214
5.3.3. Fənn kurikulumlarında məzmun standartları
Kurikulumlarda ilkin olaraq təlimin məzmunu öz əksini tapır və ənənəvi
proqramlardan fərqli olaraq, nəticələr formasında verilir, şagirdlərin yiyələnəcəkləri
bilik və fəaliyyəti konkret ifadə etməklə şəffaf xarakter daşıyır. Mahiyyət etibarilə
bacarıqlardan ibarət olan bu nəticələr minimum tələb kimi təsdiq olunduğundan həm
də standart hesab edilir.
Azərbaycanda təhsil standartlarının formalaşması ilə bağlı təşəbbüslər ötən
əsrin 90-cı illərinə təsadüf edir. Ulu öndər Heydər Əliyevin rəhbərliyi ilə hazırlanaraq,
1995-ci ildə qəbul olunmuş Azərbaycan Respublikasının Konstitusiyasında minimum
təhsil standartları müəyyənləşdirilməsi qərara alındı.
Konsitusiyasının tələbinin həyata keçirilməsi istiqamətinə görülən tədbirlərdən
biri
kimi,
Azərbaycan
hökuməti tərəfindən 1999-cu ildə “Azərbaycan
Respublikasında ümumi orta təhsilin dövlət standartları” təsdiq edildi. Sonralar
islahatın gedişi prosesində təhsil standartlarının hazırlanması sahəsində inkişaf etmiş
ölkələrin təcrübəsi öyrənildi və 2005-ci ildən etibarən kurikulum islahatı çərçivəsində
yeni təhsil standartlarının hazırlanılmasına başlanıldı.
Hazırda təlimin məzmununu ifadə edən bu standartlar kurikulumlarda verilərək,
onların əsasını təşkil etməklə, mühüm əhəmiyyət daşıyır.
Məzmun standartları mahiyyət etibarilə nəticə şəklində olub, özündə konkret
mənimsəniləcək biliyi və fəaliyyəti ehtiva (əks) edir. Bilik komponentində nəyin
öyrədiləcəyi, fəaliyyət komponentində isə necə nümayiş etdiriləcəyi göstərilir.
Fənn kurikulumlarında fənnin məzmunu standartlar şəklində ifadə olunur.
Məzmun standartları şagirdlərdən gözlənilən ümumi təlim nəticələrini fənnin
imkanları baxımından xüsusiləşdirir. Hər bir standart iki mühüm komponentdən
ibarətdir: məzmun (bilik) və fəaliyyət (bacarıq). Standartlar öyrədiləcək məzmundan
xəbər verir və bacarığın xüsusiyyətini göstərir. Hər bir standart alt-standartlarla
215
müşayiət edilir. Bu, bir neçə məqsədə nail olmağa imkan verir. Tədqiqatçılar alt-
standartları aşağıdakı kimi səciyyələndirirlər:
1. Alt-standartlarda mürəkkəb fikirlər daha sadə fikirlərə bölünür.
2. Alt-standartlar təlim məqsədlərinin müəyyən olunması üçün zəmin olan
komponentləri əks etdirir.
3. Sinifdən-sinfə keçdikcə alt-standartlar dəyişir.
Bu xüsusiyyətlərin hər birini daha ətraflı nəzərdən keçirək.
Alt-standartlarda mürəkkəb fikirlər daha sadə fikirlərə bölünür.
Milli Kurikulumda müəyyən edilmiş ümumi təlim nəticələri fənnin səciyyəvi
cəhətlərindən çıxış edərək xüsusiləşdirilsə də, ayrı-ayrı mövzuların təlim
məqsədlərinin müəyyənləşməsi üçün onların ümumiliyi qorunub saxlanılır. Bu
ümumilik müxtəlif təlim məqsədlərinə nail olunarkən həmin standartlara dönə-dönə
müraciət etmək imkanını genişləndirir. Təhsilin hər hansı mərhələsinin sonu üçün
müəyyənləşmiş məzmun standartı müxtəlif mövzuların tədrisi zamanı təlim prosesinin
hədəfinə çevrilir.
Ümumiliyin qorunub saxlanması məzmun standartlarında fikir mürəkkəbliyi
yaradır. Bu mürəkkəbliyə alt-standartlarda aydınlıq gətirilir. Mürəkkəb fikrin sadə
fikirlərə bölünməsi müəllim fəaliyyətinin düzgün təşkilinə şərait yaradır.
Alt-standartlar məzmun komponenti üzrə sadələşdirildiyi kimi, fəaliyyət
komponenti üzrə də aydınlaşdırılır. Məzmun standartında fəaliyyət “nümayiş
etdirmək” feili ilə ifadə edilmişdir. Alt-standartlarda nümayiş etdirməyin monoloji və
dialoji nitq imkanları göstərilir. Yəni şagird nitq bacarıqlarını nümayiş etdirmək üçün
müxtəlif mövzularda, müxtəlif nitq etiketlərinə riayət edərək həm monoloq, həm də
dialoq şəraitində danışmalıdır.
Alt-standartlar təlim məqsədlərinin müəyyən olunması üçün zəmin olan
komponentləri əks etdirir.
Standartlarda öz əksini tapan məzmun və fəaliyyət alt-standartlarda məzmun
üzrə biliyin kateqoriyaları, fəaliyyət üzrə bacarığın xüsusiyyətləri baxımından
216
konkretləşdirilir ki, bunlar da təlim məqsədlərinin müəyyən olunmasına şərait yaradır.
Deyilənləri sxem şəklində aşağıdakı kimi göstərmək olar:
Standart: məzmun (şagird nəyi bilir?), biliyin kateqoriyaları (deklorativ,
prosedural, kontekstual).
Standart: fəaliyyət (biliyi necə nümayiş etdirir?), bacarığın xüsusiyyətləri
(idraki-koqnutiv, affektiv-emosional, psixomotor-hərəki).
5.3.4. Biliyin kateqoriyaları və fəaliyyətin xüsusiyyələri.
Tədqiqatçılar biliyin üç kateqoriyasını müəyyən etmişlər: deklorativ,
prosedural və kontekstual .
• Deklorativ bilik hər hansı bir anlayışın dərk edilməsi kimi qəbul edilə bilər.
Bu bilik növü verilən fənlə bağlı mühüm informasiyalar kimi dəyərləndirilir.
Mütəxəssislər
deklorativ
biliyi
Amerika
psixoloqu
Benjamin
Blumun
taksonomiyasında altı mərhələnin ən aşağı iki mərhələsi olan bilmə və anlama ilə də
əlaqələndirirlər. Deklorativ bilik yaddaşa əsaslanır. Bunlar fənlərə aid bütün mühüm
terminlər, ifadələr, təriflərdir ki, şagirdlərin onları bilməsi təlimin sonrakı
STANDART
Məzmun
Şagird nəyi bilir?
Fəaliyyət
Bildiyini necə nümayiş etdirir?
Deklorativ
Prosedural
Kontekstual
Biliyin kateqoriyaları
Bacarığın xüsusiyyətləri
İdraki (koqnitiv)
Affektiv (emosional)
Psixomotor (hərəki)
Dostları ilə paylaş: |