METODİKA VƏ TƏCRÜBƏ
Təhsildə İKT
44
Məməlilər haqqında da yeni dərsliklərdə məlumatlar çox azdır. Burada
məməlilərin insan həyatında rolu, əhəmiyyəti, məməlilərin müxtəlifliyi,
yayılması növləri yaşadığı mühit haqqında məlumatlar demək olar ki,
verilməyib.Köhnə, dərsliklərdə isə əksinə yaranma tarixindən bu günə qədər hər
şey qeyd edilib. Məsələn, Kisəli məməlilər və ilk məməlilər-kisəli məməlilər
Avstraliyada geniş yayılmışdır. İlk məməlilər Avstraliya və Yeni Qvineyada
yayılıb. Ali məməlilər isə 17 dəstə və 5000-ə qədər növü qeydə alınıb.
Azərbaycanda 7 dəstə, 97 növ yaşayır.Cücüyeyən məməlilərdən Azərbaycanda
adi və yekə qulaq kirpi geniş yayılmışdır. Onların yalnız 3 növü “Qırmızı
kitab”a daxil edilmişdir.Promakimilər Asiya, Afrika, Amerikanın tropik və
subtropik ərazilərində yaşayır. Dovşankimilərdən Azərbaycanda boz dovşan,
Xəzər dənizi adalarında isə ada dovşanları yaşayır.
Azərbaycanda siçankimilərin çoxlu növləri yayılmışdır. Demək olar ki,
siçankimilər yer kürəsinin hər yerində yaşayırlar. Antraktidada leminqlər, tayqa
zonasında çöl siçanları, sincablar enliyarpaq meşələrdə süleysin, səhrada qum
siçanı, ərəbdovşanı və s. rast gəlinir. Sincablar və qunduzlar Cənubi Amerika və
Azərbaycanda geniş yayılmışdır.
Balinakimilərin və suitikimilərin bəzi növləri Xəzər dənizində yaşayır
və adı “Qırmızı kitab”a daxil edilmişdir. Yırtıcı məməlilərdən ağ ayı şimal
buzlu okeanda, boz ayı isə meşələrdə yaşayır. Pişiklər fəsiləsinin nümayəndələri
Azərbaycanda yaşayır və yalnız şir və hepardın nəsli kəsilmişdir. Avropa və
Asiyada isə yırtıcı məməlilərin 20 növünün boz ayı, zolaqlı kaftar, çöl pişiyi və
s. adı “Qırmızı kitab”a düşmüşdür. Xortumlukimilər isə Asiyada, Afrikada
yayılmışdır.
Tək və cütdırnaqlılardan Azərbaycan faunasına maral və cüyür daxildir.
Maral hal-hazırda böyük Qafqaz dağlarının İsmayıllıdan Balakənə qədər
ərazidə yayılıb. Cüyür Azərbaycanın dağ meşələrində yayılmışdır. Xallı maral
isə Lənkəran meşələrində yayılıb. Ceyran və Şirvan qoruğunda
məskunlaşmışdır. Qoruq və yasaqlıqlar haqqında bunları deyə bilərik. Zaqatala
qoruğunda nəcib maral, cüyür, tur və s. yayılmışdır. Şirvan qoruğunda 200 baş
ceyran vardır. Laçın yasaqlığı dağ keçisi, çöl donuzu, cüyür və s. qorunur.
Ordubad yasaqlığında muflon, dağ keçisi, bəbir və s. qorunur.
Yuxarıda verdiyimiz məlumatların heç biri yeni dəsliklərdə öz əksini
tapmayıb. Kurikulum proqramı əsasında tərtib olunan dərsliklərdə mövzuların
qısadılması şagirdlərin mövzuların mənimsəməsinə mənfi təsir göstərir. Ona
görə ki, uyğun mövzularda tədrisi nəzərdə tutulan bir sıra məlumatlar tədqiqat
tapşırıqları şəklində verilir və onların yerinə yetirilməsi üçün mənbələr
METODİKA VƏ TƏCRÜBƏ
Təhsildə İKT
45
göstərilir. Bu mənbələrin bir qismi kiril əlifbası ilə, bəziləri xarici dillərdə
(ingilis, rus və s.) verildiyinə görə şagirdlər mövzunun tam mənimsənilməsində
çətinlik çəkirlər. Eyni zamanda yerli faunanın öyrədilməsi də müəllimlərdən
xüsusi yanaşma tərzi tələb edir. Ona görə ki, mövcud dərsliklərdə yerli fauna
haqqında məlumatlar epizodik şəkildə verilir və onların öyrədilməsi
müəllimlərə dərsdənkənar və sinifdənkənar məşğələlərdə mövcud imkanlardan
səmərəli istifadə etmək zərurəti yaradır.
Biologiyanın tədrisində Azərbaycan faunasının öyrədilməsində İKT-nin
rolu da böyükdür. İKT-nin tətbiqi şagirdlərə yaşadığı ərazinin flora və faunasını
öyrətməyə, müşahidə etməyə və biologiya müəllimlərinin rəhbərliyi ilə təbiətin
kiçik tədqiqatçılarına çevrilməyə imkan yaradır.
Azərbaycan faunasının öyrədilməsi üzrə dərsliklərin və dərs
vəsaitlərinin imkanlarının təhlili, nadir və nəsli kəsilməkdə olan növlərin
qorunmasının yolları, biologiyanın tədrisində yerli faunanın fəal təlim
metodları ilə öyrədilməsi, İKT-nin tədrisin təşkilində tətbiqi geniş imkanlar
yaradır.
Dərslərin müşaiyəti üçün elektron didaktik nümayiş materialları –
özündə aparat vasitələrinin köməyilə nümayiş olunan və instrumental proqram
vasitələrinin köməyilə hazırlanan, mühazirələrin aparılması üçün olan elektron
materialları təsvir edir.
Elektron didaktik nümayiş materialları Respublikanın bütün
ərazisində, o cümlədən Xəzər dənizinin Azərbaycan Respublikasına mənsub
olan sektorunda heyvan və bitki növlərinin vəziyyəti, yayılması və mühafizəsi
tədbirləri haqqında məlumatları özündə əks etdirir.
İstifadə olunan ədəbiyyat:
1.
Azərbaycan Respublikasının ümumtəhsil məktəbləri üçün biologiya fənni üzrə
təhsil proqramı (kurikulumu), (6-11-ci siniflər), Bakı, 2013.
2.
Seyidli Y., Quliyev Q, Əhmədbəyli X., Zoologiya, Ümumtəhsil məktəblərinin 7-
8-ci sinifləri üçün vəsait. Bakı nəşr 2012, 320 s.
3.
Seyidli Y., Əhmədbəyli X., Əliyeva N. Biologiya-6. Ümumtəhsil məktəblərinin
6-cı sinfi üçün dərslik. Bakı, 2013, 160 s.
4.
Seyidli Y., Əhmədbəyli X., Əliyeva N. Biologiya-7. Ümumtəhsil məktəblərinin
7-cı sinfi üçün dərslik. Bakı, 2014, 144 s.
5.
İnternet resursları.
Dostları ilə paylaş: |