58
6 Fevral - Xalq artisti Lütfi Məmmədbəyovun anadan olmasının 90 illiyi,
(1927-2005)
Lütfi Şahbaz oğlu Məmmədbəyov Ağdaşda anadan
olub. Teatr Texnikumunda (1943-1947), M.Əliyev adına
Azərbaycan Dövlət İncəsənət İnstitutunun rejissorluq
fakültəsində (1961-1966) təhsil alıb. 1947-ci ildə bir
müddət Musiqili Komediya Teatrında fəaliyyət göstərib,
40-cı illərin sonunda bu teatr müvəqqəti olaraq
bağlanarkən Gənc Tamaşaçılar Teatrının truppasına daxil
olub. 1961-ci ildə Akademik Milli Dram Teatrına dəvət
olunub və ömrünün sonunadək burada çalışıb. Böyük
aktyorluq
məktəbi
keçmiş Lütfi Məmmədbəyov
Akademik Milli Dram Teatrının səhnəsində bir neçə
tamaşanın quruluşçu rejissoru, televiziyada 60-dan çox televiziya tamaşasının
rejissoru olub. Respublikada ilk çoxseriyalı televiziya filminin (teleserialın)
rejissoru da Lütfi Məmmədbəyov olub - Əlibala Hacızadənin əsəri əsasında 12
seriyalı ―İtkin gəlin‖.
Lütfi Məmmədbəyov 1 fevral 2004-cü ildə vəfat edib.
Filmoqrafiya: ―Ağasadıq Gəraybəyli‖ (film, 1974), ―Atayevlər ailəsi‖ (film),
―Bəxtiyar‖ (film, 1955), ―Duel‖ (film, 1995), ―Göz həkimi‖ (film, 1985), ―İtkin
gəlin‖ (film, 1994), ―Kişilər‖ (film, 1984), ―Qızmar günəş altında‖ (film, 1957),
―Leyli və Məcnun‖ (film, 1961), ―Mehmanxana sahibəsi‖ (film, 1978), ―Mücrü‖
(film, 1973), ―O olmasın, bu olsun‖ (film, 1956), ―Sarıköynəklə Valehin Nağılı‖
(film), ―Sehrli xalat‖ (film, 1964), ―Səhər‖ (film, 1960), ―Taleyin qisməti‖ (film,
1996), ―Unudulan adam‖ (film, 1987), ―Yad qızı‖ (film, 1990), ―Yağışdan sonra‖
(film, 1998), ―Yeni il gecəsində‖ (film, 1958)
İnternetdə: www.az.wikipedia.orq
59
28 Fevral - İtalyan bəstəkarı Coakkino Rossininin anadan olmasının 225 illiyi,
(1792-1868)
Coakkino Antonio Rossini musiqiçilər ailəsində anadan olmuşdur.
Uşaqlıqdan çox gözəl və güclü səsə malik olan Coakkinonun valideynləri öncə
onun müğənni olmasını istəyiblər. Lakin gələcək çətinlikləri və kiçik Coakkinonun
sözəbaxmaz, çətin xarakterini nəzərə alan atası və anası bu fikirdən daşınırlar. Bir
neçə müəllimdən dərs alan Rossininin ilk bəstəkarlıq təcrübələrinin 1804-cü ilə aid
olduğu düşünülür. 1805-ci ildə Rossininin ailəsi Bolonyaya köçür. İtalyan
musiqinin çiçəkləndiyi bu şəhərdə yerli musiqi liseyində dərs alır. O, 1810-cu ildə
―Nikah vekseli‖ librettosuna musiqi yazır. Rossini 1812-ci ildə La Skaladan opera
yazmaqla bağlı ilk sifarişini alır. ―Məhək daşı‖ adlı operası ilk dəfə tamaşaya
qoyulur və 20 yaşlı Rossiniyə şöhrət qazandırır. Həmin vaxtdan o, İtaliyanın
aparıcı gənc bəstəkarı olur. Daha sonralar bəstəkar ―Seviliya bərbəri‖, ―Otello‖,
―Küllücə‖, ―Vilhelm Tell‖, ―Yelizaveta İngiltərə kraliçasıdır‖, ―Musa Misirdə‖ və
s. operalarını yazır. Bu və digər əsərləri bəstəkara dünya şöhrəti qazandırır.
Coakkino Rossini 39 operanın, dini və kamera musiqilərinin müəllifidir.
Bəstəkar 1868-ci il noyabrın 13-də Parisdə vəfat etmiş və Per-Laşez
məzarlığında dəfn olunmuşdur.
İnternetdə:
www.books.google.com
60
Milli qəhrəmanlar zirvəsi
2 Fevral - Azərbaycanın Milli Qəhrəmanı Əkbərov Akif Abbas oğlunun
anadan olmasının 65 illiyi, (1952-1992)
A.Əkbərov Cəbrayıl
rayonunun
Balyand
kəndində
anadan
olmuşdur. 1969-cu ildə Beyləqan şəhər 1 saylı orta məktəbini bitirmişdir. 1970-
ci ildə hərbi xidmətə getmiş, 1972-ci ildə ordudan tərxis olunmuşdur. O, 1974-
cü ildə Beyləqan rayon Daxili İşlər Şöbəsində polis nəfəri kimi fəaliyyətə
başlamışdır. Sonuncu iş yeri polis şöbəsinin Dövlət Avtomobil Müfəttişliyi
bölməsi olmuşdur. Polis baş çavuşu Akif Əkbərov həmin bölmədə Yol-Patrul
Xidməti müfəttişi vəzifəsində işləmişdir.
1991-ci ilin 5 avqust tarixində Beyləqan rayon Polis Şöbəsinin bir qrup
əməkdaşı Kəlbəcər rayonunun ―Sarı yer‖ yaylağındakı mülki şəxslərin
təhlükəsizliyini təmin etmək üçün ezam olunur. Polislərin arasında Akif
Əkbərov da var idi. Erməni quldurları tez-tez yaylaqlağa qəfil basqınlar etdiyindən,
polislərimiz hər zaman sayıq olmağa çalışırdılar.
12 avqustda ermənilər ―Sarı yer‖ yaylağına hücuma keçirlər. Əhalini
qorumaq üçün polis işçilərimiz döyüşə girirlər. Təxminən 6 saat davam edən bu
döyüşdə Akif Əkbərov xüsusilə fərqlənir. Düşmənin xeyli canlı qüvvəsi məhv
edilir. Lakin qəfil düşmən gülləsi Akifdən də yan keçmir. Akif Əkbərov 12
avqust 1992-ci ildə Kəlbəcərin ―Sarı yer‖ yaylağı uğrunda gedən döyüşlərdə
qəhrəmancasına şəhid olur. Akif Əkbərov Beyləqan rayonunda dəfn edilmişdir.
Akif Əkbərov Azərbaycan Respublikası Prezidentinin 8 oktyabr 1992-ci il tarixli
264 saylı fərmanı ilə ölümündən sonra ―Azərbaycanın Milli Qəhrəmanı‖ adına
layiq görülmüşdür.
Azərbaycanın Milli Qəhrəmanı Akif Əkbərovun Beyləqan rayonunda büstü
qoyulmuşdur. Rayon mərkəzindəki küçələrdən biri onun adını daşıyır.
İnternetdə: www.az.wikipedia.orq