Azərbaycan Respublikası
İqtisadi İnkişaf Nazirliyinin
"04" "may" 2007-ci il tarixli
216 saylı əmri ilə
təsdiq
edilmişdir
AZƏRBAYCAN RESPUBLİKASI
İQTİSADİYYAT NAZİRLİYİ
İqtisadi İslahatlar Elmi-Tədqiqat İnstitutunun
Əsasnaməsi
I Ümumi müddəalar
1.1. Azərbaycan Respublikası İqtisadiyyat Nazirliyinin İqtisadi İslahatlar Elmi-
Tədqiqat İnstitutu (bundan sonra - institut) Azərbaycan Respublikası Prezidentinin
"Azərbaycan
Respublikası
İqtisadi
İnkişaf
Nazirliyinin
fəaliyyətinin
təkmilləşdirilməsi ilə bağlı tədbirlər haqqında" 28 dekbr 2006-ci il tarixli 504 saylı
Fərmanı ilə Azərbaycan Respublikası İqtisadi İnkişaf Nazirliyinin İqtisadi
İslahatlar Mərkəzinin və Azərbaycan Elmi-Tədqiqat Elmi-Texniki İnformasiya və
Texniki Tədqiqatlar İnstitutunun bazasında yaradılmışdır.
1.2. İnstitut öz fəaliyyətində Azərbaycan Respublikasının Konstitusiyasını,
Azərbaycan Respublikasının qanunları, Azərbaycan Respublikası Milli Məclisinin
qərarlarını, Azərbaycan Respublikası Prezidentinin fərman və sərəncamlarını,
Azərbaycan Respublikasının tərəfdar çıxdığı beynəlxalq müqavilələri, Azərbaycan
Respublikası Nazirlər Kabinetinin qərar və sərəncamlarını, Azərbaycan
Respublikası İqtisadiyyat Nazirliyinin (bundan sonra- nazirlik) əmr və
sərəncamlarını və bu Əsasnaməni rəhbər tutan, səlahiyyətləri daxilində idarəetmə
və tədris funksiyalarına da malik olan yüksək kateqoriyalı elmi-tədqiqat
müəssisəsidir.
1.3. İnstitut hüquqi şəxsdir, müstəqil balansa, istifadə hüququ ilə ona verilmiş
əmlaka, bank idarələrində müvafiq hesablara, öz adı və Azərbaycan
Respublikasının Dövlət Gerbinin təsviri həkk olunan möhürə, müvafiq ştamplara
və nümunəvi blanka malikdir.
1.4. İnstitutun hüquqi ünvanı: Az-1012, Azərbaycan Respublikası, Bakı şəhəri,
Həsənbəy Zərdabi prospekti, 88A.
II. İnstitutun funksiyaları
2.1 . İnstitut aşağıdakı funksiyaları həyata keçirir:
2.1.1 Nazirliyin fəaliyyət istiqamətləri və vəzifələri çərçivəsində elmi tədqiqatların
aparılmasını təşkil edir;
2.1.2 Azərbaycan Respublikası sosial-iqtisadi inkişaf siyasətinin, o cümlədən
iqtisadi islahatların həyata keçirilməsi strategiya və taktikasının elmi əsaslarını
işləyib hazırlayır;
2.1.3 Dövlət sosial-iqtisadi inkişaf siyasətinin strateji istiqamətlərinin
müəyyənləşdirilməsində, bu istiqamətlər üzrə konsepsiya və proqramlar
hazırlanmasında iştirak edir, təklif və tövsiyələr verir;
2.1.4 Ölkə iqtisadiyyatının dünya iqtisadi sisteminə inteqrasiyasının beynəlxalq
iqtisadi və maliyyə təşkilatları ilə əməkdaşlığın və öllkənin iqtisadi
təhlükəsizliyinin təmin olunmasının elmi əsaslarını işləyib hazırlayır və bu
istiqamətdə təklif və tövsiyələr verir;
2.1.5 Ölkə iqtisadiyyatında struktur və innovasiya sahəsində dövlət siyasətinin elmi
əsaslarının hazırlanmasında iştirak edir, təklif və tövsiyələr verir;
2.1.6 İnvestisiyaların cəlb edilməsinin, investisiya mühitinin fəallaşdırılmasının,
təkmilləşdirilməsinin dövlət investisiya siyasətini formalaşdırılması və həyata
keçirilməsinin, investisiya layihələşdirilməsinin və ekspertizanın nəzəri-metodoloji
əsaslarını hazırlayır, bu sahədə tədqiqat işləri aparır;
2.1.7 Dövlət iqtisadi-idarəetmə və maliyyə siyasətinin elmi-metodoloji əsaslarının
hazırlanmasında və bu sahədə tədqiqatların aparılmasında iştirak edir;
2.1.8 Sahibkarlığın inkişafı və dövlət yardımı sahəsində siyasətin elmi əsaslarını
