330
Yubilyar yazıçı və şairlər
10 0ktyabr - Yazıçı Seyfulla Şamilovun anadan olmasının 115 illiyi,
(1902-1974)
Seyfulla Şamilov Qazax qəzasının Tatlı kəndində anadan olmuşdur. Bakıda
partiya məktəbini bitirmişdir (1921-1925). Azərbaycan Dövlət Pedaqoji
İnstitutunda fəlsəfə kafedrasının dosenti (1931-1933), "Kommunist" qəzetində
məsul redaktorun müavini, "Gənc işçi" qəzetinin məsul redaktoru, Azərbaycan
Proletar Yazıçılar Birliyi təşkilat komitəsinin sədri (1932), Azərbaycan Yazıçılar
İttifaqının sədri (1936-1938), "İnqilab və mədəniyyət" jurnalının, "Ədəbiyyat
qəzeti"nin məsul redaktoru (1936-1937), ―Uşaqgəncnəşr‖ in baş redaktoru (1955-
1962) vəzifələrində işləmişdir. Repressiya dövründə həbs edilərək sürgün
olunmuşdur. Yazıçı-publisist S. Şamilov "Şərəf nişanı" ordeni və Mədəniyyət
Nazirliyinin "Əlaçı işçi" fəxri medalı ilə təltif olunmuşdur.
Seyfulla Şamilov 1974-cü il dekabrın 25-də vəfat etmişdir.
Kitabları: ―Dördüncü il‖ (1929), ―Seçilmiş əsərləri‖ (1974), ―Laçın‖ (1932),
―Nigarın macərası‖ (1977) və s.
Ədəbiyyat: Əhmədov Teymur - “Azərbaycan yazıçıları (XX-XXI yüzillikdə)” Ensiklopedik
məlumat kitabı, Bakı, 2011.
331
10 Oktyabr - Şair, publisist, pedaqoq Əjdər Ağayevin anadan olmasının
80 illiyi, (1937)
Əməkdar müəllim (2000), pedaqoji elmlər doktoru
(1996), professor (1996)
Əjdər Ağayev Neftçala rayonunun
Qırmızıkənd kəndində anadan olub. Burada kənd yeddiilik,
Salyanda orta məktəbi bitirmişdir. Azərbaycan Dövlət
Pedaqoji İnstitutunun tarix-filologiya fakültəsində təhsil
almışdır (1955-1960). Əmək fəaliyyətinə Salyan rayonu
məktəblərində müəllim kimi başlamışdır (1960-1965).
Azərbaycan Elmi-Tədqiqat Pedaqoji Elmlər İnstitutunun
aspiranturasına daxil olmuşdur (1965-1969). O, burada
"Fərhad Ağazadənin pedaqoji göruşləri" mövzusunda namizədlik dissertasiyası
müdafiə etmiş, sonra elmi işçi, baş elmi işçi, bölmə müdiri, şöbə rəisi, direktorun
elmi işlər üzrə müavini vəzifələrində çalışmışdır (1969-cu ildən). "Azərbaycan
ictimai fikrində şəxsiyyətin formalaşması" adlı doktorluq işi müdafiə etmişdir.
"Azərbaycan məktəbi" jurnalının və onun əlavə nəşr edilən məcmuələrinin baş
redaktoru olmuşdur (1974-1981). Hazırda Elmi-Tədqiqat Pedaqoji Elmlər
İnstitutunda pedaqogikanın nəzəriyyəsi və tarixi şöbəsinin müdiri, Lənkəran
Dövlət Universitetində pedaqogika və psixologiya kafedrasının müdiri vəzifəsində
çalışır (1981-ci ildən). Azərbaycan Təhsil Nazirliyi nəzdində pedaqogika və
psixologiya elmləri üzrə Elmi-metodiki şuranın sədri, Azərbaycan Respublikası
Ali Attestasiya Komissiyasında pedaqogika və psixologiya elmləri üzrə ekspert
komissiyası sədrinin müavinidir.
Bədii yaradıcılığa keçən əsrin 50-ci illərindən başlamışdır. İlk hekayəsi "İlk
və son mahnı" 1956-cı ildə "Azərbaycan pioneri" qəzetində, "Bir də çal o mahnını"
adlı ilk şeri isə 1957-ci ildə "Azərbaycan gəncləri" qəzetində çap olunmuşdur.
Şeirlərinə mahnı bəstələnmişdir. Əsərləri xarici ölkə xalqlarının dillərinə tərcümə
olunmuşdur. Bədii əsərlərini mətbuatda Ə.Ə.Ağayev, A.Əjdər, Əjdər Ağazadə,
Ə.Atəşin, Əjdər Ağayev imzaları ilə çap etdirmişdir. Akademik Mehdi Mehdizadə
adına mükafatın və "Araz" ali ədəbi mükafatın laureatıdır.
Kitabları:
“
Məktəblərdə vətənə sədaqət tərbiyəsi‖ (1975), ―Pedaqogika‖ (1993),
―Tikdim ki, izim qala‖ (1996), ―Bala dadı, bal dadı‖ (1999), ―Ceyran nənəm‖
(1999), ―Gəlirəm, gözlə məni‖ (2000), ―Sabaha inamla‖ (2003) və s.
Ədəbiyyat: Əhmədov Teymur- “Azərbaycan yazıçıları (XX-XXI yüzillikdə)” Ensiklopedik
məlumat kitabı, Bakı, 2011.
332
15 Oktyabr - Şair Hafiz Baxışın anadan olmasının 85 illiyi, (1932-1989)
Hafiz Baxış 15-də Zəngəzur mahalının Qafan bölgəsinin Yuxarı Girətağ
kəndində, müəllim ailəsində anadan olmuşdur. Orta məktəbi 1950-ci ildə Şəhərcik
kəndində bitirmişdir.1950–1952-ci illərdə Qovşud kəndində ibtidai sinif müəllimi
işləmiş, 1952-1956-cı illərdə Azərbaycan Dövlət Teatr İnstitutunun teatr və kino
aktyorluğu fakültəsində təhsil almışdır. Tələbə ikən 1954-cü ildə Azərbaycan
diviziyasında bədii özfəaliyyət dərnəyinin rəhbəri olmuşdur. 1956-1961-ci illərdə
Sumqayıt şəhərində tərbiyəçi, pionerlər evinin və mədəniyyat sarayının direktoru
işləmişdir. 1961-ci ildə Azərbaycan Dövlət Radio və Televiziya verilişləri
Komitəsində rejissor köməkçisi, rejissor işləmişdir.
İlk şeirləri "Sosialist Sumqayıtı" qəzetində dərc edilmiş, ""Zirvə" adlı ilk poeması
isə "Azərbaycan" jurnalının 1968-ci il 2-ci sayında çap olunmuşdur. Bundan sonra
o altı poema qələmə alsa da lirik şair kimi tanınmışdır. İyirmidən çox şeirinə
musiqi bəstələnmişdir.
Hafiz Baxış 1989-cu il sentyabrın 7-də vəfat etmişdir.
Kitabları: ―Azərbaycan oğluyam‖ (1980), ―Sona bülbüllər‖ (1983), ―Eşqimi
sönməyə qoymaram‖ (1989), ―Dağlar üçün darıxmışam‖ (2001) və s.
Ədəbiyyat: Əhmədov Teymur - “Azərbaycan yazıçıları (XX-XXI yüzillikdə)” Ensiklopedik
məlumat kitabı, Bakı, 2011.