8
Dissertasiyanın strukturu və həcmi. Dissertasiya 142 standart kompüter səhifə-
sində yazılmış, 15 cədvəl və 28 şəkillə illüstrasiya olunmuşdur. O, giriş, ədəbiyyat ic-
malı, tədqiqat metodlarına dair fəsil, şəxsi tədqiqatlardan ibarət 3 fəsil, yekun, nəticə-
lər, praktik tövsiyələr və ədəbiyyat siyahısından ibarətdir. Ədəbiyyat siyahısı 288
mənbəni (47 - vətən, 241 - əcnəbi) əhatə etmişdir.
Publikasiya. Dissertasiya materialları əsasında 5 elmi məqalə (onlardan 1-i xaric-
də) və 4 elmi tezis (onlardan 1-i xaricdə) dərc edilmişdir.
9
FƏSİL I
QARIN DİVARININ YIRTIQLARININ CƏRRAHİYYƏSİNİN
MÜASİR VƏZİYYƏTİ (ƏDƏBİYYAT İCMALI)
Qarının ön divarının birincili, residiv və postoperasion yırtıqlarının yüksək rast-
gəlmə tezliyi cərrahları və praktik səhiyyənin rəhbərlərini daim narahat edən mühüm
problemlərdəndir. Yırtıqlar böyük ölçülərə çatana və ya cərrahi ağırlaşmalar (boğul-
ma, kəskin bağırsaq keşməzliyi, kəskin peritonit) inkişaf edənə qədər əhalinin müəy-
yən hissəsinin həkimə müraciət etməməsi səbəbindən onların yayılması səviyyəsini
dəqiqləşdirmək mümkün olmamışdır [3, 22, 137, 194]. Statistik ədəbiyyat məlumat-
ları əsas etibarı ilə cərrahi müalicə üçün poliklinikalara və stasionarlara müraciət et-
miş xəstələrin sayına görə hesablanmışdır [25, 155, 178, 205]. Ona görə də ədəbiyyat
qaynaqlarının məlumatları bir-birinə çox yaxındır, və şübhəsiz ki, reallığı tam əks
etdirmir [37, 66, 138, 187].
Qarının ön divarının yırtıqları dünyanın kişi əhalisinin 6-7%, qadın əhalisinin
2,5-3,0%-ni əhatə edir və təxminən 510-570 milyon insanda rast gəlir [85, 176, 192,
223]. Hər 10000 insandan 50-i yırtıqgəzdiricidir. Stasionara müraciət etmiş (daxil ol-
muş) yırtıqgəzdiricilər arasında heç şübhəsiz ilk yer qasıq yırtıqlarına məxsusdur.
Yırtıqların bu lokalizasiyası qarın divarının ventral yırtıqlarının 70-75%-ni təşkil edir
[39]. Sonrakı yerlər göbək (12-15%), ağ xətt (6-8%), bud (3-5%) və az rast gələn yır-
tıqlara (0,1-0,3%) məxsusdur [39, 116, 175, 199]. Sonuncu lokalizasiyalı yırtıqların
ağırlaşmalarsız formaları klinik praktikada adətən müşahidə olunmur.
Cərrahi stasionarlarda yerinə yetirilən bütün əməliyyatların 25%-i yırtıqlarla əla-
qədardır və onların 35%-i boğulmalarla bağlı təcili surətdə cərrahi əməliyyat olunur.
2000-ci ildə ABŞ-da 2,5 milyon, Avropada 1 milyon yırtıq plastikası icra edilmişdir.
Hər il Rusiyada 200 mindən, Ukraynada 20 mindən artıq yırtıq əməliyyatları yerinə
yetirilir [59, 76, 131]. Bu əməliyyatlardan sonra 5-40% [128, 189, 191, 203], ixtisas-
laşmış hernioloji mərkəzlərdə isə 1-5% hadisələrdə residivlər baş verir [107, 169,
173, 198]. Konkret olaraq, ixtisaslaşmış Chouldice klinikasında (Kanada, Toronto)
10
6000 plasikadan sonra 0,6% hadisələrdə residiv inkişaf etmişdir [164]. Schumpelick-
ə görə (1968) qasıq yırtıqlarının plastikası əməliyyatlarından sonra Almaniyada hər il
10% residiv meydana çıxır və bu səbəbdən 10000 cərrahi əməliyyat yerinə yetirilir
[125, 137, 140, 177]. Bu ölkənin statistik bürosunun və bəzi müəlliflərin [122, 182]
məlumatlarına görə qasıq yırtıqlarına görə aparılmış əməliyyatların 11,4-22,3%-i re-
sidivlərin payına düşür. ABŞ-da residiv göstəriciləri 10-15%-dir və bu xəstələrin tək-
rar cərrahi müalicəsinə 1 ildə 28 milyon dollardan artıq vəsait xərclənir. Rusiyada
ənənəvi hernioplastika əməliyyatlarından sonra 2-20%, təkrar əməliyyatlardan sonra
35-40% xəstələrdə residiv baş verir [56, 63, 86, 98].
Mövcud plastika üsullarının və onların modifikasiyalarının çoxluğu (ədəbiyyat
məlumatlarına görə 300-dən 600-ə qədər) [37, 67, 68, 92], hər il onlarla yeni plasti-ka
üsullarının, mövcud üsulların təkmilləşdirilmiş modifikasiyalarının hazırlanması və
ayrı-ayrı klinikaların cərrahi əməliyyatlarının siyahısına düşməsi qarının ön divarı-
nın yırtıqlarının cərrahi müalicəsi probleminin qapanmamasının başlıca göstəricisidir.
Qarın divarında zəif nöqtələrin – “axilles dabanlarının” mövcudluğu və onların cərra-
hi bərkidilməsinin standartlaşdırılmış universal metodikasının işlənilməsinin müm-
künsüzlüyü problemin daimiliyini bir daha təsdiq edir.
1.1.
Qarın divarının yırtıqlarının və onların residivlərinin etiopatogenezi
Yırtıqların lokalizasiyasından, seçilmiş plastika üsulunun uyğunsuzluğundan,
cərrahi əməliyyat texnikasının səviyyəsindən, cərrahi əməliyyat(lar)dan sonra xəstə-
lərin həyat tərzinin, qidalanma və iş rejiminin dəyişməməsindən (daha da ağırlaşma-
sından) və bir çox digər amillərdən asılı olaraq birincili yırtıqların plastikasından son-
ra təkrar yırtıq əmələgəlmə səviyyəsi olduqca yüksəkdir, 15%-dən 25%-ə qədər hü-
dudlarında dəyişir [9, 31, 40, 113, 202].
Təəcüblüdür ki, keçən əsrin ilk illərinin ədəbiyyat məlumatları 100 il kecdikdən
sonra da demək olar ki, yaxşılığa doğru az dəyişmişdir. Belə ki, məlumatlara görə
yırtıqların plastikası əməliyyatlarından sonra residivlərin rastgəlmə tezliyi 10-12%
təşkil etmişdir. Sonuncu onilliyin ədəbiyyat məlumatlarına görə isə residivvermə tez-
Dostları ilə paylaş: |