"Azərbaycan Respublikası və Özbəkistan Respublikası arasında Konsulluq
Konvensiyası"nın təsdiq edilməsi barədə
AZƏRBAYCAN RESPUBLİKASININ QANUNU
Azərbaycan Respublikasının Milli Məclisi qərara alır:
I. 2004-cü il martın 23-də Daşkənd şəhərində imzalanmış "Azərbaycan Respublikası və
Özbəkistan Respublikası arasında Konsulluq Konvensiyası" təsdiq edilsin.
II. Bu Qanun dərc edildiyi gündən qüvvəyə minir.
İlham ƏLİYEV,
Azərbaycan Respublikasının Prezidenti
Bakı şəhəri, 21 may 2004-cü il
№ 670-IIQ
Azərbaycan Respublikası və Özbəkistan Respublikası arasında
K O N S U L L U Q K O N V E N S İ Y A S I
Azərbaycan Respublikası və Özbəkistan Respublikası,
iki ölkə arasında dostluq münasibətlərinin inkişafına yardım etmək, habelə öz vətəndaşlarının
hüquqlarmı və mənafeyini daha səmərəli qorumağa səy göstərərək,
1963-cü il aprelin 24-də Vyanada imzalanmış konsulluq əlaqələri haqqında Vyana
Konvensiyasını inkişaf etdirmək məqsədilə konsulluq münasibətlərini yerinə yetirmək üçün əlavə
müddəalar müəyyən etmək arzusu ilə,
aşağıdakılar barədə razılığa gəldilər:
M a d d ə 1
Təriflər
Bu Konvensiyada işlədilən terminlər aşağıdakı mənaları daşıyır:
1.
"Konsulluq" - hər hansı baş konsulluq, konsulluq, vitse-konsulluq və konsulluq agentliyi;
2.
"Konsulluq dairəsi" - qəbul edən ölkənin ərazisində konsulluğa öz vəzifələrini yerinə
yetirmək üçün ayrılmış bölgə;
3.
"Konsulluq başçısı" - konsulluğa rəhbərlik etmək tapşırığı almış şəxs;
4.
"Konsulluğun vəzifəli şəxsi" - konsulluq başçısı daxil olmaqla, konsulluq
funksiyalarını yerinə yetirmək tapşırığı almış hər hansı şəxs;
5.
"Konsulluğun əməkdaşı" - konsulluqda inzibati və texniki vəzifələri yerinə yetirən hər hansı
şəxs;
6.
"Xidmət personalı işçisi" - konsulluqda xidmət işlərini yerinə yetirən şəxs;
7.
"Konsulluğun işçiləri" - yəni konsulluğun vəzifəli şəxsləri, konsulluq əməkdaşları və ya
xidmət personalı işçiləri;
8.
"Konsulluq personalı işçiləri" - konsulluğun vəzifəli şəxsləri (konsulluq başçısı istisna
olmaqla), habelə konsulluğun əməkdaşı və xidmət personalı işçiləri;
9.
"Xüsusi ev xidmətçisi" - konsulluq işçisinin yalnız xüsusi xidmətində olan şəxs;
10.
"Konsulluq binaları" - kimin mülkiyyətində olmasından asılı olmayaraq, yalnız konsulluq
funksiyalarmı yerinə yetirmək üçün ayrılmış binalar və ya bina hissələri, bu binalara və yaxud bina
hissələrinə aid torpaq sahəsi;
11.
"Konsulluq arxivləri" - konsulluğa aid bütün kağızlar, yazışmalar, sənədlər, kitablar, filmlər,
videosəsyazma lentləri, konsulluğun reyestrləri, şifr və kod cədvəlləri, kartotekalar, onların
saxlanılması və mühafizəsi, təmin edilməsi üçün ayrılmış ləvazimatlar;
12.
"Göndərən dövlətin hava gəmisi" - hərbi hava gəmiləri istisna olmaqla, göndərən dövlətdə
qeydiyyatdan keçirilmiş bildirici işarələrini daşımaq hüququna malik olan hər hansı uçuş aparatı
deməkdir.
M a d d ə 2
Konsulluqların açılması
1.
Göndərən dövlətin konsulluğu qəbul edən dövlətin ərazisində yalnız qəbul edən dövlətin
razılığı ilə açıla bilər.
2.
Konsulluğun yerləşdiyi ərazi, onun dərəcəsi, konsulluq dairəsi və konsulluğun vəzifəli
şəxslərinin sayı göndərən dövlətlə qəbul edən dövlət arasında razılığa əsasən müəyyənləşdirilir.
3.
Konsulluğun yerləşdiyi ərazidə, onun dərəcəsində və konsulluq dairəsində, yaxud
konsulluğun vəzifəli şəxslərinin sayında sonrakı dəyişiklikləri göndərən dövlət tərəfindən qəbul
edən dövlətin razılığına əsasən həyata keçirilə bilər.
4.
Baş konsulluq və ya konsulluq, yerləşdiyi ərazidən kənarda vitse-konsulluq, yaxud
konsulluq agentliyi açmaq istədiyi halda da qəbul edən dövlətin razılığı zəruridir.
5.
Mövcud konsulluğun tərkib hissəsini təşkil edən dəftərxananın onun yerləşdiyi ərazidən
kənarda açılması üçün də qəbul edən dövlətin əvvəlcədən müəyyən razılıq verməsi zəruridir.
M a d d ə 3
Konsulluq başçısının təyin olunması
1.
Konsulluq başçısı təyin edilməzdən əvvəl göndərən dövlət tərəfindən diplomatik və ya digər
müvafiq kanallarla təklif olunan şəxs barədə qəbul edən dövlətin razılığı alınmalıdır.
2.
Qəbul edən dövlət hər hansı bir şəxsin konsulluq başçısı sifətində təyin
olunmasına razılıq verməzsə, 0, göndərən dövlətə bu imtinanın səbəblərini göstərməyə borclu
deyil.
3.
Göndərən dövlət diplomatik kanallar vasitəsilə qəbul edən dövlətin Xarici İşlər Nazirliyinə
konsulluq patentinin və ya konsulluq başçısının təyin edilməsi barədə digər analoji sənədi
göndərir. Bu sənəddə konsulluq başçısının tam adı, soyadı, vətəndaşlığı, konsulluğun yeri, dərəcəsi
və konsulluq dairəsi göstərilir.
4. Qəbul edən dövlət konsulluq patentini və ya digər analoji sənədi aldıqdan sonra
konsulluğun başçısının təyin edilməsi üçün ona formasından asılı olmayaraq ekzekvatura adlanan
icazə sənədi verir.
Ekzekvaturanı və ya digər icazəni verməkdən imtina edən qəbul edən dövlət, göndərən dövlətə
bu imtinanın səbəblərini göstərməyə borclu deyil.
5.
Bu maddənin 6-cı bəndində və 4-cü maddədə göstərilən hallar istisna olmaqla, konsulluq
başçısı yalnız belə ekzekvatura və ya digər icazə verildikdən sonra öz funksiyalarmı yerinə
yetirməyə başlaya bilər.
6.
Qəbul edən dövlət ekzekvatura və ya digər icazə sənədi verənədək müvəqqəti olaraq
konsulluq başçısına öz funksiyalarını yerinə yetirməyə razılıq verə bilər. Bu halda hazırkı
Konvensiyanın müddəaları tətbiq edilir.