8
qardaşlıq əlaqələrinin genişlənməsində mühüm rol oynamışdır. Bu
yöndəki xeyirxah fəaliyyətinizi indən sonra da davam etdirəcəyinizə
əminəm” (10). Tofiq Hacıyevin fikrincə: “Bəxtiyarın dili bir
çaydırsa, o, axarını dolğunluğu, suyunun şəffaflığı, səsinin
ürəkaçanlığı ilə seçilir. Bu poeziya məntiqi cəhətdən dərin və aydın,
bədii baxımdan fəaldır. Bu poeziya həyatla bərabər addımlayır, nəsil-
nəsil artır, on illikdən on illiyə müdrikləşir, müasirliyini saxlayır. Bu
əlamətləri bizə onun dili deyir” (41).
B.Vahabzadə həm də gözəl tərcüməçidir, dünya xalqlarının bir
çox məşhur şairlərini (Höte, Bayron C., Nekrasov A.N., Mejelaytis
E., Yevtuşenko Y., Dementyev A., Moldonis A., Kuşner A.)
Azərbaycan
oxucuları
onun
çevirməsində
tanımışlar.
B.Vahabzadənin şeirlərinə onlarla bəstəkar musiqi bəstələmiş, bu da
onun geniş xalq kütlələri arasında daha da sevilməsinə səbəb
olmuşdur.
Məhz
yaradıcılıq
üfüqlərinin
genişliyi
B.Vahabzadə
tədqiqatçılarının diqqətini onun əsərlərinin ümdə keyfiyyətinə -
umimiləşdirici mahiyyəti və fəlsəfi mündəricəsinə cəlb etmişdir.
“Dərin məna, gözəl məntiq, ürək çırpıntılarıyla dolu bədii fəlsəfi
fikirləri Bəxtiyar əsərlərinin özülüdür” (5). Akademik Bəkir
Nəbiyevin dediyi kimi: “B.Vahabzadə öz parlaq yaradıcılığı və
ictimai fəaliyyəti ilə Azərabycanın estetik fikrinin zənginləşməsində
mühüm rol oynamışdır. Bu böyük sənətkar xalqımızın əsrlər boyu
təşəkkül tapmış yüksək milli-mənəvi dəyərlərinin qorunması, adət-
ənənələrimizin yaşadılması naminə 60 ildən artıq bir müddət ərzində
müntəzəm olaraq yazıb-yaradıb. O, Azərbaycançılıq məfkurəsinə
dərindən bağlı olan və milli özünüdərkə çağıran çoxsaylı əsərləri ilə
ədəbiyyatımızın, mədəniyyətimizin inkişafına çoxlu dəyərli tövhələr
verib” (90).
Bütün bunlarla yanaşı qeyd etmək gərəkdir ki, B.Vahabzadə
yaradıcılığının mühüm bir hissəsini onun dramaturgiyası təşkil edir.
Bütün yaradıcılığı boyu teatr və səhnə poeziyadan sonra
B.Vahabzadə sözünün ən gur səsləndiyi, onu geniş auditoriyalara
çatdıran vacib bir tribuna olmuşdur. Lakin şair-dramaturqun teatr
aləminə gəlişi təsadüf olmadığı kimi, birdən-birə də baş
verməmişdir. Cəlal Məmmədova görə: “Müasirlərinin zəngin və
9
rəngarəng daxili aləmi, nəcib həmvətənlərinin çirkin ehtiraslara,
köhnə adətlərə, pisliyə qarşı mübarizəsi şair-dramaturqun hər bir
pyesinin əsas məzmununu, mahiyyətini təşkil edir. Bəxtiyar
Vahabzadənin dramaturgiyası fəlsəfi dərinliyi ilə, həyat, cəmiyyət,
insan haqqında qayğıkeş, həssas sənətkar və vətəndaş mühakimələri
ilə qiymətlidir” (124).
Başqa sözlə, dramaturq B.Vahabzadənin sənət doğuluşu poetik
yaradıcılığının üzvi davamı olduğu qədər, həm də Azərbaycan
teatrının ötən əsrin ikinci yarısındakı real durumu və tələbləri ilə
bilavasitə bağlıdır.
