98-100. SALAKƏTİN KƏNDİ
Bizim o kənt çox dağılıf. Ermənilər dağıdıf. Amma axırıncı səfər o kəndi mənim babam Zeynal bəy təzədənnən bir də qurdu. Həmən o kəndi yenidən salanda əlli-atmışacan əv gəldi ora. Sifdə irmi ikiydi, artdı gəldi heylə oldu. Onun özü rəhmətə gedif, yoldaşı qalıf. Adı Salatın oluf. Həmən Zeynal bəyin yoldaşı Salatının adıynan kəndin adını çöndərif qoyuflar Salakətin. Bizim kəndin tarixi bax budu. Bizim kəndin böyründə bir torpax var, bir om beş hexdar. O torpağın da adı Kət yeridi. Deməli, orda kət varımış. O kənt yernən yeksan oluv ermənilər tərəfinnən. Yerində əkin əkirdilər. Ta uje şum eliyirdih, buğda əkirdih, arpa əkirdih. Hər şey əkirdih.
99.
Deməh, bizim kəndin çox qədim tarixi var. O Azıx mağarası da bizim ərazimizdədi. İntaası o yazılanda səf saldılar. Onda biz müraciət elədih ki, niyə ancağ Azığın adını çəkirsiniz? Axı bu yer Azığın ərazisi deyil. Dedilər ki, kitab buraxılıf, da dəyişə bilmərih. Elə Azıx adında da getdi. Salakətində qədim insannar kahalarda yaşıyırdılar. Bizim orda Kənt yeri vardı. O Kənt yerində yerrəri vardı qədim insannarın. Kəndin üsdündə iki qaya vardı. Qayanın biri sal daşdı. Bir rəvayətə görə ki, guya ki, o kəndin adı sal qayıya uyğun oluf. Onun adınnan götürülüf. Sal daşa uyğun oluf. İkinci də ki, belə bir rəvayət var ki, guya ki, Salah adında bir nəfər oluf. Orda məskən salıf. Onun törəməsidi orda. Oların hamsı da, deməh, kahalarda yaşıyıf. Kahaların da biz köçənə qədər yeri varıydı. Uzax məsafədən ora su çəkilmişdi. Belə saxsı su boruları vardı. Biz də maraxlanırdıx, qazırdıx, görürdüh kün, saxsı su boruları çıxır. Əvvəl belə oldu kun, kumalarda oldux. Onnan sora biraz təkmilləşdi. Belə qəşəh daş ev tihdih. Onnan sora daha yaxşı oldu.
100.
Bizim kəndin adı Saleh kəndi olufdu. Kəndin yuxarı hissəsində sal daş vardı. Kəndin adı deerdilər, daşnan bağlıyıf. Sal daşnan bağlanıf. Saleh sal daş deməhdi. Onnan da sohrasına tay daş demiyiflər, Salakətin kəndi qoyuplar. Saleh kəndi. Salahkətin.
TARİXİ ŞƏXSİYYƏTLƏR, QAÇAQLAR, TANINMIŞ İNSANLAR VƏ PƏHLƏVANLAR HAQQINDA RƏVAYƏTLƏR
101. ŞEYX SƏDİ
Deməli, bir ağıllı adam çıxıf gəzməyə. Şeyx Sədi deyillər. Deyir, çıxıf gəzəjəm, görüm kimin dərdi-qəmi yoxdu. Qəmsiz insandı. O kəndə, bı kəndə... Belə baxıf kin, Rəşxanın prablemi İltifatınkınnan pisdi, İltifatınkı Sahibinkinnən pisdi. Yanı baxıf ki, elə bir adam yoxdu ki, bının prablemi olmasın, yanı qəm-qüssəsi olmasın. Təxminən, bir ay-iki ay belə gəzir, heylə adam tapmıyıf. Təsadüfən baxıf ki, kətdə toy gedir. Deyir, gedim bı toya baxım, bəlkə tafdım qəmsiz insan. Baxır ki, toyun başında bir dənə çox gözəl insan əyləşif. Aşıxlar çaldıxcan bı başdıyır belə əl çalır, gülür. Adamnara deyir ki, Vallah, bının dərdi-qəmi yoxdu, gör nə şadyanalığ eliyir? Gözdüyür, toy yekunnaşır. Bı, evinə gedəndə gedillər bının evinə. Qapını döyüllər, deyillər ki, Allah qonağı isdiirsən? Deyir:
– Allaha da qurban olum, onun qonağına da, gəlsin.
