16
ruhunda qələmə alınmış çoxlu əsərlərin müəllifidir. Ənvər
Məmmədxanlı həm sənətkar, həm də şəxsiyyət kimi nadir,
təkrarsız və müqayisəolunmaz idi. Onun övladı əsərləri idi.
Ənvər Məmmədxanlı nəcabətli, nikbin,vüqarlı, təmkinli insan
idi. O, ədəbiyyatımıza lirik hekayə janrını gətirdi. Onun “Buz
heykəl” hekayəsi sözdən düzəldilmiş canlı bir abidədir. Uzun
illər bu hekayə bizim dərsliklərdə çap olundu və uşaqlar
tərəfindən sevildi.
II Aparıcı:
Hələ ilk povesti olan “Bakı gecələri” Ənvər Məmmədxanlıdan
artıq yaradıcılıq yönü müəyyənləşmiş bir yazıçı kimi danışmağa
imkan verir. Ənvər Məmmədxanlı Azərbaycan nəsrində
lirikanın görkəmli nümunələrini yaratmışdır. Bu xüsusiyyəti
onun əsərlərindən bəhs edən sənətkarların bir çoxu etiraf
etmişdir. Mikayıl Rzaquluzadə yazıçını lirik-psixoloji,
emosional nəsrin banisi, professor Abbas Zamanov isə “Nəsrin
şairi” adlandırmışdır. Ənvər Məmmədxanlının əsərləri ilk
baxışda sadə görünən, lakin çoxcəhətli həyat lövhələrini,
mürəkkəb insan talelərini əhatə edən kompozisiya qurmağın,
ardıcıl bədii təhlükənin, ümumi qayəyə uğurla xidmət edən
təfərrüatları seçib mənalandırmağın, bütün bunları lirik-
psixoloji təsvirin məcrasına düzgün yönəlməyin mükəmməl
nümunələri ilə zəngindir. Ənvər Məmmədxanlının yazıçı
istedadı və mədəniyyəti dilə münasibətdən başlayır. Onun dili
ifadəlidir, canlıdır, şirindir. Eyni zamanda əqli-estetik nəzarət
altındadır, hətta belə demək mümkünsə, pedoqoji təmkinə
malikdir. Onun təqdimində ana dili olduğu gücdə görünür.
Yazıçı sözdən səxavətlə istifadə edir, lakin elə edir ki, bu,
israfçılığa çevrilmir. Ənvər Məmmədxanlı nümunəvi olduğu
qədər də perspektivli dil təqdim edir. Ədəbiyyatımızın tarixi
roman janrının ən qüdrətli yaradıcılarından biri, hekayə ustası,
dramaturq, publisist, maraqlı xatirələr müəllifi və yüksək ziyalı
anlayışını ömrü boyu şərəflə daşıyan Ənvər Məmmədxanlı
zəngin və mürəkkəb bir həyat yolu keçmiş, gördüklərini,
yaşadıqlarını, düşündüklərini parlaq bədii boyalarla əks etdirmiş
və mədəniyyətimiz tarixində qiymətli bir irs qoyub getmişdir.
I Aparıcı:
Müasir intellektə, incə, həssas qəlbə, cəmiyyət və insanlar
qarşısında vəzifə borcu və məsuliyyət duyğusuna malik olan
bütöv səciyyəli qəhrəmanları Ənvər Məmmədxanlı əsərlərində
sevə-sevə təsvir etmiş və onların vasitəsilə öz oxucusunu
17
haqqın, ədalətin, təravətli yaradıcı fikrin, incə duyğuların,
yüksək bəşəri idealların təntənəsi uğrunda çarpışmağa, ətalətə,
bədxahlığa qarşı mübarizəyə sövq etmişdir. Görkəmli ədibimiz
hekayələrdə fərqli insan talelərini və hadisələri lirik, yığcam,
eyni zamanda sadə bir dillə oxucusuna təqdim edir. Yazıçı
yüksək mədəniyyətli, dərin erudisiyalı bir insan idi. Ənvər
Məmmədxanlı sözü ilə əməli arasında vəhdət olan sənətkardır.
