_________Milli Kitabxana_________
90
bar Məhəmmədzadənin məslək dostu olan Abdulla Şaiqlə mək-
tublaşması və Mirzə Cabbarın qırxa yaxın məktubunun onun arxi-
vində əziz bir yadigar olaraq qorunub saxlanılması faktı qarşılıqlı
ədəbi əlaqələrin çoxcəhətliliyindən xəbər verir [174].
Qədim tarixə malik olan və Ermənistan adlandırılan Qərbi
Azərbaycan əhalisinin zəngin mübarizə tarixi, maddi mədəniyyət
abidələri, incəsənəti, bədii yaradıcılığı, qayaüstü yazı və rəsmləri,
etnoqrafiyası istənilən səviyyədə öyrənilməmiş, öz doğma xalqı-
nın gələcəyi uğrunda mübarizə aparan fədailərin ictimai fəaliyyəti
unudulmuşdur. Öz dədə-baba torpaqlarında insanlıq formalaşan-
dan aborigen əhali kimi firavan yaşayan azərbaycanlılar erməni
millətçiləri tərəfindən soyqırımlara, ağır itkilərə, talanlara, məc-
buri olaraq yurd-yuvalarından qovulmalara məruz qalsalar da, bir
müddətdən sonra yenidən tarixi torpaqlarına qayıtmışlar.
Soyqırımı siyasətini ardıcıl olaraq həyata keçirən erməni
millətçiləri 1905-ci ili, 1918-1920-ci illəri, 1948-ci ili, 1988-ci ili
azərbaycanlıların taleyində ən faciəli illərə çevirmişlər. Dünyada
sülh və əmin-amanlıq siyasətinin tərənnümçüsü olan Sovet impe-
riyasının, erməni lobbisinin muzdlu nökəri M.S.Qorbaçovun kö-
məyinə arxalanan erməni millətçiləri “türksüz Ermənistan” siya-
sətini 1988-ci ildə həyata keçirdilər. Əvvəllər erməniləşdirdikləri
ərazilərlə kifayətlənməyərək, Dağlıq Qarabağ problemini ortaya
atmaqla, Sovet qoşunlarının bilavasitə iştirakı ilə Azərbaycanın
daha 20 faiz ərazisini işğal etdilər [183-5,7] [60-273].
Faciələrlə dolu bu məşəqqətli illərdə, həmçinin 1948-1953-
cü illərdə azərbaycanlıların başına gətirilən müsibətlərlə bağlı
Azərbaycan Respublikasının Prezidenti Heydər Əliyevin 1998-ci
il 26 mart tarixli Fərmanının xatırladılması olduqca zəruridir və
yerinə düşür. Fərmanda göstərildiyi kimi, “son iki əsrdə Qafqazda
azərbaycanlılara qarşı məqsədyönlü şəkildə həyata keçirilmiş
etnik təmizləmə və soyqırımı siyasəti nəticəsində xalqımız ağır
məhrumiyyətlərə, milli faciə və məşəqqətlərə məruz qalmışdır.
Mərhələ-mərhələ gerçəkləşdirilən belə qeyri-insani siyasət nəticə-
sində azərbaycanlılar indi Ermənistan adlandırılan ərazidən –
_________Milli Kitabxana_________
91
minillər boyu yaşadıqları öz doğma tarixi torpaqlarından didərgin
salınaraq kütləvi qətl və qırğınlara məruz qalmış, xalqımıza məx-
sus minlərlə tarixi mədəni abidə və yaşayış məskəni ermənilər
tərəfindən dağıdılıb viran edilmişdir.
SSRI Nazirlər Sovetinin 1947-ci il 23 dekabr tarixli 4083 nöm-
rəli və 1948-ci il 10 mart tarixli 754 nömrəli qərarları Azərbaycan
xalqına qarşı növbəti tarixi cinayət aktı olmuşdur. Bu qərarlar əsa-
sında göstərilən illərdə yüz əlli mindən çox azərbaycanlı Ermənistan
ərazisindəki dədə-baba yurdlarından kütləvi surətdə və zorakılıqla
sürgün olunmuşdur. Adi hüquq normalarına zidd olan bu qərarların
icrası zamanı avtoritar-totalitar rejimin mövcud repressiya qaydaları
geniş tətbiq edilmiş, minlərlə insan, o cümlədən qocalar və körpələr
ağır köçürmə şəraitinə, kəskin iqlim dəyişikliyinə, fiziki sarsıntılara
və mənəvi genosidə dözməyərək həlak olmuşlar. Bu işdə erməni
şovinist dairələrinin və SSRİ rəhbərliyinin cinayətkar siyasəti ilə
yanaşı, o dövrün Azərbaycan rəhbərliyinin öz xalqının taleyinə zidd
mövqeyi soydaşlarımıza qarşı törədilən cinayətlərin təşkilində və
həyata keçirilməsində az rol oynamamışdır”.