Bı evin qadını yeməh-zad hazırrıyır. Bı oturur, yeməh gəlir məclisə. Bı alim adamdı axı. Bı ev yeəsi deyir kin, yeməh yeyin. Deyir:
– Əşi, evin sahibi sənsən, sən “Pissimillah” eləməsən, biz necə yeyəh? Gərəh sən “Pissimillh” eliyəsən, biz də baxax, yeməh yeyəh.
Bı and-aman eliyir ki, sən Allah, mən yemişəm, toyda olmuşam, mana baxmıyın, siz yeyin. Ev yeəsi nə qədər dil töhsə də, bı adam qəbul eləmir. Deyir:
– Sən bir tikə kəsməsən, mən kəsən deyiləm, yeməh yemiyejəm.
Bı ev yeəsi əlacsız qalıf deyir ki, ay əzizim, ay Allahın qonağı, mənim bı iki qolumun heyi yoxdu. Bı iki qolum heysizdi. Məni həyat yoldaşım yedizdirir. Mən özüm bını boynuma almadım ki, siz ürəyınızda qəm-qüssə eləmiyasınız, siz yeməyınızı yeəsınız. İndi siz məcbur elədıız, mən bı sözü sizə dedim. O toyda əl çalmağım mənnən asılı döyüldü. Mən gülən kimi bədənim başdıyır atılmağa. Bı alim deyip ki, hə, biz çıxmışdıx dünyanı gəzəh, görəh kimin qəm-qüssəsi yoxdu. Sənin qəm-qüssən bizimkinnən də çoxdu.
102-103. MİR MEHDİ XƏZANİ
Mir Mehdi Xəzani Tuğda məytəvin bünövrəsin qoyan adamdı. 1859-cu ildə Bərgüşad mahalının Məmirri kəndində anadan oluf. Sora gəlif Şuşuya, məytəfdarrıxnan məşğul oluf. Ordan gedif Gənciyə. Qavax Yelizavetpol deyirdilər. Gəncədən bir də təzədənnən qayıdıf Şıxımlı kəndinə (Şıxımlı kəndi Qarabağın kəndidi. O kənt ləğv olunmuşdu. Savet dövründə yoxuydu. Amma yerin adı qalırdı, bulağı-zadı ev yerrəri, ağaşdarı – hamsı hamsı qalırdı. Müsəlman kəndiydi). Orda məytəvdarrıxnan məşğul oluf. Bunnan sora bu, qızını Tuğa ərə verir. Yeznəsi deyif ki, gəlginən Tuğda məllimliy elə də. O da gəlif Tuğda məllimliy eliyif. Ölənə kimi də qalıv orda. 1900-cu ildə rəhmətə gedif. Mir Mehdi Xəzani özü də seyitdi. Məytəf varıdı, uju-qulağı yoxudu. Erməniynən musurman onun içində dərs keçirdi bizim dövrümüzdə.
103.
Mir Mehdi Xəzani seyitdi. Qəbrinin üsdündə balaca kümbəzi var. Tuğ məytəvinin bünövrəsini o adam qoyuf. Sora uje rusdar üş sinifli rus-tatar məytəvi yaradıf. Onun hesavına da Tuğdan ziyalılar çox yetişif. Sorakı dönəmdə – Respublika yarananda nazirrərdən ikisi elə Tuğluydu. Xudadət bəy Məlikaslanov dəmiryol naziri oluf, tuğludu. Cavad bəy Məlihyeqanov, Ağabəyoğlu Məlikaslanov. Məlik Yeqannardandı. Məlik Yeqan albandı. Babalarının familyasıdı. Məlik Yeqan babalarıdı. Yeqanın adını Nadir şah qoyuf. Nadir şaha gəlif deyiflər ki, oğlun hakimiyyətə keşməy isdiyir. Oğlunu öldürtdürüf. Sora bunun təbəələri hamsı gedif başsağlığına. Məlik Yeqan deyif ki, sən oğlunu gərəy öldürmüyəydin də. Soradan bilif ki, bu, düşmən sözü oluf də. Heç oğlunun belə fikri yoxumuş. Orda qoyuf Məlik Yeqanın adını ki, sən yeganəsən. Təhcə ağıllı adamsan ki, sən mana düz söz demişdin o vaxt. Ordan qalıv onun adı.
Bu mətni Tuğ kəndinin sakinindən qeydə almışıq. Söyləyici xahiş etdi ki, onun adını qeyd etməyək. Xatırladaq ki, bu söyləyici bir neçə mətn danışsa da, heç birinin onun adına pasportlaşdırılmasını istəmədi – top.