1960-cı
illər Azərbaycan teatrının inkişafında yeni
mərhələnin başlanğıcı hesab olunur. Tədqiqatçılar bunu milli
səhnə sənətində monumental-romantik üslubun dominantlığının
başa çatması, yerini yeni – psixoloji realist teatra tərk etməsi kimi
səciyyələndirir, ictimai-siyasi və mədəni həyatda baş verən köklü
dəyişmələrlə bağlayırlar. Belə ki, yeni teatr yaratmaq yolunda
cəhdlər hələ 1950-ci illərdən, müasirlik problematikası və müasir
estetika axtarışları ətrafında başlamış, bütövlükdə yalnız 1960-cı
illərin ikinci yarısında bəhrə vermişdi. “50-ci illərin sonundan
özünü göstərən və 60-cı illərdə daha da dərinləşən bir proses indi
sabitləşməkdə və öz real bəhrələrini verməkdə idi. “Yeniləşmə”
daha meyl deyildi, “təmayül” deyildi; o, yeni səhnənin özü, onun
əsas keyfiyyəti idi. İnkişafda mühüm tarixi bir dövr tamamlanmış
və onu əvəz etməli olan növbəti, daha yüksək mərhələnin
əlamətləri görünməyə başlamışdı” (21, 292).
Teatrın və bədii fikrin müasir inkişafı mərhələsində lirik-
psixoloji dramın ön plana keçməsi qanunauyğun və məntiqi bir
hadisə idi. Stalinizmin və totalitarizmin kəskin ifşasından sonra
cəmiyyətdə yeni əxlaq normalarının bərqərar olması, həm
məişətin, həm də ictimai həyatın bütün sahələrində mənəvi-əxlaqi
problemlərin aktuallıq kəsb etməsi fərdi insan taleyinə, şəxsiyyət -
cəmiyyət qarşılaşmasına, müasir insanın daxili aləminə, iç
dünyasına diqqəti artırdığından yeni mövzular yeni də həllini
gözləyirdi. “Teatrın əsas qəhrəmanına çevrilən yeni insan əxlaqi,
fəlsəfi və sosioloji təhlil predmeti kimi getdikcə daha hərtərəfli
tədqiq olunmağa başlayırdı” (21, 292).
10
Teatrın yeniləşməsində görkəmli səhnə xadimləri, qabaqcıl
teatr ideyaları ilə yaşayan rejissorlar, aktyorlar, ümumən teatra
ömrünü həsr etmiş insanlarla yanaşı, şəksiz ki, Azərbaycan
dramaturqlarının da böyük rolu vardı. 1960-cı illərin əvvəllərində
“milli teatrın ən yaxşı realist ənənələrinin təsbitinə və inkişafına
nail olmaq” yolunda bir sıra qəti islahatlar keçirmiş Azərbaycan
teatrı həmçinin səhnəni yeni repertuarla zənginləşdirən müasir
dramaturgiya arzusunda idi. “Teatrın müasir tələblərə doğru
meylinə kömək göstərmək, ən müxtəlif üslub, janr və təsvir
üsulları vasitəsilə səhnədə xarakterin və psixoloji vəziyyətlərin
həqiqətini canlandırmaq lazım idi” (21, 270).
Mehdi Məmmədovun fikrincə, hətta “bu zaman başlıca
təşəbbüs, həlledici söz, təbii ki, dramaturgiyaya məxsus idi. Belə
ki, köhnə “passiv rejissura” teatrının, basmaqəlib aktyor
oyununun, psevdopatetika və yalançı pafosun izləri orda və burda
rudiment və residivlər şəklində hələ qalırdısa da, amma bu
onilliyin dramaturgiyası əks tədbirlər və profilaktika zəminində
səhnəyə aşkar psixologizmə meyl edən bir çox pyeslər təklif etdi”
(148, 342).
Sözsüz ki, bu məqamda birincilik görkəmli yazıçı və
dramaturq İlyas Əfəndiyevə məxsus idi. Akademik Məmməd Arif
haqlı qeyd edir ki, “İlyas Əfəndiyev dramaturgiyamızın qabaqcıl
ənənələrini davam etdirərək daha çox psixoloji-lirik planda
yaratdığı əsərlərlə səhnəmizə yeni bir hava, yeni məna və məzmun
gətirmişdir”(73, 256). Dramaturqun səhnəmizə gətirdiyi “yeni bir
hava”, “yeni məna və məzmun” ondan irəli gəlirdi ki, dramaturq
yaşadığı qapalı cəmiyyətin, sovet rejiminin və ideologiyasının,
sosializm realizmi metodunun qoyduğu tabulardan, qadağalardan
kənara çıxaraq, onların tələb etdiyi kimi yalnız “ictimai insan”ı
deyil, həm də adi cəmiyyət üzvünü, sadə insanı-fərdi bir şəxsiyyət
olaraq öz qəhrəmanına çevirirdi. Sənətkar yalançı pafosdan,
patetikadan, romantikadan uzaq olan personajlarının daha çox
daxili dünyasını, fikir və duyğularını, hiss və həyacanlarını, şəxsi
arzu və istəklərini önə çəkməsi ilə Azərbaycanın teatr səhnəsinə
yeni və fərqli obrazlar qalareyası bəxş etdi.
Dostları ilə paylaş: |