Onun bütün həyatı boyu vətən üçün hər cür fədakarlığa hazır
olduğunu əməli və işi sübut etmişdir. Yaxşı yazmaq Ənvər
müəllimin yazıçı amalı, yazıçı vicdanı idi. Ona görə də onun
əsərlərini oxuyanda ondan ayrılmaq olmur. Onun “Karvan
dayandı”, “Bakı gecələri”, “Buz heykəl” əsərlərini Azərbaycan
nəsrinin inciləri adlandırmaq olar. Ənvər Məmmədxanlı
özünün, sözünün, şəxsiyyətinin ucalığında dayanan bir
şəxsiyyətdir. O, nə yazdısa yaxşı yazdı, vicdanla yazdı. Ənvər
Məmmədxanlı həm sənətkar, həm də şəxsiyyət kimi nadir,
təkrarsız və müqayisə olunmaz idi. Oxucular Ənvər
Məmmədxanlının sözünün sehrində, pərvazında idi. Onun
əsərlərindəki romantika, dil, poetik ruh oxucusunu valeh edirdi.
II Aparıcı:
Ənvər Məmmədxanlının komik vəziyyətlər yaratmaq, komik
konfliktin açılmasında lirik çalara ölçü duyğusu ilə yer vermək,
idealın bərqərar olması üçün gülüşdən incə bədii vasitə kimi
faydalanmaq bacarığı oxucusunu bu əsərlərə məftun edir. Ənvər
Məmmədxanlının səhnə əsərləri Milli dramaturgiyamızın realist
ənənələrini yaşadan, müasir həyatın, sənətin mühüm, mürəkkəb
problemləri ilə səsləşən sanballı dramlar, böyük çərçivəli
dramatik tablolardır. Ənvər Məmmədxanlının əsərlərində
surətlərin ”pisi” də, “yaxşısı” da, tərəddüd edəni də, hadisələr
labirintində özünü itirənidə, bir qayda olaraq öz işi, əməli,
adamlara münasibəti, duyğu və düşüncələri, öz daxili aləmi ilə
məhz canlı, həyati, bədii obraz kimi açılıb göstərilir.
I Aparıcı:
“Bakı gecələri” ndə Yaqut, “Ayrıldılar”da İlyas, “Karvan
dayandı” da Odunçu oğlu, “Qızıl qönçələr”də Surəyya bizim
yaddaşımızda məhz bu vasitə ilə həkk olunur. Bəli ədəbiyyat
obrazlı sənətdir, lakin obrazlı yazmaq sahəsində yazıçı
səriştəsinin dərəcəsi müxtəlif olur. Ənvər Məmmədxanlı həmişə
obrazlı təfəkkürü, onun yazıda ifadəsi olan obrazlı təhkiyəsilə
seçilmişdir. Ənvər Məmmədxanlı təbiət mənzərələri təsvirinin
görkəmli ustalarından biridir. Meşə, çay, dəniz, dağlar, dərələr,
18
səma, yağış, qar, külək, qasırğa onun təsvirlərində təravətli
biçimlərdə açılır, başlıcası isə qəhrəmanlarının daxili aləmi ilə
bu və ya digər dərəcədə səsləşmədə, ayrı-ayrı hallarda isə
kəskin kontrast vəziyyətində təqdim olunur.
Səməd Vurğunun şeir dilində gördüyü işi Ənvər Məmmədxanlı
nəsr dilində görmüşdür. Ənvər Məmmdxanlı ona görə özündən
sonra gələnlərə təsir edə bildi ki, özündən əvvəlkilərin
C.Cabbarlının,
C.Məmmədquluzadənin,
Ə.Haqverdiyevin
təfəkkür–ifadə mədəniyyətini sintezləşdirə bildi, istedadını
nəsrin hərəkət məntiqinə alışdırdı. “Ayrıldılar”, “Buz heykəl”,
“Ananın ölümü” bu əsasda yarandı. Cənub hekayələri “Karvan
dayandı”, “Qızıl qönçələr”, “Baş xiyabanda” yazıçının insan
taleyi üzərində daha təkidlə düşünmək imkanını göstərdi. Ənvər
Məmmədxanlının müxtəlif illərdə yazdığı kino-novellaları
“Yeddinci yol”, “Bəxtiyar”, “Ananın çırağı” yazıçının ictimai
varlığın psixoloji məzmununu aşkarlamaq sahəsindəki işinin
davamı kimi maraqlıdır;
II Aparıcı:
Bəzən Ənvər Məmmədxanlının öz təsvir obyektinə böyük,
qlobal baxışına heyran qalmamaq olmur. Bütün varlıq, həyat,
zaman və bütün nəhayətsiz kainat sanki yenidən yaranır,
yenidən səslənir, yeni, füsunkar bir cilvədə onun gözlərində
işıqlanır. Kino sənətinin imkanlarını və incəliklərini yaxşı bilən
Ənvər Məmmədxanlı kino-povest, kino-roman və senarilərinin
birinci növbədə əsl həyati konflikdən mayalanan dramaturji
əsasını təmin edirdi. O, həm sənətkar, həm də şəxsiyyət kimi
nadir, təkrarsız və müqayisəolunmazdır.