104-106. HACI BABA
İrannı gəlermiş burda camahatın malın, qoyunun bölüf, çalıf-çapıf, əlinnən alıf, götürüf gedermiş. Mənim bir bavam varıdı, görmüşdüm. Hajı bava. Bı Haramı deyiləndə su yoxuymuş dayna. Bircə Şıvartıdeymiş. Bir də Beyləqanın bərisində ki bir kanal var ha, ordoymuş. Bavam gətiriv orda öəci suya töküf qaytarermış e. Haramının düzüydü. Qaytarıv ora gedəndə görüv İrannının atdarı çapışa-çapışa gəler. Çovana deyif, qoyunu bəri al ki, görkəmə çıxsın, irannılar gəlsin. Atdığı da yerə düşmürmüş e. İrannılar gəlif, görüflər ki, (dan üzüdü) bir qalın sürüdü dana. (Qoyunun bircə dokquz yüz öəci olormuş). Görüflər ki, bir sürü heyvan çıxdı görkəmə. Atdılar çapışıf. Atdılar çapışanda bavam deyif ki, indi sən o boz atı gözdə. Nətəər atıfsa boz atın alnınnan, at yıxılıf. Bavamın adını irannılar Qara Tarı qoyufmuş. Ta görüllərmiş, atdığı yerə düşmürmüş deyən adın Qara Tarı qoyufmuşdar. Deyiflər:
– Ə, bı, sən öl, Qara Tarının gülləsidi.
At yıxılıf, irannılar qayıdıf. Sonra bı irannının şahı gəlif. Deyiflər kin irannılar, bir belə kişi var, ta onun teşdinə-torasına hərrənməh mümkün döyül. İrannının şahı gəlif beş-altı atdıynan. Gəliflər düşüflər. Bavama adam gedif, bavam gəlif. İranın şahı deyif ki, gedim görüm, o Hajı Bava nətəər adamdı ki, bullar elə gəlellər kin, Hajı Bava belədi. Atdılar düşüflər, qapıda duruflar, söhbət eliyillərmiş. Görüflər, bir sürü ceyran çıxdı. (Onda da bu ceyranı mən də görmüşdüm. Burda sürüynən olurdu dana. Onda yeyəsizdiyidi. Maşın-zad, adam-zad həylə yoxudu). Ceyran çıxanda bı irannılar. O götürüf tap bir güllə, bu götürüf, tap bir güllə, ceyran bir az aralanıf. Bavam deyif:
– Beşınız də atdanın.
Beşi atı minif. Bavam deyif:
– Təkədən dalı gözdüyün, beşin də yatırdejem.
Beş güllə atıf, beşi də yatıf. Ta onun atdığının biri yerə düşmürmüş e.. Gəliv o şah bavamın kürəyinə vuruf, deyiv:
– Elə Hajı Bava ki Hajı Bava.
Sonra bavama irannının şahı deyifmiş ki, sən öz tiratorana oyux qoy, sənin yaxınına gəlmiyəh dana.
Gədəsi gəlirmiş, deermiş:
– Ağa, maa güllə ver, gedim ceyran vurmağa.
Deyirmiş:
– Bircə güllə verejem, bir ceyran vur.
Harya vurur o? Vura bilirdi? Canın üçün, onu mən gözümnən gördüm, sorasın da qoja vaxdın gördüm. Sapant qayırırdı uşaxlar. Daşı qoyuv içinə, aterdılar. O daşnan aterdı, haranı gözdüyürdü, orıya dəyerdi. Ta yerə düşməzdi. Həylə bir kişiydi, qara kişiydi. Adı Hajıbavaydı. Haja gediv, oluf Hajı Bava.
105.
Bavam bəy döyülüdü e. Bavamın tutduğu, vurduğu yerə düşmördü dana, ona görə bavamın adı çıxmışdı. Bıde bı Haramı deyirih, bax bı şəhərcih-zad düşüf, oraların hamısı bavamın yurdudu. Gedirdilər dağa, gələndə də qış yerimiz ta bıra olordu dana, ayrı yerə getmerdih ha. Gedirdih həmin o Murat təpəsi dediyim yerə, Cermuğun başına e, Cermuxdan da addıyırdıx hələ aana. Qayıdanda da gəlerdih burya. Bavamnan çox ad çıxardan olmoyuf. Bavam oluv elə o Haramıda. Bavam çox bilən kişi oluf.
