4
bütün imkanlarından faydalanmaq yolunu taparaq, onu bir dəyər kimi təqdim
etməyi bacarmalıyıq. Bunun üçün sizdən, siz gənclərdən, gələcək
müəllimlərimizdən çox şey asılıdır. Siz öz hədəflərinizi elə seçməlisiniz ki,
gələcəkdə layiqli müəllim kimi təhsilimizə, elmimizə böyük töhfələr verəsiniz.
Buna görə də fakültəmizin məqsədi elmi-nəzəri hazırlığı yüksək olan və bu elmi-
nəzəri hazırlığı praktikaya tətbiq edə biləcək, müasir düşüncə tərzinə malik
məzunlar hazırlamaqdır.
Azərbaycan Respublikası multikurtural dəyərlərə üstünlük verən ölkədir. Bu
dəyərlərə üstünlük vermək gündəmə onu gətirir ki, biz ölkəmizi təkcə iqtisadi,
siyasi baxımdan deyil, həm də mənədəni baxımdan irəli aparmalıyıq. Bu,
Azərbaycan Respublikasında hər bir vətəndaşın müqəddəs işlərindən biridir. Əziz
tələbələr, biz sizi elə hazırlamalıyıq ki, sizin hər biriniz gələcəkdə Azərbaycanın
mədəni, mənəvi inkişafının təminatçısı ola biləsiniz. Bunu biz gənclərimizin milli-
mənəvi dəyərlərə sahib çıxması istiqamətində aparmalıyıq. Həm də sivil dünyanın
milli-mənəvi dəyərlərinə hörmət etmək ruhunda gənclərimizi hazırlamalıyıq. Həm
milli, həm də sivil dünyanın milli-mənəvi dəyərlərindən faydalanmağı və bu
istiqamətdə milli-mənəvi dəyərlərimizin bütün üstünlüklərini və imkanlarını
təqdim etməyi hədəf kimi götürməliyik.
Əziz tələbələr, Azərbaycan təkcə coğrafi baxımdan deyil, həm də dil,
ədəbiyyat, mədəniyyət və mənəviyyat baxımından Avropa ilə Asiyanın kəsişdiyi
bir yerdir. Ona görə də belə bir məkanda dilimizi, ədəbiyyatımızı qorumaq və
inkişaf etdirmək, gələcək nəsillərə çatdırmaq üçün siz gənc kadrların üzərinə
böyük məsuliyyət düşür.
5
Fakütənin yaranma və inkişaf tarixi
Ali Pedaqoji İnstitut yarandığı vaxtdan burada fəaliyyət göstərən şöbələrdən
biri tarix-ədəbiyyat şöbəsi olmuşdur. Bu şöbə 1925/1926-cı dərs ilindən tarix və
ədəbiyyat şöbələrinə ayrılmışdır. Ədəbiyyat şöbəsi 1933-cü ildən müstəqil dil-
ədəbiyyat fakültəsi kimi fəaliyyətə başlamışdır.
1933/1934-cü tədris ilindən tələbə kontingentinin və müəllim heyətinin
artması fakültənin genişlənməsinə, böyüməsinə səbəb olmuşdur. Bu tədris ilinə
qədər filologiya fakültəsinin əsas kafedrası Dil və ədəbiyyat kafedrası adlanmışdır.
1933/1934-cü tədris ilindən Dil və ədəbiyyat kafedrasının bazası əsasında üç
müstəqil kafedra təşkil edilmişdir: Azərbaycan ədəbiyyatı tarixi, Dilçilik, Ümumi
ədəbiyyat tarixi kafedraları.
Filologiya fakültəsi yaranandan ona nüfuzlu alimlər rəhbərlik etmişlər. İlk
dekanı professor B.V.Çobanzadə olmuş, sonrakı illərdə kollektivə professor
A.S.Abdullayev (1939-1941), professor M.H.Rəfili (1943-1945), baş müəllim
C.F.Bağırov (1945-1947), dosent İ.R.Əfəndiyev (1947-1952), dosent S.M.Əfən-
diyev (1952-1957) rəhbərlik etmişlər. ADPİ-nin 5 illik təhsilə keçməsi ilə əlaqədar
(1956) müstəqil tarix və dil-ədəbiyyat fakültələri təşkil edilmişdir. Lakin bir neçə il
keçməmiş yenidən bu fakültələr birləşdirilmişdir.
Dil-ədəbiyyat fakültəsinə dekan vəzifəsinə dosent A.Ə.Hüseynov (1957-
1961), birləşəndən sonra isə dosent Ş.Ə.Sadıqov (1961-1964) seçilmişdir.
Tarix-filologiya fakültəsi 1964/1965-ci tədris ilindən yenidən müstəqil
fakültəyə ayrılmış və bundan sonra filologiya fakültəsinə professor A.M.Qurbanov
(1968-1981), professor F.Q.Fərhadov (1981), professor P.Ş.Əfəndiyev (1981-
1982), dosent B.Muradov (1982-1989), professor Q.Ş.Kazımov (1989-1997),
professor H.B.Balıyev (1997-2006) rəhbərlik etmişlər. 2006-cı il may ayının 12-
dən filologiya fakültəsinin dekanı filologiya elmləri doktoru, professor Buludxan
Xəlilovdur.
6
Fakültə haqqında ümumi məlumat
Fakültənin nəzdində 8 kafedra, 2 elmi tədqiqat laboratoriyası fəaliyyət
göstərir: Müasir Azərbaycan dili, Azərbaycan dilçiliyi, Azərbaycan və dünya
ədəbiyyatı, Azərbaycan dilinin tədrisi metodikası, Ədəbiyyatın tədrisi metodikası,
İngilis dili və onun tədrisi metodikası, Xarici dillər və onların tədrisi metodikası,
İngilis dili kafedraları, Dədə Qorqud və Türk araşdırmaları elmi – tədqiqat
laboratoriyaları.
Fakültənin professor-müəllim heyətinin tərkibində 20 nəfər elmlər doktoru,
professor, 40 nəfər elmlər namizədi, dosent, 2 nəfər əvəzçiliklə dosent, elmlər
namizədi, 14 nəfər baş müəllim, elmlər namizədi, 49 nəfər müəllim çalışır.
Fakültədə 1999/2000-ci tədris ilindən dil və ədəbiyyat ixtisaslarından əlavə fransız
dili, 2001/2002-ci tədris ilindən isə ingilis dili ixtisasları üzrə müəllimlər hazır-
layan şöbə fəaliyyət göstərir. Orada Fransadan gələn elmi-pedaqoji kadrlar da dərs
deyir və tədqiqatla məşğul olurlar.
Fakültədə bu gün 1328 tələbə təhsil alır: 1231 tələbə əyani şöbədə, 97 tələbə
qiyabi şöbədə. Filologiya fakültəsinin magistraturasında 100 magistr təhsil alır.
Fakültədə hal – hazırda 9 aspirant, 10 dissertant vardır. Bakalavr pilləsində
tələbələr üç ixtisasa: Azərbaycan dili və ədəbiyyatı müəllimliyi (əyani və
qiyabi), Xarici dil (ingilis) müəllimliyi (əyani), Xarici dil (fransız) müəllimliyi
(əyani), magistraturada isə 8 ixtisasa: Azərbaycan dili, Ümumi dilçilk, Ədəbiyyat
nəzəriyyəsi, Azərbaycan ədəbiyyatı, Foklorşünaslıq və mifologiya, Azərbaycan dili
və ədəbiyyatın tədrisi metodikası, ingilis və fransız dilləri ixtisaslarına yiyələnirlər.
Ancaq son iki ildə (tədris ilində) qeyd olunan ixtisaslar üzrə fakültəyə magistr
qəbulu verilmir (Ana dilinin və ədəbiyyatın tədrisi metodikası ixtisası istisna
olmaqla). Bakalavr və magistrlərin yüksək ixtisaslara yiyələnmələri üçün fakültədə
hər cür şərait yaradılmış, yüksək ixtisaslı professor-müəllim heyəti var gücü ilə
çalışır. Aparılan işlər, keçirilən çoxsaylı tədbirlər onların elmlərə yiyələnməsinə,
Dostları ilə paylaş: |