Oxucu Ənvər Məmmədxanlının əsərlərini oxuduqca, onun
qələminin qüdrətinə, şeiriyyətinə vurulur,onun şəxsiyyətinin,
vüqarının,
insanlığının
vurğunu
olur.
Bəli,
Ənvər
Məmmədxanlının söz dünyası sirli-sehrli, çoxlarına əlçatmaz
görünən cazibəli, füsunkar bir aləmdir. Onun “Şərqin səhəri”
əsəri Azərbaycan dramaturgiyasının incilərindən sayılır.
I Aparıcı:
Ənvər Məmmədxanlı nasirlərimiz, dramaturqlarımız içərisində
yeganə
şair
idi.
Tariximizi
gözəl
bilməsi
onun
vətənpərvərliyindən xəbər verirdi. “Leyli və Məcnun”,
“Xürrəmilərin ağ şahini” Ənvər Məmmədxanlının bu janrda
yazılmış əsərlərinin ən yaxşılarıdır desək, yanılmarıq.
Onun əsərlərini birər-birər oxuduqca qələminin qüdrətinə,
şeiriyyətinə vurulursan. Sonra insanlığının, şəxsiyyətinin,
19
vüqarının
vurğunu
olursan.
Ənvər
Məmmədxanlının
əsərlərindəki romantika, dil, poetik ruh oxucunu heyran edir.
Ənvər Məmmədxanlının “Leyli və Məcnun” kino-dastanı çox
naxışlı, sıx ilməli Şərq xalısını xatırladır. Oxucu bu əsərlə tanış
olduqca mətnin hüsnünü, gözəlliyini anlayır.
Söhbət “Leyli və Məcnun”dan düşmüşkən gəlin Ənvər Məmmədxanlının “Leyli və
Məcnun”kino–dastanından bir parçaya kitabxanamızın oxucularının ifasında
tamaşa edək. Tamaşada səslənən qəzəllər M.Füzulinin”Leyli və
Məcnun”əsərindəndir.
İştirakçılar əsərə uyğun paltarlarda səhnəyə daxil olurlar.
Səhnəyə Leyli ilə Zeynəb Məcnun haqqında söhbət edərək daxil olurlar.
I oxucu (Leyli) ağlayır : Zeynəb, de Məcnunu hara aparırlar? Nə üçün sinəmdən
ürəyimi qopartdılar? O karvan geri qayıdacaqmı? O batan günəş
bir də doğacaqmı?
II oxucu (Zeynəb): Ağlama, Leylim, müqəddəs Kəbəyə aparırlar bədbəxt
Məcnunu, dua elə tez şəfa tapsın, dua elə tez geri qayıtsın!
I oxucu (Leyli): Axı Kəbə ona nə edəcək? Məgər o Kəbədə eşqin unudub tövbə
edəcək? Həcər daşın öpüb məndən üz çevirəcək? O deyirdi ki,
müqəddəs Kəbəsi mənəm, mənim də müqəddəs Kəbəm o idi,
Zeynəb!
II oxucu (Zeynəb): Aman allah, sən nə danışırsan? Günaha batırsan Leylim, belə
danışma! İnşaallah Məcnun da Kəbədən ağıllı qayıdar.
I oxucu (Leyli): Ağıllı? Deməli o da başqaları kimi olmalıdır? Yalan və riya
içində boğulmalıdır? Kor olub haqqı görməməlidir? Hüsn –
eşqə səcdə etməməlidir? Sönük bir varlıq olub yerdə
sürünməlidir? Düşünən beynini tox qarınla əvəz etməlidir?
Budur onların gözündə ağıllı olmaq!