formalaşdırır və onun daimi təkmilləşdirilməsi ilə bağlı təklif və tövsiyələr
hazırlayır;
2.1.9 İqtisadiyyatın müxtəlif sahələri üzrə mütəxəssislər hazırlayır və onların
ixtisas səviyyəsinin müasir tələblər baxımından təkmilləşdirilməsi məqsədi ilə
ixtisasartırma kursları, treninq və seminarlar təşkil edir;
2.1.10 İqtisadi inkişaf siyasəti və islahatların həyata keçirilməsi ilə əlaqədar
hazırlanmış layihələrə rəy verir;
2.1.11 İnvestisiya layihələrinin kompleks təhlilində iştirak edir;
2.1.12 İqtisadiyyata, o cümlədən iqtisadi islahatlara dair dair normativ-hüquqi
aktların layihələrinin hazırlanmasında və ekspertizasında iştirak edir;
2.1.13.Regionların iqtisadi inkişafı, habelə onlarda iqtisadi islahatların həyata
keçirilməsi ilə bağlı tədqiqatlar aparır və bu istiqamətdə təklif və tövsiyələr
hazırlayır;
2.1.14. İqtisadi islahatların vəziyyətini, sosial siyasətin həyata keçirilməsini təhlil
edərək, tədqiqatlar aparır və müvafiq hesabatlar hazırlayır, təklilflər verir;
2.1.15. Öz səlahiyyətləri daxilində xarici və beynəlxalq iqtisadi və maliyyə
təşkilatları ilə əmakdaşlıq edir;
2.1.16. İqtisadi və sosial proqramların həyata keçirilməsini təhlil edir və rəy verir;
2.1.17. Regional və sahəvi inkişaf proqramlarının layihələrinin hazırlanmasında və
ekspertizasında iştirak edir;
2.1.18. Ölkədə həyata keçirilən sosial-iqtisadi inkişaf siyasəti və islahatlar
haqqında kütləvi informasiya vasitələrində şərhlər verir, təbliğat aparır və s;
2.1.19. Müəyyən olunmuş qaydada informasiya məhsullarının hazırlanmasını və
nəşrini təşkil edir;
2.1.20.Müxtəlif elmlər sahəsində ölkədə yerinə yetirilmiş elmi işlərin
deponentləşdirilməsinin təşkil edilməsini təmin edir;
2.1.21. Ölkədə elmi-texniki və iqtisadi informasiya sistemlərinin işlənib
hazırlanması və təkmilləşdirilməsi prosesində iştirak edir;
2.1.22. İstifadəçilərin informasiya tələbatlarının proqnozlaşdırılması, öyrənilməsi
və təhlil edilməsini həyata keçirir;
2.1.23.Ölkədə elmi-tədqiqat, təcrübi-konstruktor işlərinin, müdafiə olunmuş
dissertasiyaların, qeydiyyatdan keçmiş ixtiraların və əmtəə nişanlarının, ayrı-ayrı
sahələr üzrə məlumat bankları və bazaların yaradılmasında iştirak edir;
2.1.24.Müqavilə əsasında ölkənin dövlət orqanlarının, birliklərinin, müəssisə və
təşkilatlarının, habelə ayrı-ayrı mütəxəssislərin informasiya ilə təmin olunmasını
təşkil edir;
2.1.25. Elmi-texniki informasiya məhsulları və xidmətləri üzrə milli standartların
işlənib hazırlanmasında iştirak edir;
2.1.26. Aspirantura, doktorantura və digər təhsil formaları vasitəsi ilə yüsək ixtisas
kadrlar hazırlayır və ixtisaslarının aparılmasını təşkil edir;
III. İnstitutun əsas vəzifələri
3.1. İnstitutun əsas vəzifələri aşağıdakılardan ibarətdir:
3.1.1. Ölkədə davamlı və dinamik iqtisadi inkişafın təmin olunmasının, o cümlədən
iqtisadi islahatların həyata keçirilməsinin strategiya və elmi əsaslarının işlənilməsi;
3.1.2. Dövlətin sosial-iqtisadi inkişafına dair strateji istiqamətlərinin
müəyyənləşdirilməsi və bu istiqamətlər üzrə konsepsiya, proqram, təklif və
tövsiyələr hazırlanması;
3.1.3. Milli iqtisadiyyatın dünya iqtisadi sisteminə səmərəli inteqrasiya olunması,
beynəlxalq iqtisadi və maliyyə təşkilatları ilə əməkdaşlığın genişləndirilməsinin və
ölkənin iqtisadi təhlükəsizliyinin təmin olunmasının elmi əsaslarının işlənilməsi;
3.1.4. Ölkədə sosial-iqtisadi inkişafın gedişinin təhlili, qiymətləndirilməsi,
