idi. “XVI əsrdə bəzi şəhərsalma
tədbirləri əsasən Cənubi Azərbaycan şəhərlərində aparılmışdır. Şəhərsalma
strukturunda mühüm dəyişikliklər baş verməmişdir”.
156
XVI əsrdə “ən intensiv
tikinti işləri Səfəvilərin yeni paytaxtı Qəzvində və sülalə ocağı olan Ərdəbildə
aparılır. Paytaxtın 1555-ci ildə Qəzvinə köçməsi ilə bağlı olaraq Qəzvin yenidən
qurulur. Sahibabad meydanı kompleksinin təsiri ilə Qəzvində özəyi Şah Meydanı
(uzunu 700, eni 200 addım) olan şəhər mərkəzi tikilir. Cəfərabad adlı saray
şəhərciyi Ali Qapı tikilisi
ilə bu meydana birləşirdi. Saray şəhərciyinin
tərkibində içində saray binaları olan 23 xüsusi bağ vardı. Onların arasında mərkəzi
yeri Şah Təhmasibin tikdirdiyi Səadətabad bağı tuturdu”.
157
XVI əsrdən etibarən
müxtəlif təyinatlı
tikililərin əsasən ölkənin cənubunda yaradılması aşağıdakı
səbəblərlə izah oluna bilər:
1.
Ölkənin şimal vilayətlərinin (xüsusilə Şirvanın) siyasi, inzibati
əhəmiyyətinin azalması;
2.
Şirvan, əsasən hərbi-siyasi çəkişmələr meydanına çevrilmişdi;
3.
XV əsr də daxil olmaqla çoxəsrlik tarixi inkişaf ərzində Şirvanda
müxtəlif təyinatlı memarlıq kompleksləri, xüsusilə məscidlər vardı və onların
tikintisinə kəskin tələbat yox idi.
Sonuncu səbəb daha mühüm hesab oluna bilər. XVI əsrin Azərbaycan
memarlığının digər bir cəhəti onun bədii yaradıcılığın digər sahələri ilə güclü və
sıx əlaqəsi idi. “Bu dövrdə memar-xəttat, şair-rəssam, şair-musiqiçi və s. kimi
hallar təsadüfi deyildi”.
158
Miniatürçü rəssam, nəqqaş, həkkak, xəttat, memar sıx
əməkdaşlıq şəraitində çalışırdılar. Bu dövrün memarlığının inkişafı üçün dini
təyinatlı binaların (türbə, məscid və s.) xüsusi intensivliklə tikilməsi də xas idi. Bu
cəhət “Səfəvilər dövlətinin teokratikliyi” faktı ilə əlaqələndirilir.
159
Memarlıq
abidələrinin tərtibatında bu dövrdə bəzi dəyişikliklər baş verdi. “XV əsrdən
başlayaraq memarlıq abidələrimizin bədii tərtibatında canlıları təsvir edən
Dostları ilə paylaş: |