Azərbaycan miLLİ elmlər akademiyasi folklor institutu atiF İslamzadə



Yüklə 0,96 Mb.
səhifə6/12
tarix09.03.2018
ölçüsü0,96 Mb.
#31014
1   2   3   4   5   6   7   8   9   ...   12

6. Qonur atın iyəsi
Qazan xan obrazının mifoloji semantikasının aşkar­lan­ma­sı istiqamətində Qonur atın iyəsi qəlib-formulunun təh­li­li göstərir ki, bu məna vahidi bir mənsubiyyət işarəsidir. Xan tə­yini kimi dərəcə müəyyən edir. Şəriksiz təyindir. Yalnız Qa­zan xana məxsusdur. Xan təyini kimi II və III boylarda iş­lə­nir. “Qonur atın iyəsi” söz birləşməsi əlyazma oxunuşunda bir­ləşmənin sonuncu tərəfini çıxmaqla eyni şəkildə oxunur. İyə­si sözü isə hətta eyni müəlliflər tərəfindən II boyda bir cür, III boyda başqa cür oxunulmuşdur. Belə ki, H.Araslı bu sözü II boyda əyası, III boyda ayası (96, 31, 65), F.Zeynalov, S.Əli­zadə II boyda iyəsi, III boyda ayası (97, 42, 63), S.Cəm­şi­dov II boyda iyəsi, III boyda iyası (98, 30, 62), S.Əlizadə II boy­da iyəsi, III boyda isə ayası (99, 46, 63) kimi oxumuşlar. M.Er­gin və O.Ş.Gökyay bu sözü “iyesi” kimi oxumuşlar (137, 95; 140, 16). Oxunuş nə qədər fərqli olsa da, əlyazma nüs­xəsində bu söz hər iki yerdə eyni hərflərlə yazılmışdır (əlif, ye, əlif, sin, ye) (99, 586 (35), 511 (110). DQK-nin Drez­den və Vatikan nüsxələri hər ikisi nəsx xətti ilə yazıldığı üçün (99, 32-33) S.Əlizadənin qeyd etdiyi kimi “əlif bütün sa­it səslər üçün ortaq bölünəndir” (67, 27). Elə buna görə də fi­lo­loqlar (mətnşünaslar da demək olar) ayası sözünün “əyası”, “iyə­si”, “iyası” kimi oxunuşunu təqdim etmişlər. Bizim fik­ri­miz­cə, əlyazma nüsxəsindən çıxış etdikdə qeyd etdiyimiz ki­mi bu söz eyni şəkildə yazılmış və “Qonur atın ayası” kimi oxu­nuşu daha məqsədəuyğundur. Çünki ozan, yaxud katib əv­vəl­də diqqət çəkdiyimiz digər təyinlər kimi bu sözdə də əs­ra­rən­giz fikir nümayiş etdirmiş, aya, ayası omonimi yarat­mış­dır. DQK boyları lüğət ehtiyacı baxımından bu sözün leksik-se­man­tik anlamlarını bizə nümayiş etdirir. Belə ki, II boyda Qa­raca “Çobanın üçyasar tana dərisindən sapanının ayasıydı” (97, 48) deyilməklə “ayası” sözünün sapandın əsas hissəsi mə­na­sında işləndiyini görürük. H.Araslı “aya” sözünü, yiyə, sa­hib (Qonur atın ayası) və sapandın daş qoyulan yeri (sa­pan­dın ayası) kimi təqdim etməklə (96, 160) məhz bu sözlərin omo­nim oldğunu göstərmişdir. Sapandın əsas hissəsi onun daş qoyulan yeridir və mətn özü sapandın ayasını digər yerləri ilə müqayisədə əsas hissə kimi diqqətə çatdırır; “Çobanın üç­ya­sar tana dərisindən sapanının ayasıydı, üç keçi tüyündən sa­pa­nının qollarıydı. Bir keçi tüyündən çatlağucıydı. Hər atanda on iki batman taş atardı” (97, 48). Sapandın ayası digər yerləri ilə müqayisədə daha böyük heyvan dərisindən hazırlanmaqla və ayası tərəfindən heyrətamiz şəkildə on iki batman daş at­maq­la məhz ayası sözünün əsas hissə anlamını mətn lüğətində təs­diqləyir. Elə təbiətdə də bu sözün əsas hissə anlamında bo­ta­niki sahələrdə işləndiyini görürük. Bu barədə oxuyuruq: “Yar­paq, adətən, fizioloji prosesləri yerinə yetirən enli ayadan və ayanı zoğa birləşdirən saplaqdan ibarətdir. Ayası olmayan yar­paq oturaq yarpaq adlanır” (28, 90). Azərbaycan dilinin izah­lı lüğətində bu söz əlin içi kimi izah olunmaqla yenə də əsas hissə anlamında olduğu görünür. Əlin barmaqlardan baş­qa olan hissəsi aya adlanır (19, 67). Məhz bu söz bir söz bir­ləş­məsində omonim olaraq iştirak edib, həm “Qonur atın aya­sı” olan Qazanın onun yiyəsi, sahibi olmasını göstərir, həm­çi­nin Qazanı qonur atın əsas hissəsi kimi strukturda işarələyir.