Və pak bir eşqin zirvəsində Qeys onlara Məcnun göründü.
Məcnunun səsi eşidildi:
Eşq dərdi, ey müalic, qabili – dərman deyil!
Cövhərindən eyləmək cismi cüda asan deyil!
Dövr – cövründən şikayət edənə aşiq demən
Eşq məsti vaqifi – keyfiyyəti – dövran deyil!
Şəhrdən səhraya bir fərq olduğun hər kim bilir
Bilmiş ol kim, eşq səhrasında sərkərdan deyil,
Canı canan ittihadı fariq eylər cismdən
Cismdən agah olan can, vasili – canan deyil.
20
Leyli ilə rəfiqəsi Zeynəb səhnədən ayrılırlar. Səhnə əsərə uyğun dekorasiyalarla
bəzədilir. Əsərə uyğun geyimlərdə, Məcnunun atası Şeyx Amiri, Məcnun daxil
olurlar.
I oxucu (Şeyx Amiri): Mübarək Həcəri öpüb sən də dua elə! De ey böyük tanrı,
mənə rəhm elə! De ki dərgahına üz tutmuşam, pənahım
sənsən! De ki, xəstəyəm, Məcnunam, ağlıma nur saç, de
ki, şikəstəm, yıxılmışam, qolumdan yapış, de ki, bu
amansız dərdi canımdan iraq elə, məni Leyli eşqinin
bəlasından azad elə!...
Məcnun əllərini göyə qaldırıb, deyir:
II oxucu (Məcnun):
Yarəb, bəlayi – eşq ilə qıl aşina məni!
Bir dəm, bəlayi – eşqdən etmə, cüda məni!
Az eyləmə inayətini əhli – dərdidən
Yəni ki, çox bəlalərə qıl mübtəla məni.
Olduqca mən götürmə bəladan iradətim
Mən istərəm bəlani çün istər bəla məni.
Təmkinimi bəlayi – məhəbbətdə qılma süst
Ta düst tən edib, deməyə bivəfa məni.
Getdikcə hüsnün eylə ziyadə nigarımın
Gəldikcə dərdinə betər et, mübtəla məni!
Öylə zəif qıl tənimi firqətindən kim
Vəslinə mümkün ola yetirmək, səba məni!
I oxucu (Şeyx Amiri): Amandır, dayan oğlum, yetər! Yetər bu asilik, yetər bu
sərməstlik! Yetər bu çılğın ehtiras. Yetər bu bütpərəstlik!
Tez ol dua elə, şəfa istə. De ki, yarəb bir afəti sevib dəli
olmuşam, de ki, Məcnun olmuşam!
II oxucu (Məcnun): Yarəb, pak olan varlığı sevib damğalanmışam və
boynumda qəm zənciri hüzuruna gəlmişəm! Amma
demirəm məni bu zəncirdən xilas eylə. Demirəm ruhumu
söndür, məni zəmanəyə ram eylə! Demirəm zəliləm,
mənə səadət ver, demirəm bədbəxtəm mənə nicat ver!
Yox-yox, istədiyim səndən başqa şeydir. Çəkdiyim
kifayət deyilsə, min bir əzab ver! Bu da kifayət deyilsə,
cəhənnəmə at, qoy dönüm küfr odunda yanan məşələ!
Yox əgər o dünyada behiştsə yerim, istəmirəm o behişti,
mənə Leylimi ver! Budur səndən itədiyim, yarəb və mən
ölərsəm, eşqimi əbədi yaşat!
İştirakçılar baş əyib səhnədən alqış sədaları altında ayrılırlar.
21
I Aparıcı:
Ənvər Məmmədxanlının “Babək” romanı Azərbaycan xalq
qəhrəmanı Babək haqında yazılmış bədii əsərlər içərisində öz
orijinallığı və tarixi həqiqətlərə yaxınlığı ilə seçilir. Yazıçı
ömrünün son iyirmi ilini Babək mövzusu üzərində işləmişdir.
II Aparıcı:
Seçdiyi mövzulara həmişə son dərəcə ciddi və tələbkar yanaşan
yazıçı tarixi hadisələri, Babəkin şəxsiyyətini, dövrün siyasi,
fəlsəfi, dini cərəyanlarını dərindən öyrənmiş, Azərbaycan, türk,
rus dillərində tədqiqatlarla, ərəb, fars və yunan qaynaqlarından
tərcümələrlə yaxından tanış olmuşdur. Ənvər Məmmədxanlı bu
əsəri azadlıq eşqilə yaratmışdır. Əsər Babəkə həsr olunmuş bir
nəsr əsəri səpkisində yazılmışdır. Əsərdə Babək haqsızlığa,
ədalətsizliyə, zülmə qarşı barışmaz, çılğın, möhtəşəm qoşun
sərvəri olub, azadlıq yanğısıyla yanıb kül olur. Dəhşətli
edamından qabaq Babək xəlifə Mötəsimə meydan oxuyur:
“Ey kor yapalaq, bütün müstəbidlər kimi sən də səhv edirsən,
çünki mənim dastanım elə bir dastandır ki, nə Babəklə
başlanmışdır, nə də Babəklə qurtaracaq.”
Əziz qonaqlar, indi isə gəlin Azadlıq dastanımız olan “Babək”
romanından bir parçaya tamaşa edək.
Kitabxananın fəal oxucuları Ənvər Məmmədxanlının “Babək” romanının II
hissəsindən bir parçanı səhnələşdirirlər.
Afşin diqqətlə Babəkin üzünə baxdı, sonra əlini atıb qoynundan qızıl
möhürlü bir məktub çıxartdı və dərhal məktubu öpüb gözləri üstünə qoydu, sonra
məktubu Babəkə uzadaraq dedi:
I oxucu (Afşin): Al sən də öp gözlərin üstə qoy və sonra qəbul et nicatını!
II oxucu (Babək): Nədir ki, bu?
I oxucu (Afşin): Aç oxu! Əmirəlmöminin sənə göndərdiyi aman kağızıdır.Və
doğrusu, mən əmirəlmömindən bunu gözləmirdim ki, o səni əfv
eləsin!
II oxucu (Babək): Ey Afşin, elə şeylər bəlkə bir gün sənə lazım oldu. Babək
isə xəlifələr amanına möhtac deyil.
I oxucu (Afşin): Ey Allahın bəlası, indi ki, öz nicatını özün rədd etdin, yürü son
mənzilinə ölümünə doğru! Amma bir daha dinlə məni, Babək
xürrəmi, yaxud Babək şad ürəkli. O dəhşət ki, səni gözləyir,
qırılacaq iradən, sarsılacaq şir ürəyin! Və tamam! Vidalaş bir
nəfərlə! Sonra arxamca at çapacaqsan gecə - gündüz, ta
xəlifənin hüzuruna qədər...
Afşin dönüb getdi, Buğday səhnədə göründü.
II oxucu (Babək): Mən Afşinə demişdim ki, Bəzz qalasının xarabasını mənə
22
göstərsin, son dəfə vidalaşmaq üçün... Nə üçün o səni, miskin
bir varlığı mənə göstərir? Yaxud sən özün o hadisədən sonra
bayrağına, əqidənə, döyüş yoldaşlarına xəyanətdən sonra, nə
üzlə özünü mənə göstərirsən.
III oxucu (Buğday):Ata, sən həmişə mənə qarşı zalım olmusan.
II oxucu (Babək): Mənə daha artıq irad tutmaq olardı. Çünki mən tuluqda zeytun
yağı satan bir kişinin oğlu idim. Amma sənin atan Babək
Xürrəmdin idi dünənə qədər. İndi yox.Çünki mən daha sənin
atan deyiləm, mənim oğlum yoxdur.Bu da yolun sonu! Daha
nə qaldı mənim üçün? Ölüm! Bu dünyaya mərd gəlib mərd
gedənlərin son silahı. Niyə dayanmısan burda. Yox ol ki,
gözüm səni görməsin.
III oxucu (Buğday):Üzüm qaradır ata, öldür məni!
II oxucu (Babək): Gecdir.
III oxucu (Buğday): İndi ki, ölümə də layiq görmədin məni əlvida, ata.
Buğday çıxır, Afşin içəri girir.
I oxucu (Afşin): İndi oğlunla həmişəlik vidalaşa bilərsən. Mühafizə nəfərinin
kəmərindən xəncəri qapıb öz həyatına qəsd elədi.
Yaralanmış Buğday səhnəyə daxil olur.
III oxucu (Buğday): Alın yazım belə imiş ata, keç günahımdan, bağışla məni.