modelləşdirilməsi və proqnozlaşdırılması istiqamətində tədqiqatlar aparılması və
iqtisadi inkişaf siyasətini həyata keçirən dövlət idarəetmə orqanları ilə əməkdaşlıq
edilməsi;
3.1.5. Ölkə iqtisadiyyatında struktur və innovasiya sahəsində dövlət siyasətinin
elmi-metodoloji əsaslarının işlənilməsi;
3.1.6. İnvestisiyaların cəlb edilməsi və həyata keçirilməsi, dövlət investisiya
layihələri sahəsində elmi-metodoloji əsasların hazırlanması;
3.1.7. Dövlət iqtisadi idarəetmə və maliyyə siyasətinin elmi-metodoloji əsaslarının
hazırlanması;
3.1.8. Sahibkarlığın inkişafı və sahibkarlığa dövlət yardımı sahəsində siyasətin
elmi və metodoloji əsaslarının hazırlanması;
3.1.9. İqtisadiyyat sahəsi üzrə mütəxəssislərin hazırlanması və onların ixtisasını
artırmaq istiqamətində tədris tədbirlərinin həyata keçirilməsi;
3.1.10. Ölkədə iqtisadi islahatların həyata keçirilməsi, müasir iqtisadi inkişaf
problemlərinin tədqiqi ilə bağlı yerli və beynəlxalq elmi-praktik konfransların,
simpoziumların və digər tədbirlərin həyata keçirilməsi;
3.1.11. Regional və sahəvi inkişaf proqramlarının layihələrinin hazırlanması və
ekspertizası;
3.1.12. İqtisadi islahatlar haqqında kütləvi informasiya vasitələrində şərhlər
verilməsi, təbliğatın aparılması;
3.1.13. Elmi-texniki və iqtisadi informasiyanı toplanması, işlənməsi, saxlanması,
yayılması, informasiya ehtiyatlarının formalaşdırılması, informasiya sistemlərinin
yaradılması, informasiya texnologiyaları və onların təminat vasitələrinin istifadə
edilməsi, elmi-texniki informasiya fəaliyyətinə aid tədqiqatların aparılması,
informasiya materiallarının nəşr edilməsi və s;
3.1.14. Nazirlik tərəfindən İnstitutun funksiyalarına aid olan məsələlərə dair
verilən tapşırıqların icrası;
IV. İnstitutun hüquqları
4.1. İnstitutun öz əsas vəzifələrini yerinə yetirmək və funksiyalarını həyata
keçirmək üçün aşağıdakı hüquqları vardır:
4.1.1. İnstitut adından müqavilələr bağlamaq, əmlak və qeyri-əmlak hüquqları əldə
etmək və qanunvericilikdə nəzərdə tutlan digər qaydada müvafiq öhdəliklər
daşımaq;
4.1.2. Səlahiyətləri daxilində dövlət orqanlarından, hüquqi və fiziki şəxslərdən
müəyyən qayada zəruri məlumatlar və arayışlar almaq;
4.1.3. Səlahiyyətlərinə aid edilmiş məsələlərin yerinə yetirilməsi üçün
qanunvericilikdə müəyyən edilmiş qaydada ekspertlər cəlb etmək, onlarla
müqavilələr (kontraktlar) bağlamaq;
4.1.4. Aidiyyatı təşkilatların, elmi-tədqiqat müəssisələrinin mütəxəssislərinin
iştirakı ilə elmi-praktik konfranslar, müşavirələr, simpoziumlar, seminarlar və bu
kimi elmi tədbirlər keçirmək;
4.1.5. Aspirantura, doktorantura və digər təhsil formaları vasitəsi ilə yüksək
ixtisaslı elmi kadr hazırlığını təşkil etmək;
4.1.6. Müxtəlif kateqoriyalı mütəxəssislər üçün ixtisasartırma kursları təşkil etmək;
4.1.7. İqtisadiyyat elmi və ölkə iqtisadiyatının aktual məslələrinin elmi şərhini
vermək, elmi-tədqiqat işlərinin nəticələrini, elmi məqalələri, məruzələri və sair
elmi-praktik jurnal, dövri məlumat, kitab, kitabça şəklində çap etmək üçün
müəyyən olunmuş qaydada nəşriyyat fəaliyyətini həyata keçirmək;
4.1.8. Ödənişli əsaslarla hüquqi və fiziki şəxslər üçün elmi-tədqiqat işləri aparmaq
və fəaliyyətinə uyğun qanunvericilikdə qadağan olunmayan digər xidmətləri
göstərmək;
4.1.9. Öz vəzifə və funksiyalarını həyata keçirmək üçün hüquqi şəxs statuslu
qurumlarını yaratmaq.
