1918. AZƏRBAYCAN QIRĞINLARI ŞƏKİL
VƏ SƏNƏDLƏRDƏ
126
Baxış protokolu
1918-ci il, 10 noyabr.
Mən, Azərbaycan Hökuməti yanında Fövqəladə Təhqiqat Komissiyasının
üzvü İsmayıl bəy Şahmalıyev, şahidlər - Şamaxı qəzası Çarhan kənd sakinləri
Müslim Gözəl oğlunun və Seyid Məcid Molla Mahmud oğlunun iştirakı ilə
Çarhan kənd məscidinə baxış keçirdim və aşağıdakıları müəyyən etdim:
Məscid kəndin mərkəzində yerləşir və kiçik həyəti ilə birlikdə təxminən 45
kvadrat sajın sahəni əhatə edir; uzunluğu 20, eni 14, salamat qalan divarların
hündürlüyü isə 6 arşındır; məscidin dam örtüyü yoxdur – tamamilə yanıb və
onun dəmir təbəqələri həyətə səpələnib; heç bir taxta hissələr yoxdur, yalnız
yanmış pəncərə və qapıların çərçivələrinin yerləri qalıb; məscidin kifayət
qədər qalın olan divarı uçmayıb. Bu məscidin şəkli 50-ci № ilə çəkilib.
Bununla protokol bitmişdir.
Şahidlər savadsızdır.
Komissiya üzvü: İ.Şahmalıyev (imza).
Dostları ilə paylaş: 
