Azərbaycan respublikasi təHSİl naziRLİYİ azərbaycan döVLƏt pedaqoji universiteti
Yüklə 5,01 Kb. Pdf görüntüsü
|
- Bu səhifədəki naviqasiya:
- RƏSMİ SƏNƏDLƏR Təhsildə İKT
- 1.5. Tədbirlər Proqramının maliyyə təminatı
- 1.6. Gözlənilən nəticələr
- TƏHSİLİN İNFORMATLAŞMASININ NƏZƏRİ VƏ METODOLOJİ ƏSASLARI Təhsildə İKT
RƏSMİ SƏNƏDLƏR Təhsildə İKT 8 Burada orta ixtisas təhsili müəssisələrinin maliyyələşdirilməsinin yalnız dövlət büdcəsindən deyil, təhsil alan subyektlərin maliyyəsi hesabına həyata keçirilməsi, təhsil xidmətlərinin sahələrini genişləndirməklə, alternativ maliyyələşmə mənbələrinin formalaşdırılması sisteminin yaradılması nəzərdə tutulur. 1.5. Tədbirlər Proqramının maliyyə təminatı Proqramın dövlət orta ixtisas müəssisələri üzrə maliyyə təminatını dövlət büdcəsinin mərkəzləşdirilmiş xərclərində Təhsil Nazirliyinin xərclər smetasında nəzərdə tutulmuş vəsaitlər və Azərbaycan Respublikasının qanunvericiliyinə zidd olmayan digər mənbələr təşkil edir. 1.6. Gözlənilən nəticələr Proqramın reallaşması aşağıdakı nəticələri əldə etməyə imkan verəcəkdir: - orta ixtisas təhsilində dövlət təhsil standartları ilə müəyyənləşdirilən keyfiyyətlərin əldə olunması; - məzunların əmək bazarında rəqabət qabiliyyətinin və peşə çevikliyinin yüksəldilməsi; - orta ixtisas təhsili müəssisələrinin şəbəkəsinin optimallaşdırılması; - şəxsiyyətin tərbiyəsində, onun yaradıcılıq fəallığında orta ixtisas təhsili müəssisələrinin rolunun artması; - şəxsiyyətin təhsilə və peşəyə olan marağının artması; - əmək bazarının ehtiyacları ilə mütəxəssis hazırlığının aparılmasında uyğunluğun əldə olunması; - orta ixtisas təhsili müəssisələrində mütəxəssis hazırlığı strukturunun onun yerləşdiyi regionun tələbatı ilə uyğunlaşdırılması; - orta ixtisas təhsili müəssisələri tərəfindən əhaliyə göstərilən təhsil xidmətlərinin genişləndirilməsi; - orta ixtisas təhsilində dövlət ictimai idarəetmə sisteminin yaradılması; - orta ixtisas təhsili sisteminin istehsal və xidmət sahələri ilə əlaqəsinin möhkəmləndirilməsi, sosial tərəfdaşlıq subyektləri arasında əməkdaşlığın səmərəliliyinin yüksəldilməsi; - təhsil prosesinin təminatının, təhsil alanların və işçilərin sosial müdafiəsinin, tədris müəssisələrinin maddi-texniki bazasının inkişafı üçün orta ixtisas təhsili müəssisələrinin maliyyələşdirmə imkanlarının genişləndirilməsi; - orta ixtisas təhsili müəssisələri müəllim və rəhbər işçilərinin peşəkarlıq səviyyəsinin yüksəldilməsi məqsədi ilə orta ixtisas təhsilli kadrların ixtisaslarının artırılması və yenidən hazırlanması sisteminin təkmilləşdirilməsi; RƏSMİ SƏNƏDLƏR Təhsildə İKT 9 - dövlət təhsil standartlarının tələblərinə uyğun olaraq yeni nəsil dərsliklərin, tədris-metodik ədəbiyyatın və təlim vasitələrinin yaradılması; - tədris prosesində informasiya sistemlərindən və texnologiyalarından, telekommunikasiya şəbəkələrindən istifadənin inkişaf etdirilməsi; - orta ixtisas təhsili sahəsində beynəlxalq əməkdaşlığın genişləndirilməsi; - beynəlxalq standartlara uyğun mütəxəssislərin hazırlanması. TƏHSİLİN İNFORMATLAŞMASININ NƏZƏRİ VƏ METODOLOJİ ƏSASLARI Təhsildə İKT 10 İNSANLARIN İNFORMASİYA CƏMİYYƏTİNƏ HAZIRLIĞI VƏ ONLARDA İNFORMASİYA MƏDƏNİYYƏTİNİN FORMALAŞDIRILMASININ BƏZİ ASPEKTLƏRI R.M. Əliquliyev AMEA-nın müxbir üzvü, professor AMEA İnformasiya Texnologiyaları İnstitutu R.Ş. Mahmudova AMEA İnformasiya Texnologiyaları İnstitutu XÜLASƏ Məqalədə informasiya cəmiyyəti şəraitində yaşayıb fəaliyyət göstərmək üçün insanın hazırlıq səviyyəsi ilə bağlı məsələlər araşdırılmışdır. Eyni zamanda, bu cəmiyyətin yaratdığı imkanlardan istifadə etmək üçün insanların lazımi bilik və bacarıqlarının olmaması ilə bağlı meydana çıxan problemlər və beynəlxalq aləmdə bu problemlərin həlli istiqamətində görülən işlər öz əksini tapmışdır. Bir sıra inkişaf etmiş ölkələrdə təhsil alanlar üçün lazımi bilik və bacarıqları müəyyən edən mövcud standartlar tədqiq edilmiş, şəxsiyyətin