9
müharibənin gətirdiyi kədər hissi uzun illər alman ədəbiyyatında - əsərlərin
mövzusunda, obrazların taleyində əksini tapmışdır. 1669-cu ildə meydana
gələn Y.Qrimelhauzenin “Simplissmus” romanında müəllif qəhrəmanın
həyatını otuzillik müharibənin fonunda təsvir edirdi. XVII əsrdən etibarən
roman janrı inkişaf edərək, həm kəmiyyət, həm də keyfiyyət baxımından
zənginləşmişdir. Bu dövrdən etibarən alman romanı məzmun, ideya, mövzu
baxımından milli sərhədləri aşaraq, dünya ədəbiyyatının tərkib hissəsi kimi
inkişaf edirdi. K.M.Vilandın “Aqatonun tarixçəsi” (1766) adlı tərbiyə
romanının
ardınca
K.F.Moriçin
“Anton
Rayzer”
(1972-1973),
F.Gelderlenin “Giperion”( 1797-1799), Novalisin “Henrix fon
Ofterdengen” (1802), Hötenin “Vilhelm Meysterin tələbəlik illəri”
(“Wilhelm Meister’s Apprenticeshir”, 1795) romanları işıq üzü görmüşdür.
XIX əsrin birinci yarısında Friç Reyter, Teador Ştorm, Bertold
Auerbax, Vilhelm Rabe kimi sənətkarlar “kiçik adam”ların obrazlarını
yaradan romanlar yazsalar da, bu dövrdə nəsrin sözügedən forması daha
çox məhəlli xüsusiyyət daşıyırdı.XIX əsrin sonu, XX əsrin əvvəlləri
ictimai-siyasi kataklizmlərlə zəngin bir dövr kimi səciyyələnir.
Arasıkəsilməyən inqilabların, müharibələrin doğurduğu əhval-ruhiyyənin
nəticəsi olaraq meydana gələn ekzistensializm XX əsrin əvvələrində
Almaniyada geniş vüsət almışdı. Bu ədəbi istiqamətin ən məşhur
nümayəndələrinin təsirilə alman ədəbiyyatında da roman XX əsrin aparıcı
janrına çevrilmişdir. Ekzistensial ruhda yazıb-yaradan alman yazarlarından
G.Kazakın və E.Nossakın da romanları oxucular tərəfindən maraqla
qarşılanırdı. Ekzistensial fəlsəfənin təsiri altında alman ədəbiyyatında
modernist meyillərin inkişafı roman janrının forma və məzmununda əsaslı
dəyişikliklərə səbəb olmuşdur. R.Remarkın “Qərb cəbhəsində təbəddülat
yoxdur” “Üç yoldaş”, “Zəfər tağı”, “Kiçik adam” romanları mənəviyyat
məsələlərinə üstünlük verirdi. Bu dövrdə müharibə mövzusuna həsr
olunmuş romanlar üstünlük təşkil edirdi. XX əsrin əvvəllərində Fridrix
Nitşenin fəlsəfəsi ölkənin idarə olunmasında əsaslı rol oynamağa
başlamışdır. T.Mann, H.Mann, H.Hesse kimi yazıçılar əsərlərində görkəmli
filosofun ideyalarını təbliğ edirdilər. XX əsrin əvvəllərində müasir roman
anlayışı “Universitet illəri”, “Viola Trikolor”, “Psixeya” əsərlərin müəllifi
Teodor Fontane tərəfindən daha da təkmilləşdirilmişdi.
1946-cı ildə Herman Hessenin “Yalquzaq” (1927) romanı Nobel
mükafatına layiq görülmüşdü. Alman ədəbiyyatında “yeni sosial roman”nın
yaradıcılarından olan Arnold Şveyqin “Ağ adamların böyük müharibəsi”
(1927), “1914-cü ilin gənc qadını” (1931), “Vandsbekski baltası” (1943)
romanları meydana gəlmişdi. II Dünya müharibəsi yazıçılara böyük zərbə
10
vurmuş, ziyalılar mənəvi aşınmaya məruz qalaraq ölkəni tərk etmişdilər.
