4
coğrafiyaĢünas və səyyahlarının Albaniyaya dair qeydlərində Girdimanın məhz
ġirvan ərazisində lokalizəsini təsdiqləyə biləcək bir sıra prinsipial əhəmiyyətli
məqamlar üzərində dayanan müəllif, öz mülahizəsini, həmçinin Albaniyanın
qərbində, daha doğrusu ġəmkir, DaĢkəsən, Gədəbəy, Tovuz, Qazax və Ağstafa
rayonları ərazisində Girdimanla bağlı heç bir arxeoloji və memarlıq abidəsinin,
habelə qədim toponimlərin olmaması, ġirvan ərazisində isə bu cür abidə və
toponimlərin mövcudluğu ilə də əsaslandırmağa çalıĢıb. Qafqaz ərazisində
Girdiman adı ilə məlum olan yeganə çayın, Girdiman hökmdarları Xursun və
Cəsur Vardanın adını daĢıyan qədim yaĢayıĢ yerlərinin, CavanĢirin adını daĢıyan
yaĢayıĢ yeri və VII əsrə aid möhtəĢəm qalanın məhz ġirvan ərazisində olması da
müəllifin fikrincə, Girdiman vilayətinin lokalizəsi ilə bağlı son və qəti fikir
söyləmək üçün kifayət qədər ciddi arqumentlər hesab edilməlidir.
Əsərdə Girdiman vilayətinin təbii-coğrafi Ģəraiti və orada əhalinin
məskunlaĢma dinamikasından bəhs olunur, ərazinin əlveriĢli iqlim Ģəraitinə, flora
və faunasına, əkin yerləri, örüĢ sahələri və su ehtiyatlarının zənginliyinə, müxtəlif
istiqamətdə olan karvan yollarının bilavasitə oradan keçməsinə və nəhayət,
arxeoloji tədqiqatlar nəticəsində aĢkar edilən çox zəngin maddi-mədəniyyət
qalıqlarına istinadən Girdiman ərazilərinin minilliklər boyu intensiv məskunlaĢma
rayonu olduğu bildirir. Müəllifin qənaətinə görə erkən orta əsrlər dövründə bir sıra
daxili və xüsusən də xarici amillərin təsiri altında Girdiman vilayətinin əhalisi
Alazan-Həftəran vadisi ilə Qaraməryəm tirəsi arasındakı ənənəvi yaĢayıĢ yerlərini
tədricən tərk edərək Böyük Qafqazın Cənub yamacındakı dağlara və dağətəyi
ərazilərə çəkilib. Beləliklə də, V əsrin sonu - VI əsrin əvvəllərindən baĢlayaraq
həmin ərazidə çoxsaylı müdafiə tikililəri və yaĢayıĢ yerləri meydana gəlir.
Fikrimizcə, müəllifin bu mülahizələri Albaniyanın erkən orta əsrlər dövrünə aid
tarixi-coğrafiyasını iĢləmək baxımından da çox əhəmiyyətlidir.
Albaniyanın digər bölgələri kimi, Girdiman vilayətinin ərazisi də ilk orta əsr
abidələri ilə olduqca zəngindir. Hansı ki, həmin abidələr barəsində əsərdə təfsilatı
ilə bəhs olunur, Girdimanın yaĢayıĢ yerləri, qala və istehkamları, oradakı məbədlər
və qəbir abidələri barəsində ətraflı məlumat verilir. ġəhər və Ģəhərtipli yaĢayıĢ
məntəqələrindən Qəbələ, Qalagah, Mehrəvan, Qırlartəpə, Lahıc, kəndtipli yaĢayıĢ
məskənlərindən Pəldahar, Kürdüvan, Həsən bəyin yeri, AĢağı Qaraməryəm,
Yekəxana, TərkəĢ, KələĢ, qəbir abidələrindən Gəndob və Ərəbcəbirli nekropolları,
Girdiman və Kilsədağ məbədləri, habelə bir sıra digər abidələr və həmin abidələrdə
aparılan arxeoloji tədqiqatlardan bəhs olunur. Xatırladaq ki, bu abidələrdən bir
qismi ilk dəfə olaraq məhz Q.C.Cəbiyev tərəfindən tədqiq olunub. Əsərdə,
həmçinin əvvəllər tədqiq olunmuĢ abidələrin də xeyli qisminin dövrü və təyinatı ilə
bağlı bir sıra yeni mülahizələr irəli sürülüb.