informasiya mədəniyyətinin formalaşdırılmasının vacibliyi əsaslandırılmışdır. Məqalədə həmçinin informasiya mədəniyyətinin formalaşdırılmasının bəzi aspektlərinə aydınlıq gətirilmişdir. GİRİŞ Vaxtilə müxtəlif elm sahələrini təmsil edən alimlərin, mütəfəkkirlərin təsvir etdikləri, görmək istədikləri informasiya cəmiyyəti artıq reallığa çevrilib. Sivilizasiyanın inkişafının növbəti mərhələsi olan bu cəmiyyətin əsas fəlsəfəsi milli mənsubiyyətindən, dinindən, fiziki imkanlarından, sosial durumundan və yaşından asılı olmayaraq bütün insanlar üçün istənilən anda və istənilən yerdən lazımi informasiya və bilik əldə etmək imkanlarının yaradılmasıdır. Göründüyü kimi, artıq hər kəs üçün informasiya və biliklərin əlyetərliyinin təmin olunması üçün texnoloji vasitələr meydana çıxmışdır. Radio və televiziya kimi, ənənəvi, həmçinin internet kimi yeni informasiya vasitələrinin mövcudluğu planetin hər bir sakininin həyatda ona lazım olan informasiyaya sərbəst çıxışının təmin edilməsinə şərait yaradır. Bu hüquqların təmin edilməsi üçün təhsil, iqtisadiyyat və s. sahələrdə müvafiq problemlərin həll edilməsi tələb olunur. TƏHSİLİN İNFORMATLAŞMASININ NƏZƏRİ VƏ METODOLOJİ ƏSASLARI Təhsildə İKT 11 İnformasiya cəmiyyətində insanın hazırlıq səviyyəsinə dair tələblər Təcrübə göstərir ki, bu yeni cəmiyyətin formalaşması və intensiv inkişafı, insanların buna uyğun informasiya hazırlığı olmadan mümkün deyil. İnsanların müasir cəmiyyətin yaşayış tərzinə uyğunlaşması onların informasiyanın əldə edilməsi, emalı, təhlili və yayılması sahəsindəki bilik və bacarıqları ilə birbaşa bağlıdır. Müasir cəmiyyətin xüsusiyyəti belədir ki, istənilən növ fəaliyyətin səmərəliliyi çox vaxt onun informasiya təminatının səviyyəsindən asılı olur. Bunun mahiyyəti ondan ibarətdir ki, hansı sahədə işləməsindən asılı olmayaraq hər kəs mütləq informasiya texnologiyaları sahəsində müəyyən biliklərə və vərdişlərə yiyələnməlidir. Ona görə də, məzunlarda öz ixtisasına dair professional keyfiyyətlərlə yanaşı, yeni texnologiyalar, eyni zamanda, informasiya, onun mahiyyəti, xüsusiyyətləri, emalı və yeni növ informasiya yaratma üsulları, müasir informasiya mədəniyyəti və onun xüsusiyyətləri haqqında biliklər aşılanmalıdır [1]. Əvvəllər insanın malik olduğu bacarıq və vərdişlər, yiyələndiyi hər hansı bir ixtisas ömrü boyu onun üçün yetərli idi. İKT əsrində isə o, öz bilik və bacarıqlarını, yeni texnologiyaların inkişaf sürətinə uyğun şəkildə dəyişməyə, yeni bilik və bacarıqlar əldə etməyə hazır olmalıdır. Əvvəlki cəmiyyətə xas olan hər hansı bir işi bacarmaq, nə isə istehsal etmək qabiliyyəti hazırkı dövr üçün yetərli deyil [2]. Yeni yaranan cəmiyyətin özünəməxsus yeni tip iqtisadiyyatı formalaşır və bu iqtisadiyyat informasiyalaşdırma vasitələrinin istehsalını, həmçinin informasiya məhsullarını, xidmətlərini və informasiya bazarını özündə birləşdirir. İnformasiya iqtisadiyyatı adlanan bu iqtisadiyyat bir sıra fərqli xüsusiyyətlərə malikdir. İnformasiya sənayesi, informasiya məhsulları və xidmətləri həddən artıq elmi tutumludur. Ona görə də daxili və xarici bazarda onların keyfiyyəti və rəqabətədavamlılığı bu və ya digər ölkənin texnoloji inkişaf və yeni informasiya texnologiyalarından istifadə səviyyəsindən əhəmiyyətli dərəcədə asılıdır. Eyni zamanda, informasiya iqtisadiyyatının məhsulları iqtisadiyyatın digər sahələrinin – sənaye, tikinti, nəqliyyat və s. inkişafı üçün əsas faktora çevrilir. İnformasiya iqtisadiyyatının inkişafı əhalinin məşğulluğunun yeni strukturunu yaradır, fərdi əməyin və yaradıcılığın yeni formalarının inkişafını tələb edir. Bu gün sistemli təfəkkürə malik olmaq, eksperimentə, əməkdaşlığa hazır olmaq - peşəkarlığı dəyərləndirən başlıca keyfiyyətlərdir. Hansı sahədə işləməsindən asılı olmayaraq, problemləri aşkara çıxarmağı və həll etməyi bacaran, strateji təfəkkürə malik insanlar lazımdır [2,3]. Yüklə 5,01 Kb. Dostları ilə paylaş:
|