Babək dizi üstə yerə yıxılır, Buğdayın başını qaldırıb dizləri üstə alır...
I Aparıcı:
Bəli, Babəklə başlanmayıb Babəklə qurtarmayacaq əbədi
Azadlıq dastanının bir səhifəsini də Ənvər Məmmədxanlı
qələmə aldı. İstər “Leyli və Məcnun”, istərsə də “Xürrəmilərin
ağ şahini” hər şeydən əvvəl Azərbaycan tarixinin və xalq poetik
yaradıcılığının qaynaqları əsasında yaradılmış bitkin bədii
əsərlərdir. Ənvər Məmmədxanlının əsərlərində romantika, dil,
poetik ruh oxucuda belə bir təsəvvür yaradır:
Onun əsərlərini birər-birər oxuduqca qələminin qüdrətinə,
şeiriyyətinə vurulursan. Sonra İnsanlığının, Şəxsiyyətinin,
Vüqarının
vurğunu
olursan.
Ənvər
Məmmədxanlının
əsərlərindəki romantika, dil, poetik ruh oxucunu heyran edir.
II Aparıcı:
Onun əsərlərində işlətdiyi qiymətli sözlər dillərdə gəzir,
ürəklərin başında yuva qurur. Onun söz dünyası sirli-sehrli,
çoxlarına əlçatmaz görünən cazibəli, füsunkar bir aləm idi.
Həqiqətən Ənvər Məmmədxanlı nəsrimizin xan çinarıdır. Bəli
Ənvər Məmmədxanlı yüksək intellekti, zövqü, mədəniyyəti ilə
gəncliyimizin idealı idi. Ənvər Məmmədxanlı nə yazdısa yaxşı
23
yazdı, vicdanla yazdı. O, həm sənətkar, həm şəxsiyyət kimi
nadir, təkrarsız və müqayisəolunmaz idi.
I Aparıcı:
Ənvər Məmmədxanlı ədəbiyyatımızın tarixinə unudulmaz nasir,
dramaturq, klassik hekayə ustadı, uzunömürlü kino-ssenarilər
müəllifi, orijinal tərcüməçi kimi daxil olmuşdur. Ənvər
Məmmədxanlı elə bil nağıllar aləmindən gəlmişdi bu dünyaya.
Azərbaycan
ədəbiyyatının
böyük
dəryasında
Ənvər
Məmmədxanlının öz adası var. Bu möcüzələr adası ilə
görüşmək, orada dalğaların özünəməxsus şırıltısı, quşların
özünəməxsus nəğmələri, çiçəklərin özünəməxsus rəngi və
rayihəsi ilə tanış olmaq istəyən gərəkdir ki, ədibin əsərlərini
oxusun. Ənvər Məmmədxanlı Azərbaycan ədəbiyyatının yeni
fikir və söz zadəganı idi. Yazıçının söz dünyası sirri-sehirli,
cazibəli və çoxlarına əlçatmaz görünürdü. Bu elə bir sirr idi ki,
o ölümündən sonra da xatırlanır, yada düşür, Ənvər
Məmmədxanlının adı gələndə gözlər yaşarır. Görkəmli sənətkar
qüdrətli qələm ustası, həssas insan Ənvər Məmmədxanlının
işıqlı xatirəsi həmişə qəlbimizdə yaşayacaqdır.
Sözümü yazıçı, dramaturq Nahid Hacızadənin sözləri ilə
bitirmək istəyirəm:
Ey böyük şəxsiyyət əsərlərin yaşadıqca
Dayanmaz, dayanmaz karvanın sənin!...
S O N
24
İstifadə olunan ədəbiyyat siyahısı:
1.
Məmmədxanlı Ənvər. Seçilmiş əsərləri. B.: Avrasiya Perss, 2005.- 416s.
2.
Məmmədxanlı Ənvər. Seçilmiş əsərləri. İki cilddə. I cild.- B.: Yazıçı,1985.-
292s.
3.
Anar. Həyatım ağrıyır // Anar. Şəhidlər dağı.- B.: Gənclik,1995.- Səh.245-
299.
4.
Nahid Hacızadə. Dayanmaz karvanın sənin // B.: Araz nəşriyyatı, 2008.-
Səh. 241-252.
Dostları ilə paylaş: |