6
Kinoşünas Tofiq İsmayılov özünün “Türk xalqlarının kino sənəti” adlı
kitabında ayrı-ayrı türk xalqlarının kino sənətinin yaranması və onun ideya
məziyyətlərindən bəhs etmişdir. Tədqiqatçı eyni zamanda qırğız kinosunun
yaranması, Çingiz Aytmatovun əsərlərinin səhnə taleyi ilə bağlı
mülahizələr irəli sürmüş, araşdırma aparmışdır. Göründüyü kimi, Çingiz
Aytmatov və Azərbaycan mövzusuna dair kifayət qədər material mövcud
olsa da, bu istiqamətdə sistemli və ətraflı tədqiqat aparılmamışdır. Mövcud
araşdırmalarda ya Çingiz Aytmatovun yaradıcılığının ayrı-ayrı sahələri,
yaxud hər hansı bir əsəri, görüş təəssüratları, kitablarına müqəddimələr öz
əksini tapmışdır. Beləliklə, mövzu ilə bağlı adı çəkilən araşdırmaları,
Çingiz Aytmatovun və Azərbaycan nəsrinin görkəmli nümayəndələrinin
əsərlərini qarşılıqlı təhlilə cəlb etməklə dissertasiyada qarşıya qoyulan
məqsəd sistemli təhlildən keçirilmiş və tədqiq olunmuşdur.
Tədqiqatın obyekti və predmeti. Tədqiqatın obyektini Çingiz
Aytmatov fenomeninin və onun yaradıcılığının epoxa xüsusiyyətlərinin,
yazıçının yaradıcılığı kontekstində Azərbaycan və qırğız nəsrində mövzu
və ideya paralellərinin, sənətkarın Azərbaycan ədibləri ilə ikitərəfli
münasibətlərinin öyrənilməsi təşkil edir.
Tədqiqatın predmetini Çingiz Aytmatovun həyatı, ədəbi-bədii
yaradıcılığı, epistolyar irsi, onun Azərbaycana olan münasibətini ifadə
edən məqalələri, teleqram, müsahibə və çıxışları, Azərbaycanda yazıçı
haqqında dərc olunmuş elmi-nəzəri materiallar təşkil edir.
Tədqiqatın məqsəd və vəzifələri. Tədqiqatın məqsədi Azərbaycan
ədəbiyyatşünaslığında Çingiz Aytmatov fenomeninə münasibət, yazıçının
Azərbaycana dair, həm də sələfi və müasiri olduğu görkəmli mədəniyyət
xadimlərimiz haqqında fikir və mülahizələrini öyrənmək və hər iki xalqın
yaşadığı oxşar tarixi gerçəkliklərin bədii ədəbiyyatda bir-birinə bənzər
ifadəsini araşdıraraq ümumiləşdirmələr aparmaqdan ibarətdir. Qarşıya
qoyulmuş məqsəd aşağıdakı vəzifələrin həyata keçrilməsini müəyyən
etmişdir:
- Çingiz Aytmatovun həyat və yaradıcılığının əsas mərhələlərinə
ümumi baxış, yaradıcılığının epoxa xüsusiyyətlərinin və əsərlərinin
yazılma səbəblərinin, istinad etdiyi həyat gerçəkliklərinin tədqiqi;
- Çingiz Aytmatovun ölkəmizin görkəmli dövlət xadimi Heydər
Əliyev, ölkə başçısı cənab prezident İlham Əliyevlə qarşılıqlı yüksək
səviyyəli münasibətlərinin öyrənilməsi;
- Çingiz Aytmatovun müxtəlif zamanlarda Azərbaycana səfərləri,
verdiyi müsahibələri, görkəmli Azərbaycan sənətkarları haqqında yazdığı
məqalələrində Azərbaycan ədəbiyyatına münasibətinin araşdırılması;
7
- Çingiz Aytmatov və müasiri olduğu Azərbaycan yazıçılarının
yaradıcılığında oxşar motivlərlə, tipoloji oxşarlıqlarla yanaşı fərqli
xüsusiyyətlərin öyrənilməsi;
- Çingiz Aytmatov və İsa Hüseynovun povestləri əsasında İkinci
Dünya müharibəsi zamanı arxa cəbhədə kənd reallıqlarının təsvirinin
araşdırılması;
- Çingiz Aytmatov və Yusif Səmədoğlu yaradıcılığının müqayisəli
təhlili ilə 30-cu illər repressiyasının bədii ədəbiyyatda təzahürü
məsələlərinin öyrənilməsi;
- Azərbaycan ədəbiyyatşünaslığlında Çingiz Aytmatov fenomeninə
münasibət,
görkəmli
tədqiqatçılarımızın
yazıçının
həyat
və
yaradıcılığından bəhs edən tədqiqatlarının araşdırılması və elmi cəhətdən
qiymətləndirilməsi;
- Çingiz Aytmatovun əsərlərinin Azərbaycan dilinə tərcüməsi və
ölkəmizdə nəşri problemlərinin araşdırılması.
Tədqiqatın elmi yeniliyi. Dissertasiya müstəqillik ideyalarının
işığında Çingiz Aytmatov yaradıcılığının Azərbaycanda sistemli tədqiqi və
bir sıra ortaq tarixi hadisələrin qırğız və Azərbaycan nəsrində
öyrənilməsinə həsr olunmuş ilk sistemli tədqiqatdır. İşin elmi yeniliklərinə
aid konkret olaraq aşağıdakıları göstərmək olar:
- Çingiz Aytmatov yaradıcılığının epoxa xüsusiyyətləri, əsərlərinin
istinad olunduğu həyat həqiqətləri öyrənilmişdir;
- İlk dəfə olaraq repressiya gerçəkliklərinin Çingiz Aytmatovun
“Çingiz xanın ağ buludu” və Yusif Səmədoğlunun “Qətl günü” romanları
əsasında paralel şəkildə təhlilə cəlb edilmişdir;
- Çingiz Aytmatovun və İsa Hüseynovun povestləri əsasında İkinci
Dünya müharibəsində arxa cəbhənin ağır sınaq qarşısındakı gerçəklikləri
müqayisəli tədqiq edilmişdir;
-Çingiz Aytmatovun əsərlərinin Azərbaycan dilinə tərcüməsi və nəşri
məsələləri sistemli şəkildə araşdırılmışdır;
- Azərbaycan ədəbiyyatşünaslığında Çingiz Aytmatov şəxsiyyəti və
yaradıcılığına münasibət kompleks şəkildə öyrənilmişdir;
- İlk dəfə olaraq Çingiz Aytmatovun Azərbaycan yazıçılarına
ünvanlanmış çoxsaylı məktubları toplanılmış və təhlilə cəlb olunmuşdur;
- Çingiz Aytmatovun “Üz-üzə” povesti Azərbaycan dilinə tərcümə
olunmuş və tədqiqat prosesində əsərdən istifadə edilmişdir.
Tədqiqatın nəzəri-metodoloji əsasları. Dissertasiya işində filologiya
elmi sahəsindəki milli və ümumbəşəri dəyərlər, ədəbi-bədii materiallar
sistemli şəkildə araşdırılmışdır. Tədqiqat zamanı tarixilik prinsipinə ardıcıl