4.1.10. Öz vəzifə və funksiyalarına uyğun olaraq digər hüquqlarından istifadə
etmək;
V. İnstitutun maliyyə- təsərrüfat fəaliyyəti
5.1. İnstitut dövlət büdcəsi və büdcədənkənar mənbələr hesabına əldə olunan vəsait
hesabına fəaliyyət göstərir.
5.2. İnstitut ona hüquqi və ya fiziki şəxslər tərəfindən hədiyyə, yardım, ianə
şəklində və ya vəsiyyətlə verilən pul vasitələri, əmlak və başqa mülkiyyət
obyektləri, habelə qrantlar, müəyyən olunmuş səlahiyyətləri çərçivəsində müqavilə
əsasında ödənişli qaydada yerinə yetirdiyi işlərdən və yaratdığı hüquqi şəxs
statuslu qurumların fəaliyyəti nəticəsində əldə olunan gəlirlər və bu gəlirlər
hesabına əldə edilən mülkiyyət obyektləri üzərində istifadə hüququna malikdir.
5.3. İnstitut əldə etdiyi gəlirlərini qanunvericiliyə uyğun olaraq öz fəaliyyəti ilə
bağlı ehtiyaclar üçün istifadə edə bilər.
5.4. İnstitut maliyyə-təsərrüfatı fəaliyyətinin nəticələrinin operativ uçotunu və
mühasibat uçotunu aparır, bu barədə Azərbaycan Respublikası qanunvericiliyi ilə
müəyyən olunmuş qaydada və müəyyən olunmuş müddətdə Nazirliyə və aidiyyatı
dövlət orqanlarına statistik və mühasibat hesabatları təqdim edir.
5.5. İnstitut bu Əsasnamədən irəli gələn səlahiyyətləri çərçivəsində müqavilələrin
bağlanması ilə əlaqədar məsələləri sərbəst həll edir.
5.6.İnstitut ona verilmiş əmlak üzərində istifadə hüququna malikdir.
VI. İnstitutun fəaliyyətinin təşkili və onun idarə edilməsi
6.1. İnstitutun strukturu və ştat cədvəli qanunvericilikdə nəzərdə tutulmuş qaydada
Nazirlik tərəfindən təsdiq edilir.
6.2. İnstitutun fəaliyyətinə Azərbaycan Respublikası İqtisadi İnkişaf Naziri
(bundan s sonra -Nazir) tərəfindən təyin edilən və vəzifədən azad edilən, İnstituta
həvalə edilmiş vəzifələrin yerinə yetirilməsi və funksiyaların keçirilməsi üçün
şəxsən məsuliyyət daşıyan direktor rəhbərlik edir.
6.3. Direktorun dörd müavini var.
6.4. Direktor müavinləri, İnstitutun baş mühasibi direktorun təqdimatı ilə nazir
tərəfindən vəzifəyə təyin edilir və vəzifədən azad edilir.
