181
9 May - Şairə Rüzgar Əfəndiyevanın anadan olmasının 70 illiyi,
(1947-2011)
Rüzgar Əfəndiyeva Bərdə şəhərində, qulluqçu
ailəsində anadan olmuş, 3 saylı orta məktəbdə təhsil
almışdır (1954-1965). Əmək fəaliyyətinə 1 saylı Bərdə
uşaq bağçasında tikişçi kimi başlamışdır (1963-1965).
ADU-nun filologiya fakültəsini bitirdikdən sonra (1965-
1970), Bakı şəhər 248 saylı orta məktəbdə dil-ədəbiyyat
müəllimi işləmişdir (1970-1974). 1975-ci ildə―Maarif‖
nəşriyyatında korrektor, kiçik redaktor, redaktor və
―Azərbaycan dili və ədəbiyyatı dərslikləri‖ redaksiyasının
müdiri (1994-2005) vəzifələrində çalışmışdır. Bədii yaradıcılığa orta məktəbdə
ikən həvəs göstərmişdir. İlk mətbu şeirləri (―Könül verərsənmi?‖, ―İstərəm‖)
universitet qəzetində çap olunmuşdur. Dövri mətbuatda, ədəbi almanaxlarda
müntəzəm çıxış etmişdir. Şeirləri bolqar, fars, türk, rus, özbək və s. dillərə tərcümə
olunub. 80-dək şeirinə musiqi bəstələnmişdir. Onun ―Axtarma məni‖ (musiqisi
Bahadur Hüseynovundur) mahnısını məşhur türk müğənnisi Əməl Sayın, ―Sənli
günlərim‖ i (musiqisi Oqtay Kazımovundur) isə Nəşə Qaraböcək oxuyur. O, həm
də romanlar, povestlər və hekayələr müəllifidir. ―Yol gözləyənlər‖ povesti 1997-ci
ildə ―İki sahil‖ qəzetində çap olunmuşdur. Ruzgar xanım həm də
―Natəvan‖ оpеrasının ariya və duеt mətnlərinin müəllifidir. Əsər 2003-cü
ildə Оpеra və Balеt Tеatrında səhnəyə qоyulmuş və böyük uğur qazanmışdır.
Şairə ―Araz‖ ali ədəbi (1997), ―Heyran xanım‖ ədəbi (1994), ―Qızıl
qələm‖(2005), ―Nigar Rəfibəyli‖ (2006) adına mükafatların laureatıdır.
R. Əfəndiyeva Azərbaycan poeziyasında xüsusi mövqeyi olan, öz dəsti-xətti ilə
seçilən şairədir. Şeirləri dərsliklərə və dərs vəsaitlərinə salınmışdır. ―Rüstəm
Napoleonun yavəri‖ romanı onun yaradıcılıının çoxşaxəliliyindən xəbər verir.
Rüzgar Əfəndiyeva 2011-ci il də vəfat etmişdir.
Kitabları: ―Unuda bilməzsən‖ (1981), ―Gözlə‖ (1989), ―Ömürdən keçən illər‖
(1995), ―Lalənin ləçəyi‖ (1996), ―Aydınlıqdan gedən yolda‖ (1997), ―Gedən də
var, qalan da var‖ (1999), ―Xatirələr çiçəkləyəndə‖ (1999), ―Vətəndir Arifin səsi‖,
―Əbədi günəş‖ və s.
Ədəbiyyat: Əhmədov Teymur - “Azərbaycan yazıçıları (XX-XXI yüzillikdə)” Ensiklopedik
məlumat kitabı, Bakı, 2011.
182
10 May - Yazıçı Əhməd Mirzəcəfərlinin anadan olmasının 90 illiyi,
(1927-1994)
Əhməd Mirzəcəfərli Samux rayonunun Mirzəcəfərli kəndində, əkinçi
ailəsində doğulmuşdur. Orta məktəbin 8-ci sinfində oxuyarkən İkinci Dünya
Müharibəsi başlandığına görə təhsilini yarımçıq qoyub kolxozda işləmişdir. 42
saylı Bakı Fəhlə-Gənclər Orta Məktəbini, sonra M.F. Axundov adına Dövlət Dil və
Ədəbiyyat Pedoqoji İnstitutunu bitirmişdir (1948-1950). Sonra üç il Samux
rayonunun Qarasaqqal kəndində rus dili müəllimi işləmişdir. ―Bilik‖ Cəmiyyətində
inspektor və ‖Kənd həyatı‖ jurnalının əməkdaşı olmuşdur. 1973-cü ildən qüvvəsini
bədii yaradıcılığa həsr etmişdir. Əsərləri rus, çex, alman və polyak dillərində çap
olunmuşdur. Azərbaycan ədəbiyyatında oçerk janrının inkişafında xidmətləri
böyükdür. Oçerk müsabiqələrində dəfələrlə mükafata layiq görülmüşdür.