Bıde bı şəhərcih var indi bırda, Qaradağlı deyillər, onnan bəri o dərədə Mərcannı olormuş. Onda xususuçuluğudu e, qalxoz yoxumuş. O Mərcannıda hökumət gəlif qalxoz qurmağ isdeermiş, O Mərcannı hökümətə barışıxlıx vermermiş ki, hökümətə qarışalar. Bavam orya qonaxlığa gedifmiş. Axşam tərəfiymiş. Çağırıflarmış bavamı qonaxlığa. Duruv ordan çıxanda Mətləv addı da bir kişi varıdı, yanındeymiş. Deyif:
– Mətləv, burdan rus iyi gəlir.
Rus da demə gəlif dolufbuş səhrəddə kin, Mərcannını qıra. Kişi də deyif:
– Əşi, burda rus nəəzir?
Savaxları hay düşüf kü, Mərcannını rus qırıf. Bavam bax həylə bilən kişiymiş. Həmən o Mətləv özü danışerdı kin, savahları gəldi ki, qoyun-mal bıde bı düzdərdə bölüh-bölüy oluf. Mərcannını da rus qırıf. Onnan elə ora qalıf Mərcannı qırılan. İndi o Qaradağlıdan bəri böyüh dərə var, oradı. Xocavənt Qaradağlısı var e, indi orya şəhərcih salıflar. Bıde bı şəhərcihdən aana. Ordadı. Oranın adı həylə Mərcannı qırılan qalıfdı. Mərcannını orda rus gəlif qırıf. Hökümətə tabe olmurmuş, ona görə.
106.
İrannılar gəlif bıraları talıyıv aparıllarmış dana. Yerdə dəvə leşi varmış. Quzğun-zad yeyif də. Gedif dəvənin səvədinin20 içinə girif. İrannı gəlirmiş axı. And içir ki, o dəvənin səvədinin içinnən güllöynən oların hammısını oddadım. Deyif:
-
Ə, bı kopoolu, (irax Hajbava bavamnan) harıya girif, hansı yerin altına girdi ki, bizi qırdı?
Öəci töküf bırya suya. Sudan erkəyi qaytaranda görüf kün, irannının atdıları çıxıv oynaşer dana. Gözdüllər ki, harda heyvan var, gedəy əllərinnən alax. Hajıbava çovana deyif:
– Ə, Vəlcan, qoy qoyun çıxsın görkəmə, irannılar gəler.
Çovan qoyunu alıv irəli, deyif:
– İndi sən boz at oynadanı gözdə.
Tarap alnınnan. Orda deyellər kin, saa Qara Tarının gülləsi dəysin. Uşağa qarğıyanda. Deyif:
– Ə, gözün çıxsın, bı Qara Tarının gülləsidi.
O dəyğa meyidi də götürüflər, ya Allah, ağzı geri. Bavam həylə bavıymış, yoxsa varrılıx varıymış. Elə doqkuz yüz qaradiş öəci varıymış. Öəc erkəyə deyerdih da biz. Qaradiş yaşdıya deyerdilər. Elə bil, üç yaşında, dört yaşındaya qaradiş öəç deyellərmiş.
107-113. HACI QASIM
Hajı Qasım mənim bajımın dos-doğma qaynatasıdı. Hajı Qasımın yaxşı qızılı oluf. Bunu bütün ahali bilir. Kasıflara əl tutuf. Elə-belə kişi olmuyuf. Həmən devirdə Hajı Qasımın özünün faytonu olufdu. Onun ayləsi faytonnan gəzerdi. Dağ var, adı deyillər, Hajı Qasım dağıdı. O, elə bilginən ki, bir şiş dağdı, onun aşağısında Hajı Qasım bulağı deyillər. Qəşəh daşdan nohur var. Həmən o köhnə vaxdı orda onun özünün bağı olufdu. Qəşəh bağı oluv orda. Dəyirmanı oluf Hajı Qasımın. Yaxşı tut ağaşdarı oluf. Maşadı Bayaz da onun arvadı olufdu. O kişinin yeddi arvadı olufdu. O yeddi arvadın, deməli, gözəllərinnən heş bir şey götümədi, nə oğlu oldu, nə qızı. Belə bir çirkin, gödəy arvad almışdı. Adı da Məsdanıdı. Kim deyərdi kin, bınnan bının uşağı olar? Elə dedilər ki, kəvinin kəssinnər, günahdı. Gəldi, bala, həmən o gödəhdən onun bir oğlu oldu, bir qızı oldu. Oğlunun adın qoydular Qulam, qızının adın qoydular Minə. O Maşad Bayaz da havalıydı. Ovcunda daşı götürüf çovanın başına vırırdı. Başı yarılanda deyirdi:
– Hajı Qasım, bı nə çovandı, alıf gətmisən? Bir yumruğa da dözə bilmir.
