15
tarixi-ibrətamiz məzmunla yanaşı, müasirliyi və aktuallığı ilə də diqqəti
cəlb edir.
Keçən əsrin 60-80-ci illər ədəbiyyatında ən aktual, həm də konsep-
tual səviyyədə diqqəti cəlb edən cəhət sovetlər dönəminin müəyyən-
ləşdirdiyi şablon və sterotiplərdən uzaqlaşma meyli idi. Çünki sovetlər
dönəmində ideologiyanın özünün müəyyənləşdirdiyi sərhədlər var idi. Bu
istiqamətdə çoxsaylı əsərlər də yazılmışdı. Lakin sovet totalitar rejiminin
müəyyənləşdirdiyi ideologiya sonrakı onilliklərdə təhlillərə, siyasətdəki
təhlükəli tendensiyaların mövcudluğuna dolayı etirazlara, şərhlərə gətirib
çıxardı. 60-cı illər ədəbiyyatı bu mənada bütünlükdə ədəbi mühitə yeni ab-
hava ilə daxil oldu və bütünlükdə sonrakı onillikləri əhatə etdi
1
. Bu proses
bir növ özlüyündə 80-ci illər ədəbiyyatının təkanverici qüvvəsinə çevrildi.
Məhz
İ.Hüseynovun,
İ.Əfəndiyevin,
İ.Şıxlının,
M.Dilbazinin,
B.Vahabzadənin, M.Arazın, X.R.Ulutürkün, H.Arifin, Y.Səmədoğlunun,
İ.Məlikzadənin, S.Əhmədovun, N.Həsənzadənin, Anarın, Elçinin,
M.Süleymanlının və başqalarının yaradıcılığında milli düşüncədən gələn
meyllər özlüyündə imperiya maraqlarına tabe olmadı. Bununla da
ədəbiyyat siyasi ideologiyanı qabaqlamaq, onun özünə mövqe nümayiş
etdirmək yolunu tutdu. Bütün bunlar ədəbi mühitdə yanaşma və münasibət
fərqliliklərini ortaya qoydu. İ.Hüseynovun “İdeal”, “Saz”, “Tütək səsi”,
“Kollu Koxa”, İ.Şıxlının “Dəli Kür”, “Məni itirməyin”, “Ayrılan yollar”,
“Ölən dünyam”, Elçinin “Mahmud və Məryəm”, “Ağ dəvə”, “Ölüm
hökmü”, “Bülbülün nağılı”, Yusif Səmədoğlunun “Xəzri”, “Yaddan
çıxmış sözlər”, “Qətl günü”, M.Süleymanlının “Köç”, “Dəyirman” və s.
kimi əsərlərinin yaranmasına gətirib çıxardı. Beləliklə, ədəbiyyatın sosial-
siyasi mühitə münasibətində bir mahiyyət dəyişiklikləri özünü göstərdi.
Nağıl bir forma kimi ədəbi mühitin fikri ifadə marağında dayandı. Məsələn,
O.Sarıvəllinin “Qocanın nağılları”, İ.Şıxlının “Həkimin nağılı”,
İ.Əfəndiyevin “Valehlə Sarжköynəyin nağılı”, “Qəhrəman ilə bülbülün
nağılı”, “Xan qızı Gülsənubərlə tarzən Sadıqcanın nağılı”, Elçinin
“Bülbülün nağılı”, M.Süleymanlının “Armud ağacının nağılı” və s. əsərlər
buna nümunədir. Əlbəttə, bu tip əsərlərdə adından göründüyü kimi,
nağılçılıq, nağıl təhkiyəsi, obrazların və hadisələrin uzaq keçmişlərə-nağıl
zaman və məkanına köçürülməsi var. Onun mahiyyətində isə yazıçının öz
yaşadığı zamanın və mühitin problemlərinə yönəlmiş mətləbləri qərarlaşır.
1
Hacıyeva M. Folklor poetikası. Bakı: Azərbaycan Dövlət Nəşriyyatı, 2006, s.