“Əyə” omoniminin “sahib” mənasına gəlincə bildirmək is­tərdik ki, bu söz C.Bəydilinin (Məmmədovun) müşahidə et­di­yi kimi, çağdaş türk ləhcələrində “ezi”, “ie”, “ee”, “ie”, “i”, “iye”, “eye”, “iya”, “ee”, “eqa”, “eqə”, “iqe”, “ize”, “is”, “issi”, “iyqa”, “ikə”, “iççi” şəkillərində işlənir (45, 174). Hər­fi anlamda “sahib” mənasında olan “ee”, “iya”, “iyə”, “iə”, “eya” Volqaboyu, Orta Asiya, Şimali Qafqaz, Qərbi Sibir, Al­tay və Sayan türk xalqlarının mifologiyasında həmişə hər han­sı bir yerlə bağlı ruhların adıdır (157, 659). F.Bayat bu obrazı ov­çuluq mifləri ilə əlaqələndirmişdir (133, 255). İ.Xalipaeva da qumıqlarda əyə obrazının Albaslı, Yeranası, Suvanası, Kan­tuluk, Sullax, Basdırık kimi variantlarından bəhs etmişdir (167, 76). Azərbaycan mifoloji mətnlərinə görə, “Yer üzündə bir qəriş yer əyəsiz deyil. Hər şeyin öz əyəsi var” (21, 46). “Əgər bir evdə hami ruha – ev yiyəsinə hörmətlsizdik olarsa, ora­ya mütləq bədbəxtlik gələjək, evin bin-bərəkəti bajadan gö­yə çəkiləjək...” (22, 82). “Bir dəfə iki nəfər şər qarışan vax­tı balıx tuturmuş. Birdən tilova bir balıx düşür... Sən demə, ti­lo­va düşən su yiyəsi, yəni su əyəsiymiş” (24, 61). “Həftənin bi­rinci günü ağac kəsmək günahdı, deyillər ki, həmən gün ağac­ların ruhu ziyarətə gedər” (26, 23). Zəngəzur folklor mətn­lərində əyələrin adı həm də məleykədir “Ocaxda mə­ley­kə var. Odu ki, ocağa su tökməzdər” (25, 100).

Ancaq biz qeyd etmək istəyirik ki, aya sözünün əyə an­la­yışı ilə əlaqəsi olduğunu mətn özü inkar edir. Eyni zamanda ba­til inanc səviyyəsində izah olunan bu kimi sözlüklərə bir da­ha yeni baxış nümayiş etməyə ehtiyac hiss olunur. “Əyə” omo­niminin “əsas hissə” ilə əlaqədar mənasına gəlincə, həm struk­turda ritual-mifoloji dünya modelinin Oğuz variasiyası ola­raq, həmçinin tarixi-dialektik mərhələnin nümayişi kimi tə­zahür edən atın bir hissəsi olmaq epik mətnin ifadə planında at igidin yarısıdır, yaxud at igidin yarısından artıqdır kimi kli­se­ləşmiş deyimlərdə özünü göstərir. Epos yaddaşımızın əhə­miy­yətli mərhə­ləsin­dən birini təşkil edən “Koroğlu” das­ta­nın­da (M.H.Təhmasib nəşri) bu barədə qiymətli bilgilər vardır. Das­tanın “Həmzənin Qıratı aparması” qolunda Hasan paşa Ko­roğ­lunun üstünə hücum etmək istədikdə Mehtər Murtuz ona deyir: “İndi ki, bizi göndərirsən, gedəcəyik. Ancaq orası­nı deyim ki, Koroğlunun igidliyinin düz yarısı Qıratdandı. Nə qə­dər ki, o, Qıratın üstündədi, biz ona heç nə eləyə bilmərik” (101, 115, 116). Atı oğurlayıb gətirən keçəl Həmzə başqa bir yer­də bunu igidlik kimi qələmə verir. “Buna oğurluq deməz­lər. Bu igidlikdi. Koroğlu­nun atını gətirmək özünü gətirməklə tən yarıdı. Hələ bir az da ondan artıqdı” (101, 139).

Qırat elə Koroğlu kimi insansayağı qəhrəmandır və onun­la bərabər səviy­yədə yağı ilə döyüşür, eyni zamanda dö­yüş zamanı Koroğlunun yarısı olduğunu təsdiqləyir. “Bir tə­rəf­dən Qırat, bir tərəfdən də Koroğlu özü day Hasan paşanın qo­şununda qoşunluq qoymadılar, qırıb tökdülər” (101, 142).

Atla igid (dəli) arasında bu funksiya bölünməsi Ko­roğ­lu-Qırat yarımfunk­siyalarının bir-birini tamamlaması DQK-də də struktur-semantik səviyyələrdə saxlanır. Qaracıq Çoban kafər üstünə getmək üçün Qazan xandan Qonur atını istəyir:

Qonur atın vergil mana!

Altmış tutam göndərüni vergil mana!

At alaca qalqanını vergil mana!

Qara polat uz qılıcın vergil mana!

Sadağında səksən oqın vergil mana!

Ağ tozluca qatı yayın vergil mana! (97, 46).

Qaracıq Çobanın Qazan xandan istədiyi zirehli geyim, qal­xan, qılınc, ox və yay çobançılıq sənəti baxımından ço­ban­da olmaya bilər və onu Qazandan istəməsi təbiidir. Lakin elat mə­işətinin əsas peşəsi olan çobançılıqda atın olmaması gü­lünc görünər. Kamil mətn isə bir-birini tamamlayan an­lam­la­rın rabitəsindən struktur təşkil edir. Bu baxımdan məlum olur ki, Qonur at həm digər bəylərin atlarından daha üstündür, ka­fər üzərinə Qonur atla döyüşə çıxmaq şərəflidir, həmçinin Qo­nur at igidin yarısıdır. Qaracıq Çoban Qazan xana Qonur atı olduğu halda yağmalanmış evini hələ qaytara bilmədiyi üçün zahiri etirazını, daxili təəssüfünü ifadə edir. Burada eyni za­manda Qaracıq çobanın sakrak sferaya daxil olması qonur at­la işarələnir. Çünki DQK-də xtonik çoban olan, pəri qızına tə­cavüz edən, Təpəgözün atası olan çobanın adı məhz qonur qo­ca sarı çobandır ( 97,98). Elə Qazan xanın Qonur atının sak­ral sferada olması çobana ad semantemi ilə qonur qocaya qar­şı durub özünü xtonik anlayışlar cərgəsindən çıxartmaq üçün imkan verə bilər. Biz bu barədə əvvəldə də bəhs aç­mı­şıq. Ancaq Qazan xan Qonur atı Çobana verə bilməz. Çünki Qa­zana “Qonur atını vergil” deməklə onu qınayan Qazanın bur­da qalmasını, atını ona verməsini və Çobanın Qonur atla bir­gə gedib onun evini qurtarmasını və öz qardaşlarının qisa­sı­nı almasını dediyini görürük. Çünki Qonur atsız qalacaq Qa­zan yalnız yarım funksiya daşıyır. Qazan xanın bütün sa­vaş­la­ra və kafər məkanına, yurda və öz elinə – Oğuz məkanına Qo­nur atla getməsi Qonur atın Qazanın bir hissəsi olmasını gös­tə­rir. Türk xalqlarının mifoloji düşüncəsində Qonur at məhz igi­din yarısı deməkdir. Elə buna görə də Altay dastanları ara­sın­da yer tutan “Kozin Erkeş” dastanında təsadüfi olmayaraq sta­tus-dəyişmə mərhələsindən keçib bahadırlıq qazanan Ko­zin Erkeş məhz Qonur atla birlikdə ritual prosedurdan ke­çi­rilir. Əcəlinin çatdığını hiss edən Ağ Bökö oğlunu Qonur ata min­mək şərəfinə nail olan bir ər kimi bahadır (alp) elan edir:

Mənim qoca vaxtımda tapdığım oğlum,

Qızıl konur ata minən

Kozin Erkeş bahadır olsun (56, 179).

