184
15 May - Şair, pedaqoq Allahverdi Tağızadənin anadan olmasının 85 illiyi,
(1932-2000)
Allahverdi Tagızadə Naxçıvanın Yaycı kəndində anadan olub. Kənd
məktəbini bitirdikdən sonra, Naxcıvan Muəllimlər İnstitutunun dil və ədəbiyyat
fakültəsinə daxil olmuşdur (1949). Sonra Gəncə Pedoqoji İnstitunun filologiya
fakültəsində təhsil almışdır. Bədii yaradıcılığa tələbəlik illərindən başlamışdır.
―Tarlada‖ adlı ilk şeiri 1955-ci ildə ―Azərbaycan gəncləri‖ qəzetində dərc
edilmişdir. Bundan sonra ―Şərq qapısı‖ qəzetində şeirlərini və vətənpərvərlik
mövzusunda yazdığı əsərlərini dərc etdirmişdir. Onun sonrakı həyatı Baki ilə-
Azərbaycan Dövlət Xarici Dillər İnstitutu ilə baglı olmusdur. SSRİ və xarici ölkə
xalqları ədəbiyyatından poetik tərcümələr etmişdir. Azərbaycan Ali və Orta İxtisas
Təhsili Nazirliyi kollegiyasının Fəxri Tərifnaməsinə layiq görülmüşdür (1977).
Allahverdi Tağızadə 8 mart 2000-ci ildə dunyasını dəyişmişdir.
Kitabları: ―Sənin əllərin‖ (1964), ―Mənim narahatlığım‖ (1970), ―Gözəlliyin
soragında‖ (1975), ―Görüş‖ (1980), ―Ömürdən nişanə‖ (1986), ―O tayda bir çinar‖
(1990) və s.
Ədəbiyyat: Əhmədov Teymur - “Azərbaycan yazıçıları (XX-XXI yüzillikdə)” Ensiklopedik
məlumat kitabı, Bakı, 2011.
185
18 May - Şair, publisist Eldar Nəsiblinin anadan olmasının 65 illiyi,
(1952-2010)
Eldar Nəsibli Sibirel Sibirin Baxçar rayonunun Çernişovka kəndində anadan
olub. Çünki valideynləri 1948-ci ildə Sibirin Tomsk vilayətinə sürgün edilib.
Valideyinləri bəraət aldıqdan sonra sürgündən öz doğma yurdlarına - Qazax
rayonunun Sarıvəlli (İkinci Şıxlı) kəndinə qayıdıb və orta təhsili orada
alıb. Azərbaycan Dövlət Universitetinin jurnalistika fakültəsini bitirib. Şairin
"Ağacların söhbəti" adlı ilk şeri 1968-ci ildə "Ədəbiyyat və incəsənət" qəzetində
işıq üzü görüb. Eldar Nəsiblinin şeirləri bir çox dillərə tərcümə edib. O, uzun
müddət "Elm və həyat" jurnalında məsul katib vəzifəsində çalışıb. "Mərhəmət"
jurnalının baş redaktoru olub və "Azərbaycan" qəzetində bölgə müxbiri
işləyib. 1982-ci ildə SSRİ Yazıçılar İttifaqına üzv seçilib. E.Nəsiblinin şeirlərinin
çapına respublika və İttifaq mətbuatlarında geniş yer ayrılıb. O, həm də
tərcüməçidir. Marina Svetayeva, Yevgeni Yevtuşenko, Sergey Yesenin kimi bir
çox tanınmış rus şairlərinin, eləcə də görkəmli rumın şairi Mixail
Emneskonun əsərlərini Azərbaycan dilinə çevirib. Bir cox şerinə musiqi
bəstələnib.
Şair Eldar Nəsibli Sibirel 11 oktyabr 2010-cu ildə Qazaxda baş verən
avtomobil qəzasında həlak olub.
Kitabları: "Salam, dan ulduzu", "Məni səsləyən var", "Harayla məni", "Dünya
məndən gəlib, keçir", "Bu da bir ömürdür ağlı, qaralı" "Bura Qazaxdır, oğlum!",
"Turan Şərqisi" şeirlər kitablarının, "Yaddaş" poemasının və "Yaşamaq da
igidlikdir" xatirə kitabının müəllifidir.
Ədəbiyyat: Əhmədov Teymur - “Azərbaycan yazıçıları (XX-XXI yüzillikdə)” Ensiklopedik
məlumat kitabı, Bakı, 2011.
186
21 May - Şair, dramaturq Cahan Əfruzun anadan olmasının 95 illiyi,
(1922-1984)
Dilanova Cahan Hüseyn qızı Tovuz rayonunun Öysüzlü kəndində
doğulmuşdur. Gənclik dövründə Türkmənistanın Aşqabad şəhərində yaşamışdır
(1938-1942). Sonra doğma vətənə qayıtmış, Tovuz şəhərində orta təhsili başa
çatdırmışdır (1943). ADU-nun filologiya fakültəsində təhsil almışdır (1945-
1950). Bakıda orta məktəbdə Azərbaycan dili və ədəbiyyatı müəllimi işləmişdir.
Ədəbi fəaliyyətə 1940-cı ildən başlamış, aşıqvari (təcnis, qoşma, qoşa yarpaq,
gözəlləmə) lirik şeirlərini dövri mətbuatda müntəzəm çap etdirmişdir. Onun
yaradıcılığında ictimai-siyasi məzmunlu lirika da başlıca yer tutmuşdur. ―Şeirlər
və poemalar‖(1954) almanaxında ―Dağlar‖ poeması çap olunmuşdur. Opera
Teatrı üçün ―Etibar‖(1955) librettosunu, ―Qanqın işıqları‖, ―İlham pərisi‖
pyeslərini qələmə almışdır.
Cahan Əfruz (Dilanova) həm də dramaturq idi. Onun ―İki ana‖, ―Sevgi sətirlə-
ri‖, ―Şeirlər‖, ―Dağlar‖, ―İki bayram‖ kitabları rus, ispan, türkmən, hind dillərinə
tərcümə olunub. Hindistanda baş verən hadisələrdən bəhs edən "Qanqın böyük
dalğası", "Tahirin aqibəti" və digər əsərləri 1970-ci illərdə Moskvada səhnələşdi-
rilib və böyük uğur qazanıb. "Gəldim ki, deyəm, sevirəm", "İlham pərisi" əsərləri
Azərbaycanda və keçmiş SSRİ-nin başqa respublikalarında tamaşaya qoyulub.
Cahan Əfruz 1984-cü il dekabrın 6-da Bakıda vəfat etmişdir.
Kitabları: ―Şeirlər‖ (1956), ―İki bayram‖ (1963), ―Qanqın böyük dalğası‖(1981),
―Xoşbəxtlikdən heç kəs ölməmişdir (1982) və s.
Ədəbiyyat: Əhmədov Teymur - “Azərbaycan yazıçıları (XX-XXI yüzillikdə)” Ensiklopedik
məlumat kitabı, Bakı, 2011.