Əhməd Mirzəcəfərli 1994-cü il aprelin 19-da Bakıda vəfat etmişdir.
Kitabları: ―Altı qız‖ (1962), ―Dağlara karvan gedir‖ (1965), ―Görüş‖ (1971),
―Qırılmaz ülfət‖ (1975), ―Gülnamə‖ (1979), ―Xoşbəxtliyi qoruyun‖ (1980),
―Qarabağ hekayələri‖ (1985), ―Samux əfsanəsi‖ (1988), ―Su altında illər‖ (1990)
və s.
Ədəbiyyat: Əhmədov Teymur - “Azərbaycan yazıçıları (XX-XXI yüzillikdə)” Ensiklopedik
məlumat kitabı, Bakı, 2011.
183
10 May - Şair Musa Yaqubun anadan olmasının 80 illiyi, (1937)
Musa Yaqub (Yaqubov Musa Səfiməmməd oğlu) İsmayıllı rayonunun
Buynuz kəndində anadan olmuşdur. Göyçay Pedaqoji Məktəbini bitirdikdən sonra
Tircan kənd orta məktəbində müəllim (1957-1958), Buynuz kənd ibtidai
məktəbində müəllim və direktor (1958-1967) işləmişdir. ADU-nun filologiya
fakültəsində qiyabi təhsil almışdır (1967-1973). Bakıya köçəndən sonra
Azərbaycan Yazıçılar İttifaqının Bədii Ədəbiyyatı Təbliğ Bürosunda direktor
müavini, "Azərbaycan"
jurnalında poeziya
şöbəsinin
müdiri
vəzifəsində
çalışmışdır (1974-1978). Daha sonra İsmayıllı rayonunda çıxan "Zəhmətkeş"
qəzetinin redaktoru olmuşdur (1978).
Ədəbi fəaliyyətə 1957-ci ildə "Azərbaycan gəncləri" qəzetində çap olunan
"İki qəlb, iki dünya" poeması ilə başlamışdır. Moldovada Sovet ədəbiyyatı,
Ukrayna və Özbəkistanda Azərbaycan ədəbiyyatı günlərində və digər ümumittifaq
tədbirlərində iştirak etmişdir. Azərbaycan KP İsmayıllı rayon Partiya Komitəsinin
büro üzvü, rayon Xalq Deputatları Soveti ticarət və məişət xidməti daimi
komissiyasınm sədri olmuşdur (1979). Milli Məclisin deputatı (1995-2000-ci illər
üzrə) seçilmişdir. M.F.Axundov adına Mükafata layiq görülmüşdür.
Kitabları: ―Yarpaqlar oxuyur‖ (1966), ―Bu məhəbbət yaşadır məni‖ (1966), ―Bu
məhəbbət yaşadır məni‖ (1970), ―Mənim kainatım‖ (1973), ―Üzü bəri baxan
dağlar‖ (1977), ―Yaxşı ki, sən varsan‖ (1979), ―Bir sim üstə‖ (1983), ―İki qəlbin
işığı‖ (1985), ―Mənim sevgi taleyim‖ (1988), ―Ürəyimdə yerin qaldı‖ (1992),
―Nanə yarpağı‖ (1996), ―Payızdan yaza yol varmı‖ (1999), ―Ruhumla söhbət‖
(2000), ―Bu dünyanın qara daşı ğöyərməz‖ (2007), ―Dövrün dəyirmanı‖ (2012) və
s.
Ədəbiyyat: Əhmədov Teymur - “Azərbaycan yazıçıları (XX-XXI yüzillikdə)” Ensiklopedik
məlumat kitabı, Bakı, 2011.