Bu məqsədlə elmi araşdırmaların aparılması, həmin deporta-
siyanın hərtərəfli tədqiq edilməsi, xalqımıza qarşı dövlət səviy-
yəsində həyata keçirilən bu tarixi cinayətə hüquqi-siyasi qiymət
verilməsi və onun beynəlxalq ictimaiyyətə çatdırılması üçün bö-
yük tərkibdə Dövlət Komissiyası yaradılmışdır. Prezidentin özü-
nün sədrlik etdiyi bu komissiyaya alimlər, yazıçılar, hüquqşünas-
lar və bir sıra səlahiyyətli işçilər daxil edilmişdir.
Qədim tarixə və zəngin mədəniyyətə malik olan Azərbaycan
xalqının taleyi belə gətirmişdir ki, son iki yüz il ərzində bu xalqın
yaşadığı ərazi üç yerə parçalanmışdır. XIX əsrin əvvəllərində Rus
imperiyasının qəsbkarlıq siyasəti nəticəsində Azərbaycan ərazisi-
nin bir hissəsi – Şimali Azərbaycan Rusiyanın tərkibinə daxil edil-
miş, əhalinin böyük əksəriyyətinin yaşadığı ərazi – Cənubi Azər-
baycan İran dövlətinin tərkibində qalmış, uzun əsrlərdən bəri
Oğuz-Azəri tayfalarının yaşayış məskəni olan Qərbi Azərbaycan –
İrəvan xanlığı və ətraf mahallar sonralar “Erməni vilayəti” adlan-
_________Milli Kitabxana_________
92
dırılmış, 1921-ci ildə isə bolşevik siyasəti nəticəsində yaradılmış
Ermənistan Sovet Sosialist Respublikasının tabeliyinə verilmişdir.
Sovet hakimiyyəti illərində tədricən deformasiyaya uğrayan
“Lenin milli siyasətinin” xalqlar dostluğu zorakı, çürük mahiyyə-
tinə görə tədricən millətlər arasında münaqişəyə çevrildi. Nəticə
etibarı ilə Ermənistan Respublikası ərazisində yaşayan azərbay-
canlılar zaman-zaman öz ata-baba yurdlarından deportasiya edi-
lib, məcburi köçkünə, qaçqına çevrildilər. Bu, əvvəllər Rus çariz-
minin, sonra isə bolşevizmin Azərbaycan xalqına vurduğu ən bö-
yük zərbələrdən biridir. Hələ XIX əsrin 30-cu illərindən başlaya-
raq, XX əsrin 50-ci illərinə qədər yerli əhali olan azərbaycanlılar
didərgin salınmış, onların əzəli torpaqlarına isə Yaxın və Orta
Şərq ölkələrindən köçürülən ermənilər yerləşdirilmişdir (Bax:
Cədvəl-№1). Azərbaycanlılar Türkiyədən gəlmiş bu “yazıq”, di-
dərgin ermənilərə “qaxdağan”, İrandan gələnlərə isə “persoy” de-
yərdilər. Əsasən daşyonan, pinəçi, yamaqçı işləyən “qaxdağan”
və “persoy”lar sonralar erməni millətçilərinin və xarici havadarla-
rının yaxından köməyi ilə yerli əhalini – azərbaycanlıların özləri-
ni Türkiyəyə, İrana, Azərbaycana, Şimali Qafqaza və Orta Asiya-
ya sıxışdırıb, didərgin etdilər. Vaxtı ilə əhalisinin böyük əksəriy-
yətini azərbaycanlılar təşkil edən Qərbi Azərbaycanda hazırda bir
nəfər belə azərbaycanlının qalmaması tarixi faktdır.
Bir cəhəti də qeyd edək ki, vaxt keçdikcə Qərbi Azərbaycan-
da – sonralar Ermənistan adlanan ərazidə yaşayan azərbaycanlıla-
rın sayı, maarifi, məktəbi, mədəni abidələri haqqında məlumat,
nəinki yerli, hətta mərkəzi nəşrlərdə unuduldu. Məsələn, 1980-ci
illərdə Moskvada “Sovetskaya ensiklopediya” nəşriyyatında çap
edilmiş iri həcmli “Sovetskiy ensiklopediçeskiy slovar”da, 1993-
cü ildə yenə də Moskvada “Bolşaya Rossiyskaya ensiklopediya”
nəşriyyatında çap edilmiş “Rossiyskaya Pedaqoqiçeskaya Ensik-
lopediya”da (I cild) Ermənistan ərazisində 1922-1923-cü tədris
ilində yalnız 36 azərbaycanlı məktəbinin (1500 şagirdi) olması
qeyd olunur. Sonrakı illərə aid heç bir məlumat verilmir...
Dostları ilə paylaş: |