Atın igidin, kişinin, insanın bir hissəsi olması bəzən atın, bəzən igidin əsas hissə olması metateza olaraq bir-birini əvəz­ləsə də, anlam sabit qalır. Yunan mifologiyasında atın in­sa­nın bir hissəsi olması anlamı kentavr obrazında arxaik dü­şün­cə tərzinin spesifik görüntüsü kimi diqqət çəkir. Pik­toq­ra­fik yazı mədəniy­yətinə uyğun olaraq mənalar şəkillərlə ifadə edil­diyi üçün sonrakı fikir təzahür­ləri də bu spesifikaya uyğun şə­kil­də epik mətnlərdə daşınır. Məna və anlam şəkil, görüntü, ob­raz olaraq üzə çıxır. Heraklın döyüşdüyü yarı at, yarı adam olan kentavrlar at və insanın bir-birinin yarısı, hissəsi olmaq an­lamının təsvir dilidir. Herakl kentavrlarla döyüşüb onları öl­dürsə də, bu heç də anlam üzərinə kölgə salmır. Birincisi, ken­tavrlarla döyüş Heraklın on iki qoçaqlığına aid deyil. Bu si­tu­asiyada o, Erimant qabanı ilə döyüşüb onu ovlamalıdır. Ken­tavrlar xtonik olduğu kimi eyni zamanda profan və sakral mə­kana da daxildirlər. Herakla vəhşi qabanı tapmağa kömək edən və ona qonaqlıq verən də kentavrdır (58, 101,103). Elə qo­çaqlıqlar göstərən Heraklın özünə də kentavr Xiron tərbiyə ver­mişdir (106, 50, 51).

Qeyd edək ki, folklor mətnlərində qəhrəmana yardım edən at ona müxtəlif variantlarda ata, yaxud baba tərəfindən yu­xuda, məzarda təqdim edilir. “Çal at, Qonur at” nağılında və­fat edən ata övladlarına üç gün onun qəbrinə keşik çəkməyi məs­ləhət görür. Bu günlərdə kiçik oğul atanın verdiyi atları əl­də edir (23, 135). Tədqiqatlar folklorda at və qəhrəman ara­sın­dakı qırılmaz əlaqəni təsdiq edir (161; 162). “Gəmiqayada at rəsmləri bir qayda olaraq minik və qoşqu qüvvəsi kimi gös­tə­rilmişdir” (100, 23). “Oğuznamə”nin XV-XVI əsrlərdə üzü kö­çürülmüş əlyazmasında atla bağlı külli miqdarda nü­mu­nə­lər yer almışdır (109). Folklorda qəhrəman yeraltı dünyaya at­la gedir: “Bir şəxsin yuxusunda at belində bir yerdən başqa bir yerə getməsi at belində kim varsa onun öləcəyinə” inamı ifa­də edir (168). Məmlük-Qıpçaq dövrünə aid “Kitabül Hayl” əsə­rində atın qeyri-adiliyi haqqında Muhamməd peyğəmbərin (s.ə.s.) dilindən deyilir: “Yaxşılıq qiyamət gününə qədər atın al­nında yer alır” (143, 97). Onu da qeyd edək ki, bu kimi ifa­də­lər semantik yüklü olub məcazi fikir tərzini müxtəlif sə­viy­yə­lərdə nümayiş etdirir.

Beləliklə, “Qonur atın ayası” ifadəsi Qazan xanın Qonur atın yiyəsi olması anlamını bildirməklə bərabər, onun yarısı, his­səsi, yaxud əsas hissəsi olduğunu semantik şəkildə ifadə edir. “Qonur atın ayası” ifadəsinin bu şəkildə olması yalnız bu sö­zün omonim olması səbəbindən deyil, dastan poetikasının spe­sifikliyindən də irəli gələn tələbatdır. T.Hacıyev diqqət çək­diyimiz “xan öyüncləri” təyin-titulları barədə açıqlama ve­rər­kən “Ulaş oğlı” ifadəsinin arxasınca gələn “Tülü quşun yav­rısı” təyinindəki quş sözünün saxlanılmasının dastan di­li­nin şeiriyyəti ilə bağlı olduğunu ehtimal edir. Müəllif yazır: “Bəl­kə də həmin təyinin saxlanması dastan dilinin şeiriliyin­dən irəli gəlir. Ulaş sözündəki “ş” melodiyası quş sözünü sax­lan­mağa məcbur etmişdir” (80, 31). Anlamın eyni, sözün isə fər­qli yazılışının örnəklərdə olması təbiidir ki, yetərincədir. Das­tan şeiriyyətinin spesifikası baxımından xüsusilə də al­li­te­ra­siya özəlliyinin və qafiyə zənginliyinin ritmik-melodik qu­ru­luşdan törənməsi bizə imkan verir ki, bu sözün “ayası” şək­lin­də olduğunu iddia edək. Xan öyünclərini bu spesifikaya uy­ğun olaraq təkrar şəkildə diqqətə çatdıraq:

Ulaş oğlı,

Tülü quşun yavrısı,

Bizə miskin umudı,

Amit soyının aslanı,

Qaracuğın qaplanı,

Qonur atın ayası,

Xan Uruzun ağası,

Bayındır xanın göygüsi,

Qalın Oğuzın dövləti,

Qalmış yigit arxası,

Salur Qazan (97, 42).

Ulaş sözünün arxasından quş, umıt sözündən sonra Amit, yaxud əmət, Qaracuğun arxasınca Qonur, qalın sö­zü­nün arxasınca qalmış kimi q samitinin alliterasiyası daxili mü­va­zi qafiyələrin düşünülmüş cərgəsi və sonluq qafiyələr kimi as­lanı-qaplanı, ayası-ağası şəklində işlənməsi DQK vəzninin po­etik xüsusiyyətindən doğur. Ümumiyyətlə, DQK-də al­li­te­ra­siya (samit səsin təkrarı) və assonans (sait səsin təkrarı) ki­mi melodiklik və ahəngdarlıq yaradan bədii ifadə va­si­tə­lə­rin­dən geniş səviyyədə istifadə olunur. Diqqət edin ki, “ayası” sö­zünü eyni zamanda qafiyələndirən bu misra ardıcıllıqları, nəzm parçası bugünki poeziya üçün ənə­nəvi olan yeddilik he­ca vəzninin 4+3 ölçüsünə xüsusilə son cümlələrdəki (misra­lar­dakı) qafiyələr necə uyğun gəlir:

Əmət soyının aslanı,

Qaracuğın qaplanı,

Qonur atın ayası,

Xan Uruzun ağası.

“Əmət soyının aslanı” ifadəsindəki səkkiz heca burada yed­di hecalığa tabe edilib, “Əmət soynın aslanı” olur. Poetik ör­nəklərdə bu kimi misralar çoxdur:

Kür qırağının əcəb seyrangahı var,

Yaşılbaş sonası hayıf ki, yoxdur. (M.P.Vaqif)

Ələsti birabbikum qalu bəladan,

Mərdin Mövlasına nökər olmuşam. (A.Ələsgər)

Bu nümunələrdə on iki heca ilə başlanan misra sonra qoş­ma ölçüsünə uyğun olaraq bütün qoşma boyu on bir he­caya tabe edilir.

Məhz “əmət soyının aslanı” təyininə kimi tam olaraq da­xili qafiyələr nümayiş olunursa, bu təyini törədən əvvəlki tə­yin­lərin aslan, qaplan qafiyəsi ilə həmahəng “ağası” sözünə uy­ğun şəkildə mətnə düşən “ayası” sözü də bu arxitektonika ba­xı­mın­dan iyəsi deyil, ayası şəkilndə oxunmalıdır. Mətndə bu yer­də heca bölgüsü və qafiyə daha formal şəkildə ahəng­dar­lıq ya­rat­dığı üçün bu poetik xüsusiyyət assosiativ-me­xa­ni­ki şəkildə bu qafiyəli və formal hecalı bənd təəssüratı yaradır. “Aya” ya­xud “ayası” sözünün III boyda Beyrəyin ölümünü köy­nək vasi­tə­silə bəlli edən Banıçiçəyin dilində “Al duvağım iyə­si” (97, 58) şək­lində oxunması da fikrimizcə yanlışdır və “Al duvağım iyəsi” deyil, “Al duvağım ayası” kimi oxunma­lı­dır (99, 527 (94).

Bu yerdə də aya, yaxud ayası kimi bu sözün yiyə, sahib anla­mında işləndiyini görürük. Ola bilsin ki, əksər təd­qi­qat­çı­lar iyə sözünün yiyə sözünün fonetik oxşarı olması baxı­mın­dan sözün bu cür yazılışını seçmiş, qeyd etdiyimiz kimi digər fi­loloq və şərqşünaslar isə diqqət çəkdiyimiz varianta üstün­lük vermişlər.

Aya (sı) sözünün yiyə, sahib anlamında işlənməsi IX boy­da da diqqət çəkir. Bəkilin xatunu Bəkilə “Altun təxtim aya­sı, bəgim yigit” deyir. Özü də çox maraqlıdır ki, F.Zey­na­lov, S.Əlizadə nəşrində bu ifadə II və III boyda iyəsi yazıldığı hal­da (Qonur atın iyəsi, al duvağım iyəsi), bu yerdə məhz aya­sı kimi oxunur. Halbuki eyni anlam olması göz qaba­ğın­da­dır: “Al duvağım iyəsi-Altun təxtim ayası”. Hər iki söz xa­tun­lar tərəfindən həyat yoldaşları üçün deyilir. H.Araslı II, III bo­yu əyası oxuduğu halda, IX boyda ayası oxuyur (96, 31, 56). S.Cəmşidov II boyu iyəsi, III boyu iyası, IX boyu isə yenə də iyə­si kimi təqdim edir (98, 30, 53, 119). S.Əlizadə isə öz mü­əl­lifliyi ilə təqdim etdiyi DQK-də II, III boyda iyəsi, IX boyda bir­dən-birə ayası oxuyur (99, 46, 58, 94). Əksər tədqiqatçılar bu sözü sonda ayası kimi oxumaqla məhz bu şəkildə oldu­ğu­nu qəbul etdikləri görünür. Əlyazmada isə eyni qaydada ya­zıl­dığı diqqət çəkir (99, 383, 238).

Bu təyinin totemçiliklə bağlı izahı da yetərincədir. La­kin bu mətndə özünü doğrultmur. Ümumiyyətlə, at totemi, at kul­tu zoomorfist baxışlar kimi atla bağlı irəli sürülən fikirlərə DQK mətni antitezis nümayiş etdirir. Məlumdur ki, tote­mizm­də totem müqəddəs olduğu üçün yeyilməsi qadağandır. B.Ögəl bu barədə yazır ki, totem olan heyvanların əti əsla ye­yil­məzdi (112, 49).

Y.Z.Yörükan isə totem cinsindən olan müqəddəs bir şey­lə məna qüvvətini artırmaq üçün yalnız mərasim (ritual) ərə­fəsində yaşlıların qidalandığını yazaraq totemin toxu­nul­maz­lığını və məişət məhsulu olmasının yasaq olduğuu gös­tə­rir: “Totem mükaddesdir. Onun kanı akıtılmaz; binaenaleyh to­temi kesmek ve yemek, aynı totemden bir kadının kanını akıt­mak ve onunla evlenmek memnu­dur” (146, 13).