111-115.
16
Xalqın zəngin yaradıcılığında, folklor simvolikasında milli-mənəvi
dəyərlərin işarələnməsi bütünlükdə yazılı ədəbiyyatın uğurlu inkişafına,
bədii-estetik
axtarışlarına istiqamət verir. Xalq yazıçısı Yusif
Səmədoğlunun “Qətl günü” romanındakı “Baba Kaha” obrazı mifoloji
nağıl mənşəli olsa da, simvolika baxımından özlüyündə tarix və həyat
anlamında cəmiyyətin və insanlığın problemlərini əks etdirir. Məsələn,
Baba Kahanın “gəlirəm ki, haqq-hesab çəkəm, gəlirəm ki, bu ikiayaqlı,
dəmir libaslı, nizəli-qalxanlı, aylarla su üzü gərməyən, kirdən-pasdan
sifətləri qaralıb mis rənginə çalan bu ikiayaqlı şeytanlar niyə belə
qudurublar? Gəlirəm ki, yuxusuz gözlərdəki kinin, hiddətin səbəbindən
agah olam, ... ikiayaqlı bəndələr bu bəlalı dünyadan nə istəyirlər? Gəlirəm
ki, düşərgənin lap yaxınlığında meyitləri üst-üstə qalayıb, çürüyən
cəsədlərin üfunətini hiss etməyən, döyüş yoldaşlarını basdırmağa belə gücü
qalmayan, günəş işığından gizlənən bu ikiayaqlı qanadsız yarasalar nə vaxt
qandan doyacaqlar”
1
. Göründüyü kimi, bu suallar çox ciddi, həm də özündə
kifayət qədər ağır məsələləri ehtiva edir. Məsələnin bu cür qoyuluşunda isə
sovetlər dönəminin mahiyyətini verməyə və dolayı ciddi-cəhdlər özünü
göstərir. Bütün olanların əsasında da daha çox bu dayanır.
Keçən əsrin 60-80-ci illər ədəbiyyatında diqqətçəkici cəhətlərdən biri
düşüncə rəngarəngliyi idi ki, bu da özünü həm də xalq yaradıcılığının geniş
və hüdudsuz zənginliyindən bəhrələnmədə göstərirdi. İ.Şıxlının “Namus
qaçağı”, “Namərd gülləsi”, “Ölən dünyam”, Y.Səmədoğlunun “Xəzri”,
“Yaddan çıxmış sözlər”, İ.Məlikzadənin “Gümüşgöl əfsanəsi”, Anarın “Ağ
qoç, qara qoç”, M.Süleymanlının “Armud ağacının nağılı”, “Füşkürək”,
“Quru kəllə” əsərləri cəmiyyətin çeşidli problemlərinin nağıl müstəvisində
təqdimini əsas götürmüşdü. Burada isə əsas istiqamətlərdən biri sənətkarın
qaldırdığı problemə nağıl kontekstindən yanaşma ustalığıdır. İ.Şıxlının
“Ölən dünyam” (1995) romanının “Epiloq” hissəsində sovet siyasi
sisteminin totalitar mahiyyətini əks etdirən nağılvari yekun var. Orada
deyilir: “Dünyaya çox buynuzlu-buynuzlu cahangirlər gəldi. Biri özündən
əvvəlkini bəyənmədi, o biri sonrakını. Biri dünyanı qana çalxadı. Biri bəşər
övladının min illər boyu yaratdığı qayda-qanunları zor ilə tapdaladı və
ortalığa yeni həyat tərzi atdı... Biri o birisinin əleyhinə, biri o birisinin
tərsinə. Hamısı da ədalətdən, vicdandan dəm vurdu. Xalqlar tayqalara,
Sibirə sürgün edildi. Başqa birisi hakimiyyətə gələrkən bu cəza alanları
1
Səmədoğlu Y. Seçilmiş əsərləri. Bakı: Şərq-Qərb, 2005, s. 11-12.