Azərbaycan mühacirət irsi
8
- Azərbaycanın görkəmli dövlət xadimi M. Ə. Rəsulzadə
Azərbaycan mühacirət mətbuatının banisidir və onun yara-
dıcısıdır;
- İstanbulda nəşr edilən “Azəri Türk”, “Odlu Yurd” jurnal-
ları, “Bildiriş” qəzeti bolşevizmə və Azərbaycanın işğalına qar-
şı mübarizə məqsədi daşımış, Milli Mərkəzin Siyasi Proqramı
əsasında fəaliyyət göstərmişdir;
- Avropa ölkələrində - Almaniyada, Polşada XX əsrin 30-cu
illərində azərbaycanlı mühacirlər milli nəşriyyat yaratmış, ki-
tablar, qəzet və jurnallar nəşr etmişlər. Həmin ölkələrdə çap edil-
miş “İstiqlal” qəzeti, “Qurtuluş” jurnalı və “Müsavat Bülleteni”
xalqımızın zəngin mədəni-tarixi dəyərlərinin Avropa ictimaiy-
yətinə çatdırılmasında ciddi təbliğat kürsüsünə çevrilmişlər;
- İkinci Dünya müharibəsinin başlanması ilə Azərbaycan
legionerlərinin Almaniyada müxtəlif mətbuat orqanlarını yara-
dıb tariximizi, ədəbiyyatımızı, mədəniyyətimizi təbliğ etmələri
böyük
əhəmiyyətə malikdir;
- İkinci Dünya müharibəsindən sonra, “soyuq müharibə”
illərində Türkiyədə, Almaniyada “Azərbaycan” (Azərbaycan və
rus dillərində), “Mücahid”, “Türk izi”, “Türk yolu” adlı jurnal-
lar yaradılmış, çap edilən yazılarda sovet dövlətinin imperiya
siyasəti pislənilmiş, Azərbaycanın müstəqil yaşamaq haqqı mü-
dafiə olunmuşdur;
- Azərbaycanlı mühacirlər ötən əsrin 50-ci illərində
fəaliyyətə başlayan “Amerikanın səsi”, “Azadlıq” radiolarında
“Azərbaycan” redaksiyaları yaratmış, hazırladıqları verilişlərdə
milli müstəqilliyimizə dəstək
olmuşlar;
- Azərbaycanlı mühacirlər ABŞ dövlətinin yaratdığı “SSRİ-
ni Öyrənmə İnstitutu”nda çalışmış, institutun nəşr etdiyi
“Dərgi” jurnalında maraqlı yazılarla çıxış etmişlər.
Azərbaycan mühacirət irsi
10
vardır. Belə ki, “Yeni Qafqaziya”, “Azəri Türk”, “Odlu Yurd”,
“Azərbaycan Yurd Bilgisi”, “Azərbaycan”, “Mücahid”, “Türk
izi”, “Türk yolu” jurnallarının bütün sayları vardır və tədqiqat
üçün əsas mənbədir. Türkiyədə nəşr edilən qəzet və jurnallarda
M. B. Məmmədzadənin, Ə. Qaracanın, Ə. Y. Akpinarın müha-
cirət mətbuatımızla bağlı dəyərli əsərləri nəşr edilmişdir.
Azərbaycana toplayıb gətirdiyimiz kitablar sırasında tanın-
mış alman tədqiqatçısı R. Mühlenin “Camali Xaç ilə Qızıl Yıl-
dız arasında” adlı 1984-cü ildə Ankarada nəşr edilmiş kitabını
xüsusilə qeyd etməliyik. Zəngin arxiv materialları əsasında
yazılmış bu kitabda “Prometey” klubu və qafqazlı təmsilçilərlə,
onların mətbuatı ilə bağlı çoxlu məlumatlar vardır. Kitabda
azərbaycanlı mühacirlərin bolşevizmə qarşı təbliğat istiqamə-
tində gördüyü işlər haqqında məlumatlar da az deyil. Bundan
əlavə, müəllif Almaniya hökuməti rəhbərliyinə aid
çoxlu sənəd-
lərlə, tanınmış siyasətçilərə, şəxslərə aid yazışmalarla bağlı da
oxucuları bilgiləndirmişdir. Ensiklopedik informasiya verməsi
və müxtəlif xalqlara aid mühacirlərin fəaliyyətini əhatə etmə-
sinə görə kitab böyük əhəmiyyətə malikdir.
Tanınmış tədqiqatçı Səbahəddin Şimşir 1995-ci ildə Anka-
rada nəşr olunan “Mehmet Əmin Rəsulzadənin Türkiyədəki hə-
yatı, fəaliyyəti və düşüncələri” kitabında “Yeni Qafqaziya”,
“Azəri Türk”, “Odlu Yurd” jurnallarındakı məqalələrin ümumi
siyahısı verilmiş, M. Ə. Rəsulzadəyə məxsusluğu əsaslandırıl-
mışdır.
S. Şimşirin sonradan Ankarada çap olunan “Azərbaycanlı-
ların Türkiyədə siyasi və kültürəl fəaliyyətləri (1920-1991)”
kitabında mühacirət mətbuatımız sistemli olaraq ciddi şəkildə
araşdırılmışdır.
Almaniyada nəşr edilən kitablar. 1938-ci ildə Berlində
M. B. Məmmədzadənin “Milli Azərbaycan hərəkatı” kitabı çap