Hər halda totemin kəsilməsi və yeyilməsinin qadağan olun­­ması barədə mənbələrin verdiyi məlumatlar buna zid­diy­yət təşkil edən məlumatlardan qat-qat çoxdur. Qeyd etdiyimiz ki­mi, oğuzlarda, xüsusilə DQK oğuzlarında bu baxımdan atın to­tem olmaması göz qabağındadır. DQK-də bütün oğuzlar, bü­tün tə­bə­­qələrin nümayəndələri at ətini yeyirlər: “Xanlar xa­nı xan Ba­yındır yildə bir kərrə toy edib Oğuz bəglərin qonaq­lar­dı. Genə toy edib atdan-ayğır (dan), dəvədən buğra, qoyun­dan qoç qır­dır­­mışdı” (97, 34). Eyni ziyafəti Dirsə xan da təş­kil edir (97, 35).

Qanturalı Selcan xatunu gətirdikdən sonra gəliş mü­na­si­bə­ti ilə Qanlı Qoca qonaqlıq verib, “atdan-ayğırdan, dəvədən buğ­ra, qoyundan qoç qırdırır” (97, 93).

Eyni qonaqlığı eyni situasiya olaraq Uşun Qoca oğulları Əg­rəgin və Səgrəgin şərəfinə verdirir (97, 115).

Aşkar görünür ki, oğuzlar ən müxtəlif situasiyalarda – toy, övlad diləmə, savaşdan və zindandan qayıtma, xatunla ev­lənmə və s. qoç, buğra ilə birlikdə ayğır atın ətini də ye­yir­lər. Bu baxımdan atın totem olması inandırıcı görünmür. Mətn strukturunda da atın totem olmasını işarələyən kod sə­viy­yəsi diqqət çəkmir. Belə ki, Qazan xanın bu ziyafətlərdə iş­tirak etməsinə şübhə yoxdur. Çünki o, Oğuz elinin Bayındır xan­la birlikdə, hətta ondan daha aktiv başçısıdır. Təbiidir ki, yığ­naqlarda da, toy ritualında və s. də də iştirakı vacibdir. Qa­zan xanın verdiyi ziyafətlərdə bu akt özünü göstərməsə də, hər halda bu struktur mifoloji model səviyyəsində yozula bil­məz. Çünki bu aktda işarələnən buğra, qoç və at – hər üçü Qa­zan ziyafətində göstərilmir. Hər halda Qazanın yalnız ov əti ilə qidalanmasını iddia etmək gülünc olar. Qazanın ziya­fət­lə­rin­də eyni ifadələrin təkrarlanmasına ehtiyac görməyən ozan əsas diqqəti “yeddi gün, yeddi gecə yemə-içmə”yə yönəldir. Be­lə görünür ki, bir günlük tədbirlərdə (məclis, yığnaq, ritual) kə­silən heyvanları göstərməyə ehtiyac görür, lakin uzun müd­dət­li yığnaqlarda iaşə məhsulunu göstərməyi lazım bilmir. “Qırq gün, qırq gecə toy-dügün eylədilər” (97, 67), “Yedi gün, yedi gecə yemə-içmə oldı” (97, 78), “Yedi gün, yedi gecə toy-dugün edüb, yemə-içmə oldı” (97, 122).

Oğuz mifoloji dünya modelinin kosmoloji strukturunda da at totem olaraq görünmür. Oğuz xanın kosmosu simvollaş­dı­ran toy ritualında doxsan min qoç və doqquz yüz dayça kəs­dir­məsi Rəşidəddində, on min qoyun, doqquz yüz at kəs­dir­mə­si Əbülqazidə müfəssəl təsvir olunmuşdur (115, 37; 60, 64).

Bu ritual aktı Oğuz düşüncəsində və Oğuz epik ənənə­sin­də totemin olmamasını, atın bilavasitə qurdun və s.nin to­tem kimi çıxış etməməsini, sakral sferaya daxil olan at və qur­dun Tanrı müjdəsi olaraq qurtarıcı funksiya daşıyıcı kimi göy­dən endirilməsi (Oğuz Kağanda Boz Qurd, DQK-də dəniz qu­lu­nu, “Koroğlu”da dərya atları və s.) mətnlərdə özünü göstə­rir. Bir çox yanlışlıqlar məhz epik ənənələrin bir-birinə qarış­dı­rıl­ma­sın­dan meydana çıxır. Oğuz epik ənənəsi nə monqol, nə çin, nə bulqar və s. epik ənənəsi deyil. Hər epik ənənənin dün­ya­görüşü bünövrəsi, struktur əsası vardır. Hər epik ənənə yal­nız öz tələ­ba­tına uyğun bilgiləri ənənə formasında öz içə­ri­si­nə alır, gərək­li bilinməyən ünsürləri isə kənara atır. Oğuz epik ənənəsində Va­hid Allah inancı, Tanrıçılıq dünyagörüşü struk­tur təşkil et­di­yi üçün, qeyd etdiyimiz kimi totemçilik və s. bəsit dünya­görü­şü formaları bu ənənəyə daxil ola bilmir, yal­nız informasiya baxımından müəyyən fikir ifadə edən sim­vo­lika olaraq bu ənənədə iştirak edir. Bu baxımdan da nə Oğuz mifinin model­ləşdirilmiş strukturunda, nə onun para­diq­ma­sı kimi DQK-də görünən obrazlarda at totem olaraq diqqət çək­mir. Qonur at da bu baxımdan totemi deyil, üstün dərəcəni mü­əy­yən edir. Qonur rəng simvolikası baxımından açıq qəh­və­yi, şabalıdı rəng olaraq qara rəngin semantikasına daxil olur. Elə qara və sarı rəngin qarışığından əmələ gələn qonur rəng- rəng qamması baxımın­dan da qara rənglə əlaqəlidir. Qa­ra rəngin böyük üstün seman­tik anlam çalarları qonur rəngi də əha­tə edir. Qazan xanın atı­nın qonur rəngdə olması da bu sə­bəb­dən onun xan öyüncləri cərgəsində, titul təyinləri sırasında yer tutmasına səbəb olur. Daha doğrusu bu cərgədə yer alması üçün onun atı qonur rəngə salınır. Çünki bu epik tələbatdır. Qo­nur atın üstünlüyü digər örnəklərdə də təsdiqlənir. Belə ki, Qa­zan xanın Qonur atı digər xan və bəylərin, igid ərənlərin at­ları ilə müqayisədə, hətta Beyrəyin dəniz qulunu olan atın­dan da irəli gedərək üç günlük yolu bir gündə gedir. Ovda qa­rı­şıq yuxu görən Qazan xan ev-eşiyindən, yurdundan narahat olub qardaşı Qaragünəyə deyir: “Bən bu gün Qonur ata qa­qa­ram, üç günlük yolı bir gündə aluram, evilə olmadın yurdum üs­tünə vararam. Əgər sagdır, əsəndir, axşam olmadın genə mən­ sana gəlürəm” (97, 44).

Qonur atın üç günlük yolu bir gündə gedəcəyini, “evilə ol­madın” (öylə, günortaya yaxın-A.İ.) ( 97, 232) Qazan xanın yur­duna çatacağını və nəinki eyni vaxt ərzində, hətta axşama qə­dər geri qayıdacağını deyən Qazan onun fövqəladə sürətə ma­lik olduğunu deyir. Məlumdur ki, bu bir motiv olaraq epik mətn­lərdə xüsusi funksiya daşıyan qəhrəmanlara aiddir. Xızır Əley­hissəlamın boz atı dastanlarda və nağıllarda (123, 114, 128, 129) bu funksiyada iştirak etsə də bu funksiya DQK mət­nin­də Qonur ata verildiyi üçün Xızır Buğacı mənzil başına apar­mır. Ona ölümdən qurtuluşu üçün məsləhət verir (97, 39). Qo­nur atın Koroğlunun Qıratı ilə ad və funksiya bənzərliyi (hət­ta sağərnun oxunmasa, qonur qor kimi də oxuna bilər) təsa­düfi olmayıb eyni funksiya daşıyan anlamları ifadə edən mo­tiv olduğunu epik ənənədə aşkara çıxarır. “Bir aylıq yolları bir gündə kəsər”, “Qırat ayağını götürsə heç quş da ona çata bil­məz” (101, 33, 122) və s. bu kimi ifadələr obrazlar sis­te­min­də qəhrəmanın mərkəzi statusunun qabardılmasını təmin et­diyi kimi, strukturda onun invariant modelinin əhəmiyyətli bir hissəsi olaraq istər DQK mətnində, istərsə də “Koroğlu” das­tanında eyni funksiyada çıxış edir. “Koroğlu” dastanının adın­dan göründüyü kimi baş obrazı törədən funksiyada çıxış edən arxetipi Koroğlu olduğu kimi, Qonur at DQK-də digər kod­laşdırılmış məlumat­larla birlikdə Qazan xanın eyni statusa ma­lik olduğunu göstərir. Qazan xan “Qonur atın ayası” (yi­yə­si və yarısı) olması ilə obrazlar sisteminin mərkəzi obrazı ol­ma­sını işarələyir. Məhz Qonur atın Qazan xanın təyinləri ara­sın­da yer tutması da psixi-assosiativ şəkildə bu niyyətə xid­mət edir. Belə görünür ki, Qonur atın yiyəsi Qazan yox, bir baş­qası olsa idi, onun yüksək statusu diqqət çəkə bilərdi. Elə bu­na görə də Qa­zan xanın yiyəliyi də təsadüfi xarakter daşı­ma­yıb Qazan sta­tusunun üstünlüyünü təkrar informativ səviy­yə­də təsdiqləyir.

Kitabda Qonur at yalnız status deyil, mənəvi-ictimai qar­şıdurmanın işarələyici tərəfi kimi də diqqət çəkir. Uçoq-Bo­zoq qarşıdurmasının boy-boy şiddətlənən açıq və gizli toq­quş­maları bu yerdə də özünü göstərir. Ova çıxan bəylər at­la­rı­na suvar olan zaman Qazan Qonur ata, “Qonur atlı Qazana “ke­şiş” deyən bəg Yegnək Turı ayğırına” minir (97, 42).

III boyda Beyrəyə elçiliyə gedən Dədə Qorqud da “Bir ke­çi başlu keçər ayğırı, bir toğlı başlu Turı ayğırı” (97,55) mi­nib gedir. Dəli Qarcardan qaçarkən isə əvvəl turu ayğırla qa­çır, o yorulduqda isə ikinci ata sıçrayıb minir. Lakin hər iki at Də­də Qorqudu Dəli Qarcardan qurtara bilmir, yalnız “Vilayət issi” olması xilas edir (97, 56).



