13
“Azığa doğru” romanının qəhrəmanı Valeh müəllimə daha çox yaxındır.
Belə ki, Valeh müəllim də düşünür ki, hər bir kişinin doğma evi, yuvası
olmalıdır.
Hər
iki
qəhrəmanın
evinin
olmasına
baxmayaraq
“yurdsuzluqları” ictimai-siyasi hadisələrin doğurduğu qlobal problem kimi
qavranılır. “Azığa doğru” romanı yaddaşla bağlı yazılan əsərlər
silsiləsindəndir.
Görkəmli yazıçı İsa Hüseynovun “İdeal” romanı milli-tarixi yaddaşın
oyanması, araşdırılması baxımdan dəyərli sənət nümunəsidir. Yazıçı dönə-
dönə bugünkü ictimai-siyasi problemlərimizin yüz illər öncə buraxılan
səhvlərə dayanıqlı olması həqiqətinə işarə etmişdir. Sultan Əmirlinin
Səməd Əmirliyə danışdıqlarından qardaşoğluna onun soyu, kökü haqqında
çox şeylər bəlli olur. Sultanın “dünyamızın keçmişini bilmir insan.
Həqiqətin, yaxşının, pisin nə olduğunu qanmır”, -deməsi ilə yazıçı
xalqımızın zamanında keçmişindən xəbərsiz olmasının ciddi milli faciələrə
gətirib
çıxartdığını göstərməyə çalışmışdır. Ölkəmizin iki yerə
parçalanması, ərazilərimizə ermənilərin, rusların və digər millətlərin
köçürülməsi, düşünən ziyalılarımızın öldürülməsi millətimizi məhv etməyə
hesablanmış addımlar idi ki, Sultan sevimli qardaşoğluna-varisinə tarixi
həqiqətləri anladırdı: “Dərk eləyirsənmi ki, qulsan sən?! Vətənin parça-
parça, rusun, farsın, erməninin, gürcünün əlində müstəmləkə! Millətini
aramsız qırırlar! Aramsız! Gecələr! Səssiz-səmirsiz, doldururlar maşınlara!
Yurdun viran qalır! Sən isə “Yaşasın Stalin!”-deyirsən! Çünki korsan!
Korsan!..”
1
. İ.Hüseynov sovet diktaturasının yalançı ideologiya ilə xalqın
zehnini məhv etməsini millətimizin tarixi faciəsi kimi dəyərləndirmişdir.
80-ci illərdə Azərbaycan və alman romanlarının yeni mərhələyə daxil
olmasını şərtləndirən amilləri nəzərdən keçirərkən aydın olur ki, bu
mərhələdə yaranan romanlar arasında mövzu və problematika yaxınlığı ilə
yanaşı, ideya yaxınlığı da mövcud olmuşdur. Həmin illərdə yazılan
Azərbaycan və alman romanlarında mövcud vəziyyətlə barışmazlıq,
gələcəyə baxış və yeni Azərbaycan və Almaniya ilə bağlı fikirlər
səslənmişdir.
Dissertasiyanın II fəsli
“Çağdaş Azərbaycan və alman
romanlarında şəxsiyyət və cəmiyyət problemi” adlanır və iki
yarımfəsildən ibarətdir.
“Cəmiyyətdə şəxsiyyətin özgələşməsi problemi” adlı birinci
yarımfəsildə Azərbaycan və alman romanlarında öz əksini tapmış
şəxsiyyətin özgələşməsi, onun törədən səbəblər və nəticələri
1
Hüseynov İ. İdeal. Bakı: Lider nəşriyyatı, 2005, s. 55.
14
araşdırılmışdır. 60-70-ci illərdən başlayaraq ədəbiyyatımızda həyat
həqiqətləri və bədii gerçəklik problemi öz həllini tapmış olur, Azərbaycan
yazıçılarının yaradıcılığında cəmiyyət problemləri, şəxsiyyətin bütövlüyü,
xarakterinin səciyyəvi xüsusiyyətləri, onun cəmiyyət hadisələrinə fərdi və
ictimai baxışı geniş yer tutmağa başlamışdır. İ.Hüseynov, İ.Əfəndiyev,
Anar, Elçin, Ç.Hüseynov, İ.Məlikzadə, S.Əhmədov, Y.Səmədoğlu və
başqalarının romanlarında şəxsiyyət və cəmiyyətlə bağlı yeni stereotiplər
formlaşdırılmışdır. Bu mərhələdə Azərbaycan romanı hadisə və problemləri
təsvir etmək nöqteyi-nəzərindən milli romançılıqdan daha çox dünya
romanının çağdaş ənənəsinə söykənmiş olur. Anar, Elçin, S.Əhmədov,
K.Abdulla,
A.Məsud,
S.Səxavət,
A.Abbas,
E.Hüseynbəyli,
N.Əbdürrəhmanlı, İ.Fəhmi və başqalarının romanlarında cəmiyyət, sosial
həyat problemləri psixoloji aspektdə təsvir edilmişdir. Bu yazıçıların
romanlarında mövzu və problematika ənənəvi romançılıqdan fərqli olduğu
kimi, cəmiyyət və şəxsiyyət probleminə də fərqli münasibət diqqəti cəlb
edir. Cəmiyyət və onun nöqsanlarından kənara çıxan kişi və qadın
obrazları, sosial mühit və ierarxiya və s. yeni cəmiyyət kontekstində öz
əksini tapmışdır.
Anarın “Beşmərtəbəli evin altıncı mərtəbəsi, “Otel otağı”,
M.Süleymanlının “Səs”, “Günah duası”, S.Əhmədovun “Toğana”, “Azığa
doğru", “Dünyanın arşını”, “Kütlə”, “Kef”, S.Səxavətin “Daş evlər”,
“Nekroloq”, “Yəhudi əlifbası, S.Azərinin “Dalanda”, N.Əbdülrəhmanlının
“Yalqız”, “Yolçu”, A.Yeniseyin “Cəmiyyətdə terror aksiyası”,
V.Sultanlının “İnsan dənizi”, H.Herisçinin “Nekroloq”, E.Hüseynbəylinin
“Balıq adam”, “Tut ağacı boyunca”, İ.Fəhminin “Akvarium”, “Aktrisa”,
Ə.Əmirlinin “Ölü doğan şəhər” və başqa romanlarda cəmiyyət və şəxsiyyət
problemi bədii təhlil obyekti olmuşdur.
Yazıçı V.Sultanlının “İnsan dənizi” romanında ömrünü başa vuran
sovet cəmiyyəti və bu cəmiyyətdə insana verilən dəyər, insanın
özgələşməsi problemi başlıca yer tutur. Yazıçı Sovetlər dövrünü təsvir
edərkən Əkrəmin cəmiyyətdə özünə yer tapmayaraq ağır və çətin günlər
yaşamasını göstərmişdir. İdarə rəhbəri Göyüşovla aralarında olan konflikt
nəticəsində ləyaqətini qoruyaraq onu öldürən fəhlə Əkrəmin həbs günləri
və sonrakı həyatı romanda insan və cəmiyyət problemi müstəvisində həll
edilmişdir. Əsərdə ümidlərinin gerçəkləşməsi naminə keçilən yol, dəmir
parçası ilə bıçaqlanmış ölüm, səfilləşmiş həyat, gülüş hədəfinə çevrilmiş
tale, tapdanmış ləyaqət, heç kimə lazım olmayan, ölümə doğru gedən
qatardaca başa vurulmuş ömürün faciəsini görürük. Ümumiyyətlə, dünya
ədəbiyyatında ölümlə mübarizə aparan, ondan yaxa qurtarmaq üçün yollar