Mehrəvan Ģəhərində Q.C.Cəbiyevin rəhbərliyi ilə aparılmıĢ arxeoloji
tədqiqatları xüsusi olaraq qeyd etmək istərdim. Məlum olduğu kimi, tarixi
mənbələrdə adı çəkilən Mehrəvan Ģəhərinin yeri uzun illər idi ki, elm üçün sirr
5
olaraq qalırdı. Bu Ģəhərin lokalizəsi ilə bağlı müxtəlif vaxtlarda ayrı-ayrı
tədqiqatçılar tərəfindən söylənilmiĢ mülahizələr ciddi elmi dəlillərlə
əsaslandırılmadığından, ehtimal olaraq qalırdı. Ġlk dəfə məhz Q.C.Cəbiyev 2004-cü
ildə apardığı arxeoloji tədqiqatlar nəticəsində Ağsu rayonun Bəyimli kəndi
yaxınlığındakı 9 hektar əraziyə malik qala yerinin Mehrəvan Ģəhərinin qalıqları
olduğunu elmi cəhətdən əsaslandırmıĢdır.
Girdiman abidələrində aparılan arxeoloji tədqiqatlar nəticəsində aĢkar
olunan zəngin maddi-mədəniyyət nümunələri yerli əhalinin məĢğuliyyəti və
təsərrüfat həyatı barədə kifayət qədər aydın təsəvvür yaradır. Müəllif arxeoloji
materiallara, həmçinin mənbə məlumatlarına istinadən erkən orta əsrlərdə bəhs
olunan ərazidə əkinçiliyin, maldarlığın, ovçuluğun və sənətkarlığın yerli əhalinin
təsərrüfat həyatındakı rolunu və əhəmiyyətini göstərə bilib. Əsərdə sənətkarlığın
ayrı-ayrı sahələri, o cümlədən metaliĢləmə, dulusçuluq, daĢiĢləmə, toxuculuq,
ağaciĢləmə, sümükiĢləmə və ĢüĢə məmulatı istehsalı barəsində xüsusilə ətraflı bəhs
olunur. Müəllifin keramika istehsalı tarixi və texnologiyası, o cümlədən dulus
çarxının kəĢfi və təkmilləĢdirilmiĢ dulus kürələrinin meydana gəlməsi ilə bağlı
mülahizələri də elmi cəhətdən maraq doğurur.
Erkən orta əsrlərdə Albaniyanın iqtisadi, siyasi, hərbi, dini və mədəni
həyatında Girdiman vilayəti aparıcı mövqeyə malik olmuĢdur. Bu da hər Ģeydən
öncə vilayətin təbii-iqtisadi imkanları, Girdiman feodallarının hərbi-siyasi nüfuzu
və onların ölkədə siyasi hakimiyyətə təsir dairəsinin geniĢliyi ilə izah oluna bilər.
Hansı ki, əsərdə bütün bunlar barəsində ətraflı bəhs olunur.
Girdiman hökmdarı CavanĢirin böyük sərkərdə, mahir diplomat, bacarıqlı
dövlət xadimi, ən baĢlıcası isə vətənini və xalqını sonsuz məhəbbət hissi ilə sevən
alovlu bir vətənpərvər kimi təqdim olunması, əsərin mühüm üstünlüklərindən biri
kimi dəyərləndirilməlidir. Xatırladaq ki, indiyədək Albaniya tarixi barədə yazılan
tədqiqat əsərlərinin heç birində CavanĢirin xidmətləri və onun hərbi yürüĢləri
barəsində bu dərəcədə əsaslı və əhatəli bəhs olunmayıb.
IV-IX əsrlərdə Girdimandakı mürəkkəb dini durum və bu müstəvidə
cərəyan edən hadisələr, ərazidə məskunlaĢan insanların etnik mənsubiyyəti, onların
dili, mədəniyyəti və nəhayət, alban əlifbasının meydana gəlməsi ilə bağlı məsələlər
də təqdim olunan kitabda kifayət qədər əhatəli Ģərh olunub.
Bir sözlə, Q.C.Cəbiyevin «Girdiman tarixi (IV-IX əsrlər)» əsəri Azərbaycan
albanĢünaslığına yeni töhfə kimi dəyərləndirilə bilər. Ümid edirik ki, bu əsər
gələcəkdə Albaniyada mövcud olan digər inzibati-siyasi vahidlərin tarixinin də
ayrı-ayrılıqda tədqiqinə təkan olacaqdır.
Göründüyü kimi, Q.C.Cəbiyevin «Girdiman tarixi (IV-IX əsrlər)» adlı əsəri
Azərbaycan tarix elminin çox mühüm və olduqca aktual problemlərindən birinə
həsr olunmuĢdur. Bir daha xatırladım ki, bu mövzu milli tarixĢünaslığımızda
indiyədək ayrıca bir problem kimi tədqiq olunmamıĢdır və bu mövzunun hərtərəfli
araĢdırılması tarix elmimiz üçün çox gərəklidir.