Epik mətndə Yegnəyin Qonur ata qarşı Turı atı minməsi və Qazana keşiş deməsi epik ziddiyyət olaraq üzə çıxan tayfa qar­şı­durmasının reallaşmasında Dədə Qorquda söykənmək cəh­­din­dən xəbər verir. Çünki Dədə Qorqud hakim qolun uğra­dığı haqsızlığın, Oğuz yasasının pozulmasının fərqinə var­dı­ğın­dan hakimiyyətin Bozoqlardan olan Qayı boyuna qa­yıt­masını və yaxud qayıdacağını hələ kitabın əvvəlində bil­di­rir: “Axır zəmanda xanlıq gerü – Qayıya dəgə, kimsənə əllə­rin­dən almıya” (97, 31). Məhz bu yerdə Qonur ata qarşı Turı ata mi­nən Yegnək Turı ata minən Dədə Qorqudla eyni ata min­mə­yiy­lə at dərəcəsini Qorqud atanın ruhani dərəcəsinin (pey­ğəmbər, övliya) Qazan xandan üstün­lüyünü göstərmək üçün ona “keşiş” deməsiylə iyerarxik statusunu üz-üzə qoyur. Tə­sa­düfi deyil ki, Qorqud ata Rəşidəddində Bayat (115, 43), Əbül­qazidə Qayı (60, 77), DQK-də yenə də Bayat (97, 31) bo­yun­dan olmaqla hər iki halda Bozoq tayfasındandır, sağ qo­lu, DQK-də isə yeri dəyişdirilmiş sol qolu təmsil edir. Məhz mət­naltı məlumat sə­viy­yəsində Turı atın Qonur ata, Dədə Qor­qudun Qazan xana, ru­haniliyin xanlığa qarşı qoyulması zə­minində Qonur atın Turı atdan, Dədə Qorqudun isə Qazan xan­dan üstünlüyü üzə çıxır. Çünki Qonur at üç günlük yolu bir günlük edib, qeyri-adi sürə­tiylə evi yağmalanan Qazanı mən­zil başına çatdırır. Turı at isə yorulur, Dədə Qorqudu Dəli Qar­çardan qaçıra bilmir. Əgər Qonur atın sürəti Turı atda olsa idi, Dəli Qarçar Dədə Qorquda çata bilməzdi. Təsadüfi deyil ki, Dədə Qorqudun ruhani dərə­cə­sinin üstünlüyü məhz onun kö­məyinə çatır. Həqq-Təalanın əmrilə Dəli Qarcarın qolu qu­ru­yur. Qazan xanın ov aktında iş­ti­rak etməsi onun əyləncəli dün­yəvi tərəfini göstərirsə, Dədə Qor­qudun soy aktında (Bey­rə­yə qız istəyir) iştirak etməsi onun mənəvi-dünyəvi funk­si­ya­da olduğuna diqqət çəkir və Qazan­dan üstünlüyünü şərt­lən­di­rir. Qazanın mənəvi bərpasını məhz Qonur at təmin edir. O, üç günlük yolu bir günlük etməklə yur­dun, elin, soyun qur­tu­lu­şunda iştirak edir. Turı atdan üstünlüyü işarələməklə bə­ra­bər Qazan xanın əsas hissəsi kimi özünü təsdiq edir. Elə sağ ye­rin alınıb sol yerə verilməsi kimi, Xızırın boz atının funk­si­ya­sının alınıb Qonur ata verilməsi də eyni ma­hiyyətdən xəbər ve­rir. Bozoqun yerinin mənimsənilməsində Bo­zoq adındakı “boz” rəng iyerarxiyası zahirən olmasa da, fak­tiki baxımdan on­lardan alınmışdır. Əgər II boyda Turı atla qarşı-qarşıya Qo­nur ata minən Qazan ova əyləncə məqsədilə gedirsə, (şərabın iti­si alnına çıxıb ova getmək həvəsinə düşür) məhz Qonur atın soy qurtuluşunda Turı atla semantik-arxaik lay səviyyəsində mü­qayisəli iştirakı baş verdikdən sonra, Qa­zan xan IV boyda ar­xaik səviyyələrdə qorunan ov ritualı baxı­mından ova çıxır. Hər­bi çevik güc təmrini üçün keçirilən bu ov aktı Uruzun dö­yüş hazırlığını və varis statusunu təmin etmək üçün soy qo­ru­yu­cu, soy qurtarıcı məqsədlər kompleksi kimi həyata keçirilir. Məhz bu yerdə Qonur ata qarşı hər hansısa at adekvatı baş ver­mir. Qobu şərabın itisi alnına çıxan Qazan əyləncəli ova ge­dir, Yegnəyin atası Qazılıq Qoca isə aqıncılığa gedir. Hər iki halda şərab fəsadı mənfi nəticə törədir, xaotiklik yaradır. Qa­zanın evi yağmalanır, Qazılıq Qoca dustaq olur. Bu epik mətn­də şərab anlayışının şər (su) pozisiyası yaratmasına xid­mət edirsə, Yegnəyin Qazana keşiş deməsi, həmçinin onu ata­sı ilə də müqayisə edib eyni situasiyada fərqli davranışları gös­­tərərək (biri kafər üzərinə, biri isə ova gedir) ata (Qazılıq Qo­ca) və mənəvi ata (Qorqud) güvəncini Bozoq davası apar­maq­la Qazana qarşı qoyur və onun ikinci dərəcəyə keçməsinə can atır. Elə Qonur ata qarşı turı ayğıra minməsi də Yegnəyin Oğuz xanın xallı ayğırını assosasiya etməklə qonur atdan üs­tün­lüyünü diqqətə çatdırmağa çalışır. Əvvəldə diqqət çək­miş­dik ki, Basat da Qazanla münasibətində bu davranışı nümayiş et­dirir. Məhz bunun ən şiddətli səviyyəsi Qazan-Uruz mü­na­si­bət­lərində Aruz və Bozoq tayfasının nümayəndələrinə qarşı aş­kar və gizli formada görünür. Bu lay səviyyələrini növbəti tə­yinlərdə də izah etməyə çalışacağıq. Yegnək-Qazan binar op­pozisiyası ona görə çox ziddiyyətli görünür ki, Yegnək Aruz və Basat kimi Bozoqlardan deyil, Uçoqlardandır. Yalnız Yeg­nə­yin anası Bozoqlardandır. Yeg­nəyin anası tərəfin Bo­zoq­dan ol­ması Yegnəyə olan soyuq münasibəti və onun Dış Oğu­za tərəf dışlanmasını şərtləndirir. Qəribədir ki, Beyrək də Bo­zoqlardan qız almışdır. Lakin ona bu şəkildə aqressiv mü­na­sibət yoxdur. Ən qəribə olan da budur ki, Yegnəyin atası Qa­zılıq Qocaya da bu mənfi münasibət gözə çarpmır. Görü­nür, mətn strukturunda Oğuz əhdinin pozulmasına qarşı çıxış edən tərəf kimi Basatla birgə Yegnək də iştirak edir. Qazılıq Qo­canın aqına getmək üçün Bayındır xandan icazə almasının ək­sinə olaraq Basatın aqına icazə almaması bu etirazın passiv-psi­xi reaksiyasını səciyyələndirir. Yegnəyin Qonur ata qarşı Tu­rı atla çıxması da qeyd etdiyimiz kimi mətn boyu eyni situ­asiyanı işarələyir. Yeg­nəyin Qazana keşiş deməsi də bu an­ti­pa­tik münasibəti ortaya qoyur. Lakin Qonur atın üstünlüyü ka­fər üstünə getmək üçün IV boyda Qazan-Uruz dialoqunda da görünür. Kafərlərlə döyüşmək üçün atasından izn istəyən Uruz ona deyir:

Bərü gəlgil, ağam Qazan!

Qalqubanı yerimdən,

Bədəvi atım saqlardım bu gün içün (97, 70).

Qazan xan Uruza cavab verir:

Oğul, oğul, ay oğul!

Sən varası kafər degil.

Qalqubanı yerimdən mən turayım,

Qonur atın belinə mən binəyim,

Gələn kafər mənimdir, mən varayım (97, 70).

Kafərlərlə döyüşə getmək üçün bədəvi atla deyil, Qonur at­la savaş açmağın vacibliyi Qazanın dilində qəhrəman sə­viy­yə­sində vurğulanır. Bədəvi sözünün lüğəvi izahı köçəri an­la­mı verdiyi üçün Qonur atın ona qarşı qoyulmasında Qonur at an­tonimi oturaq yurd anlamını işarələyir. Belə görünür ki, Qo­nur at Oğuz cəmiyyətinin oturaqlaşmış həyat tərzini gös­tər­məklə ali idarəçilik təsisatının təyini kimi ortaya çıx­ma­sı­nın məntiqiliyini nümayiş etdirir. Ümumiyyətlə, DQK oğuz­la­rı­nın həm köçəri olması, həmçinin köçəri olmaması, daha doğ­rusu, köçərilikdən oturaq həyata keçməsi mərhələsi DQK-də işarələnir. Oğuzların köçəriliyinə aid VIII boyda deyilir: “Oğuz bir gün yaylaya köçdi”, “Zəmanla Oğuz genə yaylaya köç­di” (97, 98). Lakin oğuzların eyni zamanda köçəri olma­ma­sı, əkinçilik və heyvandarlıq təsərrüfatlarının aşkar oturaq hə­yat tərzinə uyğunluğu özünü göstərir. Şərab içkisindən isti­fa­də üzümçülükdən xəbər verir. Gürcüstandan xərac alınması otu­raq həyat tərzinin əlamətidir. Qoyun sürülərini Qaracıq Ço­ban, Qabangüc və Dəmirgüc kimi çobanlar vasitəsilə yay­laq­da saxlayırlar. DQK-də zaman şərti olduğu üçün müxtəlif hə­yat tərzinin görüntüləri də bir arada mövcud ola bilir. Məhz kö­çəriliyin oturaqlıqla əvəzlənməsi bədəvi və Qonur atda da Qo­nur atın üstünlüyü assosasiyasında bu şəkildə işarələnir.

Uruz başqa bir yerdə Qazan xanın Qonur atsız düşmən əlin­də əsir gedə biləcəyindən narahatlıq keçirir və Qonur atın Ko­roğlunun Qırat funksiyasında olduğunun analogiyasını üzə çıxarır:

Xanım baba, qorxuram səgirdərkən,

Qonur atın sürücdirəsən,

Savaşdügin vəqtin kəndüni tutdurasan (97, 74).

Beləliklə, Qazan xan “Qonur atın ayası” olmaqla həm atüs­tü xalqlara məxsus etiketi-atın əhəmiyyətli rolunu gös­tə­rir, həmçinin üstün dərəcəyə malik olmasını rəsmiləşdirir. Oğuz mifinin paradiqması kimi epik səviyyədə aşkarlanan Qo­nur at Yegnəyin turı ayğırından daha geniş səviyyədə Oğuz paradiqması kimi çıxış edib Oğuz xanın savaşlarda mi­nik vasitəsindən daha çox ayrılmaz hissəsi olan xallı ayğırının ar­xe­tipinə bağlanır. Oğuz Kağan dastanında xallı ayğırn buz da­ğında itməsi Oğuz xanın bir hissəsi olaraq onu yarım funk­si­yaya endirir. Məhz bu zaman göydən gələn işıq içində Tanrı müj­dəsi olan, xilaskarlıq və mədəni qəhrəman funksiyasında işti­rak edən boz qurd Buz dağın ətəyində peyda olur və Oğuz xa­qa­nın yarım funksiyasını öz yarım funksiyası ilə tamam­la­yır (110, 19, 25). Qurd-at xilaskarlıq və qurtuluş funksiya­sın­da eyni semantikada çıxış edir. Hətta qurd və atın hər ikisinin bir­gə funksiyası da bəzən struktur-semantik laylarda işa­rə­lə­nir. III boyda Dədə Qorqud Beyrəyə ad qoyduqda ona Bamsı Bey­rək demir, “Bunun adı Boz ayğırlıq Bamsı Beyrək olsun” de­məklə ad semantikasında aşkar və kod səviyyəsində (Bey­rək-Börü-qurd) at və qurdun birgə funksiyasını qanuniləşdirir. Buz dağında itən xallı ayğırın arxetip olaraq epik mətnlərdə mo­tivlənməsi “Koroğlu” dastanında Qıratın qaçırılması, Dü­ra­tın itməkliyi (101, 112-125, 196-97) DQK-də Qonur atın sü­rətini itirməsi situasiyasında daşınır. Belə ki, Qaracıq Ço­ba­nı ağaca bağlayan Qazan üç günlük yolu bir gündə gedən Qo­nur atı ilə Çoban ağacı kökündən çıxarana qədər ondan uzaq­la­şa bilmir. Məhz Qazan situasiyada yarım funksiyada qalır. Qa­zan Qaracıq Çobana getməyə izn verdikdən sonra Qonur at funk­siyasını bərpa edir. Məhz bu ərəfədə Qarıcıq Çoban Boz qurd funksiyasında iştirak edən antropomorfistik obraza çev­ri­lir. Qazanın önünə düşüb ona yolu göstərir. Təbiidir ki, epik za­man dəqiq zaman deyil. Boz qurdun Buz dağında əvvəldə ol­ması və Oğuz xaqanın ayğırının daha sonra buz dağında it­mə­si də, Qonur atın sürətdən qalıb Çobanın ağaca yüklənib on­ları keçməsi də epik tələbatın öz spesifikasından doğur. Ge­ri­yə gələn zamanla anlamların mahiyyətcə təsdiqi reallaşır. Ən müxtəlif zaman göstərgələri epik-mifoloji səviyyələri ən müx­təlif şəkillərdə sərgiləyə bilir. Qonur atın xallı ayğıra və boz qurdla əlaqəli funksiyaya bağlanması da onun arxaik qat­lar­dan yol alıb gəldiyindən xəbər verir və ən rəngarəng situ­asi­ya və funk­siyalarda proyeksiyalanır.


Yüklə 0,96 Mb.

Dostları ilə paylaş:
1   2   3   4   5   6   7   8   9   ...   12




Verilənlər bazası müəlliflik hüququ ilə müdafiə olunur ©genderi.org 2024
rəhbərliyinə müraciət

    Ana səhifə