6.5.İnstitutun direktoru:
6.5.1 İnstitutun işinə ümumi rəhbərliyi həyata keçirir və bütün dövlət orqanları,
idarə, müəssisə və təşkilatlarda İnstitutu təmsil edir;
6.5.2. İnstitutun struktur bölmələrinin əsasnamələrini təsdiq edir;
6.5.3. İnstitutun işçilərini vəzifəyə təyin edir və vəzifədən azad edir, onların
barəsində qanunvericilikdə müəyyən edilmiş qaydada həvəsləndirmə və intizam
tənbehi tədbirləri görür;
6.5.4. İnstitutun fəaliyyətinə dair, habelə İnstitutun qarşısında duran vəzifələrin
icrası ilə bağlı İnstitutun işçiləri üçün icrası məcburi olan əmrlər və göstərişlər
verir, onların icrasını təşkil edir və yoxlayır;
6.5.5. İnstitutun fəaliyyəti barədə mütəmadi olaraq Nazirliyə hesabat verir;
6.5.6. Digər hüquqlarından istifadə edir və funksiyaları həyata keçirir;
6.6. Direktor olmadıqda onun səlahiyyətlərini direktor müavinlərindən biri həyata
keçirir.
6.7. İnstitutda elmi-praktik fəaliyyətin əsas məsələlərinin baxılması üçün
məşvərətçi hüququnda Elmi Şura fəaliyyət göstərir.
6.8. Elmi Suranın tərkibi İnstitutun direktoru, direktorun müqavinləri, elmi katibi,
əsas struktur bölmələrinin rəhbərləri struktur bölmələrində işləyən müsabiqə yolu
ilə seçilmiş aparıcı alim və elmi işçilərin və ölkəninin digər elmi-tədqiqat və təhsil
müəssisələrində və idarəetmə orqanlarında çalışan görkəmli alim və
mütəxəssislərdən ibarət ola bilər. Elmi Şuraya İnstitutun direktoru sədrlik edir.
Elmi Şuranın tərkibi İnstitutun direktorunun təqdimatına əsasən Nazir tərəfindən
təsdiq olunur.
6.9. Elmi Şuranın iclası iki ayda bir dəfədən gec olmayaraq Şuranın sədri
tərəfindən çağırılır.
6.10.
Elmi Şura:
6.10.1. İnstitutun elmi-praktik fəaliyyətinin əsas istiqamətlərini, elmi-tədqiqat işləri
və tədris planlarının və proqramlarının layihələrini müzakirə və təsdiq edir;
6.10.2. Elmi Şuranın sədrinin təqdimatı ilə elmi-tədqiqat bölmələrinin
rəhbərlərinin, ayrı-ayrı mövzular (layihələr) üzrə rəhbərlərin və məsul icraçıların
elmi-tədqiqat işlərinin gediş və nəticələri haqqında hesabatlarını dinləyir, müzakirə
edir və müvafiq qərarlar verir;
6.10.3. Başqa elmi -iqtisadi idarələrlə yaradılacaq əməkdaşlığı və əlaqələndirilmə
məsələlərini müzakirə edir və müvafiq qərarlar verir;
6.10.4. Elmi əsərələri müzakirə edir və onların dərc olunmasının məqsədəuyğulğu
haqqında qərar verir;
6.10.5 İnstitutun elmi əsərlər toplusunun, elmi-praktik jurnalının, analitik-
informasiya bülletenlərinin və s. çap məhsullarının dərc olunması və elmi-praktik
konfranslar, müşavirələr, seminarlar, dəyirmi masalar və s. bu kimi digər elmi
məclislər keçirilməsi haqqında qərar verilir;
6.10.6. Elmi kadrların hazırlanması və ixtisasının artırılması ilə əlaqədar məsələləri
müzakirə edir, aspirantların, dissertantların və doktorantların dissertasiyalarının
mövzularını, planlarını və elmi rəhbərlərini təsdiq edir, hazır olan dissertsiya
işlərinin ilkin müzakirəsini həyata keçirir;
6.10.7. Dissertasiya və digər elmi-tədqiqat işlərini müzakirə edir və müvafiq rəy
verir, elmi dərəcələr və adlar verilməsi, müvafiq dissertasiya şuralarının
yaradılması üçün təkliflər hazırlayır və vəsatət qaldırır.
VII. İnstitutun yenidən təşkili və ləğvi
7.1. İnstitutun yenidən təşkili və ləğvi Azərbaycan Respublikası Prezidentinin
qərarına əsasən qanunvericiliklə müəyyən edilmiş qaydada həyata keçirilir.
Dostları ilə paylaş: |