338
İncəsənət
3 Oktyabr - Aktyor Ələkbər Hüseynzadənin anadan olmasının 130 illiyi,
(1887-1967)
Ələkbər Hüseyn oğlu Hüseynzadə 3 oktyabr 1887-ci
ildə Bakıda, zərgər ailəsində doğulmuşdur. Beş il
mollaxanada oxumuş və sonra rus-tatar məktəbində
təhsilini davam etdirmişdir. İlk dəfə səhnəyə müəllimi
Səməd bəy Hacıəliyevin təşəbbüsü ilə Nəcəf bəy
Vəzirovun quruluşunda "Tamahkarlıq düşmən qazanır"
(Vasaq Mədətov) tamaşasında Molla Cəbi rolunda
çıxmışdır. Sonra müxtəlif teatr truppalarında çıxış edən
Ələkbər Hüseynzadə əsasən komediya aktyoru kimi
tanınmışdır.
Ələkbər Hüseynzadə 1913-cü ildə tamaşaya qoyulan "Arşın mal
alan"da Soltan bəyin ilk ifaçısı kimi böyük şöhrət qazanmış və uzun illər həmin
rolun ən yaxşı ifaçısı olmuşdur. "Arşın mal alan" filmində də Soltan bəy roluna
məhz o çəkilib və bu rola görə Stalin mükafatına layiq görülüb. Aktyor "Nicat" və
"Müdiriyyət" truppalarında dramatik rollarla yanaşı, musiqi əsərlərindən "Məşədi
İbad"da Hambal və Məşədi İbad, Zülfüqar bəy Hacıbəyovun "Ər və arvad"ında
Kəblə Qubad rollarını da oynayıb, müxtəlif operalarda da çıxış edib. 1920-ci ilin
mayında bugünkü Milli Dram Teatrı yenidən formalaşanda onun truppasına
Ələkbər Hüseynzadə də daxil olub. Yaradıcılığı əsasən realizmi, səmimiyyəti və
həyatiliyi ilə səciyyəvi olan aktyorun çoxsaylı rollarından bunları xüsusi göstərmək
olar: Hacı Qara və Kərəməli ("Hacı Qara", Mirzə Fətəli Axundzadə), Şeyx
Nəsrulla və Hacı Həsən ağa ("Ölülər", Mirzə Cəlil Məmmədquluzadə), Həsən ("Ac
həriflər"), Hacı Fərzəli ("Dursunəli və ballıbadı", Sultanməcid Qənizadə), Molla
Cəbi ("Molla Cəbi", Mirmahmud Kazımovski), Molla Nəsrəddin ("Molla
Nəsrəddin", Qulamrza Şərifzadə), Babakişi, Hacı Əhməd, Allahverdi ("Sevil",
"Almaz" və "1905-ci ildə", Cəfər Cabbarlı). Aktyor "Arşın mal alan"
operettasındakı Soltan bəy rolunu Opera Teatrının və Musiqili Komediya Teatrının
quruluşlarında da oynayıb. O, bu rolu teatrda 600 dəfə, kinoda isə iki dəfə ifa edib.
Onun bu ifası hələ inqilabdan əvvəl Azərbaycan və rus mətbuatında, eləcə
də Üzeyir Hacıbəyov tərəfindən yüksək qiymətləndirilib. Ələkbər Hüseynzadə
Bakıda Sultan Muradovun "Kəblə Xudu", Əliağa Vahidin "Milli meyxana", Baba
Qubinskinin "Yeni kupletlər" oyun-məzhəkələrini tamaşaya hazırlayıb.
Azərbaycan SSR-nın Əməkdar artisti (1957), Stalin mükafatı laureatı (1946),
SSRİ Dövlət mükafatı laureatı (1946) Ələkbər Hüseynzadə 4 noyabr 1967-ci ildə
Bakıda vəfat edib.
İnternetdə:
www.az.wikipedia.orq
339
20 Oktyabr - Xalq artisti, müğənni Şövkət Ələkbərovanın anadan olmasının
95 illiyi, (1922-1993)
Şövkət xanım Ələkbərova Bakıda anadan olub. Asəf Zeynallı adına Musiqi
Məktəbində Hüseynqulu Sarabskinin sinfini bitirdiktən sonra səhnə yaradıcılığına
başlayıb. 1938-1945-ci illərdə Azərbaycan Dövlət Mahnı və Rəqs Ansamblının,
1945-ci ildən etibarən Azərbaycan Dövlət Filarmoniyasının solisti olub.
Ş. Ələkbərovanın ifaçılığı üçün yüksək vokal mədəniyyəti, emosionallıq və
lirizm, muğam yaradıcılığı üçün isə məharətli improvizasiya bacarığı səciyyəvi idi.
1937-ci ildə bədii özfəaliyyət kollektivlərinin müsabiqəsində iştirak edibvə öz
çıxışı ilə Üzeyir Hacıbəyov, Səid Rüstəmov, Bülbül kimi sənətkarların diqqətini
çəkib. Opera Teatrında keçirilən yekun konsertdə Şövkət Ələkbərova "Qarabağ
şikəstəsi"ni oxuyub və Fatma Mehrəliyeva və Gülağa Məmmədovla birlikdə ilk
üçlüyə daxil olub. Bu müsabiqə Şövkət Ələkbərovanın peşəkar musiqi sənətinə
gəlişin əsasını qoyub. 1945-ci ildən filarmoniyanın solisti kimi işə başlayan
Şövkət Ələkbərovanın ifasında səslənən xalq mahnıları, muğamlar, bəstəkar
mahnıları Azərbaycanda çox böyük məşhurluq qazanıb. SSRİ-nin bir çox
şəhərlərində, Fransa, İsveçrə, Hindistan, Misir, Əlcəzair, İran, Türkiyə,
Polşa və digər xarici ölkələrdə uğurla çıxış edən Şövkət Ələkbərovanın
repertuarına ―Segah‖, ―Qatar‖, ―Şahnaz‖ kimi muğamlar, Azərbaycan
bəstəkərlarının və Orta Şərq xalqlarının mahnıları daxil idi.
Mahnıları: “Axşam‖, ―Ayrılıq‖, ―Gəl səhərim‖, ―Bir könül sındırmışam‖,
―Dərələr‖, ―Sən mənim, mən sənin‖, ―Sənsən ürəyim‖, ―Tez gəl‖ və s.
İnternetdə:
www.az.wikipedia.orq
340
25 Oktyabr- Xalq rəssamı Bədurə Əfqanlının anadan olmasının 105 illiyi,
(1912-2002)
Bədurə
Əfqanlı
ilk
azərbaycanlı
qadın
teatr
rəssamlarından
biridir. Azərbaycan SSR Əməkdar İncəsənət Xadimi (1949) və Xalq rəssamı
(1974) Bədurə Məlik qızı Əfqanlı (Ağamalova)
Bakıda anadan olub. Bakı
Pedoqoji Texnikumunu (1929), Bakı Rəssamlıq Məktəbini (1931) bitirmişdir.
Bədurə xanım Aşqabad Dövlət Azərbaycan Musiqili Dram Teatrında
quruluşçu-rəssam (1934-1935), Azərbaycan Dövlət Dram Teatrında tərtibatçı və
geyim üzrə rəssam (1938-1960), 1960-cı ildən "Azərbaycanfilm" kinostudiyasında
geyim üzrə rəssam işləyib. Azərbaycan Dövlət Rus Dram Teatrının bir sıra
tamaşası, həmçinin opera, rəqs ansamblı və bədii özfəaliyyət kollektivləri üçün
geyim eskizləri çəkib. Bir çox əsəri Azərbaycan Dövlət Teatr Muzeyi və
A.A.Baxruşin adına Rusiya Mərkəzi Teatr Muzeyində (Moskva) saxlanılır.
Bədurə Əfqanlı 7 may 2002-ci ildə vəfat edib.
Filmoqrafiya: ―Koroğlu‖ (film, 1960), ―Leyli və Məcnun‖ (film, 1961), ―Böyük
dayaq‖ (film, 1962),‖Dəli Kür‖ (film, 1969), ―O qızı tapın‖ (film, 1970), ―Sevil‖
(film, 1970), ―Qatır Məmməd‖ (film, 1974), ―Dədə Qorqud‖ (film, 1975) və s.
İnternetdə:
www.az.wikipedia.orq