Faşizm və müharibədən yazan Henrix Böll, Hans Verner Rixter, Ziqfred
Lenç, Volfqanq Kyöppen, Günter Qrass, Anna Zegers, German Kant və
başqalarının yaradıcılığında siyasi romanlar çoxluq təşkil edirdi. Bu dövrdə
ədəbiyyat aləmində “yeni roman” adlı ədəbi istiqamət geniş vüsət almışdı.
“Yeni roman”dan az sonra alman ədəbiyyatında postmodernizmə maraq
oyandı. Belə ki, P.Züskind, Ş.Barre, Y.Xerman, K.Kraxt və s. yazıçılar
alman postmodernist romanının ən yaxşı nümunələrini yaratdılar.
Azərbaycan
ədəbiyyatında ilkin roman nümunələri kimi
səciyyələndirilən
Z.Marağayinin “İbrahim bəyin səyahətnaməsi”,
N.Nərimanovun “Bahadır və Sona”, M.S.Ordubadinin “Bədbəxt milyonçu”
kimi əsərləri dünya ədəbiyyatında xüsusi yer tutan romanlarla müqayisədə
sözügedən ədəbi janrın tələblərini milli arenada ödəyirdi. Həmin
əsərlərdəki ilkin roman rüşeyimləri janrın inkişafına zəmin yaratmaqla
yanaşı, bir janr olaraq formalaşmasını da şərtləndirirdi. Sovet
hakimiyyətinin qurulması nəticəsində Avropa və rus ədəbiyyatı ilə
yaxından və mütəmadi tanışlıq Azərbaycan ədəbiyyatında yeni yaranan
romanın dünya romançılıq ənənəsinə uyğun şəkildə inkişafına təkan
vermişdi.
Azərbaycan ədəbiyyatında roman janrı alman romanlarından fərqli
bir inkişaf yolu keçmişdir. Buna səbəb Azərbaycanda sözügedən janrın
nisbətən sonrakı mərhələdə yaranması və fərqli siyasi arenada, ictimai-
siyasi hadisələr kontekstində yazılmasıdır. Bu mənada Azərbaycan roman
janrının inkişafı mərhələlərini aşağıdakı kimi ümumiləşdirmək olar:
1. XIX əsrin sonu XX əsrin əvvəllərində Azərbaycanda roman
janrının təşəkkülü. N.Nərimanovun “Bahadır və Sona”, Z.Marağayinin
“İbrahim bəyin səyahətnaməsi” əsərləri milli bədii təfəkkürdə janrın ilk
nümunələri olmuşdur. XX əsrin əvvəllərində S.M.Qənizadənin “Məktubati
Şeyda bəy Şirvani” dilogiya romanı janrın strukturunu zənginləşdirməsi
baxımından diqqət çəkir. İ.Musabəyovun “Neft və milyonlar səltənətində”,
M.S.Ordubadinin “Bədbəxt milyonçu” romanları da bu mərhələdə
yazılaraq janrı mövzu və problematika baxımından irəli aparılmışdır.
Bolşeviklərin hakimiyyətə gəlməsindən sonrakı ilk iki onillikdə isə roman
janrı yeni inkişaf mərhələsinə qədəm qoymuşdur.
2. Azərbaycan romanının təşəkkülündə 1930-50-ci illəri ayrıca bir
mərhələ kimi qeyd etmək lazımdır. Belə ki, həmin mərhələdə Azərbaycan
romanı yalnız mövzu, ideya baxımından deyil, struktur baxımından da
inkişaf etmiş, dünya romanlarına bir qədər də yaxınlaşmışdır. Bu
mərhələdə Azərbaycan romanı, əsasən, dörd istiqamətdə təzahür etmişdir: