Azərbaycan Respublikası İqtisadi İnkişaf Nazirliyi İQTİsadi İslahatlar
Yüklə 0,52 Mb. Pdf görüntüsü
|
- Bu səhifədəki naviqasiya:
- II. XARİCİ ƏLAQƏLƏR Ə məkdaşlıq müqavilələri.
- Xarici təşkilatlarla iş.
- III. İCTİMAİYYƏTLƏ ƏLAQƏLƏR Veb səhifənin idarəolunması.
- IV. LAYİHƏLƏRİN İDARƏ OLUNMASI
- VI. NƏŞR FƏALİYYƏTİ İqtisadi Əməkdaşlıq Təşkilatının “İqtisadiyyat” Jurnalı.
II. XARİCİ ƏLAQƏLƏR Ə məkdaşlıq müqavilələri. Hesabat ilində İnstitutun əməkdaşlıq etdiyi təşkilatlarla işlərin davam etdirilməsi ilə yanaşı əlaqələrinin genişləndirilməsi istiqamətində də müxtəlif tədbirlərin həyata keçirilməsi davam etdirilmişdir. Birgə tədqiqatların aparılması, elmi və elmi-texniki tədbirlərdə iştirak və kadr potensialının gücləndirilməsi kimi əməkdaşlıq əlaqələrinin nəzərdə tutulduğu 6 anlaşma memorandumu imzalanmışdır ki, onlardan 4-ü ikitərəfli, 2-si çoxtərəflidir.
Son illərdə olduğu kimi, hesabat ilində də İnstitutun əməkdaşları ölkəmizdə və xaricdə müxtəlif elmi və elmi-texniki tədbirlərdə iştirak etmək, sorğuların keçirilməsi məqsədilə 21Respublika xarici və 50 Respublika daxili ezamiyyələrdə olmuşlar. Respublika xarici ezamiyyələrin 5-i təşkilatçılar (Avropa İttifaqı, Beynəlxalq Valyuta Fondu, Dünya Bankının Tədqiqat İnstitutu), digərləri İnstitut tərəfindən maliyyələşdirilmişdir. İnstitutun əməkdaşları Almaniya, Avstriya, Türkiyə, Rusiya, Qazaxıstan, Estoniya, Cənubi Koreya, Portuqaliya, Çexiya, Ukrayna və İran İslam respublikalarında ezamiyyədə olmuşlar. Respublika daxili bütün ezamiyyələr İnstitut tərəfindən maliyyələşdirilmişdir. Görüşlər. Hesabat ilində İnstitutda xarici qonaqlarla 20-dən çox görüş keçirilmişdir. Türkiyənin Bakıdakı Səfirliyinin inkişaf, iqtisadiyyat və ticarət üzrə müşavirləri, Türkiyə Respublikasının Elm, Sənaye və Texnologiya Nazirliyinin Kiçik və Orta Müəssisələrin İnkişafı Təşkilatının (KOSGEB) nümayəndə heyəti,
Sabancı Universitetinin əməkdaşı, “Chemonics” Şirkətinin nümayəndələri, İslam İnkişaf Bankının nümyəndələri, Birləşmiş Millətlərin Qida və Kənd-təsərrüfatı Təşkilatının (UN FAO) aqrobiznes və sahibkarlığın inkişafı üzrə eksperti (Stjepan Tanic), İslam Ölkələrinin Statistika, İqtisadiyyat və Sosial Tədqiqatlar və Təlim Mərkəzi (SESRİC) Təlim və Tədqiqatlar Departamentinin rəhbəri, Yalova Universitetinin əməkdaşları, Qırğızıstanın Turk-Manas Universitetinin rektoru, Türkiyənin Özyeğin Universitetinin ə məkdaşları və Dünya Bankının nümayəndələri ilə keçirilmiş görüşlər gələcək əməkdaşlıq və perspektiv imkanların qiymətləndirilməsi cəhətdən İnstitut üçün xüsusi əhəmiyyət daşımışdır. Beynəlxalq təşkilatlarla iş. Son illərdə, xüsusi ilə 2011-ci ildən etibarən İqtisadi Əməkdaşlıq Təşkilatı (ECO) ilə sıx əməkdaşlıq hesabat ilində də davam etdirilmişdir. Belə ki, 2013-cü ilin 26 dekabr tarixində İran İslam Respublikasının Tehran şəhərində keçirilən İƏT-in Nazirlər Şurasının 21-ci İclasında Bakıda “İƏT-in Tədqiqat Mərkəzi”nin Nizamnaməsi sonuncu dəfə müzakirə edilmiş və təsdiq edilmişdir. Mərkəzin yaradılması təşəbbüsü ilk dəfə İƏT- in 5 may 2006-cı il tarixində Bakıda keçirilmiş IX sammitində (Zirvə Toplantısında) Azərbaycan Respublikasının prezidentiCənab İlham Əliyev tərəfindən irəli sürülmüşdür. Bu təklif sammitin “Bakı Deklarasiyası–2006” sənədinin xxıı bəndində öz əksini tapmaqla yanaşı sonradan İƏT-in Daimi Nümayəndələr və Regional Planlaşdırma şuralarının iclaslarında və digər tədbirlərdə gündəliyə daxil edilmişdir. 2009-cu ildən başlayaraq İqtisadi İslahatlar Elmi-Tədqiqat İnstitutu tərəfindən mərkəzin əsasnaməsi hazırlanmış və quruma təqdim edilməsi üçün müvafiq hazırlıq işləriaparılmışdır. Bundan sonra, 2010-2013-cü illərdə bu məsələ qurumun müxtəlif tədbirlərində davamlı olaraq gündəliyə daxil edilmiş, eləcədə İnstitutun nümayəndələrinin iştirakı ilə keçirilən
bir sıra tədbirlərdə (3-4 may 2011-ci ildə Astanada (Qazaxıstan) ekspertlərin 1-ci iclası, 7-8 noyabr 2012-ci ildə Bakıda Daimi nümayəndələrin 2-ci iclasında, 21-22 avqust 2013- cü ildə İssik-Kulda Daimi nümayəndələrin 3-cü iclasında, 5-6 sentyabr 2013-cü ildə Bakıda I “Bakı Forum-Konfransı”nda) geniş müzakirə olunmuşdur. İƏT-lə əməkdaşlıq sadalananlarla bitməmişdir. 2012-ci ildə İnstitut tərəfindən quruma maliyyələşmə üçün təqdim edilmiş iki layihə təklifi üzrə qərar 11 noyabr tarixində İran İslam Respublikasının Tehran şəhərində keçirilən Daimi Nümayəndələr Şurasının 189-cu iclasında qəbul edilmişdir. Beləki, “İqtisadi Əməkdaşlıq Təşkilatına üzv ölkələrdə ekoloji təmiz kənd təsərrüfatının inkişaf etdirilməsi və qurumlararası ə məkdaşlıq imkanlarının və təcrübənin gücləndirilməsi” mövzusunda tədqiqat layihəsinin 2014-cü ildə icrasına başlanması haqqında qərar qəbul edilmiş, “İqtisadi Ə məkdaşlıq Təşkilatına üzv ölkələrdə Ümumi Tarazlıq Modelinin tətbiq imkanlarının araşdırılması və potensialın gücləndirilməsi” mövzusunda tədqiqat layihəsinin isə digər üzv ölkələrin, beynəlxalq təşkilatların iştirakı ilə genişləndirilmiş şəkildə təqdim olunması tövsiyə edilmişdir. Hesabat ilində həmçinin, İnstitutun İƏT-lə əməkdaşlıq və “EcoMod Network” Şirkəti ilə birgə təşkilatçılığı çərçivəsində 5-6 sentyabr tarixlərində Bakı şəhərində “İqtisadi Əməkdaşlıq Təşkilatına üzv ölkələrin İqtisadi Beyin Mərkəzlərinin I Bakı Forumu” və “Enerji, regional inteqrasiya və sosial-iqtisadi inkişaf” mövzusunda I Beynəlxalq Konfrans keçirilmişdir. İƏT-in maliyyələşmə qaydalarına uyğun olaraq, üzv ölkələrdən 2 nəfərin yol xərcləri İƏT, qonaqlar üçün digər xərclər İnstitut tərəfindən qarşılanmışdır. 2 gün davam edən I “Bakı Forum-Konfransı”nda İƏT-in Baş katibi Şamil Ə ləsgərov başda olmaqla, İƏT-in Ticarət və İnkişaf Bankını, Türk Əməkdaşlıq və İnkişaf Agentliyinin (TİKA) Baş ofisini, təşkilatçı “EcoMod Network” Şirkətini, Türkiyənin Orta Doğu Texniki Universitetinin Texnoparklar bölməsini, Birləşmiş Millətlər Universitetinin Müqayisəli Regional Tədqiqatlar İnstitutunun (UNU-CRIS) nümayəndələri ilə yanaşı ümumilikdə İran, Pakistan İslam, Brüssel, Türkiyə, Yaponiya, Malayziya, İtaliya, Qazaxıstan, Qırğızıstan və Tacikistan respublikalarından 50-yə yaxın xarici qonaq iştirak etmişdir. Geniş və maraqlı elmi müzakirələrin aparıldığı I “Bakı Forum-Konfransı”nın yekununda bir daha üzv ölkələrin bir sıra sahələrdə birgə tədqiqatların aparılmasını, əməkdaşlıq əlaqələrinin istər bərpası, istərsə də yenilərinin qurulmasının əhəmiyyəti, həmçinin, gənc alimlər və tədqiqatçılara yer ayrılması, onların öz potensiallarının üzə çıxarılmasına şərait yaradılması xüsusilə vurğulanmış, bu kimi işlərin gənclərin inkişafında xüsusi həvəsləndirici rola malik olmasına görə daha da genişləndirilməsi tövsiyə olunmuşdur. Tədbirdə həmçinin, ən yaxşı təqdimat, yaxşı təşkilatçılığa və fəal iştiraklarına görə müxtəlif nominasiyalar üzrə qaliblərə mükafatlar təqdim olunmuşdur. İnstitutun 50 illik yubileyi münasibətilə II “Bakı Forum-Konfrası”nın 2014-cü ilin 1-3 oktyabr tarixlərində ölkəmizdə keçirilməsi qərara alınmışdır və bu istiqamətdə müvafiq işlərin görülməsinə başlanılmışdır. 2013-cü ilin 6 dekabr tarixində Bakıda keçirilməsi planlaşdırılan İƏT-in “İqtisadiyyat” Jurnalının 2-ci iclası isə qurumda maliyyə çatışmazlığı səbəbi ilə 2014-cü ilin aprel ayına təyin edilmişdir. Hesabat ilində digər İslam İnkişaf Bankının (IDB) müraciəti ilə İnstitutun və İslam Ölkələrinin Statistika, İqtisadiyyat və Sosial Tədqiqatlar və Təlim Mərkəzinin (SESRIC) birgə təşkilatçılığı ilə 12-14 noyabr tarixlərində “Çoxtərəfli ticarət sistemi və ÜTT” mövzusunda təlim keçirilmişdir. Təlimdə İnstitutun doktorantları və əməkdaşları ilə yanaşı, Bakı Dövlət və Qafqaz universitetlərinin də əməkdaşları da iştirak etmişlər.
Xarici təşkilatlarla iş. Hesabat ilində Türkiyə Respublikasının Özyeğin Universitetinin müraciəti əsasında 3 iyun tarixində Özyeğin Universitetinin, Azərbaycan Respublikasının İqtisadi İnkişaf Nazirliyinin, İqtisadi İslahatlar Elmi-Tədqiqat İnstitutunun, Bakı Biznes Tədris Mərkəzinin və Azərbaycanda İxracın və İnvestisiyaların Təşviqi Fondunun (AZPROMO) birgə təşkilatçılığı ilə “Sosial-iqtisadi inkişafda sahibkarlığın rolu: Türkiyə-Azərbaycan təcrübəsi” mövzusunda beynəlxalq praktiki konfrans keçirilmişdir.200-yə yaxın nümayəndənin iştirakı ilə təşkil edilmiş konfransda məqsəd sahibkarlığın inkişaf etdirilməsində Türkiyə təcrübəsinin öyrənilməsindən və bu sahədə Azərbaycandakı təşkilatlarla əməkdaşlıq imkanlarının müzakirə edilməsindən ibarət olmuşdur. Konfransda həmçinin, “Virtual Birja” online müsabiqəsinin qalibləri də müklafatlandırılmışlar. “Virtual Birja” online müsabiqəsi ATİG (Advised Trading İnvestment Group) Qiymətli Kağızlar təşkilatının və Özyeğin Universitetinin birgə ə məkdaşlığı ilə internet üzərində (online rejimdə) 8 aprel-6 may tarixlərində keçirilmişdir, müsabiqədə Azərbaycandan 166 tələbə iştirak etmişdir. Qaliblərə (Təbriz Məmmədli (Qafqaz Universiteti), Ayxan Hüseynli və Tural Rüstəmov (Azərbaycan Dövlət Aqrar Universiteti)) mükafatları Universitetin rektoru Erhan Erkut və ATİG İdarə Heyətinin sədri Mustafa Özen təqdim etmişlər. Özyeğin Universiteti Hüsnü M.Özyeğin Vakfı tərəfindən təsis edilmişdir. 5 fakültəsi və 18 ali təhsil proqramı ilə 127 min kvadrat metrlik sahə ilə Çekmeköydə yerləşən Universitetdə 20-dən çox Azərbaycanlı tələbə təhsil alır. “Ölkə turu: Azərbaycan” (“Country Tour: Azerbaijan”) mövzusunda görüş isə ABŞ-ın Brandies Universitetinin müraciəti əsasında 4 iyun tarixində təşkil edilmişdir. Tədbir professor Can Erbilin rəhbərliyi ilə adı çəkilən Universitetin 26 MBA (Master Business Administaration) magistr tələbələrinin iştirakı ilə təşkil edilmişdir. Bununla yanaşı Universitetin müraciətinin təmin edilməsi məqsədilə xarici qonaq tələbələrin Azərbaycan Diplomatik Akademiyası, Milli Bankın Tədqiqat Mərkəzi, “Azərsun” holding, Qafqaz Universiteti, Azərbaycan-Türkiyə İş Adamları Birliyi (ATİB), Azərbaycanda İxracın və İnvestisiyaların Təşviqi Fondunun (AZPROMO), Azərbaycan Türk Sənayeçi və İşadamları Beynəlxalq Cəmiyyəti (TUSİAB) və Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK) ilə görüşlərin keçirilməsinə köməklik göstərilmişdir. Görüşlərdə tələbələrə ölkəmiz, onun müstəqillikdən bu günədək keçmiş olduğu inkişaf yolu haqqında ətraflı məlumat verilmiş, ölkəmiz haqında onları maraqlandıran suallar cavablandırılmışdır. Hesabat ilində uğurla davam etdirilən əməkdaşlıqlardan biri də Türkiyə Respublikası Baş Bakanlığının Türk Əməkdaşlıq və Koordinasiya Agentliyi (TIKA) ilə olan əməkdaşlıqdır. Qurumla əməkdaşlıq çərçivəsində İnstitutda “İnnovasiya və Təlim Mərkəzi”nin qurulması layihəsi başa çatdırılmışdır. Kadr hazırlığında və innovativ elmi-texniki imkanların genişləndirilməsində müasir texnoloji vasitələrdən istifadə edilməsi məqsədilə qurulan Mərkəz “LifeSize” avadanlığı vasitəsilə video-əlaqə (telemost), “Smart Lövhə” (“Ağıllı Lövhə”) vasitəsilə təlimlərin intellektual idarəolunması, təlimdən sonra vəsaitlərin elektronlaşdırılması başa çatdırılmış, istifadəçilərin hər biri çap vasitələrindən faydalanma imkanları ilə təchiz olunmuşdur. Mərkəzin qurulmasında TİKA tərəfindən avadanlıqların alınması, İnstitut tərəfindən otaqların ayrılması, təmiri, zəruri gücdə internetə çıxış və informasiya texnologiyaları avadanlıqları ilə təmin olunması həyata keçirilmişdir. Bu işdə İnstitut tərəfindən öhdəliklərin həyata keçirilməsində İstehlak Bazarına Nəzarət və Antiinhisar Siyasəti Dövlət Xidməti də köməklik göstərmişdir. İstifadəsinə başlanılmış Mərkəzin aktiv iştirakçı tutumu 35, qeyri-aktiv iştirakçı tutumu isə 80-100 nəfərdir.
III. İCTİMAİYYƏTLƏ ƏLAQƏLƏR Veb səhifənin idarəolunması. İnstitutun fəaliyyətihaqqında geniş ictimaiyyətin məlumatlandırılması və müsbət imicin formalaşdırılması məqsədilə hesabat ili ərzində veb səhifəsi vasitəsilə davam etdirilmişdir. Əvvəlki illərdə olduğu kimi məlumatların işıqlandırılmasıazərbaycan və ingilis dillərində olmaqla iki dildə aparılmışdır. Hesabat ili ərzində sayta istər oxucular, istərsə də xəbər (yayım) agentlikləri tərəfindən marağın artımı və sayt vasitəsilə yayımlanan xəbərlərə istinadların sayının artımı müşahidə olunmaqla davam etmişdir.Ümumilikdə, hesabat ili ərzində veb səhifədə 58-i press-reliz, 14-ü elan və 6-sı məlumat olmaqla müxtəlif məzmunlu 78xəbər mətni yerləşdirilmişdir. Xəbərlərin aylar üzrə dinamikası aşağıdakı qrafikdə öz əksini tapmışdır:
Kütləvi İnformasiya Vasitələrində işıqlandırılma.
İnstitutda görülən işlərin müxtəlif mətbu orqanlarda işıqlandırılması hesabat ilində davam etdirilmişdir. Belə ki, V.Vəliyev “Azərbaycanda həyata keçirilən iqtisadi islahatlar dərin elmi əsaslara malikdir” və Ə.Nuriyev, V.Vəliyev “Görkəmli dövlət xadimi, qayğıkeş insan” adlı məqalələr “Xalq qəzeti”nin 15 aprel və 26 sentyabr tarixlərində yayımlanmışdır. Bununla yanaşı İnstitutun təşkilatçılığı ilə keçirilmiş müxtəlif tədbirlərin işıqlandırılması “Respublika”, “Azərbaycan”, “Palitra” qəzetlərinin ayrı-ayrı saylarında davam etdirilmişdir.
IV. LAYİHƏLƏRİN İDARƏ OLUNMASI
Hesabat ilində Azərbaycan Respublikası Nazirlər Kabinetinin 252s nömrəli 2013- cü il 12 sentyabr tarixli Sərəncamına əsasən “Dövlət büdcəsinin “İqtisadi islahatların həyata keçirilməsi ilə bağlı xərclər” maddəsində nəzərdə tutulan vəsait hesabına “Azərbaycan Respublikasında çoxölçülü meyarlar əsasında yoxsulluq indeksinin qiymətləndirilməsi”, “Kənd təsərrüfatında subsidiyalaşdırma sahəsində mövcud vəziyyətin təhlili və mütərəqqi beynəlxalq təcrübə nəzərə alınmaqla, bu prosesin təkmilləşdirilməsi üzrə tövsiyələrin hazirlanmas” və “Ekoloji təmiz kənd təsərrüfatının inkişaf etdirilməsi sahəsində mütərəqqi beynəlxalq təcrübənin öyrənilməsi və inkişaf planının hazırlanması” mövzularında tədqiqat işləri həyata keçirilmişdir. V. ELMİ VƏ ELMİ-TEXNİKİ TƏDBİRLƏR
Hesabat ilində kadr potensialının gücləndirilməsi məqsədilə müxtəlif elmi və elmi- texniki tədbirlərin təşkil edilməsi davam etdirilmişdir.
İnstitutun təşkilatçılığı ilə xarici məruzəçilərlə 7 seminar, 2 dəyirmi masa, 2 beynəlxalq konfrans, 1 Forum, beynəlxalq əməkdaşlıq çərçivəsində 1 təlim və xarici tələbələrlə görüş təşkil edilmişdir. Eləcədə, İnstitutda təhsil alan
doktorantlar üçün“Makroiqtisadiyyat”, “Mikroiqtisadiyyat” və “İnnovasiya” fənləri üzrə dərslər tədris edilmişdir. Həmçinin,Bakı Dövlət, Azərbaycan Dövlət İqtisad,Qafqaz, Azərbaycan İctimai Siyasi və Bakı Slavyan universitetlərindən, Azərbaycan Respublikası Prezidenti yanında Dövlət İdarəçilik və Milli Aviasiya akademiyaslarından 88 nəfər tələbə istehsalat təcrübəsində iştirak etmişlər. Hesabat ilində İnstitutun əməkdaşları Nazirliyin, tabelikdə olan və olmayan digər qurumları tərəfindən təşkil edilmiş 30-dan çox müxtəlif təlim, konfrans və tədbirlərdə iştirak etmişlər.
VI. NƏŞR FƏALİYYƏTİ İqtisadi Əməkdaşlıq Təşkilatının “İqtisadiyyat” Jurnalı. Hesabat ilində İƏT-in “İqtisadiyyat” Jurnalının fəaliyyətinin davam etdirilməsi istiqamətində işlər davam etdirilmişdir. İlk iclası 8 noyabr 2012-ci il tarixində Bakıda keçirilən Jurnalın Redaksiya Heyətinin üzvlərinin (Türkmənistan istisna olmaqla) məqalələri toplanmış və mütəxəssislərə rəyə təqdim olunmuşdur. Jurnalın fəaliyyətinin yenilənmiş qaydalarına uyğun olaraq, rəylər əsasında Jurnalın ilk nömrəsinin elektron variantı hazırlanmışdır. Redaksiya Heyətinin 6 dekabr 2013-cü il tarixində Bakıda keçirilməsi planlaşdırılmış 2-ci iclası üzrə müvafiq hazırlıq işlərinin aparılmasına baxmayaraq, qurumda maliyyə çatışmazlığı səbəbindəniclas təxirə salınmış və 2014-cü ilin aprel ayında keçirilməsi qərarlaşdırılmışdır. İclasda Jurnalın ilk sayının müzakirə edilməsi, Jurnalın fəaliyyət istiqamətlərinin, fəaliyyət üzrə yeni qaydaların, rəylərin toplanması mexanizmləri kimi məsələlərin müzakirə edilməsi nəzərdə tutulur.
Hesabat ilində İnstitutun fəaliyyətinə uyğun olaraq, sahibkarların və geniş ictimaiyyətin maarifləndirilməsi istiqamətində A.H.Tağıyevin müəllifliyi ilə
“Müəssisələrin inkişafında françayzinq dəstəyindən necə istifadə etməli? (müəssisə menecerləri üçün)”, “Müəssisələrin rəqabətlilik qabiliyyətini necə yüksəltməli?” və “İnnovasiya: sual-cavabda” adlı 3 cib-kitabçası, H.Eynalov, A.Davudov, M.A.Yetginin müəllifliyi ilə “Gələcək nəsillər üçün ekoloji təmiz kənd təsərrüfatı” adlı kitab və tədqiqat layihəsinin yekunları üzrə “Logistika terminlərinin izahlı lüğəti” adlı lüğət hazırlanmışdır. Eləcə də, İnstitutun “Elmi əsərlər toplusu”nun 8-11-ci buraxılışları tirajla nəşr olunmaq üçün hazırlanmış və nəşriyyata təqdim edilmişdir.
VII. ELMİ KATİBLİK ÜZRƏ İŞLƏR
2013-cü il ərzində İnstitutun Elmi Şurasının 7 iclası keçirilmişdir. İclaslarda İnstitutda yerinə yetirilən elmi-tədqiqat işlərinin mövzuları, doktorant və dissertantların dissertasiya işlərinin mövzuları və s. bu kimi məsələlərin müzakirələri təşkil olunmuş, həmçinin doktorantlarının attestasiyalarının nəticələri, 2013-cü ildə İnstitut tərəfindən yerinə yetirilən elmi-tədqiqat işlərinin planına dəyişikliklərin edilməsi ilə bağlı təkliflər müzakirə edilmiş və müvafiq qərarlar qəbul edilmişdir. Azərbaycan Respublikası Nazirlər Kabinetinin 1 iyul 2010-cu il tarixli 129 nömrəli “Doktoranturaların yaradılması və doktoranturaya qəbul Qaydaları”nın təsdiq edilməsi haqqında Qərarı vəfəlsəfə doktoru və elmlər doktoru hazırlığı üzrə doktoranturaya qəbul məqsədilə “Respublika” qəzetinin 28 noyabr 2013-cü il tarixli, 261 (4844) saylı sayında verilmiş qəbul elanına əsasən İqtisadi İslahatlar Elmi-Tədqiqat İnstitutunda doktoranturaya sənəd qəbulu başlamışdır. Sənəd qəbulu dekabr ayının 25-də yekunlaşmışdır. Növbəti mərhələdə imtahanların keçirilməsi nəzərdə tutulur. 23 dekabr 2013-cü il tarixində İnstitutda təhsil alan doktorantların attestasiyası keçirilmişdir. Bu günkü tarixə İnstitutda fəlsəfə doktoru proqramı üzrə 4 nəfər2-ci kurs əyani, 8 nəfər2-ci kurs qiyabi, 2 nəfər3-ci kurs əyani, 10 nəfər3-ci kurs qiyabi olmaqla, 24 doktorant və 22 dissertant, elmlər doktoru proqramı üzrə isə 7 dissertant təhsil alır. 2013-cü il 30 dekabr tarixindən fəlsəfə doktoru proqramı üzrə təhsil alan dissertantlardan 5 nəfəri təhsil müddətinin sona çatması ilə əlaqədar olaraq doktoranturadan xaric edilmişdir. 2013-cü ildə İnstitutun doktorant və dissertantlarından 5 nəfəri dissertasiya işlərini ilkin variantda bitirərək təqdim etmiş, onların namizədlik dissertasiyları ilkin müzakirədən müvəffəqiyyətlə keçmiş və müvafiq Dissertasiya Şuralarına təqdim olunmaları haqda qərar qəbul edilmişdir. Eyni zamanda, İqtisadi İslahatlar Elmi- Tədqiqat İnstitutu tərəfindən aparıcı təşkilat kimi 14 namizədlik və 1 doktorluq disserta- siya işlərinin müzakirəsi təşkil edilmiş, onlara müvafiq rəylər verilmişdir. Bir sıra disser- tasiya işlərinin avtoreferatlarına, dissertasiya işlərinin əsas müddəalarını özündə əks etdirən təhriri-məruzələrə İnstitutun əməkdaşları tərəfindən müvafiq rəylərin verilməsi təmin olunmuşdur. Hesabat dövründə İnstitutun kitabxana fondu yeni elmi ədəbiyyatlarla zənginləşdirilmişdir.
Yüklə 0,52 Mb. Dostları ilə paylaş:
|