Qəşəhcə arvat havalı oldu. Tutdu Məsdannan qızı da aldı, oğlanı da. Dedi:
– Mən səni üsdümə gətiməsəydim, sən bını hardan doğardın?
Məsdan özü Budaxlı Alqululardanıdı, özdərinin camahatınnanıdı. Bir gödəh, balaja, qara arvadıdı. Çirkin də arvadıdı e, Hajı Qasıma ləyax dəyildi. Gəldi Allah-taala onnan ona övlat verdi. O yeddi arvatdan yox, onnan götdü o iki uşağı. Hajı Qasımın elə ikicə uşağı olufdu. Allahın gözəl-gözəl işdəri var elə. Bir uşaxlı bir arvat da almışdı – dul gəlin. Onun dalıncan gəlmişdi, onun da adı İvrahımıdı. Onu da saxlıyırdı. Məsdanı da saxladı yanında.
Maşad Bayaz Hajı Qasımın birinci arvadı oluf. Onun uşağı olmuyuf. (Bağışdıyın). Qardaşı Avdılla Maşadı Xatını verif Hajı Qasıma qızdığa. Xatın soradan Maşada gedif Maşad Xatın olmuşdu. Qardaşı Baxış da Fərhad addı bir oğlun verir buna oğulluğa.
108.
Mən Hajı Qasım kişini özum görməmişəm. İndi telexranitel demillər? Mənim atam onun telexraniteli oluf. Aynalı beşatılan əllərində kişi hara gedir, beş nəfər, altı nəfər müşayət eleerdi. Hajı Qasım belə adam oluf. Şəpələk deyilən kişi Hajı Qasımın qardaşı oğludu. Bu da qızılquş çiynində, hər əməliyata hazır vəzyətdədi. Kürkü də çiynində. (Kürk çobannarın geyimidi, qolsuzdu. Yundu, elə-belə atırsan çiyninə, çiyinnəri də qəşəh durur, burda bağları var, bağleersan, yapıncı kimi. İsdiyirsən qarın içinə uzan, üşüməzsən, yorğandı). Atın tərkində bağ deellər, tərkbağı. Onu belə yumruluyuv ora iki tərəfnən də bağleellar, atın yəhərinin burasında durur. Kişi bunu açır. Atı verir buna. Deer ki, ə, yenişə yenəjiyih də. Hajı Qasım kişi ağır adam oluf. Hər at onu götürməzmiş. Həmişə də boz at minərmiş. Kürkü belə qatdeer, ingilis yəhəri deellər belə (əyri qaş), qoyur belə sinəsinin altına. Sinəsini söyküyür üsdünə. At yavaş-yavaş gedir də yolnan. O zaman asfalt, filan orda yoxudu. Daş yoldu da. Deer, elə Zabuğun dərəsində elə bir sərt pavarot var. Burdan keçəndə bir Emadin keşdi. Emadin deellərmiş, Vilisdi. Emadin keçən kimi atam da Aynalını götürür əlinə. Deer, Emadini saxladı. Deer, maşınnan düşdülər. Kojunnu paltardadı. Layka deerih e, o paltardadı. Taxdalı onatılan deellərmiş. Düşən kimi əlin atır, taxdalı onatılanı çıxardır bu Emadinnən düşən adam. Deer:
– Boz atın üsdündəki kişi, Hajı Qasım sənsən?
Deer:
– Bəli.
Deer:
– Düş aşağı.
Atam da Aynalını çevirir, şarak-şurak. Hajı Qasım çox dünyagörüşdü adam oluv e. Deer, bircə dəfə dedi ki, “kiş” (Kiş tərəkəmə sözüdü. Yəni dimməz dur. Gejə oğurruğa gedəndə olar elə bir dəfə “kiş” deyəndə hamı yatırmış yerə. Yəni ki, burda nəsə var). Dədəm tüfəngi dolduruf da, kişini vurmalıdı. Atam da quşu gözünnən vuran ovçu oluf. Deer, o “kiş” sözüynən tüfəngi saxladım. Dedi, ə, bu, Hajı Qasımı tanımır. Hajı Qasım tanımadığı adamı öldürməz. Deer:
– Tanıdın mən kiməm?
Hajı Qasım buna baxır. Deer:
– Vallah, Təhlədə cürət eliyif mənim üsdümə silah qaldıran olmaz. (Təhlə dediyim gör hara gedif çıxır? Burda neçə rayon yerrəşir bu sahat. Ağcabədi, Beyləqan, İmişli, Saatdı içindədi Təhlənin. Bunun hamsı Ağdamnan bəri Təhlə qəzasıdı). Deer, Təhlə qəzasında cəsarət eliyif mənim üsdümə silah qaldıran olmaz. Olsa, olsa, bəlkə siz Baqirov yoldaş olarsız.
Deer, dedi ki, düz tapmısan. Dədəm deer ki, ayə, indi biləndə ki, bu Bağırovdu, tüfəngi gizdəməyə yer tapbıram. Yəhərin qaşına keçirmişəm. Atın bu qoluynan uzatmışam yerə. Baqirov dedi:
– Hajı, sənnən şikayət var.
Hajı Qasım dedi ki, mənnən şikayəti yalnız kasıflar eliyər. Deer, sərt döndü belə kişinin üzünə:
– Nədən bilirsən?
Dedi:
– Mən çar Nikalaya qulluğ eləmiş adamam. İndi sən Şura höküməti gəlmisən. Gənə məni yüz para kəndə başçı qoymusan. Vergilərin var. (Ət, yun, yumurta, filan, filan, o kətdən sora vergilərdi də. “Dimmə, ver” addı bir vergi varıymış. O nəymişsə, da ona dimməyə ixdiyarı yoxdu. Nəyin oldusa, çıxardıf verməlisən. Adı “dimmə, ver”iydi). Deer, onu hamıdan yığıram. Mənim narazılığım da yoxdu, şikayətim də yoxdu. Ödüyürəm bunun hamsını, yığıram camahatdan, verirəm. Ama o kasıflar verə bilmir. Onu döyüv alıram. Düzü, döyməsəm, ala bilmirəm.
Deer, belə baxdı, baxdı kişiyə, dedi:
– Hajı, savadın var?
Dedi:
– Xeyir.
Çıxartdı kağızı, ruçkanı çıxartdı deer, belə-belə yazdı. Dedi:
– Ala, bu sənin qanunun. Görürsən, çox əyaxyalın adamdı (görürsən qançır əyaxlıdı, heş zadı yoxdu) onunkunu bir az babatdardan al. Kağızı saa vermişəm. Heç kəs saa heç-zad deyəmməz. Qanun odu.
Hajı Qasım onnan sora çox lüt olannardan vergi almırmış, ortabablardan, yaxşılardan alıf verirmiş. Bax o pitik kağızı Qara Keşiş kəndinə qədər otuz neçə kənt var, onu içinə göndəriflər ki, görüm bura Baqirov nə yazıf. Savadsızdıxdı. Onu heş kəs oxuya bilmədi. Onun oxunmamağının səbəbi oydu ki, Mir Cəfər Bağırov rus dilliydi. O, rusca yazmışdı. Rus dilini də elat camahatında bilən yoxuydu. Ona görə onu apardılar Basarkeçərin Kotannı kəndində bir məllimə oxutdular. Yazmışdı ki, Hajı devlət adamıdı, işiniz olmasın. Bax onnan sora Hajının işi getdi.
109.
Plov yeellərmiş. Deellər, bir çapar gəldi. Deeflər ki, Hajı burdadısa, denən bir çölə çıxsın. Hajı Qasım çıxıf. Bilir ki, burda nəsə var ki, bunun dalıncan atdı gəlif. Hajı Qulu deef:
– Ə, otur, çörəyini ye, gedəh.
Deer:
– Yox.
Hajı Qulu da durur, atını minir, gedir. Bizdə Şirin qum deyilən yer var (İmişli rayonnun sərhədində). Orda bizim elatın yeri var, örüşü var. Çatır ora. İsdi haveymış. Görür ki, bütün o ərazinin nə qədər hajıları var, çinovnik yığıf, dizi üsdə, yönü Günə oturduf. Vergi tənbehi verir bulara ki, vergiləri niyə yığmamısız? Hər elatın içində törəmə tayfalar var. O tayfaların da ağsakqalları olur. Hajıları, Kərbəlayası, filanı. Buları vergi tənbehi edir ki, yığmamısız, verməmisiz. Hamsına da Hajı Qasım başçılığ eliyir bu işin. Verif vermədiyini Hajı Qasıma tafşırıflar. Bu elatın ağsakqalı kimdisə, ona deer ki, verginizi üzün qutarın, yığın verin. Gəlir. Sorğu-sualsız, buları niyə otuzduruv eliyifsən? O çinovnik də çaş-baş qalıf. Hajı Qasım şallağı şileer bunun başına, gözünə, harasına gəldi. Hajı Qulu bunu tutur:
– Ə, nağarırsan sən? Dəlisən, nəsən?
Qayıdır, hajılar oturuf yönü Günə. Hajı Qasım deer ki, kisəni çıxart. Çıxardıf. Deef:
– Tök yerə.
Tökür, qızıl dana. Şallağıynan belə-belə sayır.
– Nə qədər borcunuz var sizin?
Deer ki, bu qədər. Belə-belə sayır, sayır. Yarısını da aralıyır. Vergini ödüyür.
-
Ə, siznən işim soradı. Hajılara deer e. O civinizdəki kisəni çıxartmağa, qızıl saymağa ərinirsiz? Gediv eldən, ovadan yığajaxsınız dana. Sanıyın, verin. Niyə bu günə düşmüsüz?
Bax onda Hajı Qulu adam göndərir, Hajı Cəfəri gətirir. Aparıflar bulara qonaxlıx-zad verillər. Hajı çox əsəbi adam oluf. Həmin şeyi də götürmür. Mənim elimdə, ovamda bu hajıları niyə dizüsdə otuzdurursan?
110.
Hajı Qasım qan barışdırarmış. Öldürənin boynuna kəfən saldırırmış, gətirirmiş ölənin qapısına. Neçə də dəvə, neçə at, neçə qoyun götürürmüş kü, bu qannıçılığ aradan götürülsün. Anasın çağırırmış ölənin. Deermiş, apar o oğlanı (öldürəni) köynəyinnən keçirt. O arvad onu köynəyinnən keçirməmiş Hajı Qasım barışıx verməzmiş. Köynəyinnən keçirənnən sora deermiş ki, bu oldu sənin oğlun. Qohumlux yaradırmış oların arasında. Deermiş ki, qaynasın, qarışsın.
111.
El arasında o vaxt belə bir söz varımış ki, Kür də Hajı Qasımnan qorxur. Bı Kür o vaxdı da daşırmış axı. O vaxdı hələ qarşısı alımmamışdı, eləməmişdi. Kür daşan vaxdı bı köməh eliyirmiş pul vasdəsiynən.Bəntdər saldırırmış. Bir gün də Kür çox daşıfmış. Xəbər gəlif ki, Hajı, bəs Kür daşıfdı, yerə, yurda, camahata ziyannıx verir da. Məqam oluf da, elə bil, günortadan axşama suyun əriməsi, yuxarılarda artımın azalması təsadüf eliyif kişinin gedişinə. Bı kişi gedəndə arvatdar deyif:
– Pah atonan, kişi, Kür də Hajı Qasımnan qorxur e.
Yanı bını təsadüf saymıyıflar da.
112.
Hajı Qasımın rəsmi dörd arvadı olufdu. Qalannarı dini baxımnan haram olduğu üçün məyyən bir səfərdə olanda siğə elədifdi. Ama evlatdarına da baxıfdı. Siğə arvatdardan evlatdarı olmuyuf. Elə bil ki, baxıf görüf kü, dört dənə uşağı var, saxlıya bilmir də, yaxşı da kadındı. Öz adına bağlıyannan sora o uşaxların yaşamasına, durumuna köməh də eliyif. Özünün övlatdarı Qulam, Səbiqə, Məhəmmədəli – bu evlatdar rəhmətdih Məsdannandı. Gülyaz Təhməzdidi. Məhəmmədəliynən Səbiqə Gülyəzdəndi. Qulam da Məsdannandı. Mənim anam da Məsdannandı, Hajı Qulunun bajısı qızıdı. Böyüy arvadı Məşədi Bayaz oluf. Xanxanım – iki, Məsdan – üç, Gülyaz – dört, Anaş – beş, Gilə – altı (Gilə Tanrıqululardan oluf), Tarel – yeddi (Bı rəhmətdih Pərinin adını o qoyuf). Biri Ərəsdunun anasıdı. Amma onun adını bilmirəm də.
Bu, qardaşdarının adın hamısın uşaxlarına qoyuf. Bının nə qədər qardaşdarı yoxdu, Səfəralı-zad... Elə bil ki, bu qardaşdarının adın qoyurmuş oğullarına. Bu, sıravi adam dəyildi ha. Elə bil ki, indiki icra hakimyəti kimi da. Məsəlçün, iki min beş yüz ev o vaxdı bının əlinin altında oluf. Azərbaycanın bir balaca vaxdıdı da. Məsəlçün, on dört dənə, o vaxtki dilnən desəh, savetdih baxırmış bına. Bu, qardaşı oğlunun toyun eliyəndə on dört gün toy vırdırıfdı. Qardaşı cavan rəhmətə getmişdi, qardaşı oğlun toyun bu elətdirirdi. O da dağda olufdu. Məsəlçün, büyünnəri Eyvazalılar deyirmiş ki, biz gələjiyih, Hajı, toya. Sabah, məsələn, Tatallar deyirmiş, biz gələjiyih... On dört gün bu nəzər-nöktüynən gəlif alınırmış bı iş.
113.
Sarı xan21 gəlif bu Qərəndihlidə öy tikif. Hajı Qasımnan çox döyüşüflər. Sora bı bına tabeçiliy eləmiyifdi. Xan da balaca adam döyül e.
Bunnarın ərazi üsdə davaları düşür. O deyif, mənimdi, bı deyif, mənimdi. Nəysə, bu da rus dilin yaxşı bildiyinə görə Hacı Cəfəri (axı Hacı Cəfər Qori Seminariyasında oxuyuf) də götürür, qızılı da yığır, bullar bir paraxotda Hacı Cəfərnən gedillər. Torpax həll olunur bavamın xeyrinə. Onnan sora Sarı xan sitəşməhdənsə, bir yaxşı qonaxlıx təşgil eliyir Şirvanda, bu kişini qonax çağırır. Elə Şirvan da gedirdi Kürün sahili. Orda bir at da bağışdıyır bı kişiyə. Bı kişi də qonaxlıxdan qayıdanda qardaşı uşaxları yüyürür, qarşısına çıxır ki, dədəmiz gəlir. (Dədə deyirmişdər). Öz uşaxları da gəlir qabağına. Uşax gələndə qavağına bu da atın da yedəyin verir bına, çıxardır mauzeri də bağlıyır belinə ki, qardaşım oğludu. Bu, qucağına almır öz oğlun. Bu uşax məyus olur, axşam deyir:
– Ata, bəs sən məni niyə götümədin?
Deyif:
– Bəs o, mənim qardaşım oğludu, qardaşım da yoxdu. Bəs mən nətəər onu götümüyə bilərəm qucağıma?
Öz uşağın götümüyüf. Qardaşı oğlu sınmasın deyə onu götürüf.
114. MOLLA MƏHƏRRƏM
Molla Məhərrəm oluf bu Aşıxlı kəndinnən. O da rahat durmuyuf da. Deer:
– Hajı, onsuz da bizi tutajaxlar e. Belə başımızı sığalladığına baxmagınan, hökümət bizi tutajax. Gə keçəh İrana.
Deef:
– A kişi, mənim İranda işim yoxdu. Həm də mən yuxumu görmüşəm. (Qabaxgörən kişidi də, dindar adam oluf. Yəni mənə öldüyüm gün də məlumdu). Sən yaxşı eliyif gəlmisən. Gəlmisən, otur. Mənim axır günümdü. Məni dəfn elə, get.
Kişi üzün qırxdırıf, su qoyduruf, gedif paltarın dəyişif, gəliv evə, yer saldırıf qibliyə. Uzanıf, kişi keçinif. O molla da onu götürüf, gəlillər Peyğəmbərə dəfn eləməyə. İndi buları həmin ərəfədə axdarıllar ki, kulak eləsinnər bunu. Bular da uje tabutu gətirillər, Peyğəmbərə gəlillər. Deellər ki, ə, rusdar gəlif. Kişinin (Hacı Qasımın – top.) bir bayısı düşüf Qərəndihliyə. Kişinin Qərəndihlidən olan bajısı oğlu da gəlir. Qorxullar ki, Molla Məhərrəmi götürəjəhlər. Axı kişi dəfn eləməlidi. Vəsiyət eliyif ki, məni dəfn elə. Eləməmiş getmə. Bir nəfər atdı çapdırıllar. Gedir. O həmən adama deer ki, dayın rəhmətə gedif, gətirillər, Molla Məhərrəm ordadı. Deyiflər:
– Molla Məhərrəm amanatı.
Deef:
– İşiniz yoxdu.
Deməli, Molla Məhərrəmi gəzən həmən rus Keqebeşnikləri də, bu özü də gəlillər. Molla Məhərrəm mollalığ eliyir, kişini dəfn eliyir. Olar da bunu görüllər, amba heş nə demillər. Rus dillidilər, bilmillər. Molla Məhərrəm də dəfnnən sora Arazı addıyır, çıxır gedir. Bax kişinin axır aqibəti də belə olur.
